Fréttablaðið - 01.10.2008, Blaðsíða 6
6 1. október 2008 MIÐVIKUDAGUR
Kristín er ósátt við að Hafnarfjarðarbær skuli ekki
niðurgreiða íþróttaiðkun barna utan bæjarfélags-
ins. „Hafnarfjörður talar um að íþróttaiðkun sé
forvarnastarf en aðeins ef þú stundar íþróttir innan
bæjarfélagsins,“ skrifar hún. „Er Hafnarfjarðarbær
þá að styrkja unga íþróttamenn eða íþróttafélög í
Hafnarfirði? Bæjarfélögin í kring um Hafnarfjörð
eru ekki með þessa reglu, það er nóg að sýna
kvittun fyrir greiddum íþróttagjöldum og þá færð
þú endurgreitt. Ég sá í blaðinu í dag auglýsingu frá
Actavis þar sem rannsóknir sýna að ein besta
forvörn gegn fíkniefnum er þátttaka í skipulögðu
íþrótta- og æskulýðsstarfi. Ætli bæjarstjórn
Hafnarfjarðar viti þetta? Eða skiptir barnið
kannski ekki neinu máli heldur íþróttafélögin í
bænum?
Ingvar Jónsson, íþróttafulltrúi í Hafnar-
firði, svarar: „Þessar niðurgreiðslur eru
bæði hugsaðar sem stuðningur við bæjarbúa
og einnig við íþróttafélögin í bæjarfélag-
inu. Aðeins er gerður samningur við félög utan
Hafnarfjarðar bjóði þau upp á greinar sem ekki eru
í boði í Hafnarfirði. Sem dæmi erum við með
samning við júdódeild ÍR af því að ekkert félag í
Hafnarfirði býður upp á júdókennslu.“
Óánægja með endurgreiðslu til íþróttaiðkana:
Hafnarfjörður styrkir ekki krakka
sem stunda íþróttir utan bæjarins
STRÁKAR Í FH Væntanlega niðurgreiddir af Hafnarfjarðarbæ.
Tölvu- og skrifborð
á góðu verði
w
w
w
.h
ir
zl
an
.i
s
Smiðsbúð 6 210 Garðabæ Sími 564 5040
kr. 53.900
kr. 45.900
kr. 16.900
kr. 21.900
kr. 16.900
kr. 32.900
kr. 22.900
kr. 25.900
EFNAHAGSMÁL „Veiking krónunnar
er meginorsök verðbólgu undan-
farinna mánaða og greinilegt að
við sjáum ekki fyrir endann á
þessu,“ segir Gylfi Arnbjörnsson,
framkvæmdastjóri Alþýðusam-
bands Íslands.
Gylfi óttast að gengi krónunnar
haldi áfram að falla þó að hrun
hennar hafi nú þegar slegið öll
met. „Við höfum talsverðar
áhyggjur af þessu og það er ljóst
að það stefnir bara í óefni.“ Kaup-
máttur sé á hraðri niðurleið og
fátt virðist til varnar.
Hann óttast að veiking krón-
unnar ýti undir frekari verð-
hækkanir. „Maður fær ekki séð
að fyrirtækin sýni neinn vilja til
að sitja á þessu og þau hafa
kannski ekki stöðu til þess,“ segir
Gylfi.
Guðmundur Marteinsson, fram-
kvæmdastjóri Bónuss, segir
mikinn þrýsting
vera á hækkun
vöruverðs. Rýrn-
un kaupmáttar og
hækkun vöru-
verðs sé hins
vegar ekki góð
blanda. „Það sjá
það allir sem
fylgjast með
fréttum að þetta
er grafalvarlegt
ástand. En maður
lifir í voninni, þetta ástand sé ekki
komið til að vera,“ segir Guð-
mundur.
Árni Ingvarsson, framkvæmda-
stjóri markaðs- og sölusviðs
Íslensks Ameríska, segir gengi
krónunnar vera stóran þátt í verði
á vörum. „Frá því í vor höfum við
haft þann háttinn á að um hádeg-
isbil á föstudögum tökum við
gengi helstu gjaldmiðla sem við
verslum í, metum stöðuna og til-
kynnum verðbreytingar sem öðl-
ast gildi mánudaginn þar á eftir.
Það má því segja að við séum að
vinna með vikulega verðskrá,“
segir Árni.
Hann segir þetta fyrirkomulag
vera viðbrögð þeirra við gengis-
sveiflum undanfarinna vikna.
Breytingarnar eigi bæði við um
hækkanir og lækkanir á verði
vara og miðað sé við ákveðin við-
mörk.
Árni segir að undir eðlilegum
kringumstæðum, þegar gengið sé
stöðugt, tilkynni fyrirtækið um
verðbreytingar með tveggja til
þriggja vikna fyrirvara. „Við
munum breyta þessu til fyrra
horfs um leið og stöðugleiki kemst
á gengið því þetta fljótandi verð
er hvorki okkur né viðskiptavin-
um okkar í hag.“
olav@frettabladid.is
Botninum ekki náð
Framkvæmdastjóri ASÍ óttast að frekara gengisfall krónunnar ýti undir verð-
hækkanir. Framkvæmdastjóri Bónuss segir mikinn þrýsting vera á hækkanir á
verði á vörum. Rýrnun kaupmáttar og hækkun vöruverðs sé ekki góð blanda.
GYLFI
ARNBJÖRNSSON
VERSLUN Stór hluti af neysluvörum Íslendinga er innfluttur og því ljóst að gengishrun krónunnar og hækkandi verðlag hafa veru-
leg áhrif á afkomu heimila í landinu. FRÉTTABLAÐIÐ/ANOTN
DÓMSMÁL Héraðsdómur Reykja-
víkur hefur hafnað kröfu Karls
Georgs Sigurbjörnssonar lög-
manns um að ákæru ríkislögreglu-
stjóra á hendur honum verði vísað
frá dómi.
Karl er ákærður fyrir fjársvik
með því að hafa notfært sér rang-
ar hugmyndir Sigurðar Þórðar-
sonar, þáverandi ríkisendurskoð-
anda, um verðmæti stofnfjárhluta
í Sparisjóði Hafnarfjarðar.
Sigurður seldi hlutina fyrir 50
milljónir en þeir voru síðan seldir
áfram fyrir 90 milljónir. Sigurður
og fjórir aðrir stofnfjáreigendur
krefjast þess að Karl greiði þeim
200 milljóna króna bætur. Karl
segist saklaus enda hafi hann ekki
átt aðild að viðskiptunum heldur
aðeins verið lögmaður kaup-
andans.
Lögmaður Karls, Ragnar H.
Hall, sagði í kröfu um frávísun
málsins að ríkislögreglustjóri
hefði ekki mátt gefa út ákæruna
því hann hefði áframsent málið
til embættis lögreglustjórans á
höfuðborgarsvæðinu. Að auki
væri saksóknarinn í málinu, Helgi
Magnús Gunnarsson, vanhæfur
sökum skyldleika við Sigurð G.
Guðjónsson lögmann sem um
tíma hafði stöðu sakbornings í
málinu. Sigurður og Helgi eru
þremenningar.
Í úrskurði
héraðsdóms
segir að málið
gegn Sigurði
hafi verið fellt
niður hjá lög-
reglustjóra höf-
uðborgarsvæð-
isins áður en
kom til kasta
Helga frænda
hans hjá ríkilög-
reglustjóra. Þá
hafi ríkislögreglustjóri ekki tekið
ákvörðun um útgáfu ákæru í mál-
inu heldur hafi embættinu verið
falið það verk af ríkissaksóknara.
- gar
Dómari segir útgáfu ákæru í sparisjóðsmáli vera í verkahring ríkislögreglustjóra:
Hafna frávísun í fjársvikamáli
KARL GEORG
SIGURBJÖRNSSON
NOREGUR Norskur bóndi rak upp
stór augu nýlega þegar hann sá kú
uppi á þaki á fjárhúsunum sínum.
„Ég varð að nudda á mér augun
mörgum sinnum til að vera viss um
að ég sæi rétt,“ segir bóndinn Kai
Petter Flesjå og telur að kýrin hafi
villst upp á þakið í leit að
ný fæddum kálfi sínum.
Bóndinn telur að kýrin hafi
brotið niður girðingu og tekist að
klöngrast upp á þakið af brekku við
húsið, að sögn NRK. Hann lagði
mikið á sig til að koma kúnni heilu
og höldnu niður á jörðina aftur.
Þakið skemmdist en tryggingafé-
lagið trúði ekki sögunni fyrr en það
sá myndirnar af atburðinum. - ghs
Norsk kýr á villigötum:
Klöngraðist upp
á fjárhúsþakið
KJÖRKASSINN
Sendið umboðsmanni neytenda ábendingar eða sparnaðarráð á neytendur@frettabladid.is
DR. GUNNI neytendur@frettabladid.is
Telur þú að sigur FH í Lands-
bankadeildinni hafi verið
verðskuldaður?
Já 57,5%
Nei 42,5%
SPURNING DAGSINS Í DAG:
Átt þú eða einhver sem þú þekk-
ir hlutabréf í Glitni?
Segðu þína skoðun á visir.is