Fréttablaðið - 08.10.2008, Blaðsíða 27
MARKAÐURINN 7MIÐVIKUDAGUR 8. OKTÓBER 2008
F R É T T I R
„Ég þekki vatnið vel,“ segir Stef-
án Á. Magnússon, nýráðinn fram-
kvæmdastjóri fjármálasviðs Ice-
landic Water Holdings.
Fyrirtækið framleiðir átapp-
að vatn á flöskum í Hlíðarenda
í Ölfusi undir merkjum Iceland-
ic Glacial en bandaríski drykkja-
vörurisinn Anheuser Busch á tut-
tugu prósent í fyrirtækinu.
Fyrirtækið vígði nýtt fram-
leiðsluhúsnæði þar á föstudag en
stefnt er að því að flytja þangað
alla starfsemina hér á landi.
Stefán fer austur fyrir fjall frá
Eimskipafélaginu, en hann var
aðstoðarforstjóri samstæðunnar
og framkvæmdastjóri fjármála-
sviðs í sex ár. Þaðan ákvað hann
að hverfa á braut í maí þegar
Gylfi Magnússon settist í for-
stjórastólinn.
Áður en Stefán
kom til Eimskips
var hann fjár-
málastjóri Þórs-
brunns, sem fram-
leiðir vatn, undir
merkjum Iceland
Spring, til tveggja
ára og má því segja
að hann hafi snúið
aftur til vatnsins. - jab
STEFÁN Á.
MAGNÚSSON
Kominn aftur í vatnið
Seðlabanki Bandaríkjanna til-
kynnti á þriðjudag að hann hygð-
ist kaupa skammtímaskuldabréf
fyrirtækja og að fjármálaráðu-
neytið muni gangast í ábyrgð
gagnvart seðlabankanum fyrir
þessum bréfum. Í tilkynningu
seðlabankans segir að þessi að-
gerð sé „nauðsynleg til að koma
í veg fyrir alvarlegar truflanir
á fjármagnsmörkuðum og efna-
hagslífinu“.
Undanfarið hafa peningamark-
aðs- og hlutabréfasjóðir, ásamt
öðrum fjárfestum, sem vanalega
kaupa skuldabréf fyrirtækja,
kippt að sér höndum sökum láns-
fjárkreppunnar, og mörg banda-
rísk fyrirtæki hafa því ekki getað
tryggt sér skammtímalánsfé, en
skortur á skammtímafjármögnun
sé farinn að ógna afkomu margra
annars tryggra fyrirtækja, þeirra
á meðal General Electric.
Ákvörðun seðlabankans er lýst
sem „róttækri“ tilraun til að koma
hjólum atvinnulífsins af stað, en
þetta er í fyrsta skipti í sögunni
sem seðlabanki Bandaríkjanna
kaupir venjuleg skuldabréf beint
af fyrirtækjum.
Edda Rós Karlsdóttir, yfirmað-
ur greiningardeildar Landsbank-
ans, segir að þetta sé enn eitt
dæmið um hvernig lánsfjárkrepp-
an hafi breytt starfssviði seðla-
banka. „Með þessu er bankinn í
rauninni kominn í hreina útlána-
starfsemi, sem hefur hingað til
verið hlutverk viðskiptabanka. Í
dag eru seðlabankar ekki aðeins
lánveitendur til þrautavara held-
ur eru þeir beinlínis orðnir eini
mögulegi lánveitandinn.“ - msh
Bandaríski seðlabank-
inn kaupir skuldabréf
Robert B. Zoellick, bankastjóri
Alþjóðabankans, sagði á mánu-
dag að ástand heimshagkerfis-
ins væri slíkt að nú þyrfti lítið til
þess að það steyptist í allsherj-
ar efnahagskreppu sem einstaka
ríkisstjórnir myndu eiga erfitt að
koma böndum á.
„Atburðir septembermánaðar
kunna að hafa verið vendipunkt-
urinn fyrir mörg iðnvædd ríki.“
Zoellick spáði því að vaxandi
vandamál kynni að setja af stað
„fjöldagjaldþrot og hugsanlega
frekari bankakreppur“. Zoellick
sagði að fjármálakreppan væri
eitt af alvarlegustu viðfangsefn-
um sem Alþjóðabankinn og Al-
þjóðagjaldeyrissjóðurinn hafa
glímt við. - msh
Óttast heimskreppu
ROBERT ZOELLICK Bankastjóri Alþjóða-
bankans, Robert Zoellick, segist óttast að
heimskreppa muni bitna þyngst á hinum
fátækustu. MARKAÐURINN/AP
enterprise europe
Verðþróun og gengisbreytingar eru þættir sem ráða miklu
um afrakstur af viðskiptum. Flugfrakt er hagkvæmur og
hraðvirkur flutningsmáti sem opnar þér leið til að minnka
viðskiptaáhættu vegna gengisbreytinga.
LÍTIL GENGISÁHÆTTA
MIKIL GENGISÁHÆTTA
BEINT FRAKTFLUG - 24 ÁFANGASTAÐIR
Í EVRÓPU, BANDARÍKJUNUM OG KANADA.
WWW.ICELANDAIRCARGO.IS