Fréttablaðið - 08.10.2008, Blaðsíða 35
MIÐVIKUDAGUR 8. október 2008 19
FÓTBOLTI Keflvíkingar komu flest-
um á óvart í sumar, fyrst með því
að sanna sig sem alvöru fótbolta-
lið sem geti barist um Íslands-
meistaratitilinn og svo með því að
glutra niður átta stiga forskoti á
einni viku og missa af Íslands-
meistaratitlinum á síðustu stundu.
Frammistaða liðsins var þó heilt
yfir frábær í sumar og tveir leik-
manna þess eru áberandi þegar
síðustu sjö umferðir mótsins eru
gerðar upp.
Á reynslu hjá GAIS
Annar miðvarða Keflavíkurliðs-
ins, Hallgrímur Jónasson, er besti
leikmaður síðustu sjö umferða
Landsbankadeildar karla sam-
kvæmt frammistöðumati íþrótta-
blaðamanna Fréttablaðsins.
Frammistaða Húsvíkingsins
vakti ekki bara lukku hjá blaða-
mönnum Fréttablaðsins því þessi
22 ára gamli leikmaður er á leið-
inni til reynslu til sænska liðsins
GAIS auk þess sem heyrst hefur
af áhuga fjölda liða í Landsbanka-
deildinni um að krækja í kappann
fyrir næsta tímabil. Það gæti því
orðið erfitt fyrir Keflvíkinga að
halda þessum efnilega og fjölhæfa
leikmanni sem getur bæði spilað í
vörn og á miðjunni.
Hallgrímur lék sex af sjö leikj-
um Keflavíkur á þessu tímabili,
var með 7,50 í meðaleinkunn og
fékk aldrei lægra en sjö í einkunn.
Hann fékk nánar tiltekið þrjár
áttur og þrjár sjöur og var valinn
besti maður vallarins í 3-0 sigri
Keflavíkur á Grindavík í 18.
umferð. Næstu varnarmenn á list-
anum voru FH-ingurinn Freyr
Bjarnason, Framarinn Auðun
Helgason og Skagamaðurinn
Heimir Einarsson.
Guðmundur bjó mikið til
Guðmundur Steinarsson var
hættulegasti sóknarmaðurinn í
síðustu sjö umferðunum.
Guðmundur Steinarsson úr
Keflavík og Haukur Ingi Guðna-
son úr Fylki eru bestu sóknar-
menn lokahlutans hvað varðar ein-
kunnagjöfina en Guðmundur var
bæði sá leikmaður sem skoraði
flest mörk og lagði upp flest mörk
í síðustu sjö umferðum Lands-
bankadeildarinnar.
Nýkrýndur landsliðsmarkvörð-
ur, Gunnleifur Gunnleifsson úr
HK, varð einn af fimm leikmönn-
um sem skipa annað sætið en hann
er efstur markvarða í einkunna-
gjöfinni en í öðru sæti er Ómar
Jóhannsson, markvörður Kefla-
víkur. Stefán Logi Magnússon,
markvörður KR, var með bestu
hlutfallsmarkvörsluna í þessum
hluta en hinn ungi markmaður
Skagaliðsins, Trausti Sveinbjörns-
son, varði aftur á móti flest skot.
KR-ingurinn Viktor Bjarki Arn-
arsson var með bestu meðalein-
kunnina af miðjumönnum en
skammt á eftir komu þeir Hólmar
Örn Rúnarsson úr Keflavík, Davíð
Þór Viðarsson úr FH, Jónas Guðni
Sævarsson úr KR og Halldór Her-
mann Jónsson úr Fram.
KR með flest stig í lokahlutanum
Bikarmeistarar KR fengu flest
stig út úr lokaumferðunum eða 17
af 21 mögulegu stigi. KR-liðið tap-
aði ekki leik en gerði jafntefli við
Keflavík (2-2) og ÍA (0-0). KR-
ingar lögðu grunninn að þessu
með góðum varnarleik en ekkert
lið fékk á sig færri mörk á loka-
kaflanum.
Valsmenn fengu aðeins átta
mörk á sig í síðustu sjö umferðun-
um en samt fengu aðeins Þróttar-
ar færri stig. Ástæðan liggur í
sóknarleik liðsins því Valsmenn
skoruðu fæst mörk allra liða í
umferðum 16 til 22.
Keflvíkingar voru með bestu
sóknina þegar litið er á marka-
skorun en þeir skoruðu 18 mörk í
leikjunum sjö eða 2,6 að meðaltali
í leik. Keflavíkurliðið skoraði
þannig þremur mörkum fleiri en
næstu lið sem voru Fjölnir og FH.
ooj@frettabladid.is
Hallgrímur bestur á lokasprettinum
Keflvíkingar misstu af Íslandsmeistaratitlinum á síðustu stundu en þeir eiga samt tvo af bestu leikmönn-
um 16. til 22. umferðar Landsbankadeildar karla. Fréttablaðið skoðaði frammistöðuna í lokahluta mótsins.
5 MÖRK OG 5 STOÐSENDINGAR Kefl-
víkingurinn Guðmundur Steinarsson
skoraði flest mörk og átti einnig flestar
stoðsendingar í síðustu sjö umferðun-
um. FRÉTTABLAÐIÐ/AUÐUNN
ALDREI UNDIR SJÖ Keflvíkingurinn Hallgrímur Jónasson átti sex góða leiki á lokakafla
Landsbankadeildar karla. FRÉTTABLAÐIÐ/AUÐUNN
BESTU LEIKMENN 16. TIL
22. UMFERÐAR
1. Hallgrímur Jónasson, Keflav. 7,50
2. Gunnleifur Gunnleifsson, HK 7,00
2. Guðmundur Steinarss., Kef. 7,00
2. Guðjón Baldvinsson, KR 7,00
2. Haukur Ingi Guðnason, Fylki 7,00
2. Freyr Bjarnason, FH 7,00
7. Auðun Helgason, Fram 6,83
7. Sinisa Valdimar Kekic, HK 6,83
9. Viktor Bjarki Arnarsson, KR 6,60
9. Heimir Einarsson, ÍA 6,60
11. Hólmar Örn Rúnarsson, Kef. 6,57
11. Ómar Jóhannsson, Keflavík 6,57
11. Davíð Þór Viðarsson, FH 6,57
11. Jónas Guðni Sævarsson, KR 6,57
11. Halldór H. Jónsson, Fram 6,57
11. Trausti Sigurbjörnsson, ÍA 6,57
11. Ingimundur Óskarss., Fylki 6,57
18. Samuel Lee Tillen, Fram 6,50
18. Guðmundur Sævarsson, FH 6,50
18. Helgi Pétur Magnússon, ÍA 6,50
18. Arnar Gunnlaugsson, ÍA 6,50
Bestu leikmenn hinna hlutanna:
1. til 7. umferð
1. Hólmar Örn Rúnarss., Keflavík 7,00
2. Guðjón Árni Antoníus., Keflav. 6,86
3. Guðmundur Steinarss., Keflav. 6,86
8. til 15. umferð
1. Auðun Helgason, Fram 7,13
2. Guðmundur Kristjánss., Breið. 6,88
2. Jósef Kr. Jósefsson, Grindavík 6,88
2. Hólmar Örn Rúnarsson, Keflav. 6,88
TÖLFRÆÐIN Í HLUTANUM
Besti árangur
KR 17 stig
Fram 15
Keflavík, FH 13
HK 12
Grindavík, Fjölnir 10
Fylkir 8
Valur, ÍA, Breiðablik 6
Þróttur 4
Besta sóknarliðið
Keflavík 18 mörk skoruð
Fjölnir, FH 15
KR 14
Fram 13
HK, Breiðablik 11
Fylkir 8
Þróttur, ÍA, Grindavík 6
Valur 5
Besta varnarliðið
KR 5 mörk fengin á sig
Valur 8
Fram, Keflavík, HK, Grindavík 9
FH 10
Fylkir, ÍA 12
Fjölnir 13
Breiðablik 14
Þróttur 18
Markahæstir
Guðmundur Steinarss., Keflavík 5
Guðjón Baldvinsson, KR 4
Magnús Þorsteinsson, Keflavík 4
Marel Baldvinsson, Breiðablik 4
Atli Viðar Björnsson, FH 4
Ívar Björnsson, Fram 4
Flestar stoðsendingar
Guðmundur Steinarsson, Keflavík 5
Ólafur Páll Snorrason, Fjölni 4
Tómas Leifsson, Fjölni 4
Patrik Ted Redo, Keflavík 4
Scott Ramsay, Grindavík 3
Joseph Tillen, Fram 3
Paul McShane, Fram 3
Haukur Ingi Guðnason, Fylki 3
Hjálmar Þórarinsson, Fram 3
Davíð Þór Viðarsson, FH 3
Tryggvi Guðmundsson FH 3
FÓTBOLTI Sú ákvörðun Josep
Guard iola, þjálfara Barcelona, að
halda Eiði Smára Guðjohnsen er
að borga sig. Þegar tölfræðin
fyrstu leikja tímabilsins í
spænsku deildinni og Meistara-
deildinni er skoðuð blasa þær
tölur við að Barcelona-sóknin er
miklu öflugri með Íslendinginn á
miðjunni.
Barcelona hefur ekki byrjað
betur sóknarlega í spænsku deild-
inni í heil 27 ár, eða síðan í upp-
hafi 1981-82 tímabilsins. Barce-
lona hefur skorað 18 mörk í
fyrstu 6 deildarleikjum sínum og
27 mörk í 10 leikjum sínum að
Meistaradeildinni meðtaldri. Inn-
koma Eiðs Smára Guðjohnsen
hefur vakið mikið lof en hann
hefur spilað stórt hlutverk í flott-
um sigrum liðsins að undanförnu.
Eiður Smári var í byrjunarliðinu
í 6-1 sigri á Atlético de Madrid en
Börsungar skoruðu fimm mörk á
fyrstu 28 mínútunum í leiknum.
Eiður Smári skoraði fimmta
markið þegar hann fylgdi á eftir
stangarskoti Andrés Iniesta.
Barcelona hefur skorað 11
mörk á þeim 223 mínútum sem
Eiður Smári hefur spilað á tíma-
bilinu sem gerir mark á 20,2 mín-
útna fresti. Markatala liðsins er
líka mjög góð með Eið inn á vell-
inum því liðið hefur aðeins fengið
á sig tvö mörk á þeim tíma.
Barcelona hefur aftur á móti
skorað 16 mörk á þeim 667 mín-
útum sem Eiður Smári hefur
verið utan vallar sem gerir mark
á 41,7 mínútna fresti eða rúmlegt
tvöfalt lengri tíma en það tekur
liðið að skora þegar Eiður Smári
spilar. Liðið hefur enn fremur
fengið á sig átta mörk þegar liðið
hefur spilað „Eiðs-Smára-laust“.
Það er því ekki bara sóknin
sem er betri með okkar mann í
eldlínunni því Barcelona fær á
sig mark á 111,5 mínútna fresti
þegar Eiður er inn á vellinum en
án hans líða aðeins 83,4 mínútur
milli marka mótherja Barcelona-
liðsins. - óój
MÍNÚTUR MILLI MARKA
- í fyrstu 10 leikjum tímabilsins
MÍN. MILLI MARKA BARCELONA
Eiður inn á (223 mínútur) 20,2
Eiður útaf (667 mínútur) 41,7
MÍN. MILLI MARKA MÓTHERJA
Eiður inn á (markatala 11-2) 111,5
Eiður útaf (16-8) 83,4
Sóknarleikur Barcelona-liðsins hefur ekki verið betri í upphafi tímabils síðan á leiktíðinni 1981-82:
Mun betri með Eiði Smára á vellinum
TVÖ MÖRK Eiður Smári Guðjohnsen
hefur þegar skorað tvö mörk fyrir Barce-
lona á þessu tímabili. NORDICPHOTOS/GETTY
FÓTBOLTI Nokkrir stórlaxar voru í
pottinum þegar dregið var í riðla
í Evrópukeppni félagsliða í gær.
Ensku félögin Portsmouth,
Aston Villa, Tottenham og
Manchester City voru í pottinum.
Portsmouth tekur nú þátt í
Evrópukeppni í fyrsta skiptið í
sögu félagsins og dróst í riðil með
stórliðinu AC Milan en dráttinn í
heild má sjá hér fyrir neðan. - óþ
Evrópukeppni félagsliða:
Portsmouth
mætir AC Milan
EVRÓPUKEPPNI FÉLAGSLIÐA
A-riðill:
Schalke, Paris St. Germain, Man. City,
Racing Santander, Twente.
B-riðill:
Benfica, Olympiakos, Galatasaray,
Hertha Berlin, Matalist Kharkiv.
C-riðill:
Sevilla, Stuttgart, Sampdoria, Partizan
Belgrad, Standard Liege.
D-riðill:
Tottenham, Spartak Moskva, Udinese,
Dinamo Zagreb, NEC Nijmegen.
E-riðill:
AC Milan, Heerenveen, Braga, Ports-
mouth, Wolfsburg.
F-riðill:
Hamburg, Ajax, Slavia Prag, Aston
Villa, MSK Zilina.
G-riðill:
Valencia, Club Brugge, Rosenborg, FC
Kaupmannahöfn, Saint-Eitenne.
H-riðill:
CSKA Moskva, Deportivo La Corona,
Feyenoord, Nancy, Lech Poznan.
FÓTBOLTI Lögregluyfirvöld í
Glasgow hafa gefið út yfirlýsingu
þess hljóðandi að tekið verði
harkalega á áfengisdrykkju fyrir
leik Skotlands og Noregs í
undankeppni HM 2010 sem fram
fer á Hampden Park um helgina.
Stuðningsmenn sem eru
annaðhvort „of drukknir“ eða eru
með áfengi við hönd fá ekki aðgang
að leikvanginum og leigubílstjórar
og strætisvagnsbílstjórar verða
undir ströngum skipunum frá
lögreglunni að leyfa ekki áfenga
drykki í farartækjum sínum.
„Tartan-herinn hefur getið sér
gott orð víðs vegar um heiminn
fyrir gleði og vinsamlegheit á
leikjum Skotlands og við viljum
sjá til þess að drykkjulæti fárra
óeirðaseggja skemmi ekki fyrir
hinum,“ segir í yfirlýsingu
lögreglunnar. - óþ
Drykkjubann á Hampden:
Söngvatnið tek-
ið af Skotunum
Í DRYKKJUBANNI Stuðningsmenn
skoska landsliðsins, Tartan-herinn, verða
undir strangri gæslu lögreglunnar í
Glasgow um helgina. NORDIC PHOTOS/GETTY