Fréttablaðið - 20.10.2008, Page 5

A L Þ J Ó Ð L E G U R B E I N V E R N D A R D A G U R
Kvennalandsliðið í fótbolta skipa stelpur með sterk bein. Það
staðfesta nýlegar mælingar á beinþéttni landsliðskvenna.
Hjá þeim reyndist beinþéttni langt yfir meðallagi og má ætla
að landsliðskonur hafi 24% þéttari bein en jafnöldrur þeirra.
Fótbolta fylgja hlaup og stökk sem örva og styrkja beinin.
Það er því Beinvernd fagnaðarefni að fleiri og fleiri stúlkur
iðka nú knattspyrnu. En stúlkur jafnt sem konur á öllum aldri
geta auðveldlega skipað sér í landslið gegn beinþynningu.
Íslenska kvennalandsliðið í fótbolta mætir Írlandi í tveimur umspilsleikjum um sæti á EM 2009.
Fyrri leikurinn fer fram í Dublin 26. október en sá síðari á Laugardalsvelli fimmtudaginn 30. október.
Rétt hreyfing, kalkrík fæða, t.d. mjólkurvörur, auk D-vítamíns
— það er beina leiðin í landsliðið,
beina leiðin til sigra í framtíðinni.
Mætum og hvetjum stelpur með sterk bein til sigurs