Fréttablaðið - 26.10.2008, Blaðsíða 34

Unglingalandsliðsmaðurinn Gylfi Þór Sigurðsson, sem á dögun-
um gekk til liðs við Shrewsbury Town frá Reading á mánaðar
lánssamningi, er ánægður með að fá nú tækifæri til þess að
spila eftir að hafa fengið fá tækifæri með Reading. Gylfi Þór fór
rakleiðis inn í byrjunarliðið í sínum fyrsta leik með Shrewsbury
Town og skoraði þá mark í sigri félagsins gegn Bournemouth og
var síðar valinn í úrvalslið umferðarinnar á opinberri heimasíðu
deildarkeppninnar. Gylfi Þór spilaði svo í tapleik Shrewsbury
Town gegn Accrington Stanley á þriðjudag sem er ef
til vill ekki í frásögur færandi nema hvað að Accring-
ton Stanley státar af minnsta leikvangi í allri ensku
deildarkeppninni, en völlurinn rúmar um 5.000
áhorfendur.
„Þetta var lítill og slappur leikvangur og völlurinn
sjálfur var heldur ekki góður. Leikurinn fór enn
fremur fram í grenjandi rigningu og við áttum ekki
góðan dag, þannig að þetta var erfitt,“ segir Gylfi Þór
sem var á ný í byrjunarliðinu og lék allan leikinn í
1-1 jafntefli gegn Brentford í gær.
Gylfi Þór er ánægður með þær móttökur sem hann hefur fengið
frá öllum hjá Shrewsbury Town.
„Ég get ekki verið annað en sáttur við þær móttökur sem ég
hef fengið og ég vissi í raun ekki alveg við hverju ég ætti að
búast. Strákarnir í liðinu hafa tekið mér vel, sem og knatt-
spyrnustjórinn, þannig að þetta er bara fínt. Æfingarnar eru líka
mun betri en ég bjóst við miðað við neðri deildarlið og hraðinn
á æfingum og í leikjum er ekkert svo frábrugðinn því sem
maður hefur kynnst hjá Reading,“ segir Gylfi Þór.
Gylfi Þór ætlar að klára lánssamninginn við
Shrewsbury Town og sjá svo til hvar hann stendur upp
á framhaldið að gera hjá Reading.
„Það er náttúrulega mun betra fyrir mig að spila
með Shrewsbury Town heldur en með varaliði
Reading, en maður veit aldrei hvað gerist í þessu.
Ég tek bara stöðuna á málum þegar ég kem aftur
til Reading að lánstímanum loknum. Ég fæ vonandi
tækifæri með Reading síðar á tímabilinu og ég verð
að grípa það.“
GYLFI ÞÓR SIGURÐSSON: ER ÁNÆGÐUR MEÐ AÐ FÁ AÐ KOMA SÉR Í LEIKÆFINGU MEÐ SHREWSBURY TOWN
Ætla mér að grípa tækifærið þegar það gefst
Enska úrvalsdeildin
Everton-Man. Utd. 1-1
0-1 Darren Fletcher (22.), 1-1 Marouane Fellaini
(63.).
Sunderland-Newcastle 2-1
1-0 Djibril Cisse (20.), 1-1 Shola Ameobi (30.),
2-1 Kieran Richardson (75.).
WBA-Hull 0-3
0-1 Kamil Zayatte (47.), 0-2 Geovanni (62.), 0-3
Marlon King (66.).
Blackburn-Middlesbrough 1-1
0-1 Alfonso Alves (74.), Benni McCarthy (90.).
STAÐAN Í DEILDINNI
Chelsea 8 6 2 0 19-3 20
Liverpool 8 6 2 0 13-6 20
Hull City 9 6 2 1 14-11 20
Arsenal 8 5 1 2 16-6 16
Man. Utd 8 4 3 1 13-5 15
Aston Villa 8 4 2 2 12-10 14
Portsmouth 8 4 1 3 9-13 13
West Ham 8 4 0 4 14-14 12
Sunderland 9 3 3 3 9-10 12
Blackburn 9 3 3 3 9-15 12
Man. City 8 3 1 4 20-14 10
Middlesbrough 9 3 1 5 8-15 10
WBA 9 3 1 5 7-14 10
Everton 9 2 3 4 13-19 9
Wigan 8 2 2 4 11-9 8
Bolton 8 2 2 4 8-10 8
Fulham 7 2 1 4 5-7 7
Stoke City 8 2 1 5 10-15 7
Newcastle 9 1 3 5 10-17 6
Tottenham 8 0 2 6 5-12 2
Enska Championshipdeildin
Charlton-Burnley 1-1
0-1 Steven Thompson (13.), 1-1 Svetoslav
Todorov (76.). Jóhannes Karl Guðjónsson lék
allan leikinn og átti þátt í marki Burnley.
Coventry-Derby 1-1
0-1 Rob Hulse (41.), 1-1 Clinton Morrison (90.).
Aron Einar Gunnarsson lék allan leikinn með
Coventry.
Reading-QPR 0-0
Ívar Ingimarsson lék allan leikinn með Reading
en Brynjar Björn Gunnarsson lék í 73. mínútur.
Skoska úrvalsdeildin
Hearts-Aberdeen 1-1
0-1 Darren Mackle (13.), 1-1 Lee Wallace (21.).
Eggert Gunnþór Jónsson lék allan leikinn með
Hearts.
Spænska úrvalsdeildin
Barcelona-Almeria 5-0
1-0 Samuel Eto‘o (5.), 2-0 Thierry Henry (14.),
3-0 Samuel Eto‘o (21.), 4-0 Samuel Eto‘o (24.),
5-0 Daniel Alves (37.).
Ítalska úrvalsdeildin
Juventus-Torino 1-0
1-0 Amauri Carvalho (48).
Danska úrvalsdeildin
AGF-Vejle 2-1
1-0 Nando Rafael (73.), 2-0 Dioh Williams (76.),
2-1 Steffen Kielstrup (80.). Kári Árnason lék allan
leikinn með AGF.
Þýski handboltinn
Stralsunder-Kiel 22-43
Fuchse Berlin-Lemgo 27-35
Logi Geirsson skoraði 4 mörk og Vignir Svav-
arsson skoraði 1.
Rhein-Neckar Löwen-Gummersbach 27-29
Róbert Gunnarsson skoraði 4 mörk fyrir Gum-
mersbach og Guðjón Valur Sigurðsson skoraði 4
fyrir Rhein-Neckar Löwen.
Grosswallstadt-Nordhorn 23-30
Einar Hólmgeirsson komst ekki á blað hjá
Grosswallstadt.
Tusem Essen-GWD Minden 27-26
Gylfi Gyflason skoraði 6 mörk fyrir Minden en
Ingimundur Ingimundarson komst ekki á blað.
Hamburg-Göppingen 30-23
Jalesky Garcia skoraði 1 mark fyrir Göppingen.
ÚRSLIT
FÓTBOLTI Tölfræðin er vissulega á
bandi heimamanna í Chelsea fyrir
heimsókn Liverpool á Brúna í dag
en Lundúnafélagið hefur spilað
þar 86 leiki í röð án taps í ensku
úrvalsdeildinni eða í fjögur ár og
um átta mánuði.
Liverpool hefur enn fremur
ekki enn náð að vinna neitt af
hinum „stóru fjórum“
félögunum á útivelli í
deildinni síðan Rafa
Benitez tók við
stjórnartaumunum á
Anfield í júní árið 2004
og aðeins gert tvö jafn-
tefli og skorað
fjögur mörk í
tólf leikjum á
Brúnni, Old
Trafford og
Emirates.
Liverpool
hefur þó
ærna
ástæðu til
þess að
fara í
leikinn
af fullu
sjálfstrausti þar sem það er mál
manna að allt annar bragur sé nú á
félaginu heldur en undanfarin ár.
Liverpool hefur unnið leiki í deild-
inni á þessu tímabili sem það hefði
ef til vill tapað miðað við spila-
mennsku
síðustu
ára og
nægir í
því sam-
hengi að
nefna
leiki
gegn
Middles-
brough,
Wigan og
Manchester-félögun-
um United og City þar
sem Liverpool lenti
undir en náði að hirða
stigin þrjú.
Rafa Benitez, knattspyrnustjóri
Liverpool, getur glaðst yfir því að
fyrirliðinn Steven Gerrard verður
leikfær en markahrókurinn Fern-
ando Torres verður aftur á móti
pottþétt ekki með. Benitez er þó
fullur bjartsýni fyrir leikinn.
„Leikskipulag okkar breytist
vissulega við það að missa
Torres en við höfum fulla
trú á sjálfum okkur
fyrir leikinn. Ég veit að
við búum yfir andleg-
um styrk til þess að
vinna þennan leik og
ætli það sé ekki bara
kominn tími til að Chelsea
tapi á heimavelli í deildinni,“
segir Benitez.
Luiz Felipe Scolari, knatt-
spyrnustjóri Chelsea, segir
margt líkt með Chelsea og
Liverpool og telur
Lundúnafélagið
eiga erfitt verkefni
fram undan.
„Chelsea og Liverpool
hafa bæði sama liðs- og bar-
áttuandann þar sem þau
berjast á fullu til sigurs
allt til leiksloka. Liverpool er
hættulegt vegna þess að liðið er
með góða leikmenn innan borðs
sem leika eins og lið og eru mjög
skipulagðir og agaðir í leik sínum.
Ég hef aldrei mætt Rafa Benitez
áður en ég hef fylgst vel með
honum og að mínu mati er hann nú
með besta Liverpool-liðið í hönd-
unum síðan hann kom til félags-
ins,“ segir Scolari.
Fyrirliðinn John Terry tekur
undir orð Scolari.
„Það sem hefur heillað mig við
Liverpool í ár er að þeir virð-
ast vera að spila með sömu
trú og við gerðum hjá
Mourinho, að gefast
aldrei upp og vinna þrátt
fyrir að spila ekkert
sértaklega vel. Við
þurfum því að vera
vel á verði í leikn-
um,“ segir Terry. - óþ
Toppsætið er í húfi þegar einu taplausu lið ensku úrvalsdeildarinnar, Chelsea og Liverpool, mætast í dag:
Topplið deildarinnar mætast á Brúnni
HEILLAÐUR Terry hefur
hrósað seiglunni í Liver-
pool á þessarri leiktíð
og líkt félaginu við Chel-
sea á tíma Mourinho.
NORDIC PHOTOS/GETTY
LEIKFÆR Gerrard verður
með Liverpool í dag eftir að
hafa jafnað sig á meiðslum
sem hann hlaut í leik gegn
Atletico Madrid á dögunum.
NORDIC PHOTOS/GETTY
> Allar klárar í slaginn
Sigurður Ragnar Eyjólfsson, landsliðsþjálfari kvenna í
fótbolta, tilkynnti byrjunarlið sitt í gærkvöldi fyrir umspil-
sleikinn gegn Írlandi á Rickmond Park-vellinum í dag.
Það eru gleðitíðindi að allir þeir leikmenn sem voru tæpir
fyrir leikinn, verða með. byrjunarliðið er sem hér segir:
María B. Ágústsdóttir (markvörður), Ásta Árnadóttir (hægri
bakvörður), Ólína G. Viðarsdóttir (vinstri bakvörður), Katrín
Jónsdóttir og Guðrún Sóley Gunnarsdóttir (miðverðir), Sara
Björk Gunnarsdóttir og Edda Garðarsdóttir (varnarteng-
iliðir), Rakel Hönnudóttir (hægri kantur),
Hólmfríður Magnúsdóttir (vinstri kantur),
Dóra María Lárusdóttir (sóknartengiliður),
Margrét Lára Viðarsdóttir (framherji).
FÓTBOLTI Fjórir leikir fóru fram í
ensku úrvalsdeildinni í gær þar
sem hæst bar að Hull hélt sigur-
göngu sinni áfram gegn WBA en
Manchester United náði aðeins
jafntefli gegn Everton.
Englandsmeistarar Manchester
United réðu lögum og lofum í fyrri
hálfleik á Goodison Park-leikvang-
inum í gær. Skotinn Darren
Fletcher kom United yfir með
glæsilegu marki á 21. mínútu sem
splundraði vörn Everton.
Flest benti til þess að United
myndi innbyrða stigin þrjú nokk-
uð auðveldlega ef mið var tekið af
spilamennsku liðsins í fyrri hálf-
leik en seinni hálfleikur var allt
önnur saga.
Leikmenn Everton voru mun
kraftmeiri í síðari hálfleik og tafl-
ið snerist þeim í vil. Belginn ungi
Marouane Fellaini jafnaði leikinn
með góðu skallamarki á 63. mín-
útu og stuttu síðar bjargaði Edwin
van der Sar þegar hann varði skot
Yakubus í stöng eftir herfileg
varnarmistök Rios Ferdinand.
Lengra komust liðin ekki og jafn-
tefli því niðurstaðan.
Sir Alex Ferguson, knattspyrnu-
stjóri United, sá ástæðu til þess að
hrósa baráttuglöðu liði Everton en
var þó ósáttur við dómarann Alan
Wiley.
„Everton barðist grimmilega í
síðari hálfleik og það var allt
annað að sjá til leikmanna liðsins
þá miðað við fyrri hálfleikinn og
það bera að hrósa þeim fyrir við-
snúninginn. Þeir gáfu okkur engan
frið og þjörmuðu að okkur þannig
að við misstum taktinn og fórum
að gera mistök. En stundum fannst
mér þeir samt ganga einum of
harkalega fram og mér fannst
dómarinn leyfa þeim heldur til of
mikið,“ segir Ferguson.
Fljúgandi byrjun Hull
Hull hefur komið öllum að óvörum
í ensku úrvalsdeildinni til þessa
og félagið hélt sínu striki í gær
með 0-3 útisigri gegn WBA. Sigur-
inn var fjórði útisigur Hull til
þessa í deildinni í fimm leikjum.
Grannaslagur í Sunderland
Ófarir Newcastle héldu áfram
þegar liðið tapaði 2-1 í grannaslag
gegn Sunderland á Leikvangi ljós-
anna, í leik sem markaði endur-
komu Joey Barton með Newcastle.
Kieran Richardson skoraði glæsi-
legt sigurmark Sunderland beint
úr aukaspyrnu á 75. mínútu.
McCarthy til bjargar
Mark Bennis McCarthy í uppbót-
artíma tryggði Blackburn jafn-
tefli gegn Middlesbrough á Ewood
Park en hinn brasilíski Afonso
Alves hafði komið Middlesbrough
yfir á 74. mínútu, nokkuð gegn
gangi leiksins. omar@frettabladid.is
Enn sigraði Hull á útivelli
Spútniklið Hull hélt sínu striki í ensku úrvaldeildinni í gær og vann sinn fjórða
útisigur í nýliðaslag gegn WBA. Manchester United og Everton skildu jöfn.
ÓTRÚLEGIR Leikmenn Hull hafa farið á kostum til þessa í ensku úrvalsdeildinni.
Félagið tillti sér við hlið stórlaxanna Chelsea og Liverpool, á toppi deildarinnar, eftir
magnaðan 0-3 útisigur gegn WBA. NORDIC PHOTOS/GETTY
FÓTBOLTI Börsungar skutust á topp
spænsku úrvalsdeildarinnar
þegar félagið hreinlega slátraði
Almeria 5-0 á Nývangi í gærkvöld
og knattspyrnustjórinn Pep
Guardiola virðist nú vera búinn
að finna réttu blönduna hjá
Barcelona eftir erfiða byrjun á
tímabilinu. Þetta var sjötti sigur
Barcelona í deildinni en félaginu
mistókst að vinna fyrstu tvo leiki
sína í upphafi móts.
Samuel Eto‘o kom Barcelona á
bragðið með marki strax 5.
mínútu og þá var ekki aftur snúið.
Thierry Henry bætti við öðru
marki á 14. mínútu áður en Eto‘o
hélt áfram og skoraði tvö mörk, á
21. mínútu og 24. mínútu.
Til þesss að bæta gráu ofan á
svart þá fékk Alvaro Negredo,
framherji Almeria, að líta rauða
spjaldið á 30. mínútu og gestirnir
orðnir einum leikmanni færri, í
vægast sagt hörmulegri stöðu.
Daniel Alves skoraði fimmta
mark Börsunga stuttu síðar en
það reyndist vera síðasta mark
leiksins. Eiður Smári var ekki í
leikmannahópi Barcelona. - óþ
Markaveisla á Nývangi í gær:
Barcelona tók
toppsætið
FÖGNUÐUR Samuel Eto‘o er óðum að
komast í sitt gamla form með Barce-
lona. NORDIC PHOTOS/AFP
18 26. október 2008 SUNNUDAGUR
sport@frettabladid.is