Fréttablaðið - 05.11.2008, Blaðsíða 8
8 5. nóvember 2008 MIÐVIKUDAGUR
1 Hversu háa upphæð eru
Norðmenn tilbúnir til að lána
íslenskum stjórnvöldum?
2 Í hvaða deild spilar danska
handknattleiksliðið AG Hånd-
bold?
3 Hvaða leikstjóri undirbýr
nú gerð ævintýramyndarinnar
Hvíslarinn?
SJÁ SVÖR Á SÍÐU 30
VINNUMARKAÐUR Erla Waage hefur
verið atvinnulaus frá því það fór
að herða stíft að á fasteignasölun-
um en hún starfaði áður í fast-
eignageiranum. Erla segir að ekki
sé bjart fram undan í fasteigna-
viðskiptum og hún er ekki vongóð
um að finna vinnu.
„Fasteignabransinn er eiginlega
dauður og fáir sem starfa þar í
dag,“ segir hún. „Ég hef mjög gott
samband inn í þennan geira og get
ekki séð betur en að verið sé að
segja flestöllum upp. Mér skilst að
allir almennir starfsmenn séu
farnir.“
Erla hefur verið að leita sér að
vinnu frá því í sumar og segir að
það hafi ekki gengið vel. „Það er
mjög lítið í boði. Ef maður hefur
fengið ádrátt þá fær maður svarið
að það eigi að bíða með að ráða.
Allir halda að sér höndum því að
ástandið í þjóðfélaginu fer versn-
andi með hverri viku sem líður.
Þetta er alveg ískyggilegt.“
Boðið er upp á ráðgjöf á Vinnu-
miðlun höfuðborgarsvæðisins og
Erla hefur nýtt sér það.
Erla hefur ekki neina sérstaka
stefnu fram undan. Hún veltir upp
hugmyndum um að fara úr landi
en rifjar um leið upp að hún sé
„ekki kona á besta aldri og það er
náttúrulega ennþá erfiðara. Ég
held það sé mjög, mjög erfitt fyrir
fólk sem er komið yfir fimmtugt
að fá vinnu núna. Ég heyri það alls
staðar.“
Erla telur sýnilegt að stjórnvöld
hafi ekki staðið sig í aðdraganda
fjármálakreppunnar og telur rétt
að skipta um fólk í ríkisstjórn. „Til
að fá hreyfingu á hlutina þurfa
nýir menn að koma að vegna þess
að við erum ekki upplýst um stöðu
þjóðarbúsins.“
Lárus Wöhler starfaði hjá bíla-
umboði á höfuðborgarsvæðinu en
var sagt upp í ágúst. Hann segir að
allt sé farið, „húsið, vinnan, við
erum á leið úr landi, held ég,“
segir hann. „Við erum með gengis-
lán á húsinu og skulduðum helm-
ing. Núna er lánið orðið miklu
hærra en verðmæti hússins þannig
að það er allt farið. Bankinn er
stífur og leiðinlegur. Það er búið
að frysta allt en bankinn hótar öllu
illu eftir fjóra til sex mánuði. Ég
er búinn að tala við ráðherra og fæ
engin svör.“
Lárus er þriggja barna faðir og
eitt á leiðinni. Hann stefnir að því
að flytja með fjölskylduna úr landi
og er að þreifa fyrir sér í Noregi.
„Það er ekki hægt að lifa við þetta
ástand,“ segir hann.
ghs@frettabladid.is
Atvinnulaus segir erfitt fyrir
fimmtuga að fá nýja vinnu
Fyrirtæki halda að sér höndum með ráðningar. Erfitt er fyrir fólk yfir fimmtugu að fá vinnu núna. Margar
fjölskyldur eru á leið úr landi af því að lán hafa hækkað og bankar þykja stífir og leiðinlegir.
MISSTI VINNUNA Í SUMAR „Ég held að það sé mjög, mjög erfitt fyrir fólk sem er
komið yfir fimmtugt að fá vinnu núna. Ég heyri það alls staðar,“ segir Erla Waage,
sem starfaði í fasteignageiranum áður en hún missti vinnuna í sumar eins og svo
fjöldamargir aðrir Íslendingar. FRÉTTABLAÐIÐ/ARNÞÓR
Það er ekki hægt að lifa
við þetta ástand.
LÁRUS WÖHLER
ATVINNULAUS ÞRIGGJA BARNA FAÐIR
EFNAHAGSMÁL Áhugasamir
nemendur í fjármálavísindum
ættu að fylgjast vandlega með
því sem er að gerast á Íslandi því
það er sú allra dramatískasta
lýsing sem sögð hefur verið af
því hvernig ófyrirleitnir banka-
menn geta misst tök á frjálsum
markaði og rústað efnahag heillar
þjóðar. Á þessa leið hljómar
lýsing hagfræðiprófessorsins
Uwe E. Reinhardt sem birt var í
gær á vef Princeton-háskóla.
Reinhardt segir að sögu
Íslendinga eigi að notast við til að
endurrita kennslugögn í hagfræði
en þær séu staðnaðar í oftrú sinni
á frjálsum markaði. - kdk
Bandarískur prófessor:
Vill fall Íslands
í kennslubækur
EFNAHAGSMÁL Embættismanna-
hópur frá Norðurlöndunum hittist
í Stokkhólmi í dag til að ræða fjár-
málakreppuna á Íslandi. Þetta er
fyrsti fundur hópsins og því er
ekki búist við neinum ákvörðun-
um.
Bolli Þór Bollason, ráðuneytis-
stjóri forsætisráðuneytisins, segir
að farið verði yfir helstu efnis-
atriði í áætlun Alþjóðagjaldeyris-
sjóðsins fyrir Ísland, horfurnar og
hver lánsfjárþörfin sé. Fulltrúar
sjóðsins mæti á fundinn.
Norðmenn tilkynntu í vikunni
að þeir ætluðu að bjóða Íslending-
um lán upp á um 75 milljarða
króna, eða 4 milljarða norskra
króna, í gegnum norska seðla-
bankann. Lánið verður lagt fyrir
Stórþingið á næstunni en þingið
verður að samþykkja að norska
ríkið gangi í ábyrgð.
Bolli segir óformlegar þreifing-
ar hafa verið milli landa. „Menn
eru auðvitað að vonast til að þegar
löndin sjá hvað er í pakka Alþjóða-
gjaldeyrissjóðsins þá verði menn
tilbúnir til að ræða framhaldið en
það er mjög erfitt að segja til um
það fyrir fram,“ segir Bolli. „Það
eina sem liggur fyrir er að Norð-
menn hafa ákveðið að stíga fyrsta
skrefið og lána okkur og svo verð-
ur að koma í ljós hvað verður. Von-
andi verða umræðurnar þannig að
menn geti farið heim til sín og
tekið ákvörðun um næstu skref.
Og jákvæðar meldingar fáist sem
nýtast á stjórnarfundi Alþjóða-
gjaldeyrissjóðsins á föstudag.“
Bæði Danir og Svíar eiga við
bankakreppu að glíma. Bolli segir
að auðvitað gefi norska lánið þó
ákveðna viðmiðun. - ghs
EMBÆTTISMENN RÆÐA MÁLIN Fjallað
verður um fjármálakreppuna á Íslandi
á fundi í Svíþjóð í dag. Ráðuneytisstjóri
forsætisráðuneytisins segir að eftir hann
geti menn vonandi tekið ákvörðun um
næstu skref.
Embættismannahópur ræðir íslensku kreppuna:
Norska lánið er
ákveðin viðmiðun
BANDARÍKIN, AP Óvenjugóð þátttaka var í
forsetakosningunum í Bandaríkjunum í gær,
eins og fyrir fram var reyndar almennt
reiknað með. Jafnvel í ríkjum, þar sem
repúblikanar hafa oftast reynst sigursælir,
var talið að kosningaþátttakan myndi slá öll
met.
Þessi mikla þátttaka átti líka sinn þátt í því
að ýmsir hnökrar urðu víða á framkvæmd
kosninganna. Langar biðraðir mynduðust víða,
svo sums staðar þurftu einhverjir frá að
hverfa.
Auk þess urðu víða bilanir í kosningatölv-
um, svo fólk þurfti að að kjósa með gamla
mátanum: merkja við á kjörseðli. Á einum
stað í Virginíu mynduðust mjög langar
biðraðir vegna þess að yfirmaður á kjörstað
svaf yfir sig.
Barack Obama tók hins vegar daginn
snemma og greiddi atkvæði ásamt eiginkonu
sinni Michelle í hverfisgrunnskóla í heima-
borg sinni, Chicago, strax klukkan 7.30 að
staðartíma.
Aðrir kjósendur á staðnum klöppuðu þegar
hann kom úr kjörklefanum. „Ferðin tekur
enda, en að kjósa með dætrum mínum, það
var heilmikið mál,“ sagði hann síðar við
fréttamenn.
John McCain viðurkenndi í gær, þegar
kosningabaráttunni var lokið, að sigurlíkur
sínar væru minni en Obama. „Ég átta mig á
því,“ sagði hann, „en þið getið ekki ímyndað
ykkur hve spennandi það er fyrir mann að
standa svo nálægt mikilvægasta embætti
heims og ég ætla að njóta þess. Ég mun aldrei
gleyma þessu svo lengi sem ég lifi.“ - gb
Góð þátttaka í forsetakosningunum í Bandaríkjunum í gærdag:
Óvenjumikil kjörsókn skapaði vanda
FYRSTA TÆKIFÆRI TIL AÐ KJÓSA ÞELDÖKKAN FORSETA
„Ég hélt aldrei að ég myndi lifa nógu lengi til að gera
það,“ sagði Alnett Wooden, 86 ára íbúi í höfuðborg-
inni Washington, þegar hún hélt á kjörstað í gær til að
greiða Barack Obama atkvæði sitt. NORDICPHOTOS/AFP
LÖGREGLUMÁL Lögreglan stöðvaði
umfangsmikla kannabisræktun í
íbúð í Garðabæ á sunnudag. Við
húsleit fundust um 60 kannabis-
plöntur.
Tveir menn á þrítugs- og
fertugsaldri voru yfirheyrðir í
tengslum við rannsókn málsins.
Efnin voru ætluð til sölu. Yngri
maðurinn, sem var handtekinn
við komu til landsins aðfaranótt
mánudags, var með rúmlega 100
grömm af kókaíni falin í enda-
þarmi. - jss
Tveir karlmenn teknir:
Kannabis og
kókaín í þarmi
VEISTU SVARIÐ?