Fréttablaðið - 05.11.2008, Blaðsíða 16
5. nóvember 2008 MIÐVIKUDAGUR
„Eitt af helstu markmiðum félagsins
Barnavistun er að gæðastýra dagfor-
eldrastéttinni. Gæðastýringin geng-
ur meðal annars út á að bjóða upp á
opna og sjáanlega starfsemi. Einnig
að foreldrar ungra barna hafi aðgang
að upplýsingum um það starf sem fer
fram hjá dagforeldrum,“ segir Kol-
brún Hildur Gunnarsdóttir, dagfor-
eldri og meðlimur í stjórn Barnavist-
unar, félags dagforeldra í Reykjavík.
Félagið fagnar fimmtán ára afmæli
sínu um þessar mundir.
Stærstur hluti dagforeldra í Reykja-
vík er í Barnavistun og því er ljóst að
á vegum félagsins fer fram mikilvæg
starfsemi fyrir hönd stéttarinnar. Kol-
brún segir félagið ekki einasta stuðla
að gæðastjórnun innan fagsins heldur
einnig að því að skapa vettvang fyrir
dagforeldra til að eiga í samskiptum
sín á milli.
„Við reynum að skapa sameiginleg-
an vettvang fyrir félagsmenn til þess
að hittast reglulega með ýmsum fund-
um, boðum og ferðalögum. Þannig
reynum við bæði að sinna því að ræða
alvarleg, pólitísk málefni sem snúa að
starfi okkar, en einnig að eiga góðar
stundir saman. Við reynum hvað við
getum til að hlúa að hverjum og einum
og pössum eftir fremsta megni upp á
að sem flestir mæti á fundi, svo að
fólk einangrist ekki í sínu starfi.“
Starf dagforeldra er einmitt sér-
stakt að því leyti að fæstir sem því
sinna vinna utan heimilis síns. Þó
svo að það geti vissulega leitt af sér
vissa einangrun segir Kolbrún starf-
ið þó jafnframt afskaplega gefandi.
„Starfið er erfitt og krefjandi, jafn-
vel meir en fólk gerir sér grein fyrir.
En þetta er náttúrulega einnig af-
skaplega gaman þegar maður er far-
inn að kynnast börnunum og þau eru
farin að taka þátt í starfseminni hjá
manni. Manni hlýnar um hjartaræt-
ur við að sjá að þau fá sitthvað út úr
vistuninni hér og læra nýja hluti. Vist
hjá dagforeldri er náttúrulega í flest-
um tilfellum fyrstu skref þessa litla
fólks út í heiminn og því mikilvægt
að þeim sé vel sinnt á þessu stigi.“
Stétt dagforeldra hefur átt nokkuð
undir högg að sækja undanfarið þar
sem fjárveitingar til einkarekinna
leikskóla sem og þjónustutrygging-
argreiðslur hafa gert hana síður sam-
keppnishæfa en áður. Kolbrún segir
þó Barnavistun stefna að því að efla
starf dagforeldra enn frekar, ekki
síst til þess að geta boðið foreldrum
ungra barna upp á val í dagvistunar-
málum.
„Það er okkur mikið metnaðar-
mál að vistun hjá dagforeldrum sé
valmöguleiki fyrir foreldra ungra
barna. Við teljum að slík reynsla sé
mikilvægur og góður undirbúning-
ur undir leikskólann og umheiminn.
Slíkur undirbúningur er besta gjöfin
sem hægt er að gefa litlu barni.“
Nánari upplýsingar um starfsemi
Barnavistunar má finna á heimasíð-
unni www.barnavistun.barnaland.is.
vigdis@frettabladid.is
BARNAVISTUN, FÉLAG DAGFORELDRA: ER FIMMTÁN ÁRA
Gaman að kynnast börnunum
VAKTIN STAÐIN VIÐ VAGNANA Kolbrún Hildur Gunnarsdóttir segir störf dagforeldra bæði krefj-
andi og gefandi. FRÉTTABLAÐIÐ/ANTON
HEIMSPEKINGURINN WILL DURANT
FÆDDIST ÞENNAN DAG ÁRIÐ 1885.
„Um leið og frelsið er fullkomnað
deyr það í stjórnleysi.“
Bandaríski heimspekingurinn Will
Durant skrifaði fjölda bóka um
heimspeki og sögu. Hann hlaut Pu-
litzer-verðlaunin fyrir bókaflokk
sinn í ellefu bindum um sögu sið-
menningar. Þær komu út á árunum
1935 til 1975. Nokkrar þeirra hafa
komið út á íslensku.
Bandaríski skáksnillingurinn Bobby
Fischer lagði Boris Spasskí aftur að
velli í skákeinvígi í Belgrad í Júgó-
slavíu á þessum degi árið 1992. Fis-
cher vann tíu skákir, tapaði fimm
og fimmtán enduðu með jafntefli.
Með þátttöku í einvíginu virti Fis-
cher að vettugi alþjóðlegar refsiað-
gerðir sem á þessum árum beind-
ust gegn Júgóslavíu vegna borgara-
styrjaldarinnar sem þar geisaði. Eftir
það var Fischer eftirlýstur í Banda-
ríkjunum og eigur hans þar gerð-
ar upptækar. Hann varð útlægur frá
Bandaríkjunum og bjó í Japan og
síðar á Íslandi. Hann gat ekki snúið
aftur til Bandaríkjanna án þess að
hætta á handtöku og fangelsisvist.
Einvígi þeirra Fischers og
Spasskís í Júgóslavíu var endur-
tekning á frægu einvígi þeirra sem
fór fram í Reykjavík árið 1972, en
þá hirti Fischer heimsmeistaratit-
ilinn af Spasskí með talsverðum
yfirburðum.
Heimsmeistaratitillinn rann
Fischer þó úr greipum árið 1975
þegar hann neitaði að verja titilinn
fyrir áskorandanum Anatólí Karpov.
ÞETTA GERÐIST: 5. NÓVEMBER 1992
Fischer sigrar Spasskí aftur
Menningarmiðstöðin Gerðu-
berg í Breiðholti boðar til
handverkskaffistundar
klukkan 20 í kvöld.
Að þessu sinni verður
kaffið með jólaívafi, enda
ekki langt í hátíð ljóssins.
Elva Björk Jónatansdótt-
ir blómaskreytir mætir á
svæðið og sýnir mismun-
andi aðferðir við gerð að-
ventukransa.
Gestum verður að sjálf-
sögðu velkomið að taka
með sér handavinnu sína, af
hvaða tagi sem er, og eiga
notalega stund í góðum hópi
áhugafólks um handverk.
Stefnt er að því að halda
handverkskaffi í Gerðu-
bergi á eins til tveggja mán-
aða fresti á næsta ári, en
handverks- og prjónakaffi-
stundir hafa sótt mjög í sig
veðrið á síðustu misserum.
Gerðuberg hvetur fólk
jafnframt til að vera óhrætt
við að láta vita ef það býr
yfir hugmyndum varðandi
handverk eða sýnikennslu
sem hægt væri að taka fyrir
á þessum kvöldum.
Handverkskaffi í kvöld
Boðið verður upp á kennslu í
gerð aðventukransa í Gerðubergi
í kvöld. FRÉTTABLAÐIÐ/VILHELM
Innilegar þakkir fyrir auðsýnda samúð
og vinarhug vegna fráfalls
Marteins Sverrissonar
Langatanga 2, Mosfellsbæ.
Hrefna Kjartansdóttir og fjölskylda.
Ástkær eiginmaður minn, faðir okkar,
tengdafaðir og afi,
Gunnar Kristján
Guðmundsson
Ljósuvík 24, Reykjavík,
andaðist á gjörgæsludeild Borgarspítalans þann
3. nóvember. Jarðarför auglýst síðar.
Elín H. Jónsdóttir
Friðbjört Gunnarsdóttir Þórir Jónsson
Hallfríður Gunnarsdóttir Bragi Már Valgeirsson
og barnabörn.
Þökkum innilega auðsýnda samúð við
andlát og útför elskulegrar eiginkonu
minnar, móður, tengdamóður og ömmu,
Bergþóru Bergsdóttur
Byggðavegi 149, Akureyri.
Þökkum starfsfólki á dvalarheimilinu Hlíð fyrir
góða umönnun, sérstakar þakkir til starfsfólksins í
Skógarhlíð.
Einar Björnsson
Björn Einarsson Lovísa Kristjánsdóttir
Margrét Ósk Buhl Björnsdóttir
Einar Bergur Björnsson
Kristján Breki Björnsson.
Elsku eiginmaður minn, faðir, tengdafaðir,
afi og langafi,
Ásgeir Beck Guðlaugsson
Urðarstekk 5, Reykjavík,
andaðist á hjúkrunardeild Grundar á Landakotsspítala
1. nóvember sl. Útförin verður fimmtudaginn 6. nóv-
ember kl. 13 frá Grafarvogskirkju. Þeim sem vilja minn-
ast hans er bent á Íþróttafélag fatlaðra í Reykjavík.
Arndís Lilja Níelsdóttir
Larry Guðlaugur Keen Kathy Ann Balatoni Keen
Kristjana Þórdís Ásgeirsdóttir Guðni Gíslason
Guðrún Ásgeirsdóttir Guðmundur Tómasson
Lilja Petra Ásgeirsdóttir Erlendur Magnús
Magnússon
Guðlaug Ásgeirsdóttir Eiríkur Arnarson
Níels Árni Ásgeirsson
barnabörn og barnabarnabörn.
Ástkær eiginmaður, faðir,
tengdafaðir og afi,
Tómas Björn Þórhallsson
pípulagningameistari
Forsölum 1, Kópavogi,
lést mánudaginn 3. nóvember á Landspítalanum við
Hringbraut. Útförin fer fram í Kópavogskirkju
þriðjudaginn 11. nóvember kl. 15. Þeim sem vilja
minnast hans er bent á Krabbameinsfélagið eða
Sunnuhlíðarsamtökin.
Kristjana Sigurðardóttir
Helga Tómasdóttir Herbert Már Þorbjörnsson
Halla Tómasdóttir Björn Skúlason
Harpa Tómasdóttir Haraldur Helgi Þráinsson
Kristjana Ýr Herbertsdóttir Helgi Már Herbertsson
Tómas Bjartur Björnsson Auður Ína Björnsdóttir
Unnur Helga Haraldsdóttir
Elskuleg móðir okkar og tengdamóðir,
Guðlaug Ólafsdóttir
lést þriðjudaginn 4. nóvember á Hjúkrunar-
heimilinu Skógarbæ.
Lára M. Gísladóttir Halldór J. Guðmundsson
Dagný Ó. Gísladóttir Ragnar Tómasson
Helga J. Gísladóttir Sigurgeir Sigurjónsson
Guðrún G. Þórarinsdóttir Kristján Þórðarson
Vilborg Þórarinsdóttir Sigmundur Örn Arngrímsson
Elskulegur eiginmaður minn, faðir okkar,
tengdafaðir og afi,
Einar Pálmason
skipstjóri, frá Snóksdal, Sóltúni 5,
Keflavík,
lést á Landspítalanum við Hringbraut, sunnudaginn
2. nóvember. Útför fer fram frá Keflavíkurkirkju,
fimmtudaginn 6. nóvember kl. 14.00. Jarðsett verður í
Snóksdal, laugardaginn 8. nóvember. Blóm og kransar
vinsamlega afþakkað, en þeim sem vildu minnast hans
er bent á Krabbameinsdeild Landspítalans.
Jóhanna Auður Árnadóttir
Árni Jens Einarsson Júlíana Guðrún Júlíusdóttir
Erna Pálmey Einarsdóttir Kristgeir Arnar Ólafsson
Ólafur Oddgeir Einarsson Ólína Þuríður Lárusdóttir
og barnabörn.
timamot@frettabladid.is