Fréttablaðið - 05.11.2008, Blaðsíða 22

„Ég var búin að horfa á þetta tóma
frystihús lengi en það hefur staðið
autt í mörg ár,“ útskýrir Ásta Sig-
fúsdóttir, glerlistakona og mynd-
menntakennari, en hún stendur í
framkvæmdum með fjölskyldu
sinni á Borgarfirði eystri.
„Upphaflega var hugmyndin sú að
reka fiskveitingastað í húsinu en
tengdasyni mínum datt svo í hug að
við keyptum bara allt húsið og
byggðum upp hótel.“
Átta gistirými verða á hótelinu,
stór herbergi með baði, og er ætl-
unin að miða við að fólk stoppi í
fleiri en eina nótt í einu. Ásta segir
þau sjá fyrir sér að listamenn geti
komið og unnið að listsköpun og
eins náttúruunnendur en húsið er
ofan í fjörunni.
„Hótelið verður lista- og heilsu-
tengt. Umhverfið er með eindæm-
um fallegt hérna og fólk getur notið
þess að vera úti í náttúrunni. Þá
hugsuðum við okkur að nota dauða
tímann, eins og vorin og haustin og
eitthvað yfir veturinn, fyrir lista-
menn til að vinna. En á ferðamanna-
tímanum yrði boðið upp á almenna
heilsutengda ferðaþjónustu.“
Einnig segir Ásta á döfinni að
byggja upp heita potta og sánabað í
fjörunni og að hótelið yrði í sam-
starfi við skipulagða ferðaþjónustu
á svæðinu til dæmis með göngu-
ferðir. Nuddarar yrðu starfandi á
hótelinu og boðið upp á heilsusam-
legt fæði á vetingastaðnum þar
sem hráefnið væri fengið úr hérað-
inu.
Ásta fékk nýverið styrk úr
atvinnuaukningarsjóði Borgar-
fjarðar eystri og eru framkvæmdir
þegar hafnar við hóteluppbygging-
una. „Við höfum þegar opnað gall-
eríið og hugsum okkur að bjóða
listamönnum að halda sýningar hér
í sumar. Svo stefnum við á að opna
líka annaðhvort veitingahúsið eða
gistinguna í sumar.“
heida@frettabladid.is
Frystihúsi breytt í hótel
Fjölskylda Ástu Sigfúsdóttur glerlistakonu vinnur nú að því að breyta gömlu frystihúsi á Borgarfirði
eystri í hótel. Þegar er búið að opna listgallerí í húsinu og er stefnan sett á frekari opnun í sumar.
Borgarfjörður eystri er rómaður fyrir náttúrufegurð og fuglalíf. Í sumar munu listamenn geta sýnt í nýju galleríi í gamla frystihús-
inu en þar er verið að byggja upp hótel og veitingastað. FRÉTTABLAÐIÐ/HEIÐA
JÓLAFERÐIR til Kanaríeyja eru farnar að seljast hjá Plúsferð-
um. Verðið er frá 75.731 krónu á mann miðað við tvo fullorðna
og tvö börn í íbúð með einu svefnherbergi á Veril Playa í 12
nætur frá 17. desember.
Framkvæmdir eru hafnar í gamla frysti-
húsinu.
JOMOS herraskór
- Þýsk gæðavara
KAUPMANNAHÖFN – LA VILLA
Heimagisting á besta stað í bænum.
Býður alla Íslendinga velkomna.
Geymið auglýsinguna.
www.lavilla.dk. S.0045 3297 5530. GSM. 0045 2848 8905
Skógarhlíð 18 • sími 595 1000
Akureyri • sími 461 1099 • www.heimsferdir.is
Bremsuhlutir
í alla jeppa
og pickupa
Vagnhöfða 7
110 Reykjavík
Sími: 517 5000
Diskar
Klossar
Dælur
Borðar
Ísetningarþjónusta
ÁRMÚLA 42 - SÍMI 553 4236
BÍLSKÚRS OG IÐNAÐARHURÐIR
• Hurðir til á lager • Smíðað eftir máli
• Eldvarnarhurðir • Öryggishurðir
Gera má ráð fyrir að ferðalög
innanlands sæki mjög í sig
veðrið á næstunni. Ferðafé-
lag Íslands býður upp á ýmsa
skemmtilega möguleika í því
samhengi.
Þó svo að helsti útivistarárstíminn
hérlendis sé liðinn og vetur kon-
ungur svo gott sem tekinn við er
engin ástæða til þess að hætta með
öllu að njóta samvista við fagra
íslenska náttúru. Ferðafélag
Íslands býður félagsmönnum
sínum upp á ýmsa skemmtilega
möguleika á útivist og náttúru-
skoðun. Til að mynda hittast
félagsmenn á hverjum sunnudegi
og halda í stutta og hressandi
óvissuferð rétt út fyrir borgar-
mörkin, en það kemur hugsanlega
sumum á óvart hversu miklar
náttúruperlur má finna steinsnar
frá ys og þys borgarinnar.
Félagsgjaldi í Ferðafélaginu er
mjög stillt í hóf, en félagsmennsku
fylgja ýmis fríðindi. Félagsmenn
fá veglega árbók og afslátt af gist-
ingu í skálum sem og skipulögðum
ferðum félagsins. Þeir sem hafa
áhuga á að kynna sér nánar starf
Ferðafélags Íslands geta skoðað
vefsíðuna www.fi.is.
- vþ
Göngugleði hvern sunnudag
Það er fátt betra en að ganga úti í nátt-
úrunni í góðum félagsskap.