Fréttablaðið - 16.12.2008, Blaðsíða 19

ÞRIÐJUDAGUR 16. desember 2008 19
„Það eru augljósir kostir
og gallar við aðild að Evr-
ópusambandinu. Við þurf-
um að láta reyna á hverjir
þeir eru með aðildarvið-
ræðum,“ segir Finnur
Oddsson, framkvæmda-
stjóri Viðskiptaráðs
Íslands.
Stjórn Viðskiptaráðs
samþykkti í síðustu viku
ályktun sem kveður á um að sótt
verði um aðild að Evrópusamband-
inu (ESB). Í tilkynningu Viðskipta-
ráðs kemur fram að stjórnin hafi
ályktað um málið vegna þeirrar
stöðu sem nú sé uppi í efnahags-
málum og vegna mikilvægis þess
að sem fyrst verði komið á meiri
vissu um framtíðarskipan peninga-
mála hér.
Stjórnin segir mikilvægt að opin
umræða eigi sér stað um lausnir á
efnahagsvandanum og að í þeim
efnum megi ekki útiloka tiltekna
valkosti. „Í því sambandi verður
ekki hjá því litið að raun-
verulegir efnahagslegir
kostir fylgja aðild að mynt-
bandalagi Evrópu og Evr-
ópusambandinu,“ segir í
ályktun stjórnarinnar.
Stjórnin mælist til þess
að þegar í stað verði skil-
greind samningsmarkmið
og að sótt verði um aðild
að ESB í kjölfarið.
Eins og Finnur bendir á verði
kostir landsins ekki skoðaðir til
hlítar nema með því að sækja um
aðild að sambandinu, ekki síst þeir
sem snúa að sérstökum íslenskum
hagsmunum, einkum þeim sem
lúta að nýtingu og stjórnun auð-
linda. „Með aðildarumsókn að ESB
er hægt að taka afstöðu til þess
hvort samningar okkar verði hag-
felldir,“ segir Finnur, en í ályktun
stjórnarinnar kemur fram að hún
muni taka afstöðu til aðildarsamn-
ings þegar hann liggi fyrir.
- jab
FINNUR ODDSSON
Vilja hefja aðildar-
viðræður við ESB
EVRUTURNINN Í FRANKFURT Risastórt evrumerki er fyrir framan höfuðstöðvar Seðla-
banka Evrópu í Frankfurt í Þýskalandi. Viðskiptaráð vill hefja viðræður um aðild að
Evrópusambandinu og Myntbandalagi Evrópu. NORDICPHOTOS/AFP
SENDU JÓLAPAKKANA