Fréttablaðið - 16.12.2008, Blaðsíða 59

ÞRIÐJUDAGUR 16. desember 2008
FÓTBOLTI Carles Puyol, fyrirliði
Barcelona, neitar að afskrifa Real
Madrid úr titilbaráttunni í
spænsku úrvalsdeildinni þrátt
fyrir að Börsungar séu nú með
tólf stiga forskot á erkifjendur
sína úr höfuðborginni eftir 2-0
sigurinn í El clasico á Nývangi
um síðustu helgi.
„Tólf stiga forskotið er
vissulega ánægjulegt en það má
ekki afskrifa Real Madrid því
Madrídingar munu aldrei gefast
upp,“ segir Puyol og minnir á að
Börsungar séu ekki búnir að
vinna neitt enn þá. - óþ
Carles Puyol, Barcelona:
Ekki afskrifa
Real Madrid
FÓTBOLTI Fernando Gomez,
vara forseti Valencia, lét hafa
eftir sér í gær að stjörnuleik-
mennirnir David Villa og David
Silva væru ekki á förum frá
spænska félaginu þegar félags-
skiptaglugginn verður opnaður í
janúar. Aðrir leikmenn gætu þó
verið seldir ef rétt upphæð yrði
borguð en Valencia eða „Los Che“
eins og það er gjarnan kallað er
sagt vera í miklum fjárhags-
kröggum þessa dagana, eins og
reyndar mörg önnur félög.
„Hvorki Villa né Silva munu
fara frá okkur þar sem þeir eru
lykilmenn hjá Valencia. Mögu-
leiki er hins vegar fyrir hendi að
leikmenn eins og Nikola Zigic og
Hugo Viana séu á förum enda
hafa þeir ekki náð að festa sig
almennilega í sessi á þessari
leiktíð,“ er haft eftir Gomez í El
Confidencial í gær.
Villa hafði verið sterklega
orðaður við Man. City og Silva
var til að mynda orðaður við Man.
Utd síðasta sumar. - óþ
Fernando Gomez, Valencia:
Villa og Silva
ekki á förum
EKKI Á FÖRUM Valencia vill halda David
Silva áfram á Mestalla-leikvanginum.
NORDIC PHOTOS/GETTY
FÓTBOLTI Jóhannes Karl Guðjóns-
son átti sannkallaðan stórleik í 3-2
sigri Burnley á Southampton um
helgina þar sem hann skoraði tvö
mörk en sigurinn styrkir stöðu
Burnley í toppbaráttu Champion-
ship-deildarinnar á Englandi. Í
viðtali við staðarblaðið The Citizen
í Burnley kvaðst Jóhannes Karl
vera bjartsýnn á áframhaldandi
frábært tímabil hjá félaginu og
hvetur bestu leikmenn félagsins
að vera áfram á Turf Moor.
„Ef heldur sem horfir þá stefnir
í að við eigum eftir að uppskera
veglega í lok yfirstandandi keppn-
istímabils. Það er því afar mikil-
vægt að Burnley nái að halda í
sína bestu leikmenn þegar félaga-
skiptaglugginn verður opnaður í
janúar. Leikmenn og þjálfarateymi
Burnley ná mjög vel saman og
allir njóta þess að vinna sína vinnu
á hverjum degi og í rauninni sé ég
ekki ástæðu fyrir því að menn
ættu að vilja fara frá félaginu.
Nema kannski ef Manchester
United bankaði á dyrnar,“ segir
Jóhannes Karl en bæði Chris
Eagles og Chris McCann eru taldir
vera undir smásjá félaga í ensku
úrvalsdeildinni.
Eftir að nýlega var tilkynnt um
tæplega tveggja milljón punda tap
á rekstri félagsins er talið ólíklegt
að knattspyrnustjórinn Owen
Coyle fái pening til þess að styrkja
leikmannahópinn í janúarglugg-
anum en Jóhannes Karl telur
núverandi leikmannahóp alveg
nógu sterkan til þess að ná
árangri.
„Við erum að mínu mati með
mjög góðan leikmannahóp og allir
þekkja sitt hlutverk í liðinu vel.
Það skiptir engu máli hvað Burn-
ley fær mikinn pening á leik-
mannamarkaðnum, þetta snýst
bara um að við leikmennirnir
verðum að halda áfram á sama
striki og gera það sem knatt-
spyrnustjórinn leggur upp með.
Við erum búnir að setja okkur
markmið um að vera í sæti í
úrslitakeppninni og eins og við
erum að spila í augnablikinu þá
held ég að við getum vel náð því
með núverandi mannskap,“ segir
Jóhannes Karl vongóður. - óþ
Jóhannes Karl hefur fulla trú á að Burnley haldi nú áfram á beinu brautinni:
Allir þekkja sitt hlutverk vel
JÓHANNES KARL Ánægður með spilamennsku Burnley upp á síðkastið og vonast til
þess að félagið haldi áfram á sömu braut. NORDIC PHOTOS/GETTY
FÓTBOLTI Breskir fjölmiðlar hafa
látið gamminn geisa síðan Roy
Keane sagði starfi sínu lausu sem
knattspyrnustjóri Sunderland og
listi „mögulegra“ eftirmanna
hans í starfi er orðinn ansi langur.
Síðasta nafnið til þess að bætast á
þann lista er enginn annar en
Brasilíumaðurinn Carlos Alberto
Parreira.
Hinn 65 ára gamli Parreira er
best þekktur fyrir að hafa stýrt
Brasilíu til sigurs á heimsmeist-
aramótinu í Bandaríkjunum árið
2004 en hann hefur komið víða
við á löngum ferli sínum sem
knattspyrnustjóri og landsliðs-
þjálfari. Meðal félagsliða sem
Parreira hefur verið knattspyrnu-
stjóri hjá eru Fluminesnse, Sao
Paulo og Corinthians í Brasilíu,
Valencia á Spáni, Fenerbahce í
Tyrklandi og MetroStars í Banda-
ríkjunum.
Parreira hefur alls verið lands-
liðsþjálfari fjögurra þjóða en
hann sagði upp störfum sem
landsliðsþjálfari Suður-Afríku í
apríl á þessu ári. Hann er annar
aðeins tveggja landsliðsþjálfara
sem hafa afrekað að koma fjórum
þjóðum á lokakeppni heims-
meistara mótsins en því náði hann
með Kúveit (1982), Sameinuðu
arabísku furstadæmunum (1990),
Brasilíu (1994 og 2006) og Suður-
Afríku (1998).
Í gær bættist Parreira í hóp
þeirra knattspyrnustjóra sem
hafa verið orðaðir við starfið hjá
Sunderland en nafn hans bar á
góma í mörgum ensku dagblað-
anna í gærmorgun. Meðal þeirra
sem hafa verið nefndir til sögunn-
ar í þessu samhengi eru engin smá
nöfn í knattspyrnuheiminum,
Roberto Mancini, fyrrum stjóri
Inter, Bernd Schuster, fyrrum
stjóri Real Madrid, og Frank Rij-
kaard, fyrrum stjóri Barcelona.
Áður höfðu Steve McClaren hjá
FC Twente, Peter Reid, landsliðs-
þjálfari Taílands, Phil Brown,
stjóri Hull, og Gerard Houllier,
fyrrum stjóri Liverpool og núver-
andi ráðgjafi franska knattspyrnu-
sambandsins, lýst því yfir að þeir
hefðu ekki áhuga á starfinu.
Ricky Sbragia tók tímabundið
við stjórastöðunni hjá Sunder-
land eftir að Keane hætti og
félagið byrjaði þá á því að tapa
naumlega gegn Englandsmeist-
urum Man. Utd en um helgina
vanst svo 4-0 sigur gegn WBA og
nokkur bresku dagblaðanna vilja
meina að Sbragia sé nú einnig
með í kapphlaupinu. - óþ
Listi mögulegra eftirmanna Roys Keane lengist:
Parreira nú sagður
efstur á óskalista
EFTIRMAÐUR KEANES FUNDINN? Brasilíumaðurinn Carlos Alberto Parreira er
óvænt kominn í kapphlaupið um stjórastöðuna hjá Sunderland. NORDIC PHOTOS/AFP
P
IP
A
R

•
S
ÍA

•
8
2
7
1
0