Fréttablaðið - 27.12.2008, Blaðsíða 34

30 27. desember 2008 LAUGARDAGUR
sport@frettabladid.is
Leikið verður í N1-deildarbikar karla og kvenna í Laugardalshöllinni
í dag og á morgun, þar sem fjögur lið í hvorum flokki fyrir sig sem
státa af bestum árangri til þessa í N1-deildunum í vetur etja kappi.
Fréttablaðið fékk þjálfara þeirra liða sem voru næst því að komast
í hóp fjögurra bestu, Guðmund Karlsson hjá kvennaliði FH og Rúnar
Sigtryggsson hjá karlaliði Akureyrar, til þess að spá fyrir um úrslit
leikjanna í karla- og kvennaflokki í dag.
Hjá konunum mætast Haukar og Fram í dag
kl. 12 og Stjarnan og Valur kl. 14.
„Haukarnir eru búnir að vera mjög
sannfærandi undanfarið og þeirra öflug-
ustu leikmenn, Hanna G. Stefánsdóttir og
Ramune Pekarskyte, hafa verið í mun betra
formi núna heldur en í fyrra og það hefur
skipt sköpum. Framarar hafa hins vegar ekki
fylgt eftir góðu gengi í fyrra en á góðum degi
geta þær samt vissulega strítt Haukunum.
Ég hallast samt að sigri Hauka í þessum
leik,“ segir Guðmundur.
„Það er skarð fyrir skildi hjá Stjörnunni að hafa misst Birgit Engl og
þó svo að Valsliðið sé ekki að toppa eins og ég átti von á þá tippa ég
á að Valur hafi þetta,“ segir Guðmundur um leik Stjörnunnar og Vals.
Hjá körlunum mætast topplið Fram og HK í dag kl. 16 og seinni
leikurinn á milli Vals og Hauka hefst kl. 18.
„Framarar hafa verið á mikilli siglingu og eru með sjálfstraustið í
botni. Handbragð Viggós Sigurðssonar er farið að
sjást á liðinu og ég tel að HK-ingar nái ekki
að standast Frömurum snúninginn,“ segir
Rúnar.
„Það er spurning hvernig hröðu
leikmennirnir hjá Val ná sér upp á móti
Haukavörninni. Þetta eru svipuð lið af getu
en Valsmenn eru hraðari og vinna leikinn,“
segir Rúnar.
Á morgun fara svo fram úrslitaleikirnir þar
sem sigurvegarar dagsins í dag eigast
við, úrslitaleikur kvenna hefst kl.
13.30 og úrslitaleikur karla kl. 15.50.
ÞJÁLFARARNIR GUÐMUNDUR KARLSSON OG RÚNAR SIGTRYGGSSON: SETJA SIG Í SPÁMANNSSTELLINGAR
Spáð í spilin fyrir leikina í N1-deildarbikarnum
> Heiðar settur á bekkinn hjá QPR
Það var ekki nóg fyrir Heiðar Helguson að
hafa skorað þrjú mörk í síðustu tveimur
leikjum Queens Park Rangers. Paulo
Sousa, stjóri QPR setti Heiðar á bekkinn
í útileik liðsins á móti Charlton í gær.
Samuel Di Carmine og Dexter Black-
stock byrjuðu saman í framlínunni
en sá síðarnefndi kom inn á sem
varamaður og skoraði sigurmark
liðsins í leiknum á undan. Heiðar
kom inn á sem varamaður níu
mínútum fyrir leikslok en staðan
breyttist ekki eftir það og leiknum
lauk með 2-2 jafntefli.
FÓTBOLTI Staða efstu liðanna er
óbreytt eftir heila umferð á öðrum
degi jóla. Chelsea komst þó á topp-
inn í tvo tíma og setti pressu á
Liverpool-menn sem stóðust hana
síðan með glæsibrag. Manchester
United fylgir líka fast á eftir þökk
sé sigurmarki Carlos Tevez en
meistararnir eru sjö stigum á eftir
Liverpool og eiga tvo leiki inni.
Liverpool hélt toppsætinu eftir
sannfærandi 3-0 sigur á Grétari
Rafni Steinssyni og félögum í
Bolton. Grétar Rafn var heppinn
með að fá ekki sitt annað gula
spjald í upphafi seinni hálfleiks og
Bolton-liðið gat þakkað fyrir að
tapa aðeins með þriggja marka
mun. Liverpool náði þarna loksins
að vinna leik á Anfield eftir þrjú
jafntefli í röð.
Steven Gerrard
lagði upp tvö
fyrstu mörkin
og það síðasta
kom eftir frá-
bæra skyndi-
sókn. Robbie
Keane skoraði seinni
tvö mörkin eftir að Albert
Riera hafði komið Liverpool í
1-0.
Keane kann vel við sig á
öðrum degi jóla en eftir
þessi tvö mörk hefur hann
skorað 8 mörk á þessum
degi undanfarin tíu tíma-
bil þar af tvö mörk bæði
í ár (Liverpool) og í
fyrra (Tottenham).
„Robbie hefur ekki
verið í lélegu formi
þrátt fyrir það sem ein-
hverir eru að halda fram.
Hann hefur unnið mikið fyrir
liðið og þar metum við hvað menn
skila til okkar liðs. Við vitum alveg
hvað hann getur og hvað hann
bætir við þetta lið. Menn geta
sagt það sem þeir vilja um hann
en við vitum af hverju hann er
að spila fyrir Liverpool og höfum
yfir engu að kvarta,” sagði Sammy
Lee, aðstoðarstjóri Liverpool eftir
leikinn.
Drogba byrjaði vel
Chelsea vann einnig langþráðan
heimasigur þegar liðið vann West
Bom 2-0 en liðið var aðeins
búið að fá tvö stig út úr
síðustu þremur leikj-
um sínum á Brúnni.
Það virkaði vel að
tefla þeim Nicolas
Anelka og Didier
Drogba saman í
framlínunni því
Drogba var búiinn að
skora eftir 3 mínútur.
„Það létti mikilli
pressu af okkur að
fá mark svona snemma og við spil-
uðum mjög góðan fótbolta í dag.
Ég var mjög ánægður með hreyf-
ingar Anelka, Drogba og Joe Cole
í framlínunni,“ sagði Ray Wilkins,
aðstoðarmaður Luiz Felipe Scolari
og hann var sáttur með framgöngu
Drogba. „Hvaða lið sem er í
úrvalsdeildinni myndi
finna fyrir því að missa
eins góðan leikmann
og Didier Drogba.
Það er frábært að fá
stóra strákinn aftur
inn í liðið því hann
hjálpar svo
mörgum öðrum leikmönnum liðs-
ins,“ sagði Wilkins.
Manchester United þurfti að
bíða fram á 83. mínútu til þess að
skora siugrmarkið gegn Stoke. Þá
var liðið orðið manni fleiri þar sem
það var búið að reka Andy Wilkin-
son útaf með tvö gul spjöld.
Carlos Tevez skoraði markið
mikilvæga eftir snildarlega undir-
búning frá Dimitar Berbatov.
Farinn að hafa áhyggjur
„Maður var farinn að hafa áhyggj-
ur en við getum vonandi litið til
baka í vor og talað um að þessi
sigur hafi skipt okkur miklu máli,“
sagði Alex Ferguson, stjóri
Manchester og bætti við.
Tony Pulis, stjóri Stoke viður-
kenndi að seinna gula spjaldið hafi
verið rétt en var mjög óánægður
með það fyrra. „Við vorum á upp-
leið í leiknum þegar við misstum
hann útaf og það eru mikil von-
brigði að fá ekkert út úr þessum
leik,“ sagði Pulis eftir leikinn.
Manchester City og Hull hafa
verið mikið í umræðinni af ólíkum
ástæðum en sýndu á sér allt aðrar
hliðar í gær þegar City burstaði
nýliðana 5-1. Phil Brown, stjóri
Hull er mikill karakter, og hann
var svo ósáttur með fyrri hálfleik-
inn að hann hélt harðan fyrirlestur
yfir sínum mönnum út á miðjum
velli. Staðan var 4-0 fyrir City í
hálfleik og leikurinn í raun búinn.
Í lokaleik dagsins náði Arsenal
ekki að jafna Aston Villa að stigum
í baráttunni um 4. sætið þrátt fyrir
að komast í 2-0 í leik liðanna á Villa
Park. Aston Villa sótti og fékk
færin en Arsenal skoraði engu að
síður tvö fyrstu mörk leiksins.
Aston Villa náði hins vegar að
tryggja sér stig þegar Zat Knight
jafnaði leikinn í uppbótartíma en
áður hafði liðið fengið umdeilda
vítaspyrnu.
ooj@frettabladid.is
Keane skorar og skorar á jólunum
Chelsea sat á toppnum í tvo tíma eftir 2-0 sigur á WBA en Liverpool endurheimti toppsætið með sannfær-
andi sigri á Bolton. Robbie Keane er búinn að skora átta jólamörk. Tevez bjargaði Man. United gegn Stoke.
BESTUR
UM JÓLIN
Robbie
Keane og
Steven Gerrard
fagna fyrra marki
Keane sem Gerr-
ard lagði upp.
NORDICPHOROS/GETTY
Enska úrvalsdeildin
ASTON VILLA - ARSENAL 2-2
0-1 Denilson (39.), 0-2 Abou Diaby (48.), 1-2
Gareth Barry (64.), 2-2 Zat Knight (90.).
CHELSEA - WEST BROM 2-0
1-0 Didier Drogba (2.), 2-0 Frank Lampard (46.).
LIVERPOOL - BOLTON 3-0
1-0 Albert Riera (25.), 2-0 Robbie Keane (52.),
3-0 Keane (57.) Grétar Rafn lék allan leikinn.
MANCHESTER CITY - HULL CITY 5-1
1-0 Felipe Caicedo (14.), 2-0 Felipe Caicedo
(26.), 3-0 Robinho (27.), 4-0 Robinho (35.), 4-1
Craig Fagan (79.), 5-1 Stephen Ireland (81.).
MIDDLESBROUGH - EVERTON 0-1
0-1 Tim Cahill (49.).
PORTSMOUTH - WEST HAM UNITED 1-4
1-0 Nadir Belhadj (7.), 1-1 Jack Collison (19.), 1-2
Carlton Cole (66.), 1-3 Craig Bellamy (69.), 1-4
Bellamy (82.). Hermann Hreiðarsson lék ekki.
STOKE CITY - MANCHESTER UNITED 0-1
0-1 Carlos Tevez (82.).
WIGAN ATHLETIC - NEWCASTLE UNITED 2-1
1-0 Ryan Taylor (28.), 2-0 Amr Zaki (72.), 2-1
Danny Guthrie (87.)
STAÐAN:
Liverpool 19 12 6 1 30-12 42
Chelsea 19 12 5 2 38-7 41
Man.United 17 10 5 2 28-10 35
Aston Villa 19 10 5 4 32-22 35
Arsenal 19 9 5 5 32-23 32
Everton 19 8 5 6 24-25 29
Hull City 19 7 6 6 28-36 27
Fulham 18 6 7 5 16-12 25
Wigan 18 7 4 7 23-21 25
Bolton 19 7 2 10 22-27 23
Portsmouth 19 6 5 8 21-32 23
Newcastle 19 5 7 7 25-27 22
West Ham 19 6 4 9 22-27 22
Sunderland 19 6 4 9 21-26 22
Man. City 19 6 3 10 36-28 21
Tottenham 19 5 5 9 20-23 20
Middlesbr. 19 5 5 9 17-28 20
Stoke City 19 5 5 9 17-31 20
Blackburn 19 4 5 10 20-34 17
West Brom 19 4 3 12 14-35 15
Enska 1. deildin
Charlton-QPR 2-2
Heiðar Helguson kom inn á 81. mínútu.
Burnley-Barnsley 1-2
Jóhannes Karl Guðjónsson sat á bekk Burnley .
Reading-Cardiff 1-1
Ívar Ingimarsson lék allan leikinn með Reading
en Brynjar Björn Gunnarsson sat allan tímann á
bekknum. Adam Federici, markvörður Reading.
jafnaðí leikinn á fjórðu mínútu í uppbótartíma
með þrumuskoti eftir horn.
Swansea-Coventry 0-0
Aron Einar Gunnarsson lék allan leikinn.
ÚRSLITIN Í GÆR