Tíminn - 08.07.1982, Blaðsíða 6
FIMMTUDA GXJR 8. JÚLÍ 1982
6
■ Ferðamiðstöðin i Skaftafelli.
„Tjaldstædið er komið í röð
stærstu ferðamannastaðanna”
segir Borgþór Arngrfmsson, forstöðumaður
Kaupfélags Austur- Skaftfellinga í Skaftafelli
■ „Já, það er allt i fullum gangi héma
núna. En auövitað á þetta enn eftir að
aukast. Júlí er aðal ferðamannamánuð-
urinn og fram í miðjan ágúst“, svaraði
Borgþór Arngrímsson, sem hefur nú i 6
sumur veitt forstöðu útibúi Kaupfélags
Austur-Skaftfellinga sem það rekur í
sambandi við tjaldstæðið og Þjónustu-
miðstöðina i Skaftafelli þessa þrjá
sumarmánuði. En þessi þjónusta var
opnuð í kjölfar hringvegarins sumarið
1974.
í þessu útibúi sagði hann bxði um að
ræða veitingasölu og verslun. Þar er
seldur allur algengur matur og jafnframt
ýmislegt annað sem fólk kann að vanta
á stað sem þessum, svo sem tjaldhælar,
regnfatnaður, sólarolia og því um Iikt.
Auk Borgþórs starfa um 10 manns hjá
þessu útibúi i Skaftafelli.
Ekkert verið skemmt
af þeirri náttúru
sem hér er
- Náttúruverndarráð sér hins vegar
alveg um rekstur tjaldstæðanna og öllu
því viðkomandi og hefur gert það með
miklum sóma. Á tjaldstæðunum eru
snyrtingar og böð og einnig upplýsinga-
skrifstofa, þar sem alltaf er hægt að ná
í einhvern af starfsliði Náttúruverndar-
ráðs.
Við skipulagið hér hefur það verið
regla númer 1,2 og 3 að sýna landslaginu
og þvi umhverfi sem hér er fyllstu
virðingu og málum hefur verið svo fyrir
komið að ekkert hefur verið skemmt af
þeirri náttúru sem hér er. Það er t.d.
ekki leyft að aka hér upp brekkurnar.
Og fólk skilur þetta og virðir. Raunar
held ég að i þessum efnum hafi orðið
töluverð breyting á hjá íslenskum
ferðamönnum, þ.e. að þeir geri sér
orðið i auknum mæli grein fyrir því
hvaða perlur við eigum i okkar landi og
umgangist þær sem slíkar.
18.000 tjaldgistinætur
sl. sumar
- Og margir leggja leið sína i
Skaftafell?
- Já, tjaldstæðið hér er mikið sótt og
komið í röð stærstu ferðamannastaða
landsins. Til marks um það má geta þess
að tjaldgistingar hér voru 18.000 s.l.
sumar. En auk þess koma fjölmargir
aðrir sem ekki gista, t.d. mikið af
hópferðafólki á vegum Ferðaskrifstofu
rikisins, sem hefur hér viðdvöl og borðar
hjá okkur.
Samkvæmt framansögðu eru það um
200 manns sem að meðaltali gista í
Skaftafelli hverja nótt sem tjaldstæðið
er opið og þá að sjálfsögðu miklu fleiri
um háannatímann. íbúar þessara tjald-
búða þar verða þvi oft álika margir og
í góðu kauptúni.
✓
Alíkamargir
íslendingar og
útlendingar
- Hvort eru það frekar útlendingar
eða fslendingar sem koma i Skaftafell?
- Ég hugsa að í heildina sé það mjög
áþekkur fjöldi af útlendingum og
íslendingum. Við höfum tekið eftir að
það er mikið um fjölskyldufólk sem
kemur og hefur nokkra daga viðdvöl.
Einnig kemur töluvert af útlendingum
með Smyrli og margir sem koma með
áætlunarrútunni til að vera hér og þá
gjarnan dögum saman. Þetta er fólk sem
flýgur hingað til lands og hefur valið sér
nokkra dvalarstaði. Einn af þeim er
Skaftafell.
- Heldur þú að ferðir íslendinga um
eigið land hafi aukist á undanförnum
árum?
- Ég tók eftir þvi að fyrst eftir að
hringvegurinn var opnaður, voru margir
bara að flýta sér að komast hringinn.
Siðan hefur fólk meira farið að velja sér
ákveðna staði þar sem boðið er upp á
einhverja aðstöðu og þjónustu. Og
okkur er sagt að þjónustan hér í
Skaftafelli sé með því albesta ef ekki sú
besta, sem gerist á svona stöðum i
landinu.
Fjölmargir koma
aftur og aftur
- Fólk kemur þá kannski aftur og
aftur?
- Já, fjölmargir koma aftur og aftur.
Maður er farinn að þekkja hér mikið af
andlitum, fólk sem kemur ár eftir ár.
- Og hvað hefur svo Skaftafell helst
upp á að bjóða?
- Hér er t.d. mikið af góðum
gönguleiðum og náttúrufegurðinni þarf
vart að lýsa. Gróður hér er ákaflega
fjölbreytilegur, gífurlega margar plöntu-
tegundir og þvi algjört gósenland fyrir
blóma- og gróðuráhugafólk, enda koma
útlendingar hér hópum saman fyrst og
fremst i þeim tilgangi að skoða blóm og
grös. Hér er líka fuglalif. T.d. mikið af
rjúpu sem er alfriðuð hér um slóðir og
svo spök að maður getur gengið alveg
að henni. Einnig er hér nokkuð um
músarrindil, sem ekki er viða á landinu
og svo auðvitað mikið af skógarþröstum.
- Ekki mikið um rigningu?
- Gróðursældin hér talar sinu máli um
veðurfarið. Og einhverra hluta vegna þá
er það stundum svo, að hér getur verið
glampandi sól og steikjandi hiti, þó það
sé kannski rigning á Fagurhólsmýri, sem
er hér aðeins 20 km fyrir austan okkur.
- HEI.