Tíminn - 08.07.1982, Blaðsíða 12

12
FIMMTUDAGUR 8. JÚLÍ1982
Þýskalandsflug Flugleiða:
FRANKFURT
HEIDELBERG
Atli Magnússon skrifar frá Þýskalandi
■ Á hverju ári frá 1971 hafa Flugleiðir
flogið til Frankfurt og þar er nú stærsta
skrifstofa félagsins á austursvæði starf-
semi þess. Liggja til þess gildar orsakir,
þar sem Frankfurt er ein stærsta og
greiðasta umferðarmiðstöð Evrópu og
háborg viðskiptalífs i sambandslýðveld-
inu.
Á fyrri tímum lá leið {slendinga til
Þýskalands - í gestabókum klaustra i
S-Þýskalandi frá 12. öld finnast nöfn
fslenskra karla og kvennna og ekki þarf
að minna á ýmsa hinna eldri biskupa,
sem þar voru við nám. Enn minntu
Þjóðverjar okkur á land sitt og þjóð á
dögum Hansakaupmanna með sigling-
um sínum og verslun, ekki síst með
jám og glervöru að ógleymdu Hamborg-
ar og Rostockaröli sínu. Tengsl okkar
við Þýskaland hafa og aldrei rofnað
alveg og nú á síðustu tímum hefur áhugi
manna hérlendis farið vaxandi á að
heimsækja Þjóðverja og land þeirra,
sem svo margt hefur að bjóða. Má
segja að þessi áhugi hafi farið vaxandi
eftir því sem menn gerast hagvanari á
erlendri grund og vilja gjarna skipu-
leggja ferðir sínar sjálfir. Tvimælalaust
er Frankfurt einn allra tilvaldasti staður
fyrir þá, sem þannig vilja ferðast um
Þýskaland og Evrópu. Hér er ætlunin að
fara nokkrum orðum um hvernig haga
mætti slíkri ferð og er þá miðað við hin
blómskrýddu héruð og borgir i grennd
stórborgarinnar.
Miðstöð samgangna
og viðskipta
Þar sem ferðin hæfist í Frankfurt er
rétt að fara fáeinum orðum um
borgina. Áður er að því vikið, að þetta
er ein mesta samgöngu- og viðskiptamið-
stöð í Þýskalandi. Borgin byggðist
feikihratt upp eftir stríðið og réð því
ekki sist hve mörg alþjóðleg og þýsk
stórfyrirtæki settu höfuðstöðvar sínar
þar niður. Er nú svo komið að þar er
stærsta flughöfn Þýskalands og hin
þriðja stærsta á meginlandinu. Þá tengist
hér á áhrifarikari hátt en annars staðar
í Þýskalandi hið margflókna jámbrauta-
kerfi þess og vegur þvi greiður hvert sem
hugurinn girnist.
Þótt viðskiptalífið sé fyrirferðarmikil!
þáttur í Frankfurt er borgin eigi að siður
rik af tækifærum til þess að njóta
menningarlífs og þar er sitthvað að
skoða. Þar á meðal má minnast á hið
aldna Varðhús (Hauptwache) frá 1730,
Römerberg, þar sem keisarar voru
krýndir á fyrri tíð, bernskuheimili
Goethe, Pálskirkjuna og Dómkirkjuna,
sem er frá 14. öld.
■ Flugleiðir buðu nokkrum blaðamönnum að kynna sér þá möguleika sem
Frankfurt og Dusseldorfflugið býður upp á i síðasta mánuði. Hér eru nokkrir
þátttakenda staddir uppi hjá gamla kastalanum í Hcidelberg. Á miðri myndinni eru
Helgi H. Jónsson og Ellert Schram, ásamt þeim Sveini Sæmundssyni, blaðafulltrúa
og Georg, leiðsögumanni hópsins. Lengst til vinstri má sjá baksvipinn á Ólafi
Sieurðssvni hjá sjónvarpinu og Árna Bergmann hjá Þjóðviljanum. (Ljósm.AM)
..........
Ferðist innan/ands
Gerist félagar og hvetjiö vini og
kunningja til aö gerast einnig félagar og
njóta hlunnindanna sem félagiö býöur
uppá.
Kynniö ykkur ferðaáætlun okkar.
Ferðafé/ag ís/ands
Oldugötu 3
Reykjavík.
Símar: 19533 og 11798.
ÁSAKAFFI
Grundarfirði
Símar: 93-8763 og 93-8688
Opið frá kl. 9 - 23,30
Heitur matur - Grillréttir - Kaffi - Kökur -
Brauð - Öl - o.fl.
Tek á móti ferðahópum,
allt að 60 manns í mat.
Sundlaug - Tjaldstæði o.fl. o.fl. fyrir ferðafólk.
Velkomin til Grundarfjarðar
Ásakaffi
Opið 9-23,30
Símar: 93-8763 og 8688
■ Við „gömlu brúna“ i Heidelberg. Þeir Helgi H. Jónsson og Ólafur Sigurðsson
bregða á leik við brúarapann, sem segir: „Horfið ekki á mig, - þið finnið nóga mína
líka uppi i bæ.“
■ Drosselgasse i Rudesheim. Hér ómar söngur og dansmúsik út um hverjar dyr
og hér má finna flest það besta í þýskri matargerðarlist og vinlista á stærð við
símaskrána. (Ljósmynd AM)
■ Söluskrifstofa Flugleiða við Ross Markt i Frankfurt. Hún þjónar mestum hluta
Austursvæðisins hjá félaginu. (Ljósmynd AM)
■ Frá Franken, - einna mesta vinyrkjuhéraði Þýskalands.