Tíminn - 18.07.1982, Blaðsíða 25

25
SUNNUDAGUR 18. JÚLÍ1982
Umsjón Friðrik Indridason og Viðar Karlsson
„Mér líkar alls
ekki við tónlist”
segir Animal söngvari ANWL
■ Framgangur bresku
pönk grúppunnar ANTI-
NOWHERE LEAGUE
hefur verið með eindæm-
um undanfarna sex mánuði
og er hún nú þekktasta
nýja pönk grúppan í
Bretlandi. Vinsældum
náði ANWL með lítill
skífu „Streets of London“
en tónlistin á henni þykir
lík tónlist Sex Pistols
sálugu.
Útfærsla ANWL á laginu sem Ralph
Mctell gerði frægt á sínum tima „Streets
of London" var raunar þannig að
velsæmisdeild bresku lögreglunnar sá
fulla ástæðu til þess að stöðva frekari
útgáfu plötunnar. Eftir það urðu
æsifréttablöðin full af fréttum um þessa
„ógeðslegu og ruddalegu" hljómsveit.
Þannig að allir ruku upp til handa og
fóta og keyptu plötuna..eftir allt Jón,
maður verður að vita um hvað málið
snýst..“
í vetur urðu ANWL þvi skærasta
nýstirni Breta og i vor gáfu þeir út sína
fyrstu breiðskifu „We Are The League"
og hefur sú skifa trónað i efstu sætum
vinsældarlista þeirra óháðu i yfir tvo
mánuði. Hún fékk mjög góða dóma
gagnrýnenda, t.d. fimm stjömur hjá
gagnrýnendum Sound tímaritsins.
Eftir útkomu breiðskífunnar hélt
ANWL í hljómleikaferðalag undir
nafninu „so what“ og var þeirri för líkt
við Anarchy hljómleikaför Sex Pistols á
sinum tíma.
Zig Zag tímaritið tók fyrir nokkru
viðtal við ANWL piltana og hér fer
útdráttur úr þvi viðtali.
„Animal þekkti ég, hávaxinn,
dökkhærður, siðhærður, klæddur í svart
leður, hundakeðjur og hálsband og
krómhnappar um allt. Hann er sá sem
vann áður i byggingarvinnu, likar vel við
„Jane Fonder“ cigin framburður,
skytterí, mótorhjól og að r... kvenmönn-
um... „hvort sem þeim líkar það eða
ekki...“
Til að vera illvigur í útliti ber hann
sólgleraugu, augun eru of vinaleg."
Þetta segir Sonia Ducie m.a. i inngangi
sínum að viðtalinu í Zig Zag.
Fyrir utan Animal eru þeir mættir
Winston og Magoo en hvar er P.J.?
Animal svarar: „Hann situr á steinum
aftur fyrir „flashin" (erfitt að þýða þetta
orð, á við menn sem svipta af sér
regnfrökkum á járnbrautarstöðvum og
öðrum slíkum stöðum og reynast ekki i
neinu innanundir. í orðabók kallað
stripihneigð, mér finnst það hálffárán-
legt nafn. innskot blm.) Ég sagði honum
að gæta sín, andsk. því þeir höfðu gætur
á honum.“
Magoo: Við erum búnir að fá nóg af
þessum andsk. skíta spurningum sem
við erum alltaf spurðir í þessum
viðtölum. Við segjum ekki neitt.
Heitar umræður um af hverju þeir
ættu ekki að segja neitt í viðtalinu,
blandaðar nærgöngulum spumingum í
minn garð.
ZZ: Finnst ykkur gaman að vera i
hljómsveit og eiga aðdáendur?
Magoo: Nei. Okkur finnst það ekkert
sérstaklega gaman. Við erum ekki mjög
hrifnir af tónlist og gerum þetta aðeins
af þvi að þetta er góður brandari.
Animal: Mér likar alls ekki við tónlist.
ZZ: Viljið þið eignast gommu af
peningum og fá lag i efsta sætið?
Animal: Við munum aldrei fá neitt
andsk. lag í efsta sætið. ALDREI. Og
við kærum okkurkoilótta um peningana,
við höfum hvort sem er aldrei átt neina.
Winston: Ég mundi gera allt fyrir
peninga. ALLT
Animal: Okkur er alveg sama þótt
allir hati okkur, því við höfum hvorn
annan til að tala við.
Magoo: Þegar fólk verður frægt byrja
„grúpíur“ venjulega að fylgja því eftir.
Við vorum vanir að hafa slíkt en ekki
lengur, þvi við erum of skítugir og
lyktum illa. Ef ég segði þér hvenær
Animal fór síðast í bað mundirðu gera
í buxurnar. (Hlátur)
ZZ: Af hverju eruð þið allir í leðri?
Animal: Vegna þess að það er
endingargott og limist við þig er þú
svitnar.
Winston: Okkur líkar við leður þvi
það er svo helvíti erótikst ekki satt, helv.
sexý. Við elskum allir kynlíf. Við höfum
reynt allt (Hlátur). Ert þú i nærbuxum?
ZZ: Eru til einhverjir sem ykkur líkar
við?
Magoo: Jahá. Englar Helvitis, og
mótorhjólagæjar og allir i fangelsum.
Animal: Mig langar til að læra að
skrifa og stafa rétt þvi þá ætla ég að
skrifa bókina „Hvernig verðurðu
öfuguggi". Þvi allir eru öfuguggar á einn
eða annan hátt, þeir vita bara ekki
hvernig þeir eiga að nýta sér það.
ZZ: Eruð þið allir tattóveraðir?
Animal: Já ég safna tattóum.
Winston: Þetta er eins og endurminn-
ingar, í hvert sinn sem eitthvað gerist fæ
ég mér tattó, siðan get ég horft á það
og munað hvað gerðist.
ZZ: Haldið þið að þið verðið alltaf
„anti-nowhere“ fólk þar sem þið hafið
fengið allt „somewhere" fólkið til að
kaupa plötur ykkar?
Animal: Við stofnum „National
Somewhere League".
ANWL á ótrúlegan forða fjögurra
stafa orða sem ekki er getið um í
viðtalinu.
Winston: Sjáumst og gleymdu ekki að
vera i nærbuxunum næst.
- FRI
Staða dýralæknis
við Dýraspítala Watsons er laus til umsóknar.
Upplýsingar um nám og fyrri störf sendist stjórn
Dýraspítala Watsons Po. box 7110 fyrir 7. ágúst
n.k. Farið verður með umsóknir sem trúnaðarmál.
Lausar kennarastöður
Kennara vantar að Laugarbakkaskóla í
Miðfirði.
Ýmsir möguleikar opnir í kennslugreinum. Góðar
íbúðir á staðnum. Nánari upplýsingar gefa
skólastjóri í síma 95-1902 og formaður skóla-
nefndar í síma 95-1591.
Kerfisfræðingur
Óskum að ráða kerfisfræðing til starfa. Verkefni
við IBM S-34 tölvu. Allar nánari upplýsingar gefa
Hermann Hansson og Karl Sævar Jónsson, í
síma 97-8200.
Kaupfélag A-Skaftfellinga
Höfn, Hornafirði.
Sveitarstjóri
Staða sveitarstjóra \ Breiðdalshreppi er laus til
umsóknar. Skriflegum umsóknum ásamt upplýs-
ingum um menntun og fyrri störf skal skilað til
oddvita fyrir 1. ágúst n.k. Nánari upplýsingar í
síma 97-5660 og á kvöldin 97-5633.
Oddviti Breiðdalshrepps.
Tíl sölu
lítil traktorsgrafa IH 3434 árg. 1979. Til sýnis
hjá Véladeild Sambandsins Ármúla.
Véladeild
Sambandsins
Ármúla 3 Reykjavík Simi 38900
Rannsóknarstörf
Skrifstofustörf
Óskum eftir að ráða starfskraft til vinnu á
rannsóknarstofu frá 1.8. ‘82 sem sér um
júgurbólgurannsóknir. Einnig óskast starfskraftur
fyrir hálfan daginn á skrifstofu til að annast
bókfærslu, vélritun o.fl. Upplýsingar á staðnum eða
í síma 10700.
Rannsóknarstofa Mjólkuriðnaðarins
Laugavegi 162, Reykjavík.
Kaffistofa Norræna hússins
í Reykjavík
Starf forstöðumanns Kaffistofu Norræna
hússins er laust til umsóknar.
Æskilegt er, að umsækjendur hafi lokið námi við
húsmæðrakennaraskóla eða sambærilega stofn-
un. Starfs - og stjórnunarreynsla skilyrði.
Umsóknarfrestur er til 15. ágúst og skal stíla
umsóknir til stjórnar Norræna hússins, Norræna
húsinu, Reykjavík.
Staðan veitist frá 15. september 1982.
NORRÆNA
HÚSIÐ