Tíminn - 03.09.1982, Blaðsíða 8
8
FðSTUDAGUR 3. SEPTEMBER 1982
WMnm
Útgefandl: Framsóknarflokkurlnn.
Framkvæmdastjórl: Gfsll Slgurósson. Auglýslngastjórl: Stelngrfmur Gfslason.
Skrlfstofustjóri: Jóhanna B. Jóhannsdóttlr. Afgrelðslustjóri: Slgurður Brynjólfsson
Rltstjórar: Þórarinn Þórarlnsson, Elfas Snæland Jónsson. Rltstjórnarfulltrúl: Oddur
V. Ólafsson. Fréttastjórl: Krlstlnn Hallgrfmsson. Umsjónarmaður Helgar-Tfmans: Atli
Magnússon. Blaðamenn: Agnes Bragadóttir, Ðjarghlldur Stefánsdóttlr, Elrfkur St.
Elrfksson, FrlSrlk Indrlóason, Hel&ur Helgadóttir, Slgur&ur Helgason (fþróttir), Jónas
Guðmundsson, Krlstfn Lelfsdóttlr, Skaftl Jónsson. Útlltsteiknun: Gunnar Traustl
Gu&bjðmsson. LJósmyndir: Gu&jón Elnarsson, Gu&Jón Róbert Ágústsson, Elfn
Ellertsdóttlr. Myndasafn: Eygló Stefónsdóttlr. Prófarklr: Flosl Kristjánsson, Krlstfn
Þorbjarnardóttlr, Maria Anna Þorstelnsdóttlr. Ritstjórn, skrlfstofur og auglýslngar:
Sf&umúla 15, Reykjavfk. Sfml: 86300. Auglýslngasfmi: 18300. Kvöldsfmar: 86387 og
86392.
Verð f lausasðlu 9.00, en 12.00 um helgar. Áskrlft á mánu&i: kr. 130.00.
Setnlng: Tæknldelld Tlmans. Prentun: Bla&aprent hf.
Mesti aðstöðumunurirm
■ Forsætisráðherra sagði í útvarpsviðtali nýlega,
að mesta kjarabót sem nokkur maður fengi á
lífsleiðinni væri að fá úthlutað íbúð í verkamannabú-
stöðum. Sjálfsagt er þetta rétt hjá þeim glögga
manni, en gallinn er sá að það eru tiltölulega fáir sem
fá þessa miklu kjarabót. Það er nánast eins og að fá
happdrættisvinning að detta í þann lukkupott. Þeir
sem ekki fá verða að basla eins og best gengur til
að njóta þeirra lífsgæða að fá að búa innan veggja
og hafa þak yfir höfuðið.
Samdráttur í íbúðabyggingum í nokkur ár getur
leitt til neyðarástands í húsnæðismálum, segir
Guðmundur G. Fórarinsson, alþingismaður, í grein
sem hann ritaði um þessi mál og birtist í Tímanum í
gær. Þar fjallar hann um þá erfiðleika sem
framundan eru í húsnæðismálum. Hér er ekki djúpt
tekið í árinni því sannast sagna ríkir þegar
neyðarástand.
Um þá miklu mismunun sem á sér stað í þessum
málum segir Guðmundur: „Að undanförnu hafa
byggingar verkamannabústaða stóraukist. Útlán úr
Byggingasjóði verkamanna hafa aukist mun meira
en útlán Byggingasjóðs ríkisins. Þetta þýðir þó ekki
samsvarandi aukningu í íbúðabyggingum vegna þess
að lánshlutfall Byggingasjóðs verkamanna er miklu
hærra en Byggingasjóðs ríkisins.
Ung hjón sem fá íbúð í verkamannabústöðum fá
80-90% íbúðarinnar að láni til 42 ára.
Ung hjón sem basla sjálf við að byggja, fá um
17% af byggingarkostnaði lánað til 26 ára. Hér er
auðvitað um feiknarlegan mun að ræða.“
Síðar í greininni segir: „Auðvitað væri gaman að
geta lánað öllum 90% af byggingarkostnaði til 42
ára, en til þess er einfaldlega ekki fé. Meðan svo er
ekki hlýtur að vakna sú spurning hvort þessi
mismunur sé einfaldlega ekki of mikill.
Hér er sjálfsagt um að ræða mesta aðstöðumun,
sem um getur í þjóðfélagi okkar í dag.“
Samdráttur í íbúðabyggingum er staðreynd á
sama tíma og fjölmennir árgangar ungs fólks eru að
setja saman bú. En vonarglæta er hjá því fólki sem
svo er ástatt fyrir, því félagsmálaráðherra hefur sett
starfshóp á laggirnar, sem vinnur við úttekt á stöðu
húsnæðismála og mun gera tillögur til úrbóta.
Vonandi endast hjónabönd og sambýli þar til
úrbæturnar sjá dagsins ljós.
Guðmundur veltir fyrir sér nokkrum leiðum til
úrbóta, m.a. því hvort ekki sé hægt að stórhækka lán
til þeirra sem byggja eða kaupa í fyrsta sinn. Hvort
ekki sé unnt að lækka byggingarkostnað með lækkun
aðflutningsgjalda, launaskatts og aðstöðugjalds.
Einnig hvort unnt sé að auka sparnað í landinu, t.d.
með skattfríðindum. Aukinn sparnaður mundi
koma til góða á mörgum öðrum sviðum.
Pá veltir hann því fyrir sér hvort gefa ætti
Byggingasjóði ríkisins heimild til að taka við sparifé
og ávaxta það. Innlagt fé gæti veitt rétt til hærri
lána, en jafnframt fylgdu sparnaðinum skattfríðindi.
Vísir að þessu er með skyldusparnaðinum og kjörin
varðandi hann þarf að kynna miklu betur en nú er
gert.
Ljóst er að húsnæðismálin eru í ólestri og úr þeirri
flækju verður ekki greitt með því að auka á misrétti
meðal þegnanna. Fað er þeirra sem eignuðust íbúð
fyrir verðtryggingu lána og þeirra sem ekki hafa tök
á að nýta sér verðbólgugróða. Misréttið verður
heldur ekki lagfært með því að úthluta fáum íbúðum
á góðum kjörum en vísa öðrum út á guð og gaddinn. OÓ
á vettvangi dagsins
„Afkoma bænda
mjög misjöfn”
— úr ræðu Inga Tryggvasonar,
formanns Stéttarsambands bænda á
adalfundi sambandsins í Borgarnesi
■ „Erfitt er að gera sér grein fyrir
afkomu landbúnaðarins á árinu 1981.
Engar tölfræðilegar skýrslur liggja fyrir
um tekjur bænda, enda þess ekki von.
Við það bætist að nýleg skattalög gera
ráð fyrir að tekjur bænda og annarra
einyrkja í atvinnurekstri séu að meira
eða minna leyti reiknaðar tekjur" sagði
Ingi Tryggvason, formaður Stéttarsam-
bands bænda m.a. í ræðu sinni á
aðalfundi Stéttarsambandsins sem hófst
í Borgarnesi í gær.
„En Ijóst er að afkoma bænda á s.l.
ári var mjög misjöfn og upplýsingar úr
búreikningum benda til lakara hlutfalls
milli hækkunar rekstrarvara og fjöl -
skyldulauna heldur en undanfarin ár.
Erfitt árferði hefur valdið lakari afkomu
strax á því ári og hefur veruleg áhrif á
þetta ár sagði Ingi.
Varðandi framleiðslu og sölu á
búvörum sagði hann m.a.:
105 milljóna
lítra mjólkur-
framleidsla f ár
„Mjólkurframleiðsla dróst saman
um 3,8% milli áranna 1980 og 1981.
Nokkur aukning hefur orðið á
mjólkurframleiðslu á þessu ári og er
áætlað að framleiðslan verði um 105
millj. lítra á móti 103 milljónum 1981.
Enn lifir þriðjungur þessa árs og er
margt óvisst um þróun mjólkurframleið-
:’unnar“.
Sölu á mjólk og mjólkurvörum kvað
Ingi hafa verið góða á s.l. ári og einnig
gengið vel það sem af er þessu. Taldi
hann þvt' ástæðu til að þakka það að
mjólkuriðnaðurinn hefði sýnt árvekni
sem til fyrirmyndar er í því að fullnægja
kröfum markaðarins um gæði og
fjölbreytni, sem viðurkennt hafi verið í
reynd með mikilli sölu. Þetta breyti því
hins vegar ekki að vegna fólksfæðar sé
innanlandsmarkaðurinn þröngur og
megi því lítið út af bera til að það
jafnvægi sem náðst hefur í framleiðslu
og neyslu raskist ekki.
Gamla kjötid
fram undir jól
„Á árinu 1981 var slátrað tæplega 1
millj. fjár, sem var um 100 þús. fleira en
árið áður. Meðalþyngd dilka varð 13.65
kg. á móti 14.65 kg. árið áður.
Heildarframleiðsla dilkakjöts var 14.224
tonn á móti 13.451 tonni 1980.
Heildarsala kindakjöts innanlands
ryndist 9.731 tonn eða 42,2 kíló á mann,
en þar af var sala dilkakjöts 8.167 tonn,
sem var aðeins minna en 1980.
Birgðir kindakjöts 1. ágúst s.l. voru
3.122 tonn á móti 1.900 tonnum á sama
tíma í fyrra. Meðalsala á mánuði fyrstu
11 mánuði þessa verðlagsárs var 890
tonn - en 830 tonn á sama tímabili í
fyrra - fliætur því nærri að birgðir 1.
ágúst nægi til rúml. 3ja mánaða sölu
innanlands.“
Fullyrðingar
um falsaðar
skýrslur
kannaðar
Þá kom fram hjá Inga að Framleiðslu-
ráðið hafi nú síðla í ágúst ráðið þekkta
endurskoðunarskritstofu til að kanna
birgðir hjá tveim sláturleyfishöfum í
Reykjavík, vegna fullyrðinga þeirra er
komið hafi fram að undanförnu um að
skýrslur yfir birgðir af kindakjöti væru
rangar. Ekkert hafi komið fram sem
bendi til að þetta sé rétt, en könnuninni
sé ekki að fullu lokið.
Framleiðslu á nautgripakjöti kvað
Ingi hafa verið meiri árið 1981 en árið á
undan, en sala hafi verið svipuð.
Upplýsingar um slátrun kálfa bendi til
aukinnar framleiðslu nautakjöts, en
spumingalisti er sendur var bændum gefi
ekki mikla aukningu til kynna.
„Ákveðið hefur verið að nautakjöt
innan búmarks og nokkur framleiðsla
umfram búmark hjá þeim, sem svöruðu
spurningum Framleiðsluráðs verði án
verðskerðingar á þessu nýbyrjaða
verðlagsári.
■ Nokkrir fulltrúanna á aðalfundi Stéttarsambands bænda.
■ Viðháborðið sitja fundarstjóri, fundarritarar og ræðumenn. í ræðustól
er Ingi Tryggvason. Tímamyndir G.E. I