Tíminn - 03.09.1982, Blaðsíða 12
20
FÖSTUDAGUR 3. SEPTEMBER 1982
fll
n
5
ni
auglýsir
Til sýnis um helgina
íslensk sumarhús í íslenskt umhverfi
Burstabær í nútímaformi
Baöstofa - rekkjur - skarklæðning
Torf á þaki stærö 75 m" má breyta í 100 m2.
Auövelt í flutningi og uppsetningu til sýnis og sölu
um helgina á staðnum Bröttubrekku 4, Kópavogi
sími 91-40071.
Hll Gm mm sir iifljfln
Sími 40071
Bröttubrekku 4, Kópavogi.
_ PÓST- OG
SÍMAMÁLASTOFNUNIN
óskar að ráða Loftskeytamenn/Símritara til
starfa á Höfn í Hornafirði og í Neskaupstað.
Nánari upplýsingar verða veittar hjá starfs-
mannadeild og stöðvarstjórum á Höfn og í
Neskaupsstað.
Raflagnir Raflagnir
Fyrsta flokks
þjónusta
Þurfirðu að endurnýja raflagnir,gera við,
bæta við eða breyta, minnir Samvirki á
fullkomna þjónustu sína.
Harðsnúið lið rafvirkja er ævinlega reiðubúið
til hjálpar.
samvirki
SKEMMUVEGI 30 - KÓPAVOGI - SÍMI 44I5S6
GLUGGAR
0G HURÐIR
Vönduð vinna á hagstæðu verði.
Leitið tilboða.
ÚTIHURÐIR
Dalshrauni 9. Hf.
S. 54595.
iþróttir
Umsjón: Sigurður
Allir verða
að vinna
Heil umferð í 1. og 2. deild um helgina
■ Nú um helgina verður leikin næst
síðasta umferðin í 1. og2. deildarkeppn-
inni í knattspyrnu. Segja má að allir
leikirnir í 1. deildinni skipti verulegu
máli bæði í botn- og toppbaráttunni og
því má vænta harðra sviptinga á
knattspyrnuvöllunum. Á Akranesi leika
ÍA og Vestmannaeyingar og þau lið
koma áreiðanlega bæði til með að leggja
sig öll fram til að tryggja sér annað sætið
í 1. deild, sem hefur í för með sér rétt
til þátttöku, í UEFA-keppninni. Vest-
mannaeyingamir eiga einnig fræðilega
möguleika á að verða íslandsmeistarar,
en það verður að teljast fremur ólíklegt.
Á Akureyri leika KA og Víkingur og
sigri Víkingar í þeim leik er nær víst að
þeir verði íslandsmeistarar, en KA-
menn hafa áreiðanlega fullan hug á að
tryggja sér eitt stig eða tvö því þeir
■ Einkennisorð þessarar myndar gæti verið barátta og hætt er við að hún verði í
hávegum höfð í öUum leikjum helgarinnar.
standa í fallbaráttu. t Keflavík mæta
heimamenn KR-ingum og þar getur
sigur haft mikið gildi fyrir bæði lið.
KR-ingar eiga eins og ÍBV fræðilegan
möguleika á meistaratitlinum og þeir
munu alla vega berjast til sigurs, því
Evrópusætið er í sjónmáli hjá þeim eins
og ÍBV og ÍA. Keflvíkingar eru í
verulegri fallhættu og því gæti sigur
þeirra komið þeim af allra hættulegasta
svæðinu. Á Laugardalsvelli verður einn
fallbaráttuleikurinn enn og þar mætast
Fram og ÍBÍ. Staða Fram vænkaðist
verulega við sigurinn á Víkingi á
dögunum og það ætti að færa þeim
sjálfstraust sem gæti reynst mikils virði.
En ísfirðingarnir munu án efa berjast til
síðasta manns og ekki gefast upp. Allir
þessir leikir verða leiknir á laugardag
klukkan 14.00, nema leikurinn á
Akranesi sem hefst hálftíma síðar.
Síðasti leikur 17. umferðar í 1. deild
verður svo leikinn á mánudagskvöld og
leika þá Valur og Breiðablik í Laugar-
dalnum og hefst sá leikur klukkan 18.30.
Þar verður áreiðanlega skemmtilegur
leikur. Bæði liðin eru nokkum veginn
ömgg með að halda sér í deildinni og
geta leikið góða knattspymu á góðum
degi.
Þrír leikir fara fram í 2. deild á
laugardag og tveir á sunnudag. Á
laugardag leika í Borgamesi Skalla-
grímur og Einherji og á Húsavík leika
heimamenn gegn liði Fylkis.
í Neskaupstað leika Þróttur og FH og
þar dugar Þrótti ekkert annað en sigur
eigi þeim að takast að forða sér frá falli
í 3. deild. Allir leikirnir í 2. deild á
laugardag hefjast klukkan 14.00. Á
sunnudag leika í Laugardalnum Þróttur
R. og Þór Akureyri og em það tvö efstu
liðin í deildinni og má búast við
skemmtilegum leik. Sá leikur hefst
klukkan 17.00, en klukkan 14.00 sama
dag leika Njarðvík og Reynir úr
Sandgerði á grasvellinum í Njarðvík.
Línumar em orðnar nokkuð skýrar
varðandi 2. deild. Þróttur fer upp og
líklegt er að Þór fari sömu leið. Það er
meiri spuming á botninum, hverjir fari
niður í 3. deild. En línur ættu að skýrast
í því sambandi um helgina.
sh
Átti að
vera 1.
■ í getraunaleiknum hér á blaðinu á
miðvikudaginn urðu mistök, sem nauð-
synlegt er að leiðrétta. Eiríkur Jónsson
spáði þar um úrslit leiks Nottingham
For. og Brighton og eins og sjá má á
umsögn hans gerir hann ráð fyrir sigri
heimaliðsins. En útkoman hérna hjá
okkur varð sú, að á leikin var sett 2, en
á vissulega að vera 1. Leiðréttist það hér
með. En svo skulum við bara vona að
Brighton taki ekki upp á því að
vinna..
Frjálsar um
helgina
■ Nú um helgina fara fram nokkur
frjálsíþróttamót. Á Selfossi fer fram á
laugardag fimmtarþraut HSK. Og á
laugardag og sunnudag verður haldið
Norðulandsmót á Sauðárkróki og á
Laugardalsvelli verður bikarkeppni í
fjölþrautum á laugardag og sunnudag.
FH fékk
Rússa
■ Búið er að draga um hverjir koma
til með að mætast í Evrópumótunum í
handknattleik. KR-ingar sitja hjá í
fyrstu umferð, en FH-ingar munu leika
gegn sovésku liði Zaprohje, sem er frá
sunnanverðu Rússlandi. Lið Víkings
mætir hins vegar færeysku meisturunum
Vestmanna. Má því segja að tvö lið af
þremur séu heppin, en óheppnin fylgir
ekki FH-ingum í þessum málum.
■ Eins og fyrr hefur verið greint frá
verður haldið íþróttaþing ÍSÍ nú um
helgina. Þetta þing er hið 56. í
röðinni og hefst það á Hótel
Loftleiðum á laugardagsmorgun
klukkan 10.00 með setningarræðu
forseta ÍSÍ Sveins Björnssonar. Þá
flytja gestir ávörp og þvínæst verður
skýrt frá árangri á trimmdegi ÍSÍ og
sigurvegurum í þeirri keppni veitt
verðlaun.
Reiknað er með að fjöldi mála
komi fyrir þingið, enda ekki óeðli-
legt, þar sem íþróttahreyfmgin er
stærstu samtök frjálsra félaga i
landinu.