Fréttablaðið - 13.01.2009, Page 10

10 13. janúar 2009 ÞRIÐJUDAGUR
nær og fjær
„ORÐRÉTT“
Kjarnyrt lýsing á tapi
„Þeir fóru að ýta okkur út úr
okkar eigin leikkerfum. Við
hættum þá að leita að þeim
lausnum sem við áttum að
leita að.“
SIGURÐUR ÞORSTEINSSON, KÖRFU-
BOLTAMAÐUR Í KEFLAVÍK, EFTIR TAP
GEGN KR.
Morgunblaðið 12. janúar
Hægt að stóla á Árna
„Ég sé ekki eftir því að gott
starfsfólk hafi góða stóla og
ég vona að allir okkar starfs-
menn hafi góða stóla.“
ÁRNI SIGFÚSSON, BÆJARSTJÓRI Í
REYKJANESBÆ, UM STÓLA.
DV 12. janúar
FRÓÐLEIKUR
MINNIHLUTAR Í EVRÓPU
■ Íbúar Evrópu eru nú nærri
800 milljónir, þar af nærri 500
milljónir í Evrópusambandsríkj-
unum. Þessar 800 milljónir íbúa
skiptast niður í 87 þjóðir, sem
búa í 50 ríkjum, þar af 27 í Evr-
ópusambandinu. Þrjátíu og þrjár
þjóðanna hafa sitt eigið ríki að
mestu út af fyrir sig, en hinar 54
þjóðirnar eru minnihlutahópar
og oft fleiri en einn í hverju ríki.
Rúmlega 100 milljónir af íbúum
Evrópu tilheyra þjóðernisminni-
hlutum, eða um fjórtán prósent
allra Evrópubúa. Alls eru töluð
um 90 tungumál í Evrópu.
SJÓNARHÓLL
ÁSTANDIÐ Á GAZA
Eigum að sniðganga ísraelskar vörur
„Mér finnst að íslensk stjórnvöld eigi strax að fordæma
árásir Ísraelsmanna á Gaza-svæðið,“ segir Aðalbjörg Þóra
Árnadóttir leikkona. „Svo eigum við strax að skera á öll
viðskipti við Ísrael meðan á þessu ógeðslega fjöldamorði
stendur. Ef við gerum það ekki erum við beinlínis að styðja
stríðsglæpamenn.“
Aðalbjörgu þykir allt of algengt að fólk taki ekki afstöðu í
málefnum Ísraels og Palestínu. „Ég heyri allt of marga segj-
ast ekki nenna að setja sig inn í þessi mál, þeir séu löngu
búnir að missa þráðinn í þessari deilu. Fólk verður að átta
sig á að ástandið hefur aldrei verið svona slæmt.“
Þá telur Aðalbjörg að fólk ætti að sniðganga ísraelskar
vörur. „Grænmeti, ávextir og ferskar kryddjurtir sem er selt í búðum hér á
landi kemur oft frá Ísrael. Með því að sniðganga það getur fólk sýnt sína
afstöðu í verki.“
AÐALBJÖRG
ÞÓRA ÁRNA-
DÓTTIR Leikkona
Það besta frá
convergence
& tech·ed 2008
Yfi r 30 fyrirlestrar með hæfasta fólki Microsoft víðsvegar að úr heiminum
Heimsfrumfl utningur: Miha Kralj fl ytur fyrirlestur sinn „What the *cloud*
is my CIO thinking?“ sem sérsaminn er fyrir Tech· Ed USA (febrúar 2009)
Tony Krijnen frumkynnir Windows 7
Dr. Neil Roodyn fjallar um þróun á Windows Live og Windows Azure
Ráðstefnan er ekki síst áhugaverð fyrir forritara, tæknimenn og þá sem vilja
kynna sér Dynamics viðskiptahugbúnaðar
Ráðstefnan er öllum opin – aðgangur er ÓKEYPIS
Allar nánari upplýsingar og skráning á microsoft.is
Ráðstefna sem sameinar það besta frá Convergence & Tech · Ed 2008
Grand Hótel Reykjavík, 19.–20. janúar, 2009
Convergence & Tech · Ed eru stærstu erlendu ráðstefnur sem Microsoft
heldur ár hvert og fjöldi Íslendinga sækir þær að jafnaði
Í FYRSTA SINN Á ÍSLANDI
Það er í nógu að snúast í ársbyrjun hjá
Kristrúnu Heiðu Hauksdóttur, kynningar-
stjóra í Þjóðleikhúsinu, en þar er Karde-
mommubærinn smám saman að taka á
sig mynd. „Ég missti andlitið í gær þegar
vörubíll kom frá Sviðsmyndum með
turninn hans Tóbíasar – hann er sko
enginn smásmíði. Leikmynd Brians
Pilkington fyrir Kardemommubæ-
inn sívinsæla var að koma í hús
og var henni vippað af þræl-
vönum höndum inn í leikhúsið
á mettíma. Heimur Egners er
óðum að fæðast á Stóra sviðinu í
Þjóðleikhúsinu og æfingar ganga
frábærlega.“
Kristrún lofar fjörugum ræn-
ingjum og segir að ljónið – sem
hún hefur ávallt haldið mest upp á – fái
loksins að sýna sitt rétt eðli. „Reyndar
er að verða næsta uppselt á fyrstu
tuttugu sýningarnar – ég held að
hálf ef ekki öll þjóðin ætli að koma
á Kardemommubæinn, að minnsta
kosti ef marka má gjafakortasöluna
á sýninguna fyrir jólin, hún fór svo
langt fram úr væntingum að við
þurftum að prenta þrjár umferðir
af kortunum.“
Kristrún telur annars að það
veiti ekkert af því að Soffíur
þessa lands láti til sín taka í
víðar í þjóðlífinu. „Það þarf
að sópa út hér og þar í pól-
itíkinni og mörgum þarf að
þvo rækilega um eyrun.“
HVAÐ ER AÐ FRÉTTA? KRISTRÚN HEIÐA HAUKSDÓTTIR KYNNINGARFULLTRÚI
Soffíu frænku við stjórnvölin
Það er ekki heiglum hent
að aka snjósleða rúmlega
þrjú þúsund kílómetra leið
í fimbulkulda í Alaska.
Það ætla samt hjónin Þóra
Hrönn Njálsdóttir og Sigur-
jón Pétursson að gera nú í
febrúar þegar þau taka þátt
í Iron Dog-snjósleðakeppn-
inni.
„Ég er orðin mjög spennt, en það er
auðvitað ákveðin pressa á mér að
klára þetta,“ segir Þóra Hrönn
Njálsdóttir, en hún og maðurinn
hennar Sigurjón Pétursson leggja
af stað í lok janúar til Alaska til að
taka þátt í níu daga snjósleða-
keppni.
Snjósleðakeppnin kallast Iron
Dog og munu þau hjónin ferðast
3.172 kílómetra frá Anchorage til
Nome og síðan þaðan til Fairbanks.
„Við erum svokallaðir undanfarar,“
segir Þóra Hrönn sem er ein af
þremur konum sem taka þátt, auk
80 karla. „Svo eru aðrir í keppninni
sjálfri.“ Meðal þeirra er Todd Palin,
eiginmaður varaforsetaframbjóð-
andans og ríkisstjóra Alaska, Söruh
Palin. Hóparnir tveir munu svo
safnast saman í Nome eftir sex
daga ferðalag. „Flestir undanfarar
fljúga þaðan heim, en við ætlum
aftur til Fairbanks með keppendun-
um,“ segir Þóra Hrönn.
Það þarf mikla þjálfun fyrir ferð-
ina, bæði andlega og líkamlega og
gríðarmikinn undirbúning. Keppn-
ishaldarar gera kröfu um að allir
verði með til dæmis brynju, háls-
kraga og spelkur í ferðinni.
Auk þessa þurfa keppendur að
vera vel klæddir, því hægt er að
gera ráð fyrir 30-45 gráðu frosti,
fyrir utan vindkælingu. „Maður
þarf líka að vera sterkur í höndun-
um þegar verið er að keyra lengi og
ekki er alltaf jafnt undir. Það er
kannski svolítið geggjað að láta sér
detta þetta í hug.“
Þóra Hrönn segir að börnin þrjú
séu spennt fyrir hönd foreldra
sinna, en þau jafnt sem aðrir geta
fylgst með ferðum þeirra hjóna í
keppninni þar sem þau munu vera
með „Spot“-tæki, sem sendir frá
sér staðsetningarmerki og verður
hægt að fylgjast með ferðinni á
heimasíðu þeirra www.icelandal-
aska.com. Þóra Hrönn segir börnin
ekki láta það mikið í ljós að þau ótt-
ist um foreldra sína í þessari ferð.
„En við finnum að það er ákveðin
tilkynningaskylda. Þeim finnst svo
sem ágætt þegar við erum komin á
áfangastað.“
Bæði Þóra Hrönn og Sigurjón
hafa langa reynslu af snjósleða-
ferðum, og fengu sér fyrst sleða
árið 1981 og segir Þóra Hrönn að
þetta hafi orðið mikið fjölskyldu-
sport. „Það hefur verið svo snjólítið
á Íslandi undanfarin ár, þannig að
það hefur dregið úr snjósleðaferð-
um hér heima en við höfum farið
árvisst vestur til Klettafjallanna í
Norður-Ameríku og til Alaska.“
Aðspurð hvað hafi komið til að
þau hjónin, 57 ára, hafi ákveðið að
taka þátt í þessari keppni segir hún
að þau hafi farið til Alaska árið
2006. „Í þessum ferðum erum við
alltaf að kynnast fólki. Við fórum
aftur til Alaska í fyrra og hittum þá
aftur mann sem við hittum í fyrstu
ferðinni. Það var farið að tala um
að taka þátt í Iron Dog. Í fyrstu
hlustaði ég bara með öðru eyranu,
þar sem ég hélt að þetta yrði ekki
að veruleika. En síðan var þetta
bara ákveðið.“
Sigurjón mun fjalla um komandi
ferð á opnum fundi Reykjavíkur-
deildar Landssambands íslenskra
vélsleðamanna á miðvikudags-
kvöld klukkan átta á Hótel Loft-
leiðum og eru allir áhugasamir vel-
komnir. svanborg@frettabladid.is
Fimbulkuldinn
aftrar ekki för
TEKIÐ Á ÞVÍ Þóra Hrönn Njálsdóttir og Sigurjón Pétursson æfa upp þolið fyrir Iron
Dog-snjósleðakeppnina í Alaska sem verður í febrúar. FRÉTTABLAÐIÐ/STEFÁN