Fréttablaðið - 13.01.2009, Side 38

26 13. janúar 2009 ÞRIÐJUDAGUR
1
6 7 8
10
13
119
12
15
16
18
21
20
17
14
19
2 3 4 5
BESTI BITINN Í BÆNUM
LÁRÉTT
2. sinni, 6. í röð, 8. laus greinir, 9.
erlendis, 11. mun, 12. kál, 14. afspurn,
16. tónlistarmaður, 17. traust, 18. for,
20. hreyfing, 21. íþróttafélag.
LÓÐRÉTT
1. krukka, 3. skammstöfun, 4. fitlari,
5. svelg, 7. baukur, 10. angan, 13.
sigað, 15. fiskur, 16. kóf, 19. guð.
LAUSN
LÁRÉTT:
2. sefi, 6. rs, 8. hið, 9. úti, 11. ku, 12.
salat, 14. umtal, 16. kk, 17. trú, 18.
aur, 20. ið, 21. fram.
LÓÐRÉTT:
1. krús, 3. eh, 4. fiktari, 5. iðu, 7.
staukur, 10. ilm, 13. att, 15. lúða, 16.
kaf, 19. ra.
VEISTU SVARIÐ
Svör við spurningum á síðu 8.
1 Á Klörubar á Kanaríeyjum.
2 HB Grandi.
3 Yrsu Sigurðardóttur.
„Hvaðan hefurðu þetta? Jú, þetta
hefur verið í umræðunni. En það
er ekki búið að fastnegla þetta,“
segir Bubbi Morthens.
Fréttablaðið hefur heimildir
fyrir því að Björgvin Halldórsson
og Bubbi Morthens séu að undir-
búa stórsýningu í Laugardalshöll.
Ráð er fyrir gert að hún verði með
Vegas-ívafi, lítil hljómsveit en
tekið sé mið af því sem Frank Sin-
atra, Dean Martin og félagar voru
að gera um miðja síðustu öld:
Syngja lög hver annars og spjalla
við áhorfendur. Ráð er fyrir gert
að sýningin verði frumsýnd í
haust eða um miðjan september.
Síðan ræður eftirspurn hversu
lengi sýningin verður keyrð. Varla
þarf að efast um að íslenskir dæg-
urlagaunnendur muni taka þess-
um tíðindum opnum örmum – hér
er um að ræða tvo dáðustu tónlist-
armenn þjóðarinnar.
„Þú veist þá meira en ég. Segðu
mér meira,“ segir Bó að hætti
hússins þegar þetta er borið undir
hann. „Já, já, ég neita því ekki að
þessi hugmynd hefur komið upp.
Við höfum verið að henda þessari
hugmynd á milli okkar. Þetta gæti
orðið spennandi og allt í lagi að
gera fína tónleika saman en fyrst
verður að koma á daginn hvað við
getum brallað saman,“ segir Bó.
Poppsögusérfræðingar staldra
gjarnan við lagið Rækjureggí þar
sem Bubbi söng á sínum tíma: „Ég
er löggiltur hálfviti, hlusta á HLH
og Brimkló.“ Og hafa til marks
um það þegar kynslóðum laust
saman snemma á níunda áratug
síðustu aldar. Sjálfir hafa Bubbi
og Bó aldrei viljað gera mikið úr
meintum ágreiningi þeirra á milli
og hafa komið fram saman. Bó
hefur spilað á munnhörpu með
Bubba og sungið með honum á
tónleikum. „Já, já, það er eitt og
annað. Svo komum við saman
þegar ég setti saman big-band
sem kom fram í einhverri fræg-
ustu afmælisveislu síðari ára. Og
við létum Elton John hita upp
fyrir okkur,“ segir Bó – og er þar
að vísa til fimmtugsafmælis Ólafs
Ólafssonar sem kenndur er við
Samskip. Og Bubbi svarar spurn-
ingunni hvort ekki hafi oft verið
grunnt á því góða milli Bé-anna
tveggja snaggaralega: „Nei! Ekki
aldeilis. Það er „tótal ríspekt“
fyrir Bó af minni hálfu.“
jakob@frettabladid.is
BUBBI MORTHENS: ALDREI VERIÐ GRUNNT Á ÞVÍ GÓÐA MILLI OKKAR BÓS
Turnarnir Bó og Bubbi
sameinast á stórsýningu
BUBBI OG BÓ VINNA
AÐ SAMEIGINLEGRI
SÝNINGU Í HÖLLINNI
Stórtíðindi hljóta það að teljast í
íslensku tónlistarlífi að þessir tveir
ástsælustu tónlistarmenn landsins
vinni nú að því að setja upp sýningu
saman. Ráðgert er að sýningin verði
með Vegas-ívafi og þeir félagar syngi
öll sín þekktustu lög og spjalli við
áhorfendur þess á milli. Stefnt er að
frumsýningu í september.
„Maður er hættur að fara út
að borða eftir að kreppan kom
en leyfir sér einn og einn dýran
kaffibolla í staðinn. Ég nefni
því Café Haítí í Tryggvagötu og
Kaffismiðjuna, Kárastíg 1. Þar
eru miklir fagmenn sem segja
manni hversu oft á að hræra í
bollanum.“
Úlfur Eldjárn tónlistarmaður
Ari Matthíasson, fráfarandi fram-
kvæmdastjóri SÁÁ, ætlar að láta
til sín taka að nýju í leikhúsinu.
Ari er menntaður leikari en með
meistaraprófsgráðu í viðskiptum og
stjórnun. Hann er nú að undirbúa
uppsetningu á farsanum Við borg-
um ekki eftir Daríó Fó. Nýja Ísland
heitir fyrirtæki Ara sem setur verkið
upp í samvinnu við Borgarleikhúsið
þar sem frumsýna á í maí. Leikstjóri
er Edduhafinn Þröstur Leó Gunn-
arsson en sjálfur hyggst
Ari leika í verkinu ásamt
Ilmi Kristjánsdóttur,
Þrúði Vilhjálms-
dóttur og Jóhanni
G. Jóhannssyni.
Þá mun vera í
sigtinu stórstjarna
í íslenskum
gamanleik en
ekki er búið að
ganga frá ráðn-
ingu hennar.
Fréttablaðið greindi á dögunum
frá átökum STEFS og Gay Pride en
STEF taldi einsýnt að af Gleði-
göngunni og öllu húllumhæinu í
tengslum við hana bæri að greiða
STEF-gjöld. Markaðs- og inn-
heimtustjórinn Gunnar Stefánsson
sótti málið nokkuð og vildi á aðra
milljón. Þorvaldur
Kristinsson, forseti
Hinsegin daga,
taldi það af og frá.
Nú hefur málið
verið látið niður
falla þannig að
Gleðigöngu-
menn þurfa ekki
að reiða fram
féð.
- jbg
FRÉTTIR AF FÓLKI
„Ef ég væri ekki væskill þá myndi
ég berja fíflið sem braust inn í bíl-
inn minn um helgina,“ skrifar her-
skár Sigmar Guðmundsson sjón-
varpsmaður á Facebook-síðu sína.
Eitthvað var Kastljóssstjarnan
orðin rólegri í gær og sagðist Sig-
mar í samtali við Fréttablaðið ekki
vilja tjá sig frekar um málið − þetta
væri ekki neitt neitt. En eftir því
sem blaðið kemst næst braut ein-
hver vandali hliðarrúðu aftur í bif-
reið Sigmars og rótaði eitthvað í
bílnum en engu var stolið. Þetta
gerðist nú um helgina. Sigmar býr
við Laugaveginn og þar ríkir oft
stríðsástand um helgar. Mun þetta
ekki vera í fyrsta skipti sem Sig-
mar og fjölskylda verða fyrir því
að bíll í þeirra eigu verður fyrir
hnjaski. Þannig hefur Þóra Tómas-
dóttir, kona Sigmars, einnig orðið
fyrir svipuðu − að bíll hennar var
skemmdur á átakasvæðinu.
Ýmsir urðu til að leggja orð í belg
á Facebook-síðu Simma: Tónlistar-
maðurinn Hjörtur Howser býður
fram aðstoð sína við að lumbra á
viðkomandi skemmdarvargi, einn
bendir Simma á að setja sig í sam-
band við Arnar Grant og athuga
hvort þetta hafi nokkuð verið stæð-
ið hans en Stefán Pálsson kommún-
isti bendir á að eign sé glæpur. - jbg
Rúða brotin í bíl Sigmars Guðmundssonar
SIGMAR GUÐMUNDSSON Býr við Lauga-
veginn þar sem oft ríkir stríðsástand um
helgar og vandalar vaða uppi.
FRÉTTABLAÐIÐ/VILHELM
„Þriðja október árið 1999 fór ég til
eins afskekktasta staðar á jörð-
inni … Reykjavíkur, Íslands!
Ástæðan fyrir ferðinni var að mig
langaði til að sjá Bláa lónið með
mínum eigin augum (ég hafði lesið
um það í Wallpaper). Og til að sofa
hjá eins mörgum strákum og ég
gat. Ef 27 strákar á minna en
þremur vikum er ekki mikið, þá
veit ég ekki hvað er mikið. Hah-
aha! Bara að grínast. Nei, reyndar,
ég er ekki að grínast. LOL.“
Svona hefst upprifjun fil-
ipps eyska bloggarans Bryanboys
um ferð sína til Íslands. Blogg-
færslan hefur vakið mikla athygli
í íslenska hommaheiminum því
Bryanboy birtir nöfn og myndir af
nokkrum þeirra íslensku stráka
sem hann átti náin kynni við. Lýs-
ingar hans eru bersöglar í meira
lagi og ekkert dregið undan.
Foreldrar Bryanboys eru millj-
ónamæringar í Maníla og hann
var ekki nema sextán ára þegar
hann kom hingað. Bryanboy blogg-
ar aðallega um tísku og er eins
konar Perez Hilton Asíu. Hann er
gríðarlega vinsæll, fær tvö hundr-
uð þúsund heimsóknir á dag og um
hann hefur verið fjallað í öllum
helstu tískutímaritum heimsins.
Ferðasagan fær góðan endi
þegar Bryanboy kemst loksins í
Bláa lónið. „Ég kynntist enn öðrum
strák (man ekki hvað hann heitir),
við héngum og sváfum saman,“
skrifar hann. „Hann var að læra
flug. Hann átti bíl og bjó nálægt
Bláa lóninu. Hann sagðist myndu
fara með mig þangað. Og hvað
gerði ég? Ég hringdi í vin minn og
bauð honum með. Við fórum allir
þrír og það var æðislegt. Ég efast
um þeir hafi vitað að ég var búinn
að sofa hjá þeim báðum. Djö, ég
hefði átt að stinga upp á trekanti!
Ég er að segja ykkur það … Ég er
svooooo á leiðinni til helvítis fyrir
syndir mínar.“ - drg
Svaf hjá 27 íslenskum karl-
mönnum á þremur vikum
KOMST Í BLÁA LÓNIÐ Skrif tískublogg-
arans Bryanboys um Íslandsheimsókn
sína hafa vakið mikla athygli.
Auglýsingasími
– Mest lesið