Fréttablaðið - 03.02.2009, Blaðsíða 26

22 3. febrúar 2009 ÞRIÐJUDAGUR
sport@frettabladid.is
Ívar Ingimarsson, miðvörðurinn sterki hjá enska 1. deildarliðinu
Reading, fór í aðgerð á hné í síðustu viku og verður ekkert meira
með á tímabilinu. Í frétt á heimasíðu félagsins í gær þá vonað-
ist stjóri Reading, Steve Coppell, til að endurheimta Ívar eftir
tvo mánuði, en svo verður ekki.
„Ég fór í aðgerðina á fimmtudaginn og hún gekk bara
ágætlega. Ég verð á hækjum í sex til átta vikur og byrja
síðan í endurhæfingu,“ sagði Ívar sem hefur spilað lengi
með verki í hnénu. „Ég var búinn að spila á þessu allt
tímabilið en það var ekkert vitað hvað þetta var.
Ég fór fyrst til læknis í nóvember og þá var ég
búinn að vera með verki meira eða minna
allt það ár. Frá nóvembermyndatöku fram í
myndatökuna sem ég fór í janúar þá hafði
þetta versnað það mikið að það var ekkert
annað hægt að gera en að fara í aðgerð,“ segir
Ívar.
„Þetta voru liðþófameiðsl, það þurfti að gera
við þau og það tekur síðan einhvern tíma
að jafna sig. Það var gerð speglun á hnénu og þá sást nákvæmlega
hvað þetta var. Það þurfti að gera við ákveðna hluti sem þýðir hvíld
í nokkra mánuði. Þar sem það er svo lítið eftir af tímabilinu þá þýðir
þetta bara að ég spila örugglega ekkert meira á tímabilinu,“ segir Ívar.
Ívar hefur spilað 474 deildarleiki á ferlinum og alls 213
leiki á fimm og hálfu tímabili með Reading. Hann er því
ekki vanur því að sitja upp í stúku. „Það verður frekar
furðulegt að horfa á leiki liðsins en maður verður
bara að eiga við það. Það verður samt örugglega
frekar spes til að byrja með,“ segir Ívar og bætir við. „Ég
hef verið frekar lánsamur á mínum ferli og hef aldrei áður
misst úr í svona langan tíma.“
Ívar er bjartsýnn á að spila í ensku úrvalsdeildinni á ný
á næsta tímabili. „Þetta lítur vel út með að komast upp
aftur. Við erum í 2. sæti eins og er, fjórum stigum á eftir
Úlfunum. Svo er þarna Birmingham rétt á eftir okkur.
Það eru enn þá 16 eða 17 leikir eftir en það þarf bara
að halda vel á spilunum. Við erum með mjög fínan
hóp og vonandi gengur þetta upp,“ segir Ívar.
ÍVAR INGIMARSSON, MIÐVÖRÐURINN STERKI HJÁ READING: NÝKOMINN ÚR LIÐÞÓFAAÐGERÐ Á HNÉ
Ég spila örugglega ekkert meira á tímabilinu
> Þorbjörg inn á topp hundrað
Þorbjörg Ágústsdóttir stóð sig vel á heims-
bikarmóti í skylmingum í London um helg-
ina. Þetta var fyrsta heimsbikarmót keppn-
istímabilsins og gríðarlega sterkt mót með
93 keppendum frá ellefu löndum. Þorbjörg
náði góðum árangri í riðlakeppninni og
vann fjórar af sex viðureignum sínum og
komst því beint í 64 manna úrslit. Þar
mætti hún franskri landsliðskonu Clöru
Jaquet, en Þorbjörg beið lægri hlut fyrir
Jaquet 15-8 og endaði því í 47. sæti.
Fyrir árangurinn fékk Þorbjörg tvö stig
á heimslista Alþjóðaskylmingasam-
bandsins og hækkaði sig um tíu sæti.
Með því komst hún inn á topp hundrað
og er í 97. sæti listans.
FÓTBOLTI Ólafur Jóhannesson
landsliðsþjálfari valdi Eið Smára
Guðjohnsen í landsliðshóp sinn
fyrir vináttulandsleik á La
Manga 11. febrúar næstkomandi.
Ólafur velur sitt sterkasta lið
í þennan leik en íslensku strák-
arnir ætla sér örugglega að hefna
fyrir 3-0 tap í undankeppni EM
fyrir rúmu ári. - óój
18 MANNA HÓPUR:
Markverðir:
Árni Gautur Arason Odd Grenland
Gunnleifur Gunnleifsson HK
Varnarmenn:
Hermann Hreiðarsson Portsmouth
Indriði Sigurðsson Lyn
Kristján Örn Sigurðsson Brann
Grétar Rafn Steinsson Bolton
Ragnar Sigurðsson IFK Gautaborg
Bjarni Ólafur Eiríksson Valur
Miðjumenn:
Brynjar Björn Gunnarsson Reading
Emil Hallfreðsson Reggina
Aron Einar Gunnarsson Coventry
Helgi Valur Daníelsson Elfsborg
Pálmi Rafn Pálmason Stabæk
Theodór Elmar Bjarnason Lyn
Birkir Már Sævarsson Brann
Sóknarmenn:
Eiður Smári Guðjohnsen Barcelona
Heiðar Helguson Bolton
Arnór Smárason Heerenveen
Landsleikur við Liechtenstein:
Eiður Smári
verður með
MEÐ Á LA MANGA Eiður Smári Guðjohn-
sen hjá Barcelona. NORDICPHOTOS/GETTY
NFL Pittsburgh Steelers varð fyrsta
félagið til að vinna sex titla í amer-
íska fótboltanum þegar liðið vann
27-23 sigur í frábærum úrslitaleik
í Tampa aðfaranótt mánudagsins.
Það verður talað um lokakafla
leiksins um ókomna tíð, fyrst tókst
Arizona Cardinals að vinna upp 13
stiga forskot Steelers á fimm mín-
útum og komast í 23-20 en leik-
menn Pittsburgh Steelers drifu sig
strax í sókn og tryggðu sér sigur-
inn 35 sekúndum fyrir leikslok.
Pittsburgh-liðið hefur verið
rómað fyrir varnarleikinn en það
var sóknin og samnvinna leik-
stjórnandans Bens Roethlisberger
og hlauparans Santonio Holmes
sem færði Steelers stórglæsilegt
sigursnertimark eftir að hafa farið
upp 78 metra á aðeins 2 mínútum
og 2 sekúndum.
„Menn eiga ekki eftir að gleyma
þessari sókn í langan tíma,“ sagði
Roethlisberger sem varð um leið
aðeins annar leikstjórnandinn á
eftir Tom Brady til að vinna tvo
titla áður en hann varð 27 ára.
Hann er þekktur fyrir að koma
krafti í liðið sitt en þetta var í
sjötta sinn í 19 leikjum í ár þar
sem hann stýrir liði sínu til sigurs
á lokamínútunum.
Holmes var valinn besti maður
leiksins en hann sýndi einstaka
fótafimi þegar hann greip úrslita-
sendingu leiksins. Holmes greip
alls níu sendingar í leiknum og
komst með því 131 metra.
Þjálfarinn Mike Tomlin á einn-
ig mikið hrós skilið fyrir að búa til
meistaralið á aðeins tveimur árum
í starfi en hann varð um leið yngsti
þjálfari sögunnar til að vinna tit-
ilinn.
Þeir voru ekki margir sem
bjuggust við að Arizona Cardin-
als næði sér á strik þegar liðið var
þrettán mörkum undir, 20-7, en það
tók leikstjórnandann Kurt Warn-
er og hlauparann frábæra, Larry
Fitzgerald, ekki nema tæpar fimm
mínútur að búa til tvö snertimörk.
Fitzgerald setti þar með met yfir
flest skoruðu snertimörk eftir
sendingar í úrslitakeppni NFL.
Warner gat síðan aðeins horft
á draumaendinn sinn breytast í
matröð.
„Ég tek ofan fyrir Steelers. Við
töpuðum ekki þessum leik held-
ur voru það þeir sem unnu hann,“
sagði Warner. - óój
Dramatískur og spennuþrunginn lokakafli í úrslitaleik ameríska fótboltans:
Stórglæsileg sigursókn Steelers
MAÐUR LEIKSINS Santonio Holmes var
frábær í sigursókninni. NORDICPHOTOS/AFP
KÖRFUBOLTI Helena Sverrisdóttir
er þegar farin að skapa sér nafn
í bandaríska háskólaboltanum og
stefnir á sigur í Mountain West-
deildinni ásamt félögum sínum
í Texas Christian háskólaliðinu.
Helena tók við leikstjórnandahlut-
verkinu og fyrirliðastöðunni fyrir
tímabilið og hefur hjálpað TCU að
vinna 13 af 20 leikjum sínum.
„Þetta er búið að vera svolítið
upp og niður hjá okkur í ár. Við
byrjuðum mjög vel og komum
mörgum á óvart,“ segir Helena
sem segir að liðið hafi síðan tapað
nokkrum leikjum sem það átti ekki
að tapa.
Langar í hring
„Eftir góðan liðssigur á San Diego
held ég og vona ég að við séum
komnar á réttan stað, og leiðin
liggur bara upp á við. Deildin er
enn þá galopin, og að vinna úrslita-
keppnina er það sem skiptir mestu
máli því það er sjálfvirkt boð í
NCAA-keppnina. Ef okkur tekst
ekki að vinna, fer það eftir hvað
nefndinni finnst um okkar fram-
lag í ár hvort við komumst inn eða
ekki, sem er svona stærsta mark-
miðið, en okkur langar í hring
þannig að einmitt núna er öll ein-
beitingin á Mountain West-deild-
inni,” segir Helena.
Góður árangur liðsins hefur
kallað á mikla athygli og meðal
annars stóra grein á ESPN, lang-
vinsælasta iþróttamiðlinum í
Bandaríkjunum.
„Það hefur líka verið mikil vak-
ining hérna í Fort Worth, og fleiri
eru að fylgjast með okkur. Við
förum varla út í búð lengur, án
þess að vera stoppaðar af einhverj-
um sem hrósar okkur, eða spyr
okkur eitthvað nánar út í okkur
eða liðið,” segir Helena.
TCU endaði árið 2008 með þrjú
töpum en hefur síðan komist á flug
á nýjan leik.
Eru „upp og niður“ lið
„Við erum rosalegt „upp og niður“
lið. Við getum verið alveg rosa-
lega góðar, en líka sjálfum
okkur verstar og spilað
mjög illa,“ segir Hel-
ena sem getur orðið
fyrsti leikmaður TCU
frá upphafi til að vera
með yfir 15 stig, 6
fráköst og 5 stoðsend-
ingar að meðaltali en
hún er efst liðsmanna
í öllum þessum lykiltöl-
fræðiþáttum.
Helena sér ekki
eftir því að hafa valið
TCU en það voru
fjölmargir skól-
ar á eftir henni.
„Mig langaði
að fara í sterkt
prógram með
mikla sigur-
hefð. Ég bjóst
kannski ekki
við að verða
fyrirliði strax
á öðru árinu,
en eftir að
TCU útskrif-
aði fimm leik-
menn í fyrra, varð stórt skarð eftir
þá,“ segir Helena sem var búin að
vera fyrirliði Íslandsmeistaraliðs
Hauka tvisvar sinnum áður en hún
varð tvítug.
„Ég hef oftast verið leiðtogi í
mínum liðum. Stelpurnar í lið-
inu hérna settu mig meira í þessa
stöðu og leituðu til mín sem leið-
toga liðsins og ég tók á mig
meiri ábyrgð,“ segir Hel-
ena sem er líka ánægð
með þjálfarann sinn.
„Ég gat ekki verið
heppnari með
þjálfara.
Hann er frá-
bær kennari
og ég læri
af honum
á hverjum
degi,“
segir Helena. Hún hefur leitt liðið
til sigurs í mörgum jöfnum leikj-
um að undanförnu en það er oft
erfitt að stjórna liðinu.
„Það eru oft mjög mikil læti á
leikjum, og því erfitt að vinna í að
halda öllum fimm á sömu blaðsíð-
unni. Við spiluðum til dæmis fyrir
framan 10.000 manns í New Mex-
ico, og hávaðinn þarna inni var
rosalegur. Ég reyndi að kalla kerfi
upp völlinn, en það var ekki mögu-
leiki að liðið myndi heyra í mér,“
segir Helena sem vill ekki taka
heiðurinn af sigrunum í þessum
spennuleikjum.
„Við erum með góðan þjálfara-
hóp sem tekur góðar ákvarðan-
ir. Við erum líka bara orðnar svo
gjörsamlega þreyttar á að tapa að
ég held að það gefi okkur aukaorku
í restina,“ segir Helena.
Hefur hitt úr 23 vítum í röð
Helena hefur hitt úr 23 vítum í röð
þar af mörgum þeirra á úrslita-
stundu. „Ég hef aðeins verið að
breyta vítaskotinu mínu undan-
farið. Bara taka mér aðeins meiri
tíma, og reyna að ná andanum
niður þegar ég er að taka víti.
Ég ætla nú ekki að setja neina
extra pressu á mig og hugsa um
að ná eitthvað ákveðið mörgum
í einu. Ég tek bara eitt skot í
einu,“ segir Helena.
Verkefni vikunnar er ekki
af minni gerðinni því á mið-
vikudagskvöldið heim-
sækja þær topplið Utah
Utes til Salt Lake City
en Utah-liðið er ósigr-
að til þessa í Mount-
ain West-deildinni.
ooj@frettabladid.is
Orðin fyrirliði TCU strax á öðru ári
Það stefnir í sögulegt tímabil hjá körfuboltakonunni Helenu Sverrisdóttur sem getur orðið fyrsti leikmaður
TCU frá upphafi til að vera með yfir 15 stig, 6 fráköst og 5 stoðsendingar að meðaltali í leik.
SKEMMTILEGUR
VETUR Helena
Sverrisdóttir hefur
haft yfir mörgu að
gleðjast í vetur. AP
Fjármálaráðgjöf fyrir þig
Kynntu þér málin á www.kaupthing.is, hafðu samband
í síma 444-7000 eða komdu við í næsta í útibúi Kaupþings.