Tíminn - 16.07.1983, Blaðsíða 12
o *
I •
* ‘ #
heimilistíminn
umsjón B.St. og K.L.
■ Hausinn er skorinn af og soðinn með
laxinum í skúffunni.
■ Roðinu er iyft og flett varlega af, en
hausstykkið sett á fatið til skrauts með
fiskinum. Hálf ólífa sett yfir augað.
■ Laxinn skreyttur með örþunnum
agúrkusneiðum og soðhlaupið sett yfir
með skeið.
■ Hægt er að skera stykki handa hverjum af efri hluta laxins, og taka svo
hryggbeinið úr, eins og sést á hinni myndinni, og skera síðan eins neðri flakið sem
eftir er.
Kaldur lax í ,rspariklæðum“
■ „Lax, lax, lax, - og
aftur lax“ hefur heyrst
sungið, og nú eru veiði-
menn enn að spreyta sig
við árnar. Ef svo skyldi
fara, að lax biti á, er alveg
tilvalið að bjóða til veislu,
og klæða laxinn líka í
„sparigallann“.
4-5 punda lax er nægilegur til þess að
sjóða í ofnskúffu og bcra fram í hcilu
lagi. Það er haegt að framreiða hann
heitan með nýjum góðum kartöflum og
smjöri, en hér sjáum við hvcrnig laxinn
er borinn fram kaldur og í „spariklæð-
um“.
Það er ekki svo mikill vandi að líkja
eftir matrciðslumanninum, sem bar
þcnnan lax fram skrcyttan á gheru fati,
cf vel tekst til með suðuna, að hún vcrði
ekki of mikil. Við skulum hér á eftir fara
yfir hvernig farið var að því að matreiða
þennan glæsilega lax!
1. Fyrst er auðvitað að hreinsa fiskinn.
Ef ekki hefur verið farið innan í hann,
er byrjað á því aö slægja laxinn og
hreinsa. Salti cr nuddað inn með
hryggnum, til þess að fjarlægja blóð sem
eftir kann að vera. Skerið fyrir tálknun-
um rétt aftan við hausinn, og náið þeini
út annað hvort mcð fiskskærum, eða
kippt þcim úr hausnum. Nú skuluð þið
vigta fiskinn og reikna út suðutímann
eftir vigtinni.
2. Áður en þið fóruð að gcra laxinn til
var gott að útbúa löginn sem skal sjóða
hann í. Það er gert á þessa leið: Afhýðið
I lauk og skerið í 4 parta. Skerið
sellerístöng í snciðar. Setjið í pott 1 lítra
af vatni, 3 lárviðarlauf, 1 matskeið
sítrónusafa og setjið þar út í sclleríið og
laukinn. Þetta er látið krauma við lítinn
hita í 30 mín.
3. Skerið hausinn af fiskinum (því
annars kemst hann varla fyrir í skúff-
unni) en sjóðið hánn með til að setja
hann á fiskfatið. Gott er að brjóta saman
ræmur af álpappír og setja undir laxinn,
svo léttara verði að færa hann til á fatið
á eftir. Setjið nú löginn yfir og lokið
skúffunni nteð álpappír. Hitinn á ofnin-
um á að vera 180 gr. C (hitið ofninn fyrir
fram) og reiknið svo tæpar 10 mín.
suöutíma á hvert pund. Fjögurra punda
lax þarf því rúmlega hálftíma til 40 mín.
suðu.
4. Reynið að ná roðinu af eins og sýnt
er á myndinni. Lyftið roðinu og rífið það
varlega frá. Ef fiskurinn er mjög feitur,
þá er vanalcga brún fituskán undir
roðinu, og fallegra er að skafa hana
lauslega burt, svo laxinn verði fallegri á
litinn. Snúið nú fiskinum við og náið
roðinu eins hinum megin.
5. Búið tjl soðhlaup úr svosem hílfum
pakka af Toro-fiskhlaupi (ljósu). Sneið-
ið niður ágúrku í næfurþunnar sneiðar
og raðið þeim á laxinn, eins og myndin
sýnir. Þegar soðhlaupið er að verða kalt
og þykkt á að ausa því með skeið yfir
kaldann laxinn, svo það myndi glæra
húð yfir hann. Látið nú fatið standa í
kulda svo hlaupið verði vel stíft. Borið
fram með grænmeti, svo sem tómötum
og agúrkum o.fl. og majonesi.
■ Laxinn er glæsilegur, framborinn á kristalfati eða silfurbakka.
■ Nú á miðju sumri sendir Mjólkur-
samsalan í Reykjavík frá sér nýjar teg-
undir af köldum sósum. Sósurnar eru
búnar til úr sýrðum rjóma og krydd-
blöndu. Tvær tegundir verða á markaðn-
um til að byrja nteð, „þúsund-eyjasósa"
og „gúrkusósa". Báðar tegundirnar
bragðast vcl með kjöti, fiski, kartöflum
og hráu grænmcti. Einnig eru þær mjög
góðar með öllum glóðarsteiktum réttum.
Sósurnar innihalda fáar hitaeiningar eða
27 h.e. í einni matskeið. Þær eru seldar
í plastdósum með smelltu loki og tekur
hver dós 2 dl. Á lok hverrar dósar eru
stimplaður pökkunardagur og síðasti
söludagur. Vilji neytandinn nota sósuna
í þynnra formi má hræra hana út með
súrmjólk.
Hér eru nokkrar tillögur varðandi
notkun á þessum nýju sósum.
Þúsund-eyjasósa er sérlega góð með
grilluðum kjúklingum. frönskum kart-
öflum og hrásalati. Einnig með steiktum
fiski, rifnum gulrótum og hvítkáli og
soðnum kartöflum. Með nautasteik,
bökuðum kartöflum og soðnu grænmeti
er gott að hafa þúsund-eyjasósuna.
Gúrkusósan er góð með öllum fyrr-
nefndum réttum líkt og þúsund-eyjasós-
an, en á sérlega vel við glóðarsteiktan
Tvær nýjar sós
ur frá Mjólkur-
samsölunni
■ Nýju sósurnar frá MR
fisk með agúrkum, tómötum og soðnum
kartöflum. Sömuleiðis glóðarsteikt
lambarif, marineruð, bakaðar kartöflur,.
grænmetissalat. Líka er gott að hafa
SÉ*
gúrkusósu með glóðuðum pylsum.
Báðar sósurnar eru hið prýðilegasta
„dipp" fyrir kartöfluflögur, saltstengur
og annað slíkt snarl.