Tíminn - 21.07.1983, Blaðsíða 3

FIMMTUDAGUR 21. JULI 1983
fréttir
Hlutur Islands ekki slæmur á fundi Alþjóðahvalveiðiráðsins:
UKUR A SAMA KVOTA FYRIR
HREFNU- OG SANDREYÐAVEWI
— en kvótinn fyrir langreyði gæti minnkad
Reykjavíkur-
borg:
Aukafjár-
veitingar
18
milljónir kr.
■ Borgarráð hefur samþykkt viðbót-
ar- og aukafjárveitingar að upphæð
um 18 milljónir króna fyrir þetta ár.
Stærsti einstakur liður þessara fjár-
veitinga rennur til breytinga á húsa-
kynnum Fæðingarheimilis Reykjavík-
ur, tæpar 3,8 milljónir króna. Framlag
til skógræktar nemur 3,5 milljónum,
skrúðgarðar fá rúmlega 1,5 milljónir,
framlag til kennslu sex ára barna
nemur rúmri milljón.
Til fasteignakaupa renna rúmlega
5,2 milljónir króna - þar af 2,5 til
kaupa á landi Pósts ogsíma íGufunesi,
sem allt skal greiðast á árinu, og 2,4
milljónir upp í kaupin á Viðey.
-Sjó.
■ „Það þarf engum að koma á óvart að
hér er það ríkjandi skoðun að hvalveiðar
skuli minnkaðar eins og mögulegt er.
Hér er meirihluti ríkja, sem vill í reynd
stöðva hvalveiðar þegar í stað. Við
höfum hins vegar lagt á það áherslu að
geta haldið hvalveiðum áfram næsta ár
með svipuðu sniði og þær hafaf verið í
sumar,“ sagði Halldór Ásgrímsson, sjá-
varútvegsráðherra, sem nú situr þing
Alþjóðahvalveiðiráðsins í Bríghton á
Englandi.
„Það hefur verið fundur í svokallaðri
tækninefnd í allan dag og hefur nefndin
mælt með ákveðnum niðurstöðum til
aðalfundarins, sem verður á föstudag-
inn. Hvað okkur varðar, sýnist mér að
við munum fá að veiða álíka mikið af
hrefnu, um 300, á næsta ári og veiddar
verða í sumar. Kvótinn fyrir langreyð er
nú 167 dýr og hér hafa komið fram
tillögur um að veiði á henni verði
minnkuð all nokkuð. Við höfum hins
vegar verið að vinna að því að halda
óbreyttum kvóta á næsta ári, hvort sem
það tekst eða ekki. í sumar er okkur
heimilt að veiða 100 sandreyðar og ég
held að ekki verði erfiðleiUum bundið að
halda þeirri tölu næsta surnar," sagði
Halldór.
Hann sagði ennfremur að í mörgum
tilfellum virtist sér að vísindaleg rök
væru ekki í fyrirrúmi á ráðstefnunni. Þar
væru ýmsar þjóðir sem engar rannsóknir
stunduðu og í raun vissu lítið um þessi
mál, en hefðu þó fullan atkvæðisrétt.
„Þetta er að mörgu leyti hálfgert sjón-
arspil, en við reynum að gera okkar
besta til að halda okkar rétti,“ sagði
Halldór. -Sjó.
Bruninn í Rörsteypunni:
Tjónid skiptir milljónum
Tjónið í eldsvoðanum varð meira en á horfðist í fyrstu.
Tímamynd: Ari.
■ „Það fór aUt rafmagn af húsinu,
sementsvogir og rafmagnstöflur eyði-
lögðust og síðan allur þurrklefinn. Öll
einangrun á þakinu eyðilagðist, hitakerf-
ið og blásarar eru ónýtir, á annað
þúsund milliveggjaplötur eyðilögðust og
aUt bráðnaði sem bráðnað gat. Þó við
séum ekki alveg búnir að gera okkur
fuUa grein fyrír tjóninu er öruggt að það
skiptir milljónum“ sagði Einar Þ. Vil-
hjálmsson framkvæmdastjórí Rörsteyp-
unnar við Fífuhvammsveg í samtali við
Tímann en eldur kom upp í Rörsteyp-
unni á mánudagskvöld.
„Hér eru einnig viðkvæmar vökva- og
tölvuvélar sem gætu vel verið ónýtar en
það kemur ekki í ljós fyrr en rafmagnið
kemur aftur. Við erum nú að hreinsa til
og ætlum að reyna að byrja aftur í næstu
viku ef vélarnar reynast heilar. Hér þarf
að skipta um þakið á húsinu en við
getum frestað því að endurnýja einangr-
un. En allt byggist á því að við fáum
rafmagnið sem fyrst og þá sjáum við
hvort vélarnar hafa skemmst", sagði
Einar Þ. Vilhjálmsson að lokum.
-GSH
ÍSLANDSREISUR
Töfrar og fegurð
Flugleiðir gefa þér kost á að kynnast töfrum
landsins og fegurð, sem þú hefur ef til vill aðeins
lesið um í ferðaþæklingum fyrir útlendinga og
ferðahandþókum. Gististaðir eru allir mjög góðir,
allt frá fyrsta flokks hótelum til fallegra tjaldstæða,
-og allt þar á milli. Miðaðer við aðferðalangurinn
nýti sér skipulagða ferðaþjónustu á hverjum
áfangastað eða nýti sér t.d. bílaleigur til að ferðast
á eigin vegum. Hér er um að ræða svo að segja
ótakmarkaða möguleika til að njóta sumarleyfisins
á sem hagkvæmastan hátt.
Sérstakt verð
Sumarreisur Flugleiða eru íslandsferðir fyrir
íslendinga, boðnar á sérstöku verði, sem er 30%
lægra en venjuleg fargjöld, en kaupa þarf einhverja
sumarreisuþjónustu á áfangastað fyrir að minnsta
kosti 600 krónur fyrir hvern ferðalang, - 250 krónur
fyrir börn.
ísafjörður
Sumarreisuþjónusta: Hótel ísafjörður, sigling um
Hornstrandir, sigling um Djúpið, útsýnisferð um
bæinn. Sérstaklega áhugaverð 4ra daga ferð um
Hornstrandir, einn fegursta stað á Vestfjörðum.
Helgarferð, sem hefst á föstudegi og lýkur á
mánudegi.
Akureyri - Húsavík
Sumarreisuþjónusta: Hótel KEA, Varðborg, Akureyri,
Mývatnsferðir, Eyjafjarðarsigling, útsýnisferðir um
bæinn.
Hótel Húsavík, bílaleiga, sjóstangaveiðiferðir og
Eldárferð, sem er sérstaklega yfirgripsmikil
dagsferð frá Húsavík um Tjörnes, Ásbyrgi,
Hljóðakletta og til Dettifoss. Þaðan er farið til
Mývatns og aftur til Húsavíkur. Ógleymanleg
náttúrufegurð í rammíslensku umhverfi.
Egilsstaðir - Höfn
Sumarreisuþjónusta: Hótel Valaskjálf, Gistihúsið
Egilsstöðum, bílaleiga gefur kost á könnunarferðum
um fegurstu staði Austfjarða og Héraðs. Jöklaferðir
hf. á Hornafirði gefa nú ferðalöngum kost á
sérstakri jöklaferð með lúxus snjóbíl. Þessar
jöklaferðir eru afar vinsælar. Farið er á Vatnajökul í
sérstaklega innréttuðum snjóbíl og ferðast
þægilega um jökulinn í 3-4 klukkustundir. Petta er
útsýnisferð, sem á sér varla nokkurn líka.
Reykjavík
Sumarreisuþjónusta: Hótel Esja, Hótel Loftleiðir.
Útsýnisferðir til Gullfoss og Geysis með
Kynnisferöum, auk fjölda annarra ferða þeirra.
Útsýnisferð um Reykjavík, dagsferðir og kvöldferð
sem endar á Broadway. Söfn, tónleikar, leikhús,
skemmtistaðir, íþróttastaðir o.m.fl.
Lágmarksdvöl á áfangastað er 4 dagar en
hámarksdvöl 21 dagur.
FLUGLEIDIR
Gott fólk hjá traustu félagi
Nánari upplyslngar fást hjá söluskrlfstofum okkar, umboðs-
mönnum og ferðaskrlfstofum.