Tíminn - 08.04.1984, Blaðsíða 6

SUNNUDAGUR 8. APRÍL 1984
Grænlendingar hyggjast auka
feröamannastrauminn
■ Grænlendingar hyggjast auka
ferðamannastrauminn til landsins sem
hingað til hefur verið mjög
takmarkaður. Einn liður í slíkum
undirbúningi er að koma upp aðstöðu til
að taka á móti ferðamönnum og nú í
sumar verður nýtt hótel tekið í notkun í
Holsteinsborg eða Sisimiut eins og
bærinn heitir á máli innlendra. Hótel
Sisimiut sem stendur því sem næst tilbúið
mun bjóða upp á hina bestu aðstöðu
fyrir ferðalanga eftir ströngustu kröfum
og staðurinn hefur verið útbúinn þannig
að gestum á ekki að þurfa að leiðast þó
að veður sé slæmt og illt til útiveru.
Holsteinsborg er skammt frá stærsta
flugvelli landsins í syðra Straumfirði og
vonir standa til að hótelið komi til með
að laða að ferðamenn. Bærinn er á
fallegum stað og þaðan er hægt að fara í
alls kyns ferðir til að njóta hinnar
sérstæðu náttúru Grænlands.
Ferðalangar
geta valið um að ferðast
hvort sem er á bátum eða á hundasleðum
og stutt mun vera í veiði af ýmsu tagi.
Eins og áður segir mun ætlunin að geta
einnig boðið upp á ýmisskonar
skemmtan innan húss ef þannig viðrar
og mun á hótelinu vera að finna bari,
danssali og sjónvarpskróka, auk fyrsta
flokks veitingabúða.
Bent hefur verið á að þó að
læknisþjónusta hafi verið aukin til muna
á Grænlandi sé þó rétt fyrir ferðalanga
sem þurfa á sérstökum lyfjum að halda
að koma meðslíkt meðséraðheiman í
staðin fyrir að treysta á það að lyfin sé
hægt að fá þar nyrðra.
Hvað klæðnað
snertir hafa grænleskir
ferðamálafrömuðir bent á að venjulegur
góður vetrarklæðnaður sé allt sem þarf
sérstaklega ef menn hyggja á mikla úti-
veru.
■ Þessi skemmtilegi dreki er
rússneskur að gerð og hannaður af
Flugvélaverkfræðistofnun í Moskvu.
Hann var sérstaklega byggður með það
fyrir augum að verða hjálpartæki
jarðfræðinga við athuganir þeirra en
drekinn er snar í snúningum og honum
er hægt að lenda við mjög þröngar
aðstæður.
Hér er um að ræða eins konar
fljúgandi mótorhjól með svifvængi en
hreyfillinn er knúinn af samskonar vél
og venjuleg mótorhjól hafa. Tækið ber
nafnið „Leit-2" og tekur einn mann í
sæti auk flugmanns. Það getur og borið
um 20 kg. af farangri og drekinn kemst
í allt aðsex þúsund feta hæð. Hann þykir
einkar hentugur við aðstæður þar sem
erfitt er að koma við þyrluflugi auk þess
sem hann er ódýrari og auðveldari í
rekstri en þyrlur eru. í fréttum frá APN
fréttastofunni segir að fyrirhugað sé að
hefja fjöldaframleiðslu á nökkva þessum
þar eystra.
FLJÚGANDI
RÚSSNESKUR
FURÐUHLUTUR
■ „Fjölskyldumyndin mun e.t.v. líta öðru vísi út í haust“, ér haft eftir Elton
John en hann hefur að undanförnu verið á hljómleikaferðalagi i Ástralíu og komið
þar víða fram.
TIL HAMINGJU!
Poppstirniö Elton John og
eiginkona hans Renata hafa gefiö í
skyn að það kunni að fjölga í
fjölskyldunni á þessu ári. Allt fór
þetta tal fram undir rós eins og sagt er
en þau hjónakornin hafa að
undanförnu verið á ferðalagi um
Ástralíu þar sem lElton John kom
fram á fjölda tónleika. Söngvarinn
^ hefur rcyndar ckki verið við cina
fjölina felldur í ástarmálunum að því
er kjaftasögurnar herma og verið
sagður hafa komið við báðum megin
við búðarborðið ef svo ntá að orði
komast. En núcr þaðsem sagt Renata
og fjölskyldulífið seni hæst ber í lífi
listamannsins og þó að það sé e.t.v. of
snemmt að óská til hamingju þá
gerum við það nú samt.
Sjálfsmorð
ankast
í Danmörku
■ t*að að falla fyrir sjálfs sín
hendi hefur lengi verið þekkt
fyribæri meðal mannanna og svo
virðist sem að slíkt eigi sér víða
stað í aukum mæli. Samkvæmt
opinberum tölum frá Danmörku
falla fjórir Danir á degi hverjum í
valinn á þennan hátt og mun
sjálfsmorðstíðni þar í landi vera
ein sú mesta sem nú gerist.
Rithöfundurinn Torben Lange
frá Farum skrifaði nýlega bók sem
ber nafnið „Sjálfsvíg" og kom út í
október s.l. Þar fjallar hann um
þetta vandamál og lýsir örlögum
fólks sem svift hefur sig lífi og
reynir höfundurinn að skyggnast
inn í líf þessa fólks og lýsa þeim
aðstæðum og þeim vandræðum
sem það hefur átt við að stríða.
Strax eftir að bókin kom út fór
fólk að leita til Torben með
vandamál sín og segir hann að sig
hafi aldrei grunað að það væru svo
margir sem væru svo illa staddir
sem raun ber vitni. „Fólk hringir
til mín á öllum tíma sólarhringsins
og það álítur að ég sé einhvers
konar sérfræðingur í þessum
málum sem ég í rauninni ekki er.
Ffér er um að ræða mikið
samfélagslegt vandamál og á því
þarf að taka og koma fólki til
aðstoðar".
Ennþá stærri hópur fólks gerir
tilraunir í þessa átt sem mistakast
og lætur nú nærri að um 40 manns
reyni slíkt á sólarhring í
Danmörku. Oft er um að ræða eins
konar hróp á hjálp og í slíkum
tilfellum grípur fólk til þessa ráðs
í eins konar tTrvæntingarfullri
tilraun til þess að fá vandamál sín
viðurkennd. „Marga má styðja til
sjálfshjálpar en til þess þarf bæði
skilning og samúð", segir Torben
Lange.
■ Sjálfsvíg hafa aukist í Danmörku
með hverju árinu og nú lætur nærri að
fjórir Danir falli á degi hverjum á
þennan hátt og um 40 manns gera
tilraunir í þá átt sem mistakast.
■ Rithöfundurinn Torben Lange skrifaði bók um sjálfsvíg. „Með skilningi og samúð
má hjálpa mörgum“.