Tíminn - 26.07.1986, Page 1

í þessu Ferðablaði Tímans verður velt upp
nokkrum kryddkornum, völdum af
handahófi, svo ferðafólk tengist betur þeim
stöðum er það á leið um. Vonandi verður það
einnig til þess að hvetja fólk til að ky nna sér
sögur og sagnir þeirra héraða sem það
hyggst ferðast um.
Þar sem Tíminn héfur nú orðið sér út um
nesti og nýja skó, þá er ekki eftir neinu að
bíða heldur leggja í hann austur yfir fjall,
og suður um landið.
Nú er í gangi sá tími sem hvað flestir eru
á ferð og flugi um landið. Skiptir þá engu
hvort sól skín í heiði, eða rigningasuddi berji
kinnarnar. Fólk er í sumarleyfum og vill
flýja hið daglega amstur og njóta náttúru
landsins síns sem best. En þó náttúra
landsins sé stórkostleg, þá er saga þess og
sagnir það krydd sem fullkomnar gott
ferðalag.