Tíminn - 29.01.1987, Side 3

Tíminn 3
Fimmtudagur 29. janúar 1987
Fínull:
Ráðstefna um virkjun jarðhita á Nesjavöllum:
Virkjunarframkvæmdir
munu hefjast í mars
gangsetning virkjunarinnar áætluð haustið 1989
„Enn sem fyrr, þykir Nesjavalla-
svæðið vænlegast allra nærliggjandi
jarðhitasvæða til virkjunar. Um
þetta er ekki lengur deilt, einkum
eftir hinn góða árangur borana þar á
undanförnum árum," sagði Jóhann-
es Zoega, hitaveitustjóri Hitaveitu
Reykjavíkur á ráðstefnu um virkjun
jarðhita á Nesjavöllum, sem haldin
var á Hótel Loftleiðum í gær.
Jóhannes sagði einnig að vegna
kuldamengunar og saltmengunar á
Elliðaársvæðinu og Laugarnessvæð-
inu væri ekki lengur hjá því komist
að mæta aukinni orkuþörf sem skap-
ast m.a. vegna þess að tvær borholur
eru nú ónothæfar og vegna aukinnar
orkunotkunar samfara fólksfjölgun í
Reykjavík og nágrannabyggðar-
lögunum.
Miðað við óbreytt ástand myndi
orkuskortur fara að gera vart við sig í
lok þessa árs í kuldaköstum og á öðr-
um álagstímum og aukast stig af stigi
næstu ár.
Borgarstjórn Reykjavíkur sam-
þykkti ákvörðun stjórnar Hitaveit-
unnar um að byrjað yrði sem fyrst á
virkjunarframkvæmdum á Nesja-
völlum.
Fyrstu verkáfangarnir verða
boðnir út á næstu dögum, en áætlað
er að framkvæmdir að fyrsta áfanga
hefjist í mars n.k.
í framkvæmdaáætlun er miðað við
að gangsetning veitunnar verði
haustið 1989. f október á þessu ári
verður lokið vinnu við safnæðar hita-
veitunnar. Einnig verður byrjað að
vinna við skiljustöð, kaldavatns-
veitu, orkuver og þjónustumann-
virki. Á árinu 1988 verður lokið við
skiljustöð, aðveitu, kaldavatns-
geymi og pípulagnir við kaldavatns-
Frá fundinum á Loftleiðum í gær.
veitu. Vinnu við orkuver og rafstöð
og aðveituæðar verður lokið í ágúst
1989 og þá er einnig áætlað að vinnu
við kaldavatnsveitu verði lokið.
Frágangi og prófunum á síðan að
Ijúka í Iok október það ár.
Áætlaður stofnkostnaður 1.
áfanga Nesjavallaveita er um 1990
milljónir króna. Þar að auki er
kostnaðaráætlun vegna stækkunar
raforkuvers um 30 megawött sem
nýtir hreyfiorku gufunnar í 1. áfanga
með mótþrýstihverfli alls kr. 380
milljónir og stækkun varmaorkuvers
um 100 megawött 180 milljónir. Þá
kostar tenging við Ljósafosslínu 25
milljónir. ABS
Tímaniynd Pjetur
(Jnnið að
uppsetningu
spunaverk'
smiðjunnar
Fínull hf. er þessa dagana að
flytja inn og setja upp spunaverk-
smiðju til að framleiða band úr
kanínufiðu (kanínuhári). Verk-
smiðjan er staðsett í húsakynnum
Álafoss, en þar mun hún verða
næstu árin.
Verksmiðja þessi er keypt frá
Þýskalandi af Teufel-fyrirtækinu.
Kaupverð verksmiðjunnar er um
37 milljónir króna. Verksmiðj-
unni fylgir prjóna-og saumastofa
auk viðskiptasambanda sem
þýska fyrirtækið hafði á sínum
vegum.
Verið er að reynslukeyra vél-
arnar og búist er við að lokið
verði við uppsetningu eftir u.þ.b.
hálfan mánuð. Að því búnu mun
framleiðsla hefjast. Til að byrja
með mun einkum verða framleitt
band og prjónaður heilsufatnað-
ur úr bandinu. Þegar vinnsla
verður komin í fullan gang, er
gert ráð fyrir að um 10 manns
vinni við fyrirtækið.
Fínull hf. er hlutafélag í eigu
Álafoss, kanínubænda, Kanínu-
miðstöðvarinnar og Byggðastofn-
unar. Hlutafé fyrirtækisins er um
22 milljónir króna. -ABS
Viðræður við bandaríska herinn:
HEFJASTIL0K VIKUNNAR
- kjötsala og varaflugvöllur til ákvörðunar
„Það er ætlunin að funda nú í
vikulokin, en það hefur verið svo
erfitt flugveður í Bandaríkjunum að
menn hafa ekki komist til íslands.
En við vonumst til þess að geta rætt
við þá í vikulokin samt sem áður,“
sagði Sverrir Haukur Gunnlaugsson,
deildarstjóri varnarmálaskrifstofu
utanríkisráðuneytisins þegar hann
var inntur eftir því hvenær fundir
íslenskra og bandarískra aðila um
varaflugvöll á Sauðárkróki hefjast.
t>á er von á annarri samninga-
nefnd frá bandaríska sjóhernum
einnig í þessari viku, til viðræðna um
kaup á kjöti fyrir bandaríska herinn
á Miðnesheiði. Sagði Sverrir að
viðræðuaðilar Bandaríkjamannanna
væru varnarmálaskrifstofan og land-
búnaðarráðuneytið. Það lægi hins
vegar ekki fyrir hverjir söluaðilar
kjötsins hérlendis verða. Bandaríski
herinn flytur nú inn um 400 tonn af
kjöti á ári, en sem kunnugt er, er
öðrum aðilum hérlendis bannað að
flytja inn kjötvörur erlendis frá
vegna sjúkdómahættu. -phh
Starfsfólk Búnaðarbanka:
Rekstri bankans
verði ekki breytt
Starfsfólk Búnaðarbankans hefur sent frá sér yfirlýsingu um
hugsanlega sameiningu bankans við Útvegsbanka, þar sem tekin
er hörð afstaða gegn slíkum hugmyndum. Fylgir ályktunin hér á
eftir, ásamt greinargerð um málið.
Ályktun
Fundur starfsmanna Búnaðar-
bankans haldinn 26. janúar 1987
lýsir harðri andstöðu sinni gegn
hugmyndum stjórnvalda um sam-
einingu Búnaðarbanka og Útvegs-
banka.
Fundurinn telur það mikla
skammsýni af stjórnvöldum að ætla
að leggja niður blómlegt og vel
rekið fyrirtæki og nota eigið fé þess
til að leysa vanda fyrirtækis sem
komið er í þrot.
Starfsfólk Búnaðarbankans ótt-
ast að nýr banki, sem reistur væri
á grunni Búnaðarbanka og Útvegs-
banka, yrði veikari stofnun en
Búnaðarbankinn er í dag. Með því
er hagsmunum starfsfólks og við-
skiptamanna bankans stefnt í
hættu. Fundurinn leggur þvf
áherslu á að Búnaðarbankinn haldi
núverandi rekstrarformi svo að
hvorki komi til uppsagna starfs-
fólks né að starfsöryggi þess sé
ógnað á annan hátt.
Þá bendir fundurinn á að í
kjarasamningum bankamanna eru
skýr ákvæði um að haft sé samráð
við starfsmannafélag og/eða S.Í.B.
ef um skipulagsbreytingar banka
sé að ræða. Greina skal frá fyrirhug-
uðum breytingum strax á byrjun-
arstigi.
Starfsfólk Búnaðarbankans
skorar á stjórnvöld að leita annarra
leiða til að mæta vanda Útvegs-
bankans.
Greinargerð
Búnaðarbankinn hefur eflst
stöðugt og áunnið sér þann sess í
þjóðfélaginu að vera talinn traust-
ur banki. Búnaðarbankinn hefur
áunnið sér traust viðskiptabanka
sinna erlendis þann tíma sem hann
hefur starfað sem gjaldeyrisbanki.
Slíkt traust byggist að hluta til á
þeirri staðreynd að Búnaðarbank-
inn hefur ríkisábyrgð á bak við sig,
en ekki síður vegna stöðu bankans
og starfsfólks hans. En nú skal
refsa stjórnendum og starfsfólki
bankans fyrir vel unnin störf og
skynsamlegan rekstur með því að
leggja hann niður.
í umræðunni um samruna Út-
vegsbanka, Iðnaðarbanka og
Verslunarbanka kom fram að
stjórnvöld hugðust leggja fram 900
milljónir til styrktar Utvegsbank-
anum. Reikna má með svipuðu
framlagi af ríkisins hálfu ef um
sameiningu Búnaðarbanka og Út-
vegsbanka yrði að ræða. Miðað við
þær upplýsingar sem hafa komið
fram er full ástæða til að skoða
ummæli formanns bankaráðs
Verslunarbankans eftir að athugun
hafði farið fram á hugsanlegri sam-
einingu þessara þriggja banka, en
þar segir orðrétt: „Hins vegar var
það mat okkar á útistandandi lán-
um Útvegsbankans og öðrum
vcigamiklum atriðum þess eðlis að
útilokað var að leggja fjármuni
hluthafa bankans, hagsmuni við-
skiptamanna og starfsfólks, í hættu
með þátttöku í fyrirhugaðri banka-
samsteypu.“
Það er umhugsunar vert að með
ráðagerðum stjórnvalda um sam-
runa Búnaðarbanka og Útvegs-
banka hika þau ekki við að „hætta
hagsmunum viðskiptamanna og
starfsfólks" Búnaðarbankans.
Segja má að þessi staða hefði ekki
komið upp, hefði Búnaðarbankinn
ekki verið jafn vel rekinn og raun
ber vitni. Það er harður kostur að
vera refsað fyrir það, sem vel er
gert og í raun eru umræddar hug-
myndir stjórnvalda vanhugsaðar.
í áliti bankamálanefndar frá
1973 segir: Samruni bankastofnana
og einföldun fjármálakerfisins er
stefna sem framkvæma verður með
fullri gát og á hæfilega löngum
Starfsfólk Búnaðarbankans hefur lýst yfir andstöðu sinni við hugmyndum
um sameiningu Útvegsbanka og Búnaðarbanka. Tímamynd Svcrrir
tíma. í þessu efni verður að eiga
sér stað þróun fremur en bylting,
ef ekki eiga að koma upp alvarleg
vandræði og andstaða, sem gera
mundi allar slíkar fyrirætlanir að
engu. Sannlcikurinn er sá, að hver
stofnun á sér djúpar rætur í þeim
jarðvegi, sem hún er sprottin úr.
Þannig á hver banki sinn hóp
innistæðueigenda, lántakenda og
starfsfólks, sem er annt um hag
sinnar stofnunar og vill að þeir séu
ekki fyrú borð bornir í slíkri endur-
skipulagningu.“ Þessi ummæli eru
enn í fullu gildi.
Starfsfólk Búnaðarbankans hef-
ur að undanförnu orðið áþreifan-
lega vart við ugg og ótta við-
skiptamanna bankans vegna um-
ræðu um fyrirhugaðar aðgerðir
stjórnvalda gagnvart Búnaðar-
bankanum. Eins og fyrr segir er
ekki sjálfgefið að nýr banki njóti
viðskipta allra þeirra sem nú hafa
viðskipti við Búnaðarbankann og
þá er hollt að minnast þess að
sparifé fólks er hvorki eign banka
né ríkissjóðs.
Vandi Útvegsbankans er mikill
og starfsfólk Búnaðarbankans hef-
ur mikla samúð með starfsmönnum
þar, en vandinn er miklu stærri en
svo að hægt sé að ætla einum banka
að leysa hann ásamt ríkissjóði.
Finna verður aðrar og betri leiðir
en að steypa þessum tveim bönkum
saman með þeim hætti sem nú er
til umræðu.