Tíminn - 09.05.1987, Blaðsíða 1
LAUGARDAGUW 9. MAÍ1997 - 102. TBL. 71. ÁRG.
Hegðun meirihluta borgarstjórnar í fræðsluráðsmálinu:
Siðlaus,
löglaus
Meirihluti borgarstjórnar telur sig nú hafa lokið máli því sem kennt hefur verið
við fræðsluráð/skólamálaráð í Reykjavík. Á borgarstjórnarfundi í fyrrakvöld las
Davíð Oddsson upp bréf frá Sverri Hermannssyni þar sem ráðherrann
staðfestir „skilning“ meirihlutans á hlutverki skólamálaráðs og fræðsluráðs. í
þessum skilningi þeirra Davíðs og Sverris má skólamálaráð ekki taka yfir
lögbundin verkefni fræðsluráðs. Var þá Bleik brugðið því áður hafði Lagastofn-
un Háskóla íslands sagt þetta sama, en meirihlutanum þótti sú umsögn ekki
skipta sköpum þegar hún kom fram á sínum tíma.
Kennarafélag Reykjavíkur sendi menntamálaráðherra bréf fyrir um tveimur
mánuðum þar sem m.a. var spurt hvað menntamálaráðherra hygðist gera til að
færa þau verkefni sem skólamálaráð hefur yfirtekið aftur til fræðsluráðs, eins
og kveðið er á um í lögum. Svarið barst nýlega og kannast ráðherrann og
lögmenn og sérfræðingar ráðuneytisins ekki við að nein verkefni hafi verið
yfirtekin.
Þetta er furðuleg niðurstaða. í 18 gr. grunnskólalaga segir m.a.:
„/ Reykjavik fer fræðsluráð með hlutverk skólanefndar
í fundargerðum skólamálaráðs koma fyrir tugir tilfella þar sem ráðið hefur
farið með mál sem í lögum falla undir skólanefndir/fræðsluráð. Það er lögbrot.
Spurningin er: Eru landslög búin til í fundarsal borgarstjórnar Reykjavíkur við
Skúlatún?
Davíð Oddsson á borgar-
stjórnarfundi.
sjá bls. 5
Það eru ekki ýkja mörg ár síðan
Johnny Logan, hið blóðheita
írska kvennagull, sló í gegn í
Eurovision söngvakeppninni,
með hinu stórskemmtilega lagi,
What's another year. Logan sneri
sér eftir sigurinn að sólóferli í
hinum harða heimi
poppsöngvara, með ekki svo ýkja
góðum árangri. En hann er
kominn aftur, og staðráðinn í að
endurtaka leikinn. Veðbankar í
Englandi hafa trú á honum, hann
hefur skotist í efsta sætið með
Dönum. Halla Margrét er hrifin af
laginu og sviðsframkomu hans.
En mikið vatn hefur runnið til
sjávar síðan Logan og Björgvin
Halldórsson, skemmtu gestum í
Broadway hér um árið.
d 1
1
Stóri dagurinn er runninn upp. f kvöld rétt eftir klukkan 19.00 birtast Halla
Margrét og Valgeir sjónum rúmlega 700 milljón manna um allan heim og
syngja hið gullfallega lag Valgeirs, Hægt og hljótt. Sjónvarpið hefur
Eurovision útsendingu sína á slaginu 19.00 og fyrstir í röðinni verða f rændur
okkar Norðmenn, síðan koma ísraelar, Austurríkismenn og þá er röðin
komin að okkur. „Allt ofar 16. sæti er sigur,“ sagði Valgeir, en veðbankar í
Englandi spá okkur 14.-17. sæti. Halla Margrét sagði í samtali við Tímann að
þau yrðu landi og þjóð ekki til skammar og það getum við heilshugar stutt.
Valgeir og Halla Margrét halda mikið upp á ísraelana tvo, sem kallaðir hafa
verið Dolli og Doddi Israelsmanna, og hafa vakið hjá þeim mikinn áhuga á
að koma til landsins og skemmta okkur. En fyrst er að sjá hvernig fer í kvöld.
Sjá bls. 3
FYRIRLIGGJANDI HARÐVIÐUR:
Eik - Brenni - Cavula
Hnota - Brazil - Pan Rose
Mahogany fuii þurrkað
BYGGIR h/f
Grensásvegi 16 s: 37090