Tíminn - 09.05.1987, Qupperneq 15

Laugardagur 9. maí 1987
MINNING
■1
Óli Halldórsson
Gunnarsstöðum
Það eru mikil tíðindi vinum og
samferðamönnum að heyra lát Óla
á Gunnarsstöðum og vita hann fall-
inn frá rúmlega sextugan mann stór-
huga og lífsglaðan. En banamein
hans reyndist öllum læknisráðum
ofviða og varð ekki vörnum við
komið.
Ekki man ég lengur hvenær ég sá
Óla fyrst, en þá var hann ungur,
mikill á velli, stórskorinn snemma,
einbeittur á svip og ekki lágmæltur,
en ljómaði af góðleik og gáfum, sem
síst leyndu sér þegar hann fór að tala
og segja frá. Samtalslistin var Óla
meðfædd og frásagnargáfan eftir
því. Það var hátíð að eiga von á hans
fundum. Það var líka eins og um
hann léki eilíft hreinviðri, vekjandi
og hressandi.
Hins vegar gleymist mér ekki,
þegar ég hitti Öla síðast, það var
aðeins rúmri viku fyrir andlát hans,
og ekki þurfti glöggt auga til að sjá
að hverju dró um líf hans. En ekki
var honum horfinn karlmennsku-
dugurinn og góðvildin eða gáfulegt
tal, né að hreinviðrið andaði ekki
um hann eins og áður. Sjúkdóms-
markið bar hann, en tungutakið var
óskert, þessi mergjaða íslenska sem
hann talaði, að vísu á lægri nótum
en var meðan líkamsþrótturinn var
óbugaður.
Ekki væri það ofverkið mitt að
segja eitthvað frá því sem ég kann
að vita um ættir Óla og frændlið, því
að það er út af fyrir sig frásagnarvert,
enda kjarnmikið fólk og gott sem að
honum stóð hið næsta og í framættir.
Þó leiði ég ættfærsluna hjá mér að
öðru leyti en því að faðir hans,
Halldór Ólason, var úr Höfðahverfi
í Suður-Þingeyjasýslu, þótt hann
byggi lengstan aldur á Gunnarsstöð-
um á föðurleifð konu sinnar Þuríðar
Arnadóttur bónda þar Davíðssonar,
en Árni Davíðsson lifir í minnum
manna nyrðra fyrir það hversu vitur
hann var og góðviljaður og átti
miklu barnaláni að fagna með konu
sinni Arnbjörgu Jóhannesdóttur.
Eru nú senn 100 ár síðan þau Árni
settust að á Gunnarsstöðum, þar
sem niðjar þeirra búa enn á fjórum
heimilum.
Það er því ekki úr lausu lofti
gripið að tala um Gunnarsstaða-
ætt, og er mér skapi næst að láta
þar staðar numið um ættfærslu
Óla Halldórssonar, enda laukur í
þeirri ætt og gæddur þeirri kynfestu,
sem mér finnst einkenna Gunnars-
staðafólk, umfram allt einlægni og
hreinlyndi. En það gat Óli raunar
haft frá föður sínum, Halldóri á
Gunnarsstöðum, miklum heiðurs-
manni.
Óli Halldórsson var fæddur á
Ytra-Lóni áLanganesi 1. ágúst 1923,
þar sem foreldrar hans bjuggu þá, en
fluttist barnungur með þeim að
Gunnarsstöðum í Þistilfirði og ólst
þar upp og átti heima alla ævi sfðan.
ÓIi lagði ekki fyrir sig langskólanám,
en var þeim mun betur sjálf-
menntaður, enda fæddur með eðlis-
gáfur menntamanns og heimspek-
ings, allt kryddað fínu skopskyni og
listrænni frásagnargáfu sem er
reyndar einkennandi fyrir Þistla yfir-
leitt og rannsóknarefni út af fyrir sig
hvernig á því stendur.
Óli var alla ævi meira og minna
bundinn við búskapinn á Gunnars-
stöðum og bóndi þar með föður
sínum og Gunnari bróður sínum
lengst af, svo að bóndastarfið mátti
heita hans aðalævistarf, enda vel til
þess fallinn fyrir flestra hluta sakir.
En hann vann einnig utan heimilis,
m.a. var hann sláturhússtjóri Kaup-
félags Langnesinga á Þórshöfn í 18
ár, en það var fyrst og fremst
haustvinna. Þá hafði hann það
vetrarstarf á hendi ár eftir ár að
kenna börnum. Langlengst kenndi
hann í heimasveit sinni eða yfir 20
vetur alls, m.a. var hann skólastjóri
heimavistarbarnaskóla á Gunnars-
stöðum 12 ár, 1964-1976. Hann
kenndi auk þess á fleiri stöðum
norðanlands og austan.
K.ennaramenntun hafði Óli ekki,
en um það hef ég vitnisburði nem-
enda hans að hann væri góður
kennari og ástsæll af börnum. Gam-
an var að heyra Óla segja frá
nemendum sínum og kennarareynsl-
unni, því að það var hans yndi að
meta manngerðir og segja fyrir um
hvað í mönnum bjó og hvað þeim
væri ætlandi. Að sjálfsögðu hafði
Óli ekki við miklar fræðikenningar
að styðjast, þegar hann var að kryfja
sálir manna, innsæið dugði honum,
en skynsemin gerði hann réttdæman
og ekki síður góðvildin. Enginn
maður var svo rúinn mannspörtum,
ef einhver var illu borinn, að Öli sæi
ekki í honum eitthvað gott, enginn
svo heimskur að hann fyndi ekki hjá
honum gáfurnar og enginn svo lítill
fyrir sér að Óli á Gunnarsstöðum
kæmi ekki auga á mannslundina í
honum. Þannig gerði hann sér það
að leik að snúa sleggjudómum ann-
arra um náungann í heilsteypta
mannlýsingu.
ÓIi stóð framarlega í félags- og
menningarlífi sveitar sinnar, sat í
hreppsnefnd Svalbarðshrepps 24 ár
og var formaður Ungmennasam-
bands Norður-Þingeyinga um skeið.
Ýmsum trúnaðarstörfum gegndi
hann á vegum Framsóknarflokksins,
sat í stjórn Kjördæmissambands
framsóknarmanna í Norðurlands-
kjördæmi eystra og átti sæti í mið-
stjórn flokksins nokkur ár. í öllum
þessum störfum var hann vinsæll og
mikils metinn.
Óli lifði einlífi fram yfir fimmtugt,
en tók þá upp sambúð við Hólmfríði
Kristdórsdóttur frá Sjóarlandi, sem
þá var ekkja, og gengu þau að eigast
áður en Óli dó. Var það mikil gæfa
Óla að eignast þar góða konu og
myndarlega húsfreyju til að annast
það gestrisna heimili sem hann vildi
hafa. Henni sendi ég innilega sam-
úðarkveðju, svo og eftirlifandi
systkinum hans.
Ingvar Gíslason
rml LAUSAR STÖÐUR HJÁ
m REYKJAVIKURBORG
Matreiöslumaður óskast til sumarafleysinga á
dvalarheimili aldraðra, Dalbraut 27.
Laun skv. kjarasamningum Reykjavíkurborgar.
Upplýsingar gefur forstöðumaður mötuneytis í
síma 685377.
Umsóknum ber að skila til starfsmannahalds
Reykjavíkurborgar, Pósthússtræti 9, 5. hæð sem
fyrst á sérstökum eyðublöðum sem þar fást.
rs1! SVR auglýsir eftir
í|f vagnstjórum
til sumarafleysinga við akstur strætisvagna á
tímabilinu júní-ágúst.
Umsækjendur eru beðnir að snúa sér sem fyrst til
eftirlitsmanna í stjórnstöð SVR að Hverfisgötu 115.
Strætisvagnar Reykjavíkur
Tíminn 15
rml LAUSAR STÖÐUR HJÁ
[m REYKJAVIKURBORG
Heilsuverndarstöð Reykjavíkur óskar að ráða
eftirtalið starfsfólk:
Við Heilsugæsluna Álftamýri 5.
Hjúkrunarfræðing og jafnframttil sumarafleysinga.
Hjúkrunarfræðing og sjúkraliða.
Upplýsingar gefur hjúkrunarforstjóri í síma
688550.
Við Heilsuverndarstöð Reykjavíkur.
Hjúkrunarfræðinga. Ljósmæður. Sjúkraliða og
starfsmenn við móttöku og síma.
Upplýsingargefurhjúkrunarforstjóri í síma 22400.
Umsóknum ber að skila til starfsmannahalds
Reykjavíkurborgar, Pósthússtræti 9, 5. hæð á
sérstökum eyðublöðum sem þar fást.
Atvinna -
Borgarnes
Kjötiðnaðarstöð K.B. óskar að ráða starfsfólk til
eftirtalinna starfa: Vegna aukningar á fullvinnslu
og framleiðslu tilbúinna rétta viljum við ráða
flokksstjóra og iðnverkafólk. Heilsdags- og hálfs-
dagsstörf. Einnig óskum við eftir að ráða starfs-
mann í söludeild karl, eða konu. Upplýsingar gefa
Geir Björnsson og Georg Hermannsson í síma
93-7200.
Kaupfélag Borgfirðinga
Borgarnesi
LAUSAR STÖÐUR HJÁ
REYKJAVIKURBORG
Staða forstöðumanns við leikskólann Arborg
Hlaðbæ 17. Fóstrumenntun áskilin. Umsóknar-
frestur er til 24. maí 1987. Upplýsingar gefur
framkvæmdastjóri og umsjónarfóstrur á Dagvist
barna í síma 27277.
Umsóknum ber að skila til starfsmannahalds
Reykjavíkurborgar, Pósthússtræti 9, 5. hæð á
sérstökum eyðublöðum sem þar fást.
W Útboð
Innkaupastofnun Reykjavíkurborgar f.h. gatna-
málastjórans í Reykjavík óskar eftir tilboðum í búnað
fyrir umferðarstjórn í þremur bílastæðum / bílageymsl-
um í Reykjavík. Útboðsgögn verða afhent á skrifstofu
vorri Fríkirkjuvegi 3, Reykjavík. Tilboðin verða opnuð á
sama stað fimmtudaginn 11. júní n.k. kl. 11.00.
INNKAUPASTOFNllN reykjavíkurborgar
FríkirLjuV«gi 3 — Simi 25800
rml LAUSAR STÖÐUR HJÁ
m\ REYKJAVIKURBORG
Mæðraheimili Reykjavíkurborgar óskar eftir að
ráða starfsfólk í sumarafleysingar og einnig í fullt
starf.
Upplýsingar gefur forstöðumaður alla virka daga
frá kl. 8.00 til 16.00 í síma 25881.
Umsóknum ber að skila til starfsmannahalds
Reykjavíkurborgar, Pósthússtræti 9, 5. hæð sem
fyrst á sérstökum eyðublöðum sem þar fást.
Til sölu
Volvo Lapplander splitt drif, árg. ’80, miðstöð
afturí. Ekinn 17.000 km, vel með farinn. Upplýsing-
ar í síma 91-619085.