Tíminn - 06.08.1987, Blaðsíða 5

Fimmtudagur 6. ágúst 1987
Tíminn 5
Landsvirkjun í skærum
við bændur á af rétti
Veiðivörður við Köldukvísl á Holtamannaafrétti hefur kært þrjá
starfsmenn Landsvirkjunar fyrir veiðiþjófnað í ánni. Kom veiðivörður-
inn að meintum veiðiþjófum við veiðar í fyrradag. Þegar veiðimennirnir
urðu varir mannaferða tóku þeir upp færi sín og óku greitt í burtu.
Hrólfur Ölvisson veiðivörður
sagði í samtali við Tímann að hann
hefði ekki verið á þeim buxunum
að láta mennina komast undan og
því elt þá á bíl sínum. Eftir langan
og erfiðan eltingaleik, yfir vegleys-
ur og stórgrýttar torfærur náði
Hrólfur mönnunum upp við svo-
kallaðan Efri-Fosshyl, þar sem þeir
voru að gera sig reiðubúna til
áframhaldandi veiða. Um þetta
leyti var kominn annar jeppi til liðs
við Hrólf í eltingaleiknum.
Þjófar með nafnspjald
Starfsmenn Landsvirkjunar voru
á bíl merktum fyrirtækinu, og er
um að ræða nokkurskonar neyð-
arbíl, sem þjónustar Hrauneyja-
foss- og Sigölduvirkjun. Er bíllinn
útbúinn sérstökum fjarskiptabún-
aði svo auðveldar sé að ná til hans,
bregði eitthvað út af.
Grunur hefur leikið á um að
veiði hafi verið stunduð í óleyfi í
Köldukvísl, án þess að takist hafi
að færa sönnur á það. Fundist hafa
netasteinar í Efri-Fosshyl og veiði-
staðnum Röski, sem ereinn gjöful-
asti staðurinn í ánni. Ýmislegt
bendir til þess að stórfelldur ádrátt-
ur hafi verið stundaður í Efri-
Fosshyl, en hann má heita fisklaus
nú undir það síðasta.
Mikil aðsókn hefur verið í
Köldukvísl, eftir að Tímamenn
fóru þangað til veiða og greindu frá
skemmtilegum nýjum veiðimögu-
leika. Þó virðist svo sem veiði hafi
farið heldur minnkandi síðustu
daga, eftir að möguleikar Köldu-
kvíslar voru gerðir heyrinkunnir.
Kenna menn um ádrætti í hyljum,
sem þó hefur ekki tekist að færa
sönnur á.
„Veiðileyfi á bændur"
Þegar Hrólfur kom að veiði-
mönnunum segir hann þá hafa
veist að sér með svívirðingum á
borð við „það ætti að selja veiði-
leyfi á þessa bændur og láta skjóta
þá alla“. Upphófst mikið þref, sem
íauk með því að Hrólfur fékk rétt
nafn tveggja'veiðimannanna en sá
þriðji laug til um nafn. Með þessa
vitneskju hélt Hrólfur til lögreglu
á Hvolsvelli og kærði mennina
fyrir veiðiþjófnað.
Þjófar um nótt
Ekki aðeins hafa starfsmenn
Landsvirkjunar stolist í ána, heldur
spillt næturfriði veiðivarðar og
veiðimanna sem gista veiðihúsið.
Hafa þeir tryllt á jeppum hringinn
í kringum húsið að næturlagi og
með fullum ljósum og af einhverj-
um sökum skráð niður bílnúmer
ökutækja við húsið. Starsfmenn
Landsvirkjunar hafa verið ósparir
á notkun fyrirtækisbíla og notað þá
við næturiðju sína. Um leið og vart
hefur orðið mannaferða hafa þeir
flýtt sér á brott, sem siður var
útilegumanna á hálendinu til forna.
Virðist sem um stigmagnandi
erjur sé að ræða, að mati kunnugra
og eiga dýpri rætur en óvild í garð
veiðimanna. Mun þetta vera liður
í stríði Landsvirkjunarstarfsmanna
vegna lónanna sem deilt hefur
verið um veiðirétt í. Hrólfur segir
að starfsmenn Landsvirkjunar hafi
aldrei leitað eftir því við sig að fá
veiðirétt í ánni og ekki gert tilraun
til koma á sáttum eða samningum
með friðsamlegum hætti.
Hóta tortímingu
Þó svo Tíminn hafi ekki fengið
það staðfest, segir sagan að starfs-
menn Landsvirkjunar hafi haft það
í flimtingum að réttast væri að
hleypa vatni úr Þórisvatni í Köldu-
kvísl. Myndi slík aðgerð eyðileggja
stangaveiði í Köldukvísl í allt spm-
ar og væri þar með mikið starf
unnið fyrir gýg. Fyrrum var sam-
gangur milli Köldukvíslar og Þór-
isvatns en sá samgangur var tekinn
af rétt eftir 1970.
Verðir eru aldrei vinsælir
Hrólfur Ölvisson sneri sér til
lögreglunnar á Hvolsvelli með
kæru vegna veiðiþjófnaðar
starfsmanna Landsvirkjunar. Lög-
reglan sagði í samtali við Tímann
að starfsmenn Landsvirkjunar
teldu sig eiga rétt á veiði í Köldu-
kvísl, enda fyrirtækið greitt fyrir
það land, sem það hefur þurft að
veita vatni yfir og grætt upp annað
eins og jafnvel meira en það. Hins
vegar mun Kaldakvísl hafa verið
undanskilin í þeim samningi
Landsvirkjunar við landeigendur.
Þetta finnst starfsmönnum fyrir-
tækisins nú súrt í broti og hafa
reynt að gera veiðiverði lífið leitt
með ýmsu móti. Lögreglan sagði
að hvort sem maður væri laganna
vörður eða veiðivörður yrði maður
að sætta sig við að vera ckki
ofarlega á vinsældalista sumra
manna.
Rannsókn lögreglunnar á þessu
máli er skammt á veg komin, en
sýslumanni er kunnugt um deilurn-
ar. Blaðamenn Tímans gerðu ár-
angurslausar tilraunir til að ná í
yfirmenn Landsvirkjunar og stöðv-
arstjóra á Holtamannaafrétti í all-
an gærdag.
- ES/ÞJ
Millisvæðamótið í Szirák:
Jóhann með jafntefli
og spennan í hámarki
iafntpfli F.llpfll Ipikir “ lrnm Rpliavclru á nvart í oa*r mfA hví
Stutt jafntefli. Ellefu leikir,“
sagði Elvar Guðmundsson aðstoðar-
maður Jóhanns Hjartarsonar á milli-
svæðamótinu í Szirák þegar hann
var inntur eftir úrslitum í skák
Jóhanns við Benjamín í gær.
„Benjamín var með hvítt og bauð
jafntefli eftir aðeins ellefu leiki sem
Jóhann þáði.“
Jóhann er enn efstur með 10W
vinning og er spennan nú að komast
í hámark á mótinu því nú eru fimm
menn að berjast upp á líf og dauða
um þrjú sæti og eiga þeir eftir að
tefla nokkuð innbyrðis.
Staðan á mótinu er nú þannig að
Jóhann er efstur eins og áður sagði
með lO'/i vinning og á hæla honum
kemur Salov með 10 vinninga. Nunn
er með 9V2 vinning og er með
jafnteflislega skák gegn Allan, Port-
isch er með 9'/z vinning, en hann
kom Beljavsky á óvart í gær með því
að tefla Benónývörn sem hann hefur
aldrei teflt áður og vann í skemmti-
legri skák. Beljavsky er nú í fimmta
sæti með 8 vinninga en á þó smá
möguleika ef hann vinnur þær skákir
sem eftir eru.
Að sögn Elvars var þetta stutta
jafntefli vel þegið af Jóhanni því á
morgun mun hann tefla eina af
hinum æsispennandi úrslitaskákum
mótsins. Þá stýrir hann hvítu
mönnunum á móti Nunn. Á laugar-
dag teflir hann síðan við Allan og í
lokaumferðinni á Jóhann við Beljav-
sky að glíma.
Á morgun verður önnur úrslita-
skák en þá munu Beljavsky og Nunn
leiða saman hesta sína. Nunn á
einnig eftir skák við Portisch. Eins
og sjá má er því ómögulegt að segja
til um úrslit þessa móts á þessu stigi.
-HMÞ
Aðafundur Stéttar-
sambands bænda:
Fulltrúa-
kosningar
eru langt
komnar
Kosningar fulltrúa á aðalfund
Stéttarsambands bænda á Eiðum
31. ágúst til 2. september eru
langt komnar. Eftir er að kjósa
fulltrúa í Rangárvallasýslu, Vest-
ur-Skaftafellssýslu og Kjósar-
sýslu og einnig eiga nokkur búg-
reinafélögin eftir að kjósa sinn
fulltrúa, en þau eru nú ellefu
talsins. Fulltrúar á aðalfundinn
eru alls á milli 60 og 70 talsins.
Nýir fulltrúar eru í Austur-
Barðastrandasýslu, Vestur-ísa-
fjarðarsýslu, Áustur-Húnavatns-
sýslu, Eyjafirði, Norður-Þingeyj-
arsýslu, báðum Múlasýslum,
Austur-Skaftafellssýslu, Snæfell-
snessýslu og Dalasýslu.
Einstök heppni
Lánið leikur við suma. Hann var
sammála því húsbyggjandinn sem
var að gera upp húsið sitt í Hafnar-
firði um helgina. Var hann að
umbylta herbergjaskipan í tvílyftu
timburhúsi. Meðal þess sem gera
þurfti var að rífa vegg í herbergi
þar sem ættmóð»rin heitna hafði
búið. Þegar langt var komið við að
rífa vegginn rakst kúbeinið í eitt-
hvað málmkennt. Við nánari at-
hugun reyndist þar vera um skrín
gömlu konunnar að ræða. Var það
kyrfilega læst og vel með farið utan
hvað raki hafði sett sitt mark á það.
Skrínið var þungt.
Rak húsbyggjandann og konu
hans minni til að ættmóðirin hafði
kvartað yfir því að hafa týnt skrín-
inu fyrir rúmum áratug eða svo.
Gleymdist það síðan. Ekki var
vitað um innihald þess.
Lásasmiður var fenginn til þess
að opna skrínið, þar sem fjölskyld-
an vildi ekki skemma það á nokk-
urn hátt. Lásasmiðurinn vann sitt
verk samviskulega og opnaði
kassann. Fyrsta sem við blasti var
sendibréf stimplað 16. júlí fyrir
nákvæmlega tólf árum. Þar með
var vitað hvenær uin það bil gamla
konan hefur glatað skríninu. En
það sem skipti máli fyrir fjölskyld-
una í fjárhagskröggum var safn
skartgripa ættarinnar, sem reynd-
ust hátt metnir þegar farið var með
þá flesta til gullsmiðs. -ES
Jóhann, enn efstur.