Tíminn - 06.08.1987, Blaðsíða 12

12 Tíminn
Fimmtudagur 6. ágúst 1987
FRÉTTAYFIRLIT
LUNDÚNIR - Stjórnvöld í
Iran sögðu að eldflaugum flota
síns yrði miðað áóvini landsins
en ekki notaðar nema íranar
væru áreittir. Flotaæfingar
standa nú yfir hjá írönum.
COLOMBÓ - Skæruliðar
tamíla á Sri Lanka hófu að láta
af hendi vopn sín í gær og þar
með var formlega bundinn
endir á þjóðflokkastríö það
sem staðið hefur yfir síðustu
fjögur árin með þeim afleiðing-
um að meira en sex þúsund
manns hafa misst lífið.
LUNDÚNIR Breska
flugfélagið British Airways,
sem nýlega var gert að einka-
fyrirtæki, tilkynnti að hagnaður
félagsins á fyrsta ársfjórðungi
þessa árs hefði tvöfaldast miö-
að við sama tímabil í fyrra.
JERÚSALEM - ísraelskur
saksóknari sagði John Demj-
anjuk vera lygara og enpinn
vafi léki á að hann væri „Ivan
hræðilegi", fangabúðavörður
sem drap hundruð þúsunda
gyðinga í útrýmingarbúðum
nasista í Treblinka í Póllandi.
LUNDÚNIR - Hussein Jór-
daníukonungur og stjórn hans
eiga nú í samningaviðræðum
við Sovétmenn um kaup á
Mig-29 orustuþotum eftir að
hafa verið neitað um leyfi til að
kaupa bandarískar F-16 og
F-20 þotur. Það var hermála-
blaðið Jane's Defence sem
skýrði frá þessu í gær.
RÓM - Ríkisstjórnin á Ítalíu,
sú 47 í röðinni fra síðari heims-
styrjöldinni, tryggði sér traust
þingsins í gær en stjórnmála-
skýrendur telja að þessi sam-
steypustjórn fimm flokka muni
sundrast innan árs.
HÖFÐABORG - Stjórn
P.W. Botha forseta Suður-Afr-
íku hótaði að skera niður styrki
til háskóla landsins nema þeir
kæmu í veg fyrir mótmælaað-
gerðir á skólalóðunum gegn
aðskilnaðarstefnu ríkisstjórn-
arinnar.
LUNDÚNIR - Verð á
Bandaríkjadal og gulli lækkaði
á mörkuðum í Evrópu í gær
þrátt fyrir aukna spennu í
Persaflóanum. Verð á olíu
lækkaði einnig dálítið.
ÚTLÖND
Eduard Shevardnadze utanríkisráðherra Sovétríkjanna kom til Genfar í gær:
Stutt í land?
Genf - Keuter
Bandaríkin og Sovétríkin eiga
stutt í land með að ná samkomulagi
um að eyða öllum meðaldrægum
kjarnaflaugum. Það varEduardShe-
vardnadze utanríkisráðherra Sovét-
ríkjanna sem lét hafa þetta eftir sér
í gær.
Shevardnadze sagði þetta við
komu sína til Genfar í Sviss þar sem
hann mun eiga viðræður við helsta
samningamann Bandaríkjastjórnar
Max Kampelman. Þær viðræður
hefjast á morgun.
Utanríkisráðherrann sagði við
blaðamenn á flugvellinum í Genf að
enn væru hindranir í veginum fyrir
samkomulagi um eyðingu allra með-
aldrægra og skammdrægra kjarna-
Shevardnadze ásamt leiðtoga sínum
Mikhail Gorbatsjov á leið út úr
Höfða. Leiðir Reykjavíkurfundur-
inn til samkomulags í afvopnunar-
málum síðar á þessu ári?
flauga risaveldanna en þær væru
yfirstíganlegir.
Stórveldin tvö hófu afvopnunar-
viðræður í Genf í mars árið 1985 og
hefur þar verið fjallað um langdræg-
ar kjarnaflaugar, meðal- og skamm-
dræg kjarnorkuvopn og geimvopn.
Sendinefndir beggja ríkjanna hafa
sagt að möguleikar séu á að ná
samkomulagi um eyðingu skamm-
drægra og meðaldrægra flauga á
þessu ári.
Shevardnadze og George Shultz
utanríkisráðherra Bandaríkjanna
munu eiga fund í Washington 15-17
september og þar gætu mál verið
undirbúin fyrir hugsanlegan leið-
togafund síðar á árinu er fæli í sér
undirskrift einhvers konar afvopn-
unarsamkomulags.
Málefni Miö-Ameríku:
Bandaríkjaforseti í
friðarhugleiðingum
Washington - Rcutcr Bandaríkjastjórnar er miðar að því
Reagan Bandaríkjaforseti til- að binda enda á stríðið í Nicaragua.
kynnti í gær um nýja friðaráætlun Áætlunin verður borin undir leið-
Dóttir Mandela með mynd af föður sínum sem setið hefur í fangelsi síðustu
25 árin.
Suður-Afríka:
MANDELA HEFUR
SETIÐINNI í
0
ALDARFJORDUNG
Jóhannesarborg - Reuter
Gærdagurinn var að mörgu leyti
merkilegur fyrir Nelson Mandela,
þekktasta baráttumanninn fyrir rétt-
indum blökkumanna í Suður-Afr-
íku. Þá hafði hann nefnilega setið í
fangelsi í heil 25 ár. Þrátt fyrir langa
fangelsisvist sagði ein vinkona hans
að Mandela léti engan bilbug á sér
finna.
Mandela var handtekinn árið 1962
ásamt öðrum leiðtogum Afríska
þjóðarráðsins (ANC), helstu skæru-
liðasamtaka blökkumanna sem berj-
ast gegn stjórn hvíta minnihlutans í
landinu. Þeir voru dæmdir í lífstíð-
arfangelsi fyrir landráð tveimur
árum síðar.
Albertina Sisulu, kona Walter Si-
sulu, er fékk sama dóm og Mandela,
sagði að mennirnir tveir og fimm
félagar þeirra væru enn jafn ákveðn-
ir í afstöðu sinni og áður.
P.W. Botha forseti Suður-Afríku
bauðst til að leysa Mandela úr haldi
í janúar árið 1985 með því skilyrði
að blökkumaðurinn frægi fordæmdi
ofbeldi. Þessu neitaði Mandela og
sagði að hann og félagar hann væru
ekki ofbeldismenn.
Mandela er nú 69 ára gamall,
hann sat fyrst í fangelsi á Robben
eyju utan við Höfðaborg en var árið
1982 færður í Pollsmoor fangelsið
rétt hjá borginni.
Kannanir hafa sýnt að hvítir Suð-
ur-Afríkubúar skiptast mjög í hópa
í afstöðu sinni um hvort leysa eigi
Mandela úr haldi. Um 40% hvítra
íbúa landsins telja að Mandela eigi
ekki lengur að sitja í fangelsi.
Talsmaður ríkisstjórnarinnar
sagði nýlega að fangelsun Mandela
væri vandræðamál fyrir stjórnvöld,
þó mætti ekki leysa hann úr haldi þar
sem miklar óeirðir gætu fylgt í
kjölfarið.
toga ríkja Mið-Ameríku er hittast í
Guatemala í dag.
Forsetinn las upp stutta tilkynn-
ingu í Hvíta húsinu og sagðist þar
hafa komist að samkomulagi við
ráðamenn repúblikana og demó-
krata á þingi um að reyna að nýju að
leita sátta í Mið-Ameríku.
Reagan hvatti aðrar þjóðir til að
styðja friðartilraunir stjórnar sinnar
sem styður Contra skæruliðana í
stríði þeirra gegn hinni vinstrisinn-
uðu stjórn Daniels Ortega forseta í
Nicaragua.
Ekki gaf forsetinn upp neitt um
friðaráætlunina og neitaði reyndar
að svara spurningum fréttamanna
þar að lútandi. Jim Wright forseti
fulltrúadeildar þingsins sagði aftur á
móti að áætlunin væri byggð á friðar-
tillögum Oscars Ariasar, forseta
Costa Rica, og myndi hefjast með
vopnahléi milli skæruliðanna og
stjórnarhersins í Nicaragua.
Stjórnvöld í Nicaragua sögðu síð-
degis í gær að friðaráætlun þessi væri
ekkert annað en bragð sem ætlað
væri að koma í veg fyrir að ríki
Mið-Ameríku gætu sjálf samið um
frið á svæðinu.
George Shultz utanríkisráðherra
Bandaríkjanna svaraði spurningum
blaðamanna í Hvíta húsinu í gær og
sagði að samkvæmt áætluninni
skyldu friðarviðræður hefjast hið
fyrsta og ætti að verða lokið fyrir 30.
september. Hann neitaði ásökunum
að um bragð væri að ræða af hálfu
Bandaríkjastjórnar.
Contra skæruliðarnir fá nú styrk
frá Bandaríkjastjórn upp á hundrað
milljónir dollara en hann fellur ein-
mitt úr gildi þann 30. september.
Stjórnvöld í Washington hafa hótað
að biðja þingið um 150 milljónir,
dollara í styrk til Contra skærulið-
anna gangi viðræðurnar ekki upp.
ÚTLÖND
UMSJÓN:
Heimir
Bergsson
BLAÐAMAÐUR^
Grikkland:
Ný hita-
bylgja
Aþena - Reuter
Veðurfræðingar í Grikklandi
spáðu því í gær að ný hitabylgja
myndi leggjast yfir landið um
helgina og stjórnvöld gáfu fólki
góð ráð til að koma í veg fyrir
hörmungar eins og í síðasta mán-
uði. Þá létu meira en þúsund
manns lífið af völdum mikilla
hita er stóðu yfir í tíu daga.
Veðurstofan gríska sagði að
hiti myndi verða um fjörutíu
Celsíusgráður um helgina og
sums staðar jafnvel meiri. Ekki
er þó talið að hitabylgja þessi
muni verða eins langlíf og sú í
júlímánuði, þessari er aðeins
spáð þriggja daga lífi.
George Alexander Magakis
heilbrigðismálaráðherra átti í gær
viðræður við yfirmenn á sjúkra-
húsum en þar urðu þó nokkur
dauðsföll í síðasta mánuði.
Ástæðan var léleg loftræsting á
ríkisreknu sjúkrahúsunum og of
mikill fjöldi sjúklinga.
Heilbrigðismálaráðuneytið gaf
einnig út leiðbeiningar til al-
mennings í gær til að hjálpa fólki
að lifa af hitann.
Eitt ráðanna var að drekka
vatn, bæði mikið og oft. Einnig á
fólk að taka inn salt með
matnum, fara í köld böð, vera í
skugga á heitasta tíma dagsins,
forðast líkamlegar æfingar nema
sund og skilja ekki eldri fjöl-
skyldumeðlimi eftir eina síns liðs
í langan tíma.
Gamalt og veikt fólk var ein-
mitt meirihluti fórnarlamba hit-
abylgjunnar í síðasta mánuði.
England og Wales:
Bjórkrár
bráðlega
opnar all-
an daginn
Lundúnir - Reutcr
Breska ríkisstjórnin tilkynnti í
gær að innan árs yrðu bjórkrár í
Englandi og Wales opnaðar allan
daginn.
Lokun kráa kom fyrst til í fyrri
heimsstyrjöldinni. Þá var farið að
loka um eftirmiðdaginn til að
koma í veg fyrir að starfsmenn
við vopnaframleiðslu drykkju sig
fulla. Þessum lokunartíma var
aflétt í Skotlandi fyrir rúmum tíu
árum og hefur aldrei verið við
lýði í Norður-írlandi.
Douglas Hurd innanríkisráð-
herra sagði á blaðamannafundi
að eigendur bjórkráa myndu fá
að hafa opið frá klukkan ellefu að
morgni til ellefu að kvöldi, alla
daga nema sunnudaga.
Hurd sagðist ekki sjá neina
skynsemi í því að loka bjórkrám
um eftirmiðdaginn og bætti við
að hann tryði því ekki að drykkja
myndi aukast er nýju lögin taka
gildi, líklegast í júlímánuði á
næsta ári.
Bjórkráaeigendur og samtök
hótel- og veitingastaða fögnuðu í
gær tilkynningu Hurds en samtök
er láta sig ofneyslu áfengis varða
vöruðu fólk við og sögðu aukinn
opnunartíma leiða til aukinnar
drykkju.
Það komu fleiri fréttir frá
Bretlandi í gær. Lftið bruggfyrir-
tæki, The Pitfield Brewery er
aðsetur hefur í Austur-Lundún-
um, vann til vcrðlauna á mikilli
bjórhátíð í borginni Brighton á
suðurströnd Englands. Verð-
launin fékk fyrirtækið fyrir
Stjörnubjór sinn er kjörinn var
..besti bjórinn á Bretlandi".