Tíminn - 24.11.1987, Qupperneq 15

Þriðjudagur 24. nóvember 1987
'ríminn 15
MINNING lílllllllllll

Sigurður
Eyvindsson
í Austurhlíð
Hann var fæddur 14. janúar 1900.
Faðir hans var Eyvindur Björnsson
frá Vatnshorni í Skorradaí. Móðir
Eyvindar var Solveig Björnsdóttir
prests á Þingvöllum, en hann var
sonur séra Páls Þorlákssonar bróður
séra Jóns á Bægisá. Móðir Sigurðar
var Þórdís Sigurðardóttir frá Mið-
sandi í Melasveit. Frá 13 ára aldri
dvaldist Sigurður hjá Bimi föðurbróður
í Grafarholti, þar til hann varfulltíða
maður. Hann lærði húsasmíði og
vann um skeið við húsabyggingar í
Reykjavík.
Árið 1929 gekk Sigurður að eiga
Lilju Þorláksdóttur frá Kotá við
Akureyri. Hún var fædd 28. ágúst
1904. Sumarið áður byggði Sigurður
rjómabúið í Stóru-Mástungum. Þá
voru þau í tilhugalífi Sigurður og
Lilja og dvöldu þá bæði í Gnúpverja-
hreppi, en hún var þá kaupakona á
Hamarsheiði.
Ef til vill hafa þau þá verið í
einskonar tilhugalífi með sveitinni,
þar sem þau áttu eftir að vinna sitt
ævistarf.
Árið 1932 hófu þau Sigurður og
Lilja búskap í Austurhlíð. Það kost-
aði mikið átak að hefja búskap á
eyðijörð á kreppuárunum, sem
jafnvel urðu gamalgrónum bændum
þung í skauti. Til marks um það,
man ég vel að haldinn var bænda-
fundur í Ásaskóla og rætt um
sparnað, hvað helst væri hægt að
spara. Ég held að þeir sem muna
þessa fíma vel, þurfi að hugsa sig
lengi um til að muna eftir einhverju,
sem fólk veitti sér á þeim árum, sem
auðvelt hefði verið að vera án.
Við þessar aðstæður hófu þessi
ungu hjón búskap í Austurhlíð. Ekk-
ert hús var á jörðinni nema lambhús,
sem að sjálfsögðu var ekki neitt
vegleg bygging. Þetta var eins og að
reisa nýbýli. Allt varð að byggja frá
grunni. Nú varð að ganga f að koma
upp bráðabirgða byggingum.
Um vorið veiktist Sigurður af
brjósthimnubólgu, sem hann átti í
allt þetta sumar. Hann hafði áður
fengið aðkenningu af berklum, en
þó ekki farið á hæli en mun þó alltaf
hafa búið að því.
Nú varð Steinn í Fossnesi bjarg-
vættur ásamt frændum og vinum við
að koma upp nauðsynlegustu bygg-
ingum.
Árið 1932 byggði Sigurður sam-
komusalinn við Ásaskóla. Alla tíð
meðan hann dvaldi í Austurhlíð sá
hann um allt viðhald og endurbætur
á skólanum.
Hann var alltaf í hugum okkar
sveitunga hans, þúsundþjala smiður-
inn, sem alltaf var tilbúinn að leysa
hvers manns vandræði. Hann stund-
aði alltaf smíðar eftir því sem tími
vannst til. Honum var yfirleitt allt í
augum uppi, sem kallað er, hvort
sem var gagnvart smíðum eða verk-
legum framkvæmdum. Eitt sinn
sagði hann við mig í sambandi við
verk, sem honum sýndist ekki sem
best hannað, með sinni góðlátlegu
kímni: „Það er varla hægt að fá sig
til að brosa að því.“
Eitt af því sem var til erfiðleika í
Austurhlíð var erfitt vegasamband.
Enginn akfær vegur var þangað
nema yfir Kálfá óbrúaða. Þó að
Kálfá líti oftast meinleysilega út,
getur gamanið oft farið af þegar hún
umhverfist að vetrinum. Þurfti Sig-
urður áreiðanlega oft að beita kappi
og sinni miklu útsjónarsemi í viður-
eign við hana. Þegar komið er á
nýbýli með nýjum byggingum og
mikilli ræktun gera menn sér
tæplega grein fyrir því óhemju átaki
sem slíkt hefur kostað þó að fólk
hafi gengið heilt til skógar.
Ekki má heldur gleyma garðinum
hennar Lilju. Tegundir blóma og
trjáa og runna skiptu hundruðum.
Þar voru mörg handtök unnin. Lilja
dó árið 1969 á góðum starfsaldri.
Það fannst manni sviplegt og óvænt.
Börn þeirra Austurhlíðarhjóna
voru Kristín fædd 1929 og Eyvindur
fæddur 1932.
Sigurður var mikill bókamaðurog
átti gott bókasafn. Einu sinni þegar
hann var staddur á mfnu heimili tók
hann fram úr bókaskápnum ritsafn
Theodóru Thoroddsen. „Það er gam-
an að komast í svona sælgæti" varð
honum að orði þegar hann hafði
lesið um stund. Hann bar áreiðan-
lega gott skyn á hvað voru góðar
bókmenntir.
Gaman var að ræða við hann um
rök tilverunnar, „Um það þótti hon-
um gott að ræða“ eins og tekið var
til orða á Sturlungaöldinni.
Síðustu árin dvaldi Sigurður hjá
Kristínu dóttur sinni og Ásbirni
manni hennar í Víðigerði í Biskups-
tungum. Þar var hann sem vænta
mátti betri en enginn. Þar vann hann
að byggingu gróðurhúss og gerði
endurbætur á íbúðarhúsinu. Það má
segja að hann hafi átt þar fagurt
ævikvöld hjá dóttur, tengdasyni og
dótturbörnum. Hann dó 3. ágúst
síðastliðinn eftir stutta sjúkdóms-
legu og var svo lánssamur að halda
fullum sálarkröftum til hinstu
stundar.
Steinar Pálsson
Kjördæmisþing framskóknarmanna
á Norðurlandi vestra
verður haldið á Blönduósi laugardaginn 28. nóv. og sunnudaginn 29.
nóv. og hefst kl. 13.00 á laugardaginn.
Dagskrá:
1. Þingsetning og kosning starfsmanna, kl. 13.00
2. Frá stjórn og nefndum, kl. 13.15
3. Stjórnmálaumræður, framsaga Steingrímur Hermannsson,
kl. 13.45
4. Kosning starfsnefnda og nefndarstörf, kl. 16.30.
Kvöldverður og kvöldskemmtun, kl. 19.30
Sunnudagur kl. 11.00
1. Nefndarstörf
2. Hádegisverður, kl. 12.30
3. Afgreiðsla nefndarálita kl. 14.00
4. Kosningar, kl. 16.00
5. Þingslit, kl. 17.00
Ávörp flytja Unnur Stefánsdóttir og Steingrímur Hermannsson
Byrjendanámskeið - Takið eftir!
Við bjóðum nú aftur uppá hin vinsælu 5 kvölda námskeið í
sjálfsstyrkingu, fundarsköpum og ræðumennsku auk framkomu í
sjónvarpi.
Þrír reyndir leiðbeinendur sjá um leiðsögnina.
Námskeiðið hefst miðvikudaginn 25. nóv. kl. 8-11 að Nóatúni 21,
Reykjavík og stendur svo yfir dagana 30. nóv., 2. des., 7. des og
lýkur 9. des. kl. 8-11 á sama stað.
Upplýsingar og skráning í síma 24480 f.h.
Verði stillt í hóf.
LFK og SUF.
Viðtalstími
borgarfulltrúa
Sigrún Magnúsdóttir er með viðtalstíma á þriðju-
dögum kl. 16.00-18.00
Viðtalstímarnir eru á skrifstofu Framsóknar-
flokksins að Nóatúni 21, síminn er 24480.
Friðrik Sigurjónsson
fyrrv. hreppstjóri, Ytri-Hlíð, Vopnafirði
Fæddur 6. júlí 1897
Dáinn 13. nóvember 1987
Laugardaginn 21. nóveinber var
til grafar borinn í Hofskirkjugarði
Friðrik Sigurjónsson frá Ytri-Hlíð.
Fylgdu Vopnfirðingar þar einum af
sínum bestu sonum hinsta spölinn.
Lauk þar langri og farsælli samfylgd,
sem óvíða á sinn Iíka. Friðrik hefur
lokið sinni þátttöku í hversdags-
amstrinu, en minningin um manninn
mun geymast enn um sinn.
Friðrik Sigurjónsson fæddist í
Ytri-HIíð í Vopnafirði 6. júlí 1897,
leit fyrst dagsins ljós á þeirri árstíð
er búsæld sveitar hans er hvað auð-
sæjust. Enda varð búsæld og hagsæld
byggðarlagsins honum ætíð efst í
huga.
Friðrik hóf búskap í Ytri-Hlíð
1924 og stóð þar fyriur rausnarbúi í
rúma hálfa öld, ásamt konu sinni
Oddnýju Methúsalemsdóttur frá
Burstarfelli, en Oddný lést fyrir
nokkrum árum. Friðrik valdist
snemma til ýmissa trúnaðarstarfa
fyrir sveitunga sína og hreppstjóri
varð hann 1933. Þegar ég fluttist
hingað í sveit fyrir 17 árum síðan,
þótti mér hreppstjóri okkar orðinn
fullaldraður til að teljast virkt yfir-
vald, en við nánari kynni skipti ég
snarlega um skoðun, þeir sem yngri
voru áttu ekki allir hans fersku
hugsun. Embættisfærsla Friðriks var
alla tíð til fyrirmyndar allt til þess er
hann lét af störfum 1983. Áhugi
hans fyrir velferð hreppsbúa hélt
honum síungum í hugsun allt til hins
síðasta.
Friðrik Sigurjónsson lifði miklar
breytingar í þjóðlífinu, en honum
tókst að aðlaga sig jákvæðum þáttum
nútímans. Ómetinn er ennþá þáttur
Friðriks í því þrekvirki að viðhalda
hér blómlegu mannlífi þrátt fyrir
fólksflóttann mikla sem herjaði á
landsbyggðina á árunum frá 1940 til
1960. Vopnfirðingum er það mikils
virði í dag að þá bjuggu hér og
störfuðu nokkrir kjarkmiklir bjart-
sýnismenn, sem aldrei misstu trúna
á byggðarlagið, Friðrik var óneitan-
lega þar í fremstu röð.
Alltaf hafði ég ánægju af samfund-
um við Friðrik og Oddnýju, þar var
ekki lognmollan eða nöldrið í sam-
ræðum, lífsfjörið gneistaði svo gott
er að minnast nú, að þeim báðum
gengnum. Og fyrir stuttu gladdi það
mig að frétta af samræðum þeirra
Friðriks og tengdamóður minnar er
þau ræddu af fjöri og bjartsýni um
breytta búskaparhætti nútímans, full
traust á unga fólkinu sem tekur við
arfi þeirra.
Nú, er ég kveð Friðrik í Hlíð, á ég
þá eina ósk að bjartsýni hans og
áhugi lifi áfram meðal okkar hér í
sveit.
Ágústa Þorkelsdóttir, Refsstað.
t
Þökkum innilega öllum þeim er sýndu okkur hluttekningu og vinarhug
við andlát og útför föður okkar, tengdaföður, afa og langafa
Friðriks Sigurjónssonar
Ytri-Hlíð
Valgerður Friðriksdóttir
Sigurjón Friðriksson
Elín Friðriksdóttir
Þorir Guðmundsson
Dóra Lára Friðriksdóttir
barnabörn
t
Eiginmaður minn, faðir okkar og tengdafaðir
Helgi Vigfússon
fyrrverandi kaupfélagsstjóri,
Breiðmörk 8, Hveragerði
lést laugardaginn 21. nóvember.
Jónína Aldís Þórðardóttir
börn og tengdabörn
t
Sonur minn og bróðir okkar
Jón Sigurðs Jónsson,
lést að heimili sínu Lundarbrekku 2, Kópavogi, laugardaginn 21.
nóvember.
Ingigerður Þorsteinsdóttir
og systur hins látna.
Sveinn Sveinsson
Guðrún Emilsdóttir
Snorri Sigurðsson
Arnfríður Snorradóttir
Ásgrímur Þorsteinsson
og barnabarnabörn