Tíminn - 02.02.1988, Blaðsíða 3

Þriðjudagur 2. febrúar 1988
Tíminn 3
Skoðanakönnun Hagvangs:
Stóraukið fylgi við Framsóknarflokkinn, í könnun Hagvangs frá í
liaust, er orðin staðreynd og fjórðungur þjóðarinnar myndi kjósa
Framsókn ef kosningar yrðu núna. Þetta kemur fram í nýjustu
skoðanakönnun Hagvangs og heldur Framsókn öllu sínu frá
glæsilegri frammistöðu í októberkönnun Hagvangs. í þessari nýjustu
könnun kemur auk þess fram að Kvennalistinn hefur bætt mjög við
fylgi sitt og er það lang mesta sveiflan sem kemur fram í niðurstöðum
Hagvangs. Kvennalistinn er nú með talsverðri vissu orðinn þriðja
stærsta stjórnmálaafl landsins. Aiþýðubandalagið er hætt að missa
fylgi og er komið niður á fast grunn. Alþýðuflokkurinn missir mjög
mikið og fær höggið af vaxandi andstöðu við ríkisstjórnina, en það
mælist einkum á meðal kvenna. Þá er Ijóst orðið að óánægðir
sjálfstæðismenn snúa ekki aftur til Sjálfstæðisflokksins þótt fylgi fari
hratt minnkandi við Borgaraflokk.
Ef aðeins eru skoðaðir þeir sem
afstöðu tóku í könnuninni, sem gerð
var á föstudaginn var, kemur fram
að Sjálfstæðisflokkur fengi 29,8%,
Framsóknarflokkurinn 24,1%,
Kvennalistinn 21,3%, Alþýðuflokk-
ur 9,2%, Alþýðubandalag 8,4%,
Borgaraflokkur 5,6%, Flokkur
mannsins og Þjóðarflokkurinn
fengju 0,8% hvor um sig, en fylgi við1
framboð Stefáns Valgeirssonar og
Bandalag jafnaðarmanna mælist
ekki. Miðað við fráviksprósentur er
fylgi þriggja stærstu flokkanna hlut-
fallslega réttast. T.d. getur fylgi
Sjálfstæðisflokksins hvikað til um
4,0% (það er m.ö.o. frá 25,8% -
33,8%), en fylgi Borgaraflokks er í
raun frá 3,6% - 7,6% miðað við
frávikshlutfall. Þannig er í raun mest
að marka hæstu hlutfallstölurnar en
minnst að marka þær lægstu.
Alþýðubandalagið
Ef við berum saman fylgi sam-
kvæmt þessari könnun Hagvangs,
fylgi samkvæmt könnun Hagvangs í
október s.l. og fylgi samkvæmt
niðurstöðum síðustu alþingiskosn-
inga, er þróun mála á þessa leið:
Alþýðubandalag hefur misst mikið
frá kosningum og kom það strax
fram í október. Þá féll það úr um
14% í tæplega 9% og er nú í 8,4%.
Fylgishrunið virðist því vera komið
í einhver mörk eða þá að þessi
neikvæða þróun hefur verið
stöðvuð. Meðal skýringa á niður-
stöðunum í október var talið að
náiægð átakamikils landsfundar þess
væri hluti skýringa, en nú er sem sagt
komið í ljós að fylgið hefur lítið sem
ekkert breyst frá þeim tíma.
Alþýðuflokkur
Alþýðuflokkurinn virðist í fljótu
bragði taka höggið af vaxandi and-
stöðu við ríkisstjórnina og heldur
fylgið áfram að hrynja utan af þeim
frá kosningum. Þá voru þeir með um
15% en í október voru þeir komnir
niður í um 13% og nú eru þeir
komnir niður fyrir tuginn og er
fylgið 9,2%. Er hluta skýringanna
vafalaust að sækja til „matarskatts-
ins“ margrædda og fleiri óvinsælla
verka ráðuneyta flokksins.
Framsókn
Framsóknarflokkurinn jók mjög
við sig fylgi í október, eða úr tæplega
19% í um 24% frá kosningum. Þessi
fylgisaukning er orðin staðreynd,
þar sem Framsókn er nú komin með
24,1%. Sagði Gunnar Maack fram-
kvæmdastjóri Hagvangs að hann
teldi allt benda til þess að framsókn-
armönnum hafi tekist að koma mjög
sterkir út úr málum eins og t.d.
fiskveiðifrumvarpinu. Framkoma
þeirra í stjórnarsamstarfinu hafi
greinilega haldið því fylgi sem þeir
voru komnir í við októberkönnun-
ina.
Kvennalisti
Kvennalistinn kemur mjög
skemmtilega út úr könnuninni. Þær
hreinlega stika upp vinsældalistann
og kemur aukið fylgi þeirra frá í
október, að mestu frá stjórnarflokk-
unum. í október sóttu þær aukið
fylgi aðallega til Alþýðubandalags-
ins og halda þær því núna. Þótt ekki
sé gott að meta það hvort fylgi
listans sé varanlegt, er Ijóst að þær
hafa aukið fylgi sitt verulega frá
kosningum. I kosningunum fengu
þær um 10%, í október mældist fylgi
þeirra ríflega 14% og núna er það
orðið helmingi meira en í kosningun-
um, um 21,3%. Benti Gunnar Ma-
ack á að rétt gæti vcrið að bera
saman gífurlega fylgisaukningu við
Kvennalistann og áberandi andstöðu
kvenna við ríkisstjórnina, eins og
betur kemur fram hér neðar. Það
mætti jafnvel segja sem svo að
óvinsældir aðgerða ríkisstjórnarinn-
ar meðal kvenna komi einna skýrast
fram í afstöðu til Kvennalistans.
Sjálfstæðisflokkur
Sjálfstæðismenn sögðu cl'tir kosn-
ingarnar síðustu að óánægðir sjálf-
stæðismenn, sem farið hefðu til fylgis
við Borgara, myndu snúa aftur til
flokksins. Það hefur ekki orðið raun-
in. Þótt flokkurinn bæti nú lítillega
við sig, er það ekki í neinu hlutfalli
við fylgistap borgara. Sjálfstæðis-
menn eru nú með 29,8% fylgi, voru
með innan við 29% í október og
með rúmlega 27% í kosningunum.
Þeir virðast því hafa sloppið við að
láta kenna sér um óvinsælustu að-
gerðir ríkisstjórnarinnar, en ná ekki
að kalla til sín nema lítinn hluta
þeirra sem hurfu við klofninginn
fyrir kosningarnar. Klofningur
flokksins er því að öllum líkindum
orðin varanleg staðreind í langri
sögu hans.
Borgarar
Borgaraflokkurinn missir mikið
fylgi. Borgarar voru með vel yfir
10% í kosningunum, voru búnir að
missa hátt í 3% þjóðarfylgi í október
s.l. og missa enn. Nú eru þeir með
5,9% og ekki sér enn fyrir endann á
fylgishruni borgara.
Ríkisstjórnin
Einnig var spurt uni afstöðu til
ríkisstjórnarinnar. Eins og að fram-
an greinir var mikill munur á afstöðu
kvenna og karla til stjórnarinnar og
einnig kom fram ólík dreifing á fylgi
ma'nna eftir aldurshópum. 1 október
voru 59,6% fylgjandi henni. en
40,4% voru henni andvíg. Nú er
minnihlutinn fylgjandi henni, um
47,9%, og 52,2% eru henni andvíg.
Sérstaklega var kannað hvernig
afstaðan skiptist eftir kynjuni. Væru
karlar teknir sérstaklega, kom í Ijós
að meirihluti þeirra studdi stjórnina
og voru 55,7% fylgjandi henni en
aðeins 44,3% voru henni andvíg. Ef
afstaða kvenna var skoðuð sérstak-
lega snerist dæmið við. Aðeins
39,4% kvenna voru stjórninni fylgj-
andi, en 60,1% kvenna voru henni
andvíg. Kom það hcim og saman við
skýringar Gunnars Maack, að lík-
lega mótaði nýleg skattlagning ríkis-
stjórnarinnar mjög niðustöður
könnunarinnar. Hér væri greinilegt
samhengi við mikla fylgisaukningu
Kvennalistann.
Eftir aldri skiptist afstaðan til
stjórnarinnar á þá leið að meirihluti
50 ára manna og eldri styðja hana,
en ekki nema 40,4% manna á aldrin-
um 18-29 ára. Andstaðan er mest
hjá yngstu mönnunum en minnst hjá
þeim sem eldri'eru. Segir það m.a.
að niðurstaðan er neikvæð fyrir
ríkisstjórnina og ekki síður fyrir
gömlu flokkana.
Fylgistryggð
Ef skoðuð er tryggð kjósenda við
flokka sína kemur í ljós að Kvenna-
listinn og Framsóknarflokkurinn eru
þar efstir á blaði. Tæplega 90%
þeirra sem kusu þessa flokka í
kosningunum segjast ætla að kjósa
þá aftur. Næstir í tryggð eru sjálf-
stæðismenn. Um 80% þcirra segjast
ætla að kjósa Sjálfstæðisflokkinn
aftur. Alþýðuflokkurinn, Alþýðu-
bandalagið og Borgaraflokkurinn
koma þannig út að frá 67% og niður
í 60% þeirra sem kusu þá síðast
segjast ætla að kjósa þá aftur.
KB
Kristján í
La Scala
Frá tónleikunum. Á þríðja hundrað manns sótti skemmtunina. Tímamynd mm.
Borgarfjörður:
Á sunnudagskvöld hljómaði ís-
lensk söngrödd í fyrsta sinn í sölum
La Scala óperuhússins í Mílanó.
Kristján Jóhannsson söng þar í frum-
sýningu á óperunni 1 due Foscari
eftir Verdi og dró að venju hvergi af
sér.
Óperan var frumsýnd fyrir fullu
húsi og meðal áhorfenda var nánasta
fjölskylda Kristjáns og íslenskir að-
dáendur sem sáu sér fært að vera við
frumraun íslendingsá þessu frægasta
óperusviði heims.
í sýningunni tók þátt margt frægra
tónlistarmanna, sem Kristjáni er
sannarlega akkur í að starfa með.
Honum var tekið mjög vel af áhorf-
endum, en gagnrýni og umsagnir
hafa enn ekki birst, því að dagblöð
koma ekki út í Mílanó sökum
verkfalls. þj
Sinfónían í
Frá fréttaritara l ímans í Borgarfirði, Magnú.si
Magnússyni:
Sinfóníuhljómsveit Islands sótti
Borgfirðinga heim síðast liðið
fimmtudagskvöld og hélt tónleika í
félagsheimilinu Logalandi í Reyk-
holtsdal.
Greinilegt var að Borgfirðingar
voru farnir að bíða eftir að fá
hljómsveitina í heimsókn, því vel á
þriðja hundruð manns sótti tónlcik-
ana. Héraðsbúar lögðu einnig sitt af
mörkum, þvf 75 manna kór söng
með hljómsveitinni. Samanstóð
Logalandi
hann úr kirkjukórum Hvanneyrar-
og Reykholtskirkju, auk Kveldúlfs-
kórsins úr Borgarnesi. Stjórnendur
þessara kóra voru þau Bjarni Guð-
ráðsson og Ingibjörg Þorsteinsdótt-
ir. Páll P. Pálsson stjórnaði flutningi
og einleikari á píanó var Selma
Guðmundsdóttir.
Gestir tónleikanna fóru greinilega
ánægðir heim og vona menn að ekki
líði 12 ár þangað til að hljómsveitin
spilar næst, en hún spilaði síðast á
Logalandi árið 1976.
Þröstur varð
skákmeistari
Reykjavíkur
Þröstur Þórhallsson og Guð-
mundur Gíslason deildu með sér
efsta sætinu í opna flokknum á
Skákþingi Reykjavíkur sem lauk
á sunnudagskvöld. Þeir hlutu níu
vinninga af ellefu mögulegum.
Þröstur Þórhallson hlaut titilinn
skákmeistari Reykjavíkur þar
sem Guðmundur kemur frá Isa-
firði og venjan er að Reykvíking-
ur beri þennan titil.
í öðru sæti varð Sævar Bjarna-
son með átta og hálfan vinning.
Þorsteinn Þorsteinsson og Snorri
Bergsson lentu síðan í fjórða til
fimmta sæti með átta vinninga.
Alls voru níutíu og tveir kepp-
endur í opna flokknum.
Þá lauk keppni í flokki 14 ára
°g yngri þar sem keppendur voru
sjötíu. Þar urðu efstir og jafnir
Snorri Karlsson og Helgi Áss
Grétarsson, með sjö og hálfan
vinning af níu mögulegum. Þeir
þurfa að tefla úrslitaskák um
meistaratitilinn síðar.
Hvassviöri, bræla og leiöindi á loönumiöunum:
Léleg veiði
„Þetta var léleg helgi og það má
nú segja að það sé mokveiði núna
miðað við hana, þó þeir veiði
lítið,“ sagði Ástráður hjá Loðnu-
nefnd í samtali við Tímann í gær.
Þrír bátar tilkynntu afla á laugar-
dag, samtals 1.670 tonn og fimm á
sunnudeginum, samtals 3.850
tonn.
í gær voru tólf bátar úti og
dreifðust þeir um stórt svæði fyrir
austan. Sex bátar voru komnir
með fullfermi og fjórir með slatta.
„Það er bræla þarna og leiðindi
og spáð hvassviðri á miðunum,
þannig að ekki lítur vel út,“ sagði
Ástráður. -SOL