Tíminn - 26.03.1988, Blaðsíða 5

Laugardagur 26. mars 1988
Tíminn 5
Heilbrigðisráðherra beitir sér fyrir aðstoð við Landakotsspítala:
Hluti rekstrarhalla
spítalans greiddur
Guðmundur Bjarnason, heil-
brigðisráðherra, fundaði í gær með
Jóni Baldvini Hannibalssyni,
fjármálaráðherra, um stöðu og
framtíðarhorfur Landakotsspítala,
en eins og komið hefur fram í
Tímanum, á Landakotsspítali, eins
og raunar allir spítalar á landinu, í
nokkrum rekstrarerfiðleikum
vegna of lágra framlaga ríkisins
þeim til handa.
Stjórn spítalans hefur tilkynnt
að lokað verði 53 sjúkrarúmum og
starfsfólk verði ekki endurráðið í
lausar stöður og hefur verið talað
um að um sé að ræða rúmlega J00
stöðugildi. Þá hefur stjórn spítal-
ans ákveðið að hætta bráðavökt-
um, en allar þessar aðgerðir miðast
við að yfirvöld leiðrétti ekki þær
fjárhæðir sem þeir telja sig eiga fá,
miðað við umfang spítalans. Heil-
brigðisráðherra mun fara fram á
við stjórn spítalans að þessum
aðgerðum verði frestað um sinn.
Hluti hallans greiddur
Guðmundur Bjarnason, sagði í
samtali við Tímann í gær, að hann
hefði ásamt fjármálaráðherra farið
yfir erindi stjórnar spítalans og
athugun ríkisendurskoðunar á
málinu, ásamt þeim upplýsingum
sem teknar hefðu verið saman í
heilbrigðisráðuneytinu.
„Niðurstaðan, ef hægt er að
segja að niðurstaða hafi orðið á
fundinum, varð sú að ríkisendur-
skoðun mun fá tíma til að fara
frekar ofan í rekstur spítalans á
síðasta ári og gera betri og fyllri
úttekt á því eftir páskana. Við
munum síðar, þegar þær upplýs-
ingar liggja fyrir, fjalla um málið
aftur til að taka endanlega ákvörð-
un.
Núna mun fjármálaráðuneytið
greiða hluta af þessum rekstrar-
halla sem fyrir liggur og þegar við
höfum endanlegar niðurstöður
munum við einnig sjá hvað líður
yfirstandandi rekstrarári og sjá til
hvaða aðgerða þarf að grípa varð-
andi hugsanlegan sparnað á rekstri
stofnunarinnar til að sagan endur-
taki sig ekki á næsta ári,“ sagði
Guðmundur.
Óvissa í
fjármálaráduneytinu
Þegar fjármálaráðuneytið hefur
síðan gert upp við sig hvaða upp-
hæð þeir hyggjast láta af hendi
rakna til að greiða fyrirliggjandi
halla spítalans mun Guðmundur
fara fram á það við stjórn Landa-
kotsspítala, að þeir fresti um sinn
aðgerðum, þar til endanleg niður-
staða liggur fyrir í málinu í næsta
mánuði. Fjármálaráðuneytið var
ekki tilbúið í gær til að gefa upp
hvaða upphæð um væri að ræða.
Þá verður reynt að komast að
samkomulagi um framhald málsins
og hvort grípa þurfi til einhverra
breytinga á rekstri spítalans.
Heilbrigðisráðherra hefur enn
ekki haldið fund með stjórn Landa-
kotsspítala út af þessu máli, þar
sem fjármálaráðuneytið hefur enn
ekki tilkynnt heilbrigðisráðherra
hvaða upphæð það mun leggja
fram, og sagði Guðmundur að
hann teldi ekki fært að halda fund
með stjórninni fyrr en hann hefði
einhver gögn um málið í höndun-
um.
Engar bandarískar
ráðleggingar
Á opnun fundi Alþýðuflokks-
ráðherra á fimmtudagskvöld,
skýrði Jón Baldvin Hannibalsson,
fjármálaráðherra, frá hugmyndum
sínum um að ráða bandarískt ráð-
gjafarfyrirtæki til að endurskipu-
leggja íslenska heilbrigðiskerfið,
en að sögn Guðmundar, ræddu
þeir það mál ekki á fundi sínum í
gær.
„Þessi hugmynd hefur svo sem
verið uppi áður og sýnist sjálfsagt
sitt hverjum í þessu máli. Ég hygg
nú, án þess að ég hafi svo sem
getað lagst í að kanna málið, að í
svo litlu samfélagi eins og okkar,
þar sem við höfum byggt upp
fullkomið heilbrigðiskerfi, eigum
við nú að hafa góða yfirsýn yfir
starfsemina og vitum nú hvernig
við viljum að það starfi. Ég hygg
því að það sé nærtækara að við
reynum að átta okkar á því og
leggjum okkur línur sjálfir án þess
að leita til alþjóðafyrirtækis í þessu
sambandi. Bandaríska heilbrigð-
iskerfið og okkar er nú nokkuð
ólíkt uppbyggt og þess vegna finnst
mér ekki mjög líklegt að við mun-
um leita til þeirra um ráð,“ sagði
Guðmundur. -SÓL
Aðalfundur Eimskipafélags íslands hf:
Eimskip færir út
kvíarnar í góðæri
Fjárlaga- og hagsýslustofnun:
Nákvæm athugun
á rekstrinum
Aðalfundur hluthafa í Eimskipa-
félagi íslands hf. var haldinn á Hótel
Sögu í gær. Mikill hagnaður varð á
rekstri félagsins samkvæmt árs-
skýrslu síðasta árs. Eignarhlutdeild
Eimskips í öðrum fyrirtækjum tvö-
faldaðist á síðasta ári og sama er að
segja um verðbréfaeign þess.
Fram kom á aðalfundinum að
Eimskipafélagið hefur fest kaup á
tveimur nýjum ekjuskipum til gáma-
flutninga. Er talið að þetta séu
stærstu flutningaskip sem keypt hafa
verið til landsins. Þau geta hvort um
sig flutt 730 gáma eða þá 230 bíla og
664 gámaeiningar. Eru þau 172
metra löng og 21,7 m breið. Burða-
geta er um 10 þúsund tonn. Þessi
systurskip voru smíðuð í Þýskalandi
árið 1978.
Markmiðið með kaupum þessum
er að auka hagkvæmi í skiparekstri
og auka jafnframt flutningagetuna.
Þau eru ætluð til Evrópusiglinga.
Þetta er stærsta fjárfesting félagsins
um árabil en kaupverðið nemur um
800 milljónum samanlagt ásamt
nauðsynlegum breytingum.
Eftir að stjórnarformaðurinn,
Halldór H. Jónsson, hafði fjallað
um góða afkomu félagsins tók hann
að ræða framtíðarverkefni þess.
Gerði hann ráð fyrir því að 1988
verði viðunandi ár í rekstri.
Verður á þessu ári lokið við við
gerð nýrrar heildaráætlunar um upp-
byggingu og skipulag flutningamið-
stöðvar við Vatnagarð í Sundahöfn.
Mun áætlun þessi ná fram til ársins
2000. Alþjóðlega ráðgjafarfyrirtæk-
ið Booz - Allen og Hamilton vinnur
að þessari áætlanagerð með Eim-
skipsmönnum. Sagði Halldór m.a.:
„Aðalverkefni félagsins hefur verið
á sviði hefðbundinnar flutningaþjón-
ustu. Félagið hefur fært út sína
starfsemi og tekið upp ýmis jaðar-
verkefni og nýja þjónustu sem teng-
ist beint eða óbeint flutningastarf-
semi. Mun félagið leggja aukna
áherslu á þennan þátt og leita nýrra
verkefna til að stuðla að vexti og
bættri afkomu."
Að lokum nefndi stjórnarformað-
urinn þátttöku Eimskips í öðrum
atvinnurekstri. „Þegar fram líða
stundir mun þátttaka í öðrum at-
vinnurekstri renna frekari stoðum
undir núverandi rekstur, draga úr
áhættu og tryggja hagsmuni hlut-
hafa.“ Sagði hann að vel mætti vera
að félagið stigi stærri skref í þessu
efni á næstu misserum og árum en
það hefur til þessa ráðist í.
KB
Vegna frétta í fjölmiðlum
undanfarið og ummæla stjórnenda
St. Jósefsspítala Landakoti vill
Fjárlaga- og hagsýslustofnun koma
eftirfarandi á framfæri:
Það er ekki rétt sem fram hefur
komið að fjárveitingar til spítalans
hafi verið vanáætlaðar á undan-
förnum árum. Spítalinn hefurfeng-
ið sambærilega meðferð og önnur
sjúkrahús bæði hvað varðar áætlun
um rekstrargjöld og stöðuheimild-
ir. Þegar spítalinn var færður af
daggjöldum á föst fjárlög árið 1983
fékk hann ekki lakari afgreiðslu en
önnur sjúkrahús sem eins var ástatt
um. Fjárlaga- og hagsýslustofnun
hefur jafnan metið og afgreitt áætl-
anir spítalans á sama hátt og hjá
öðrum. Skýringin á rekstrargjöld-
um spítalans umfram fjárveitingar
er að spítalinn hefur farið út í
rekstur og fjárfestingar án þess að
hafa tilskildar heimildir í fjárlög-
um. Þessi umframstarfsemi hefur
skert greiðslugetu spítalans og að
auki valdið liærri fjármagnskostn-
aði. Má nefna sem dæmi kaup og
rekstur á fasteigninni að Marar-
götu 2, rekstur og kaup á tækjum
og innréttingum í nýtt þvottahús
með kaupleigusamningum og ýms-
ar fjárfestingar styrktarsjóðs spít-
alans. Er það álit Fjárlaga- og
hagsýslustofnunar að stóran hluta
af vanda spítalans megi skýra með
slíkum umsvifum umfram sam-
þykkt fjárlög.
Fjárlaga- og hagsýslustofnun
tekur skýrt fram að stjórnendum
Landakots, sem og öðrum stjórn-
endum ríkisfyrirtækja og stofnana,
ætti að vera eftirfarandi ljóst: Við
afgreiðslu fjárlaga liggur fyrir
ákvörðun Alþingis um það rekstr-
arumfang sem löggjafarvaldið telur
eðlilegt að greitt sé af skattfé
almennings hverju sinni. Á það er
lögð rík áhersla að St. Jósefsspítali
Landakoti nýtur engrar sérstöðu
umfram önnur sjúkrahús og þarf
að haga starfsemi sinni innan fjár-
heimilda.
Það er alvarlegt mál þegar ríkis-
sjóður fær bakreikninga upp á yfir
eitt hundrað milljónir króna frá
einstökum stofnunum. Því verður
gerð nákvæm athugun á rekstri
spítalans árið 1987 áður en endan-
legar ákvarðnir verða teknar í máli
þessu.
Teikning af öðru hinna nýju ekjuskipa Eimskips er sigla munu á Evrópuleið-
um. Þau eru trúlega stærstu flutningaskip sem flutt hafa verið til íslands.