Tíminn - 11.08.1988, Blaðsíða 7

Fimmtudagur 11. ágúst 1988 1
Tíminn 7
Heyi bjargað í hlöður í kapphlaupi við grátandi veðurguði:
Heyskapur mjög misjafnt
á veg kominn á landinu
Segja má að heyskapur sé nú almennt langt kominn á
landinu og á stöku stað er honum að fullu lokið.
Á sumum landssvæðum eru heyannir þó frekar seint á
ferðinni í ár og má segja að til þess liggi tvær meginástæður,
annarsvegar miklir þurrkar og af þeim sökum grasleysi
framan af sumri og síðan stopulir þurrkar. Austfirðir og
Húnavatnssýslur hafa t.d. orðið óvenjulega illa úti hvað þetta
varðar á þessu sumri.
Gotthljóð
í Sunnlendingum
Á Suðurlandi hefur heyskapur
víðast hvar gengið vel að sögn við-
mælenda Tímans. Einar Kjartans-
son, bóndi Þórisholti í Mýrdal lét vel
af gangi mála og taldi bændur þar
um slóðir langt komna með heyskap
og suma nánast búna. Hann sagði
það eftirtektarvert að tún væru
óvenju græn um þessar mundir, sem
mætti rekja til þess að gróður hefði
verið óvenju seinn til sl. vor og ekki
tekið af krafti við sér fyrr en liðið var
á júnímánuð. Einar taldi þetta gefa
góð fyrirheit um næga haustbeit fyrir
sauðféð.
Almennt má segja að heyönnum
sé lokið í Landeyjum og Flóanum en
eitthvað skemur á veg komnar í
uppsveitum Árnés- og Rangárvalla-
sýslu. f>ó hefur einstaka bóndi þar
nú þegar náð öllum heyjum á hús.
Bændur á Suðurlandi eru almennt
sammála um að hey séu góð í ár, þó
að magni til séu þau ekki mjögmikil.
Heyskap að Ijúka
í Borgarfirði
I Borgarfirði er bróðurpartur
bænda þessa dagana að ljúka hey-
skap. Ástríður Sigurðardóttir í
Kalmanstungu I í Hvítársíðu sagði
heyskap vera lokið þar á bæ og væri
það á svipuðum tíma og undanfarin
ár. Ástríður sagði að eitt helsta
einkenni þessa heyskaparsumars
vera rok, en eins og kunnugt er
hefur Kári sannarlega gert mörgum
bóndanum lífið leitt við heyhirðingu
á vestanverðu landinu. Aðspurð
sagðist Ástríður telja að heyfengur
væri mjög góður í ár en að sama
skapi væri hann lítill að vöxtum.
Hjá Kristjáni Guðbrandssyni,
bónda á Gunnarsstöðum Hörðudals-
hreppi í Dalasýslu, fengust þær upp-
lýsingar að velflestir bændur þar um
slóðir væru langt komnir með hey-
skap en fáir hefðu lokið honum að
fullu. „Þetta hefur almennt gengið
vel, en spretta hefur verið með
minnsta móti,“ sagði Kristján. Hann
sagðist telja að menn myndu slá
smiðshöggið á heyannir ef gæfi 3-5
daga samfelldan þurrkkafla.
Að sögn Reynis Ivarssonar, bónda
Móbergi Rauðasandshreppi í Vest-
ur-Barðastrandarsýslu, hefur verið
eindæma skúrasamt þar vestra í
sumar og því tafið heyskap. „Þetta
hefur verið heldur leiðinlegt hey-
skaparsumar,“ sagði Reynir. Hann
taldi þó að nýting heyja væri með
sæmilegasta móti og heyfengur
nægur. Bændur þar vestra munu
flestir langt komnir með heyskap og
ekki þarf marga heiðríkjudaga til að
honum ljúki.
Votviðrasamt í Húnaþingi
Brynhildur húsfreyja í Víðidals-
tungu í Þorkelshólshreppi, Vestur-
Húnavatnssýslu, lét illa af gangi
mála. „Mér hefur virst heyskapur
hafa gengið illa. Mikið af þeim
heyjum sem náðst hafa á hús eru
hrakin. Þó náðu þeir bændur sem
slógu friðaða bletti í byrjun júlí
góðum heyjum. Líklega þarf viku til
hálfsmánaðarþurrkkafla til að Ijúka
hér heyskap.“ Brynhildur lét þess
getið að þetta sumar einkenndist
öðru fremur af þoku í Vestur-Húna-
vatnssýslu.
Hljóðið var gott í Ferdinant
Rósmundssyni, Lóni í Viðvíkur-
hreppi í Skagafirði, þegar Tíminn
hringdi í hann í fyrradag. „Heyskap-
ur hefur gengið vel upp á síðkastið.
Hey eru yfirleitt mjög góð, sérstak-
lega á þeim bæjum þar sem snemma
var slegið. Þó eru menn nú að hirða
hálfgerðan rudda, sem lenti í lang-
vinnum rigningum.
Um heyfeng er ekki gott að segja
nú. Þeir bændur sem byrjuðu að slá
snemma eru nú margir að hefja
seinni slátt og eftir að honum lýkur
er fyrst hægt að segja til um hey-
feng.“
í Eyjafirði eru vel flestir búnir
með heyskap og hinir langt komnir
eða að enda. Bændur í Eyjafnði,
fyrir innan Akureyri, eru alla jafna
með þeim fyrstu til að hefja heyskap
og það brást ekki í ár. Það setti þó
strik í reikninginn í ár að þurrkar
voru óvenju miklir í júnímánuði og
gras spratt því seint. Þeir bændur
sem byrjuðu snemma að slá náðu
því ekki miklum heyjum en gæði
heysins voru þó mjög mikil.
Rættist úr með sprettu
í sveitunum út með Eyjafirði,
Árskógsströnd og Svarfaðardal, eru
bændur nú að ljúka heyskap. Þar
hafa hey hrakist nokkuð að undan-
förnu en í fyrradag, þegar Tíminn
hafði spurnir af, var þar glampandi
veður og góð þurrkflæsa.
Sama sprettuleysi var framan af
sumri í S-Þingeyjarsýslu og því hófst
heyskapur þar seinna en venja er til.
Að sögn Ragnars R. Bárðdal í
Holtakoti í Ljósavatnshreppi, geng-
ur hann þó vel og bændur velflestir
að ljúka honum þessa dagana. Ragn-
ar sagði að eftir óþurrkakafla í
byrjun ágúst hefði nú brugðið til
sunnanáttar og þurrviðris. Hann
sagðist telja að heyfengur yrði vel í
meðallagi þar um slóðir.
Hjá Önnu Láru Jónsdóttur, Efri-
Hólum í Presthólahreppi Norður-
Þingeyjarsýslu, fengust þær upplýs-
ingar að bændur þar í sveit væru nú
að ljúka heyskap, en almennt hófst
sláttur um miðjan júlí. „Þetta hefur
gengið vel og ég held að heyfengur
sé vel í meðallagi,“ sagði Anna Lára.
Veðurguðirnir erfiðir
Tíðar skúraleiðingar hafa gert
austfirskum bændum erfitt fyrir með
heyskap í sumar. Af þeim sökum og
vegna lélegrar sprettu framan af
sumri, sem orsakaðist m.a. af þurrk-
um í júní, er heyskapur frekar seint
á ferðinni á Austurlandi. Að sögn
Páls Þ. Hjarðar, bónda Hjarðarhaga
í Jökuldalshreppi, er heyskapur vart
meir en hálfnaður á mörgum bæjum
á Jökuldal. Páll taldi þó ástandið
nokkru betra á Héraði og í Fljótsdal.
Að hans sögn var gríðarlega mikið
magn heyja bundið um sl. helgi sem
væri nú verið að ná í hlöðu. „Ég
hygg að nokkuð muni volgna í
heyjum, án þess þó að það komi
niður á heygæðum," sagði Páll Þ.
Hjarðar. óþh
Hér hefur einhver verið að snúa á kolólöglegum traktor, en með nýja heyþyrlu. Nær allir bændur hafa öryggisgrind
á dráttarvélum sínum núorðið eins og vera ber. TínumyinkGunnar.
Sumarferð í Lakagíga
Sumarferð framsóknarfélaganna í Reykjavík inn í
Lakagíga verður farin laugardaginn 13. ágúst n.k.
Lagt af stað frá umferðamiðstöðinni (B.S.Í.) í Reykjavík kl. 8.00
A Kirkjubæjarklaustri mun Steingrímur Hermannsson ávarpa
ferðalanga, og Séra Siguijón Einarsson segja frá sögu
Skaftáreldanna.
✓
I Lakagíga mun Jón Jónsson jarðfræðingur segja frá jarðfræðilegri
sögu eldanna.
Steingrímur Hermannsson
Jón Jónsson
Sr. Sigurjón Einarsson
Áætlaður komutími til Reykjavíkur er kl. 23.00
Ferðalangar eru minntir á að hafa með sér nesti.
Fararstjórar og leiðsögumenn verða í hverri rútu.
Verð er kr. 2000 fyrir fullorðna 0g kr. 1000 fyrir börn.
Tekið er á móti pöntunum í síma 24480 og miðar seldir á skrifstofu
"v framsóknarfélaganna milli kl. 8.00 og 16.00
Fulltrúaráð framsóknarfélaganna
í Reykjavík