Tíminn - 24.08.1988, Side 2
Miðvikudagur 24. ágúst 1988
2 Tíminn
Fjórir aðilar hafa áhuga á Granda hf.:
Bjóða 500 milljónir
í hlut borgarinnar
Fjórir aðilar hafa gert tilboð í eignarhlut Reykjavíkurborgar í
Granda hf. Hljóðar tilboðið upp á 500 milljónir króna í hlutabréfín,
eða tvöfalt nafnverð bréfanna, sem er 241 milljón króna. Reykjavík-
urborg á 78% í Granda hf. og það eru Hvalur hf., Sjóvátryggingar-
félag Islands hf., Hampiðjan hf. og Venus hf., dótturfyrirtæki Hvals
hf., sem gera tilboöið.
Tilboðið gerir ráð fyrir 20% út-
borgun og að eftirstöðvarnar verði
greiddar með jöfnum greiðslum á 8
árum. Greiðslurnar verði verð-
tryggðar á grundvelli lánskjaravísi-
tölu.
„Þessir aðilar hafa áhuga á fjár-
festingu í sjávarútvegi og telja fyrir-
tækið álitlegt í því skyni. Við höfum
haft spurnir af því að þetta sé mjög
vel rekið fyrirtæki og höfum enga
ástæðu til að draga það í efa,“ sagði
Árni Vilhjálmsson, prófessor, sem
er í forsvari fyrir aðilana fjóra, í
samtali við Tímann í gær. „Vonir
standa til að það geti gefið af sér
arðsemi, þegar ti! lengri tíma er
litið. “
Árni sagði erfiðleika sjávarútvegs-
ins í dag ekki vekja ugg í brjósti
þessara aðila. „Þetta er ekki í fyrsta
skiptið sem sjávarútvegurinn býr við
erfiðleika og þeir geta naumast orðið
verri en þeir eru í dag. Það er varla
hægt að búast við því að ástandið
verði svona til langs tíma,“ sagði
Árni.
Engar áætlanir eru uppi um breyt-
ingar á rekstri fyrirtækisins, ef að
kaupunum verður en Árni gat ekkert
sagt til um hvernig fyrirtækið myndi
þróast í framhaldi af eignarhaldsyf-
irfærslunni, annað en það að frekar
mætti búast við því að aðild þessara
fjögurra aðila yrði til þess að efla
fyrirtækið.
Þegar Grandi hf. var stofnað fyrir
þremur árum, við samruna ísbjarn-
arins og Bæjarútgerðar Reykjavík-
ur, lýsti borgarstjórn því yfir að
hlutur borgarinnar yrði seldur síðar
meir. Haft var eftir Davíð Oddssyni,
borgarstjóra, í gær að þetta væri
álitlegasta tilboð sem gert hafi verið
í eign af þessu tagi og að það væri
hærra en hlutur borgarinnar í eiginfé
Granda. Sagði hann marga hafa gert
óformleg tilboð í hlut borgarinnar í
Granda undanfarið, en að þau hafi
ekki verið á þeim nótunum að hægt
hafi verð að mæla með formlegu
tilboði.
Ekki vildi Davíð taka svo djúpt í
árinni að tilboð þetta væri það gott
að ekki væri hægt að hafna því en
hann sagðist ætla að leita eftir
skýringum á ákvæðum tilboðsins og
láta meta tryggingar fyrir greiðslum.
Sagðist hann reikna með því að unnt
yrði að ganga frá málinu í vikunni,
með þeim fyrirvara að borgarráð
samþykkti kaupin fyrir sitt leyti. Þá
taldi hann að eigendaskipti gætu átt
sér stað innan tveggja mánaða.
Ekki eru þó allir á eitt sáttir um
þetta tilboð. Sigurjón Pétursson,
borgarráðsfulltrúi Alþýðubanda-
lagsins, sagðist í gærtelja upphæðina
of lága þar sem ekki væri einungis
verið að selja hlut borgarinnar í
eignum fyrirtækisins, heldur einnig
aðgang að auðlindum hafsins sem
sífellt væru að færast yfir á hendur
færri og færri útgerðaraðila. Taldi
hann það mikilvægt að borgin héldi
hlut sínum í fyrirtækinu, af þessum
sökum.
Eins og fyrr segir á Reykjavíkur-
borg 78% í Granda hf. Afganginn
eiga tveir aðilar, fjölskylda Ingvars
Vilhjálmssonar á 14,5% og Olís á
7,5%. Á meðal eigna Granda eru
tvö frystihús og sex togara. jih
Búist viö hápunkti innan þriggja daga:
Skaftárhlaup
í örum vexti
Skaftárhlaup hefur nú farið af stað, en rólega þó. Að sögn
Oddsteins Kristjánssonar, bónda á Hvammi í Skaftártunguhreppi,
hefur hlaupið farið frekar rólega af stað og það hefur ekki valdið
neinum skemmdum á vegum eða brúm. „Það eru frekar litlar fréttir
af Skaftárhlaupi enn sem komið er. Það hefur verið að aukast hægt
og rólega frá því í gærmorgun og er þetta rösklega sumarvatn,“ sagði
Oddsteinn í samtali við Tímann í gær. Taldi hann að hlaupið gæti
orðið nálægt þremur dögum að ná hámarki, miðað við hvað það fer
rólega af stað. Það réðist einnig af því hversu mikið vatn hefur
safnast saman í jöklinum.
Allar akleiðir voru enn færar síð-
degis í gær en útlit var fyrir að
Fjallabaksleið nyrðri gæti lokast inn-
an tíðar. Var vatnið byrjað að koma
á veginn þar og getur hann því
grafist þá og þegar í sundur, að sögn
vegagerðarmanna. Vegagerðin hef-
ur því varað ferðalanga við því að
treysta á leiðina.
Sýslumaður Vestur-Skaftfellinga,
Einar Oddsson, flaug yfir svæðið á
fyrsta degi og fylgist nokkuð grannt
með hlaupinu. Sagði hann að
Skaftáin hafi verið mórauð og frekar
mikil á fyrsta degi en svo virtist sem
hún sækti rólega í sig veðrið.
Ekki er útlit fyrir að Skaftáin valdi
miklum vegasköðum í dag en vaxi
hún áfram með sama hraða, má eins
fara að búast við einhverjum
skemmdum seinni partinn í nótt eða
á morgun. Að sögn kunnugra eru
brýr ekki í teljandi hættu, en vegir
að brúm eru hins vegar ekki eins
öruggir. Sé vatn með meira móti í
jöklinum má jafnvel fara að búast
við því að vegurinn um Eldhraun
sæti skemmdum einhverja næstu
daga. Það er þjóðvegur númer eitt
ogliggur milli VíkurogKirkjubæjar-
klausturs. KB
Bilun í fokkervél Flugleiða í gærkvöldi:
Fokkerinn f lýgur
ánýí
Fokker flugvél frá Flugleiðum
með 32 farþega og þriggja manna
áhöfn varð að snúa til baka eftir
fjögurra mínútna flug frá Skutuls-
firði í gærkvöldi.
Einar Sigurðsson, blaðafulltrúi
Flugleiða sagði að þetta hefði ekki
verið nauðlending. Það sem bilaði
var gírkassi sem drífur áfram ýmsa
aukahluti í vélinni. Hliðargtrkassinn
er ekki hluti af hreyflinum sjálfum,
heldur nýtir mótorafl til að knýja
hluta.af öörum kerfum. Vélin sjálf
bilaðrt^^i, það var slökkt á henni til
að skefnma ekki meira og svo lent.
Gírinn var aftengdur og flogið á
báðum hreyflum suður. Viðgerðin
tók stuttan tíma og er vélin komin í
fullan gang aftur. Einar sagði, að
tækifærið hefði verið notað til að
fækka sætum og auka sætabilið í
leiðinni. „Það ætti því að vera rýmra
um þá sent fljúga með henni í
kvöld,“ sagði hann að lokum. SH
llllllllllllllllllllll veiðihornið' llllllilllllllllllllllllllllllllllllllllllllM Eggert Skúlason
Hlandfor spillti
veiði í „Ásunum“
Þeir eru dýrir dagarnir í Laxá á
Ásum, eða um 65 þúsund krónur
stöngin. Því má því lítið útaf bera
þegar veittergegn jafn háugjaldi.
Valur Arnþórsson, Stefán
Pálsson, Búnaðarbankastjóri og
flciri kappar voru á föstudaginn
við veiðar í Ásunum þegar slys átti
scr stað. Þró undir hlandfor frá
haughúsinu í Sauðanesi gaf sig og
forin streymdi út í Rafveituskurð-
inn og mengaði ána, svo laxinn
trylltist og óð um allt. Ekki hefur
Veiðihornið fregnað hvernig afla-
brögð voru.
Tíminn hafði samband við Jón
ísberg, sýslumann þeirra Húnvetn-
inga, en hann er jafnframt einn af
landeigendum við Laxá á Ásum.
Jón sagði í samtali við Veiðihomið
að hann hefði frétt af óhappinu í
gær en hefði ekki fregnað hversu
ntikið magn af hlandfor hefði farið
í ána, né hversu mikil truflun hefði
orðið á veiðinni.
Páll Þórðarson bóndi í Sauða-
nesi sagði í samtali við Veiðihornið
í gær að þetta væru sín mistök, að
þróin hefði gefið sig. „Þetta gerðist
laust fyrir hádegi, og vall úr henni
í tíu til fimmtán mínútur þar til hún
varð tóm. Óhappið varð rétt fyrir
hádegi og þeir sem tóku við klukk-
an þrjú um daginn kvörtuðu ekki.
Vissulega er þetta mjög lciðinlegt
en ég held þetta hafi ekki truflað
svo mikið vegna veiðihlésins,“
sagði Páll bóndi.
Um 2500úr Veiði vötnum
Vciði í Veiðivötnum á Land-
mannaafrétti hefur verið þokkaleg
í sumar. Hraunvötnin hafa verið
líflegust og gefið bæði flesta fiska
og þá stærstu sem og undanfarin
sumur. Stærsti fiskurinn sem veiðst
hefur í sumar er þrettán punda
urriði sem kom á land úr Hraun-
vötnum.
Veiðihornið ræddi við veiði-
mann sem var að koma úr veiðiferð
Gert að gæsum eftir góða ferð. Ef að líkum lætur verður ekki langt þar
til menn fara að bauka við slíkt í bílskúrum og kjöllurum. Tímamynd ss
í Veiðivötn um síðustu helgi. Veið-
in var að vísu engin en hann
rómaði aðstöðuna og gaf svæðinu
cngu að síður góða einkunn.
Bunkar af gæs
Mikil gæs er á Norðurlandi,
sérstaklega í Húnavatnssýslum.
Menn eru farnir að munda hagla-
byssurnar og rifflana, þeir sem þá
nota, og þegar hafa gæsir verið
felldar fyrir norðan. Vatnsdalurinn
og Langidalurinn er búnkaðir af
gæs og á Heggstaðanesi hafa sést
stórir flokkar.
Haraldur Tómasson læknir á
Hvammstanga er einn af þeim er
skýtur gæs. Við ræddum við hann
í gær. „Nei. Ég er ekki byrjaður að
skjóta og byrja yfirleitt aldrei fyrr
en um miðjan september. Bæði er
hún mögur og leiðinda blóðfjaðrir
í henni framan af hausti.
Ég á hinsvegar von á góðu
gæsaári í ár. Þá ályktun dreg ég af
því að mikil berjaspretta sfðustu
tvö ár gerði það að verkunt að
fuglinn hélt sig óvenju mikið á
háiendinu og var því lítið í túnum.
Nú virðist mér sem þetta snúist við
og fremur slök berjaspretta er hér
norðanlands og því á ég von á að
fuglinn verði meir í túnum en
síðustu tvö ár,“ sagði Haraldur.
Þegar við trufluðum hann á
Heilsugæslustöðinni á Hvamms-
tanga var hann að sinna sjúklingi.
Fer það vel saman að skjóta
gæsir fyrripart dags og sinna síðan
sjúklingum og vinna líknarstörf
seinni partinn?
Alþýðuskýringin
Haraldur er með svar á reiðum
höndum. „Það er árvisst grín á
þorrablótum að minnst sé á þetta í
tengslum við starf mitt. Alþýðu-
skýringin á veiðidellunni er sú að
með þessu móti fái ég útrás og geti
einbeitt mér að því að lækna sjúkl-
inga. En þetta er vitaskuld alþýð-
uskýring. Ég hinsvegar vil meina
að með veiðinni, sem að stórum
hluta er náttúruskoðun og könnun
á lífsmynstri, þar sem þörf er á
athygli og virðingu fyrir landi og
bráð, læri ég hluti sem koma mér
vel í starfi mínu,“ sagði Haraldur.