Tíminn - 22.09.1988, Blaðsíða 12

12 Tíminn
Fimmtudagur 22. september 1988
llllllilllllllllllilllllllll ÍÞRÓTTIR
Marchulenis, sovéskur landsliðsmaður leggur hér kinnina að spjaldinu
f Körfuknattleikur-NBA deildin
Allir nyliðar
lyfjaprófaðir
Allir nýliðar seni lcika munu í
bandarisku NBA körfuboltadeild-
inni verða að gangast undir lyfja-
próf á meðan þeir eru ■ æfingabúð-
um fyrir komandi keppnistímabil.
I lyljaprófinu sem verður sett á
án viðvörunar, verður kannað
hvort leikmennirnir hafa neytt
kókaíns aða heróins. Þeir sem falla
á þessu prófi verð settir í að
minnsta kosti árs keppnisbann án
launa.
Eldri leikmenn í deildinni scm
reynast vera neytendur eiturlyfja,
fá sjálfkrafa tveggja ára keppnis-
bann án launa, en þeir leikmenn
sem gefa sig fram og scgjast eiga
viö citurlyfjavanda að etja eru ckki
dæmdir i liann, en eru sendir í
endurhæfingu. Springi þeir síðan á
limminu fá þeir keppnisbann.
Uavid Stcm, aðalritari NBA
deildarinnar, sagði að nýju regl-
urnar varðandi nýliða, væri skýr
skilahoð til háskólaleikmanna með
NBA vonir, að þeir lctu eiturlyfin
eiga sig. BI.
ÓL-Körfuknattleikur:
Sovéskur sigur
eftir framlengingu
Sovétmenn tryggðu sér ekki sigur
fyrr en í framlengingu, þegar þeir
mættu Puerto Rico í körfuknattleik-
skeppni Ólympíuleikanna í gær.
Eftir venj ulegan leiktíma var stað-
an jöfn, 76-76, en í framlengingunni
tóku Sovétmenn öll völd á vellinum
og sigruðu 93-81. Þeir unnu því
framlenginguna 17-5.
Bandaríkjamenn unnu auðveldan
sigur á Brasilíumönnum og náðu því
að hefna fyrir ófarirnar á Pan Am-
leikunum í fyrrasumar. Lokatölurn-
ar voru 102-87, en grunnurinn að
sigri Bandaríkjanna var varnarleikur
þeirra, en brasilíska stjarnan Oscar
Schmidt sagði eftir leikinn að hann
hefði aldrei áður séð eins góða vörn.
Bandaríkin gerðu Brasilíumönnum
mjög erfitt fyrir um sendingar sín á
milli og voru alltaf í stífri „yfirdekk-
un“. Oscar skoraði samt 31 stig í
leiknum, sem reyndar þykir ekki
mikið þegar hann er annars vegar,
því hann gerir oft yfir 40 stig í leik.
Spáverjar sigruðu Kínverja létt
106-74 og Kanadamenn unnu Eg-
ypta 117-64. Þá sigruðu Júgóslavar
S-Kóreumenn 104-92. Drazen Petr-
ovic gerði 22 stig fyrir Júgóslavíu, en
Lee Choong-hee gerði 38 stig fyrir
Kína.
Júgóslavar hafa forystu í A-riðli
með 6 stig, en Sovétmenn og öll hin
liðin í riðlinum hafa 3 stig. 1 B-riðli
hafa Bandaríkjamenn 6 stig, en
Brasilía og Spánn hafa 5 stig. BL
Körfuknattleikur-NBA deildin
Michael Jordan gerir 8
ára samning við Bulls
Körfuknattleikssnillingurinn Mic-
hael Jordan, sem á síðasta keppnis-
tímabili var valinn besti leikmaður
NBA deildarinnar (MVP) skrifaði í
fyrradag undir nýjan 8 ára samning
við félag sitt, Chicago Bulls.
Jerry Krause framkvæmdastjóri
Bulls vildi ekki gefa upp hvað Jordan
fær greitt í peningum fyrir samning-
inn, en ljóst er að Jordan er orðinn
einn af launahæstu körfuknattleiks-
mönnum heims. Krause vildi hvorki
játa né neita því að samningurinn
væri virði um 25 milljóna dala eða
um 1150 milljóna ísl. króna.
„Við erum ánægðir með að hafa
gert þennan samning við Jordan og
vonum að hann verði hjá okkur þar
til hann hættir í körfubolta," sagði
Jerry Reinsdorf eigandi liðsins.
Ervin „Magic" Johnson, bakvörð-
urinn sjalli sem leikur með meistur-
unum Los Angles Lakers er samn-
ingsbundinn í 25 ár með Lakers og
fær 1 milljón dala á ári fyrir vikið.
BL
IBK vann
Keflvíkingar sigruðu ná-
grannu síua úr Njarðvík með
92 stigum gegn 90 í úrslituleik
Reykjanesmótsins í körfu-
knattleik, sem lauk i Njarðvík
í fyrrakvöld. Jón Kr. (ííslason
var stigahæstur Kefivikinga
með 28 stig, en Teitur Örlygs-
son geröi 46 stig fyrir Njarðvík-
inga. Kellvíkingar hafa aldrei
áður sigrað á Reykjancsmót-
inu, því Njarðvikingar hafa
ávallt farið mcð sigur af hólnii
i mótinu hinguð til. BL
Michael Jordan
Ólympíuleikarnir í Seoul:
Verður veldi Bandaríkjamanna
hnekkt eins og í Miinchen 72?
- Búist við harðri mótspyrnu Sovétríkjanna og Júgóslavíu á körfuknattleikskeppninni í Seoul
Bandaríkjamenn hafa löngum
verið einráðir í körfuknattleiks-
keppni Ólympíuleikanna. Á
leikunum, sem sem nú fara fram í
Seoul, er búist við að Bandaríkja-
menn fái harða keppni frá Sovét-
mönnum og Júgóslövum.
Bandaríkjamenn munu verða að
taka á öllu sem þeir eiga til þess að
verja Ólympíutitil sinn frá því í
Los Angeles fyrir fjórum árum, er
þeirsigruðu Spánverja í úrslitaleik.
Á leikunum í Seoul munu Banda-
ríkjamenn fá öflugustu mótspyrnu
í 16 ár, eða frá því í Munchen 1972,
er Bandaríkin töpuðu óvænt fyrir
Sovétríkjunum í leik aldarinnar.
Síðustu sekúndur leiksins voru æsi-
spennandi og Bandaríkin voru I
stigi yfir þegar leiktíminn rann út.
Vegna mistaka í tímavörslu voru
síðustu 3 sekúndur leiksins leiknar
að nýju og það nægði Sovétmönn-
um til sigurs, þeir skoruðu þá körfu
sem mjög hefur verið umdeild
síðan. Sovétmenn voru úrskurðað-
ir sigurvegarar, þrátt fyrir hávær
mótmæli Bandaríkjamanna, sem í
mótmælaskyni tóku ekki við silfur-
verðlaunum sínum og eru verð-
launin enn geymd í banka í
Múnchen. Ósigur Bandaríkjanna í
Múnchen er eini ósigur þeirra í
úrslitum körfuknattleikskeppni Ól
frá því að fyrst var keppt í körfu-
knattleik á Ólympíuleikum 1904.
Bandaríska liðið sem keppir á
leikunum núna er mjög sterkt.
Þjálfari liðsins er John Thompson
þjálfari Georgestown háskólans,
en liðið er skipað mjög snöggum
leikmönnum, sem leika stífa
pressuvörn og í liðinu eru stjörnur
eins og Danny Manning og David
Robinson. Manning varð háskóla-
meistari í vor með Kansas liðinu.
Robinson lék í hitteðfyrra með
Navy háskólanum, en er í sjóhern-
um og þarf að vera þar í 1 ár til
viðbótar, áður en hann tekur að
Drazen Petrovic
leika með San Antonio liðinu í
NBA deildinni, en við það lið
hefur hann gert atvinnumanna-
samning.
Lið Sovétríkjanna og Júgóslavíu
eru byggð í bland upp á sterkum,
hávöxnum leikmönnum, sem eru
hættulegir í vítateig andstæðing-
anna og góðum langskyttum.
Stóra spurningin í sovéska lið-
inu, er hvort Arvidas Sabonis,
miðherji (2,23m á hæð) getur leikið
með, en hann hefur átt við meiðsl
í hásin að stríða. Af langskyttum
Sovétmanna má nefna Valdemaras
Khomitchious, sem var með 64%
skotnýtingu úr þriggja stiga skotum
í síðustu Evrópukeppni landsliða.
Júgóslavneska liðið, sem varð í
þriðja sæti á síðustu Ólympíuleik-
um, skartar köppum eins og mið-
herjanum Vlade Divac, sem er
2,13 á hæð og hinum eldsnögga
bakverði Drazen Petrovic.
Sovétríkin og Júgóslavía leika í
A-riðli ásamt S-Kóreu, Ástralíu,
Puerto Rico og Mið Afríku lýð-
veldinu.
í B-riðli eru Bandaríkin, Spánn,
Brasilía, Kanada, Kína og Egypta-
land.
Brasilíumenn sigruðu Bandarík-
in í úrslitum Pan American leik-
anna fyrir um ári síðan, mjög
óvænt, þannig að samkeppnin er
hörð og ekki eins víst og áður að
Bandaríkin eigi sigurinn vísan í
körfuknattleikskeppninni. Á Ól-
ympíuleikunum í Los Angeles
1984 sigruðu Bandaríkin mótherja
sína með 32 stigum að meðaltali, í
8 leikjum.
f kvennakeppninni eru Banda-
ríkin talin sigurstranglegust, en
helstu keppinautarnir eru Sovét-
ríkin, Júgóslavía, Kína og S-Kór-
ea. Önnur ríki sem koma til með
að blanda sér í keppnina um verð-
launin eru Búlgaría, Ástralía og
Tékkóslóvakía. BL