Tíminn - 19.10.1988, Blaðsíða 2
I I • i I
2 Tíminn
Miðvikudagur 19. október 1988
Gullverölaun afhent í Stjórnarráðinu í gær
„Mér brá talsvert þegar ég frétti af
þessu en varð samt ógurlega glaður
þegar ég áttaði mig á þessu,“ sagði
Axel Árnason, átta ára Akureyring-
ur, sem vann til gullverðlauna í
myndlistarkeppni barna sem haldin
var í tengslum við ólympíuleikana í
Seoul.
„Þetta gerðist þannig að mynd-
menntakennari Axels valdi myndir
nokkurra nemenda sinna og sendi út
til Seoul. Þegar Axel kom í skólann
var honum sagt að myndin hans væri
einhvers staðar á sýningu.
Við vissum síðan ekkert fyrr en
fréttamaður Ríkisútvarpsins hringdi
í Axel í skólann og sagði honum frá
því að hann hefði unnið til gullverð-
launa í Seoul,“ sagði móðir Axels,
Kristín Margrét Axelsdóttir.
„Mér er það ánægja að afhenda
þér heiðurspening úr gulli fyrir að
hafa skarað fram úr á ólympíuleik-
um í myndlist,“ sagði forseti fslands,
Vigdís Finnbogadóttir, þegar hún
afhenti Axel ólympíugullið ásamt
heiðursskjali í stjórnarráðinu í gær.
Aðspurður sagðist Axel hafa gam-
an af teikningu og vel geta hugsað
sér að leggja hana fyrir sig.
f tengslum við leikana var haldin
alheimslistsýning sex til tólf ára
barna og bárust 17.372 myndverk
barna frá 73 löndum.
Veitt voru alls 1.738 verðlaun en
einn annar íslenskur drengur, Grím-
ur Flákonarson í Kópavogi, vann til
bronsverðlauna sem send hafa verið
til hans í pósti frá Seoul.
Við afhendingu gullsins til Axels
afhendi Gísli Halídórsson forseta
fslands ólympíupeninga íslensku ól-
ympíunefndarinnar. -sá
Gullverðlaunahafinn í myndlist, Axel Árnason frá Akureyri, tekur við verðlaunapeningnum úr hendi forseta tslands,
Vigdísi Finnbogadóttur, ■ gær. Tímamynd: Gunnar.
Ólafur Ragnar og Þorsteinn skiptust á kveðjum í utandagskrárumræðu í neðri deild í gær:
Hnútukast miiíi
flokksformanna
Allsnarpar umræður áttu sér stað á milli Ólafs Ragnars Grímssonar
Ijármálaráðherra og Þorsteins Pálssonar, fyrrverandi forsætisráðherra, í
umræðum utan dagskrár í neðri deild Alþingis í gær. Tilefnið var ummæli
Ólafs um viðskilnað síðustu ríkisstjórnar síðastliðinn laugardag þar sem
hann sagði að sjö til níu milljarða vanti til að endar nái saman á fjárlögum
þessa árs.
Þá deildu menn einnig um hvort
taka ætti fyrir utandagskrárumræð-
ur í neðri deild af þessu tilefni en
ekki í sameinuðu þingi eins og
venja er.
Þorsteinn Pálsson fór þess á leit
við Kjartan Jóhannsson, forseta
neðri deildar, að leyfðar yrðu um-
ræður vegna ásakana Ólafs og
rökstuddi þær með því að umræður
væru óreglulegar þessa viku og
varð Kjartan við þessari beiðni.
Mikið hefur Þorsteini þó legið á
því fundur er í sameinuðu þingi
klukkan tvö í dag.
f máli sínu réðst Þorsteinn gegn
Ólafi Ragnari og sakaði hann um
tvískinnung þar sem hann í einu
orðinu lýsti yfir að ríkið gæti ekki
staðið í því að halda atvinnuvegum
þjóðarinnar á floti með styrkjum
en í öðru orðinu boðaði hann
stóraukna skattheimtu vegna
vanda þeirra. Einnig benti hann á
að Jón Baldvin sagði fjárlagahall-
ann 700 miljónir fyrir mánuði en
núverandi fjármálaráðherra segði
hann tífalda þá upphæð og spurði
hvort upplýsingar Jóns hefðu verið
rangar eða hvort að hann hefði
haldið þessu leyndu.
„Lengi getur smár smækkað,"
var álit Ólafs á málflutningi Þor-
steins og taldi hann megintilgang
Þorsteins að koma höggi á Jón
Baldvin að honum fjarverandi.
Kvað hann Þorsteini lítt duga að
reyna að skjóta sér undan ábyrgð
af fyrri gerðum og stafaði slæm
afkoma ríkissjóðs ekki af lélegum
vinnubrögðum í fjármálaráðuneyt-
inu heldur slakri stjórn Þorsteins í
tíð síðustu ríkisstjórnar. Fjármála-
ráðherra sagðist jafnframt ekki
ræða fjárlagahallann efnislega að
svo komnu þar sem tími hans væri
takmarkaður og ekki heldur æski-
legt að fjalla um viðskil síðustu
stjórnar nema í sameinuðu þingi.
Ætlun Þorsteins með þessari um-
ræðu væri að þvo hendur sínar af
fyrri gjörðum og jafnframt að reka
fleyg á milli þeirra Jóns en það
tækist ekki því þeir kynnu að vinna
saman og þyrftu ekki að hnakkríf-
ast um ráðherraveislur og annað
þegar og ef þessu stjórnarsamstarfi
iyki.
Þorsteinn svaraði Ólafi og sagði
hann fara á handahlaupum undan
því að rökstyðja ásakanir sínar, að
hann hringsnérist úr einni ræðu í
aðra og treysti sér ekki til að standa
við það sem hann hefði sagt. Raun-
veruleg ástæða orða hans væri sú
að hann væri að kaupa sér frið
almennings vegna stóraukinnar
skattheimtu og það væri virðingar-
leysi við Alþingi að rökstyðja ekki
mál sitt nú þegar.
Fleiri blönduðu sér í þessar deil-
ur og þar á meðal Geir H. Haarde
sem sagði að Ólafur ætti að venja
sig af því að tala eins og götustrák-
ur um Þorstein. - áe.
HEMLAHLLmR í VÖRUBÍL4
®IStilling
Skeifunni 11,108 Reykjavlk
Simar 31340 & 689340
Hemlaborðar í alla
vörubíla.
Hagstætt verð.
Betri ending.
Hvalvíkurdeilan leystist í gærkvöldi:
Finnbogi lofar
að greiða laun
Hvalvíkurdeilan er leyst og sagði
Finnbogi Kjeld forstjóri Skipaút-
gerðarinnar Víkur, að samkomulag
hefði tekist milli hans og skipverja á
Hvalvík.
í samkomulaginu felst að skipverj-
ar fá laun sín, sem þeir eiga inni hjá
útgerðinni, greidd innan sjö daga.
Þriðjungurinn verður greiddur strax
eða áður en Hvalvíkin lætur úr
Njarðvíkurhöfn til Vestfjarða.
Þegar það kemur til baka verða
launin greidd að fullu ásamt félags-
gjöldum og greiðslum til lífeyris-
sjóðs Sjómannafélagsins þannig að
útgerðin verður skuldlaus við áhöfn-
ina þegar skipið siglir utan aftur.
Ekki fékkst uppgefið hversu mikil
laun skipverjamir eiga inni hjá út-
gerðinni en talað hefur verið um
fjórar til fjórar og hálfa milljón
króna. -sá
Eyja til óþæginda
Þessi umferðareyja var gerð á
Arnarbakka sl. föstudag, sem er
kannski ekki í frásögur færandi
nema vegna þess að á laugardag
hafði brotnað úr kantinum á fjöl-
mörgum stöðum og virtist sem bílar
hefðu ekið á eyjuna. Tilgangurinn
með gerð eyjunnar var að auðvelda
gangandi vegfarendum að komast
yfir götuna.
í gær hafði ökumaður samband
við gatnamálastjóra og sagði farir
sínar ekki sléttar þar sem hann hafði
ekið bifreið sinni á eyjuna. „Ég fór
sjálfur á vettvang til að kanna að-
stæður og sá að maðurinn hafði lög
að mæla. Kanturinn var of langur
svo hann lokaði nær bílastæðum og
var hættulegur þeim sem bökkuðu
út af bílastæði sem þarna er því þá
lentu þeir á kantinum. Ég lét því
stytta eyjuna,“ sagði Ingi U. Magn-
ússon gatnamálastjóri í samtali við
Tímann í gær. Aðspurður sagði
hann að einhver mistök hefðu orðið
í útfærslu í byrjun en því væri nú
búið að kippa í lag þannig að fleiri
óþægindi ættu ekki að skapast.
Tímamynd, Gunnar