Tíminn - 19.10.1988, Blaðsíða 6

6 Tíminn
Miðvikudagur 19. október 1988
Bolfiskafli lítið
minni en fyrir ári
Heildarbolfiskafli var heldur minni fyrstu níu mánuði
ársins, en á sama tímabili í fyrra. Þorskafli var tæplega 26
þúsund tonnum minni en í fyrra og rúmlega 13 þúsund
tonnum minna kom á land af ufsa. Hins vegar veiddist um 12
þúsund tonnum meira af ýsu á fyrstu níu mánuðum ársins,
miðað við sama tíma í fyrra.
Fyrstu níu mánuöi ársins var
heildarþorskafli orðinn 295.237
tonn, 37.910 tonn veiddust af ýsu og
53.647 veiddust af ufsa. Á fyrstu níu
mánuðum síðasta árs var heildar-
þorskafli 321.062 tonn, 25.649 tonn
veiddust af ýsu og af ufsa komu
66.886 tonn á iand. Það sem af er
þessu ári er karfaafli orðinn 3000
tonnum meiri en á sama tíma í
fyrra, en á fyrstu níu mánuðunum í
ár veiddust 69.154 tonn af karfa.
Það sem af er þessu ári er heildar-
afli orðinn 1.184.196 tonn, eða um
100 þúsund tonnum meiri en á fyrstu
níu mánuðum síðasta árs. Munar
þar aðallega um meiri loðnuafla í
september í ár, en á sama tíma í
fyrra.
í september sl. veiddust 18.591
tonn af þorski. Þar af var þorskafli
togara 10.586 tonn, afli báta 5.254
tonn og smábátar komu með 2.751
tonn af þorski að landi. Heildarafli
allra skipa og báta í septembermán-
uði í ár, var 51.781 tonn, en í sama
mánuði í fyrra var heildaraflinn
53.717 tonn. Mest var landað á
Reykjanesi í september eða 11.789
tonnum, á Norðurlandi var landað
10.278 tonnum og á Austfjörðum
var landað 4.602 tonnum. Á sama
tíma í fyrra var mest landað á
Norðurlandi eða 13.764 tonnum, þá
á Austfjörðum 10.444 tonnum og á
Reykjanesi 8.977 tonnum.
Mesti þorskafli, eða 16.217 tonn,
kom á land í Vestmannaeyjum á
fyrstu níu mánuðunum, fast á eftir
fylgdu Akureyri með 14.351 tonn og
Keflavík með 13.546 tonn. Þá kom
einnig mesti ýsuafli, 8.327 tonn, á
land í Eyjum fyrstu 9 mánuðina og
sömuleiðis mesti ufsaafli 11.546
tonn.
-ABÓ
Jarðhitaskóli Háskóla
Sameinuðu þjóðanna:
Tíunda
starfsári
að Ijúka
Næstkomandi föstudag, 21.
október, lýkur 10. starfsári Jarð-
hitaskóla Háskóla Sameinuðu
þjóðanna. Starfsár skólans er 6
mánuðir, frá fyrsta sumardegi til
fyrsta vetrardags.
í Jarðhitaskólanum í ár hafa
verið sex nemendur frá jafnmörg-
um þróunarríkjum, þrír jarðvís-
indamenn og þrír verkfræði-
menntaðir. Þeir koma frá Eþíóp-
íu, Hondúras, Kenýu, Kína,
Mexíkó og Tyrklandi.
Frá upphafi hefur Jarðhitaskól-
inn veitt sérhæfða kennslu og
þjálfun í jarðhitafræðum fyrir
nemendur frá þróunarlöndunum.
Nemendur velja eina af átta
sérhæfðum námsbrautum, sem
spanna helstu svið rannsókna og
nýtingu jarðhita. Þungamiðja
þjálfunarstarfsins við Jarðhita-
skólann eru verkefni, sem nem-
endur vinna undir handleiðslu
sérfræðinga Orkustofnunar og
Háskóla Fslands.
Hræringar hjá Frjálsu framtaki:
Nýr rit-
stjóri að
Frjálsri
verslun
Ritstjóraskipti hafa orðið á tíma-
ritinu Frjálsri verslun og hefur Helgi
Magnússon fyrrverandi forstjóri
ferðaskrifstofunnar Útsýnar tekið
við stöðunni af Kjartani Stefánssyni.
Þá hafa orðið ritstjóraskipti á
Sjónvarpsvísi Stöðvar 2 en Kjartan
Stefánsson verður ritstjóri hans og
tekur við starfi af Steinari J. Lúð-
víkssyni.
Bæði ritin; Frjáls verslun og Sjón-
varpsvísir Stöðvar 2 eru gefin út af
Frjálsu framtaki, en Frjálst framtak
gefur út sextán tímarit auk ofan-
nefndra tímarita. -sá
Landssamband smábátaeigenda:
Minni af li á bát
en var í fyrra
í fréttabréfi Landssambands smá-
bátaeigenda kemur fram að afli sem
smábátar koma með að landi er
heldur meiri fyrstu átta mánuði árs-
ins í ár cn var í fyrra á sama tímabili.
{ fyrra var aflinn 28.907 tonn en í ár
var hann 29.769.
Að sögn Arnar Pálssonar fram-
kvæmdastjóra Landssambandsins
hefur smábátum hins vegar fjölgað
um 25% frá árinu 1985 og varð
talsverður hluti þeirrar fjölgunar á
þessu ári.
Pað er því Ijóst að afli á bát er
talsvert rýrari en var í fyrra og segist
Örn hafa heyrt menn nefna allt að
40% samdrátt í einstökum tilfellum
og kenna menn gæftaleysi um, en
einnig því hve lítið fiskur hafi gengið
á grunnslóð.
Á árinu hafa sex smábátar týnst
eða eyðilagst en mannbjörg orðið í
öllum slysunum.
Örn Pálsson sagði að smábátaeig-
endur væru óánægðir með yfirlýsing-
ar formanns sjóslysanefndar, sem
þeir telja að megi túlka sem aðdrótt-
anir um að eigendur þessara báta,
sem farist hafa, hafi sjálfir sökkt
þeim.
„Hefur starfssvið rannsókna-
nefndarinnar breyst í dómnefnd sem
byggir niðurstöðu sína á hugarórum
landkrabbans og áliti illa innrættra
öfundarmanna f garð trillukarlsins
sem kemur með tonnið eftir
daginn"? spurði Örn Pálsson. -sá
Frá kynningu á hljóðabelgnum í Kringlunni í gær.
Tímamynd: Gunnar
„Hljóðabelgur", ný þjófavörn
Pegasus hf. hefur hafið innflutning
á litlum kössum til að geyma í
verðmæti. í kössunum er búnaður
sem gefur frá sér skerandi ýlfur sé
kassinn hreyfður.
Kassinn sjálfur er úr eldtraustu og
höggþolnu plastefni og fóðraður að
innan og innan í honum er rofi sem
notaður er til að tengja ýlfrarann.
Síðan er kassanum læst og eftir
örfáar mínútur er búnaðurinn
virkur.
Ef kassinn kemst eftir það á
minnstu hreyfingu þá gefur hann frá
sér skerandi ýlfur, sem ekki hættir
fyrr en eigandinn opnar kassann
með lykli og aftengir vælubúnaðinn.
Pau Kjartan Jónsson og Katrín
Baldursdóttir sölumenn sögðu að
kassinn sem slíkur væri ágætur sem
þjófavörn en auk kassans seldi fyrir-
tækið skynjara sem skynja minnstu
hreyfingu í húsum þar sem þeim er
fyrir komið og gefa þá frá sér hljóð.
-sá
AF ÞINGI
Stuttar
fréttir
Kvennalistakonurnar Guðrún
Halldórsdótir, Danfríður Skarp-
héðinsdóttir, Guðrún Agnars-
dóttir, Kristín Einarsdóttir,
Kristín Halldórsdóttir og Málm-
fríður Sigurðardóttir hafa lagt
fram tillögu til þingsályktunar
um endurskoðun laga um jöfnun
námskostnaðar. Endurskoðun
þessi taki m.a. mið af þörfum
þeirra sem eru ofan við skóla-
skyldualdur en hafa ekki lokið
grunnskólanámi, sem og þeirra
nemenda er nú stunda nám í
öldungadeildum.
Fyrirspurnir
Kristín Einarsdóttir
(V.Reykv.) hefur lagt fram fyrir-
spurn til heilbrigðisráðherra um
mengunarvarnir hjá íslenska ál-
félaginu hf. Þar er spurt í hvaða
atriðum mengunarvörnum sé
ábótavant hjá félaginu og hvernig
tryggja eigi viðunandi úrbætur
þar að lútandi og hvers vegna
fyrirtækinu sé ekki gert að sækja
um starfsleyfi eins og öðrum
fyrirtækjum hér á landi sem geta
valdið mengun.
Danfríður Skarphéðinsdóttir
(V. Vesturl.) og Kristín Einars-
dóttir (V.Reykv.) hafa lagt fram
fyrirspurn til fjármálaráðherra
um heildartekjur launafólks árin
1985, 1986, 1987 og fyrstu 6
mánuði þessa árs, skipt eftir kyni,
aldri, störfum og vinnuveitend-
um.
Danfríður hefur einnig lagt fram
fyrirspurn til menntamálaráð-
herra um leiðbeinendur og
stundakennara í grunn- og fram-
haldsskólum landsins. Þarerm.a.
spurt um hlutfallið á milli
kennara og leiðbeinenda í
fræðsluumdæmum miðað við fullt
stöðugildi annars vegar og fjölda
kennara hins vegar.
Annar þingmaður Austur-
lands, Hjörleifur Guttormsson
(G.), hefur lagt fram fyrirspurn
til heilbrigðisráðherra um meng-
un samfara fiskeldi, þar sem hann
spyr um reglur um mengunar-
varnir, reglur um notkun lyfja og
rotvarnarefna við fiskeldi og
eftirlit með þeim. Hjörleifur hef-
ur einnig gert fyrirspurn til utan-
ríkisráðherra um hvort íslensk
stjórnvöld hafi gert ráðstafanir
vegna fyrirhugaðra loftflutninga
geislavirks plútons frá Evrópu til
Japans yfir N-Atlantshaf.
Þá hefur borist fyrirspurn til
iðnaðarráðherra frá Kristínu Ein-
arsdóttur (V.Reykv.) um undir-
búning að nýju álveri við
Straumsvík (ATLANTAL-verk-
efnið), hvaða fyrirtæki taki þátt í
hagkvæmikönnun og hvers eðlis
þátttaka íslenskra stjórnvalda og
annarra innlendra aðila sé í
henni. Einnig er spurt um fram-
leiðslugetu, mengunarvarnar-
kröfur og hversu mörg atvinnu-
tækifæri nýtt álver skapi.
Óskað er eftir að samningur sá
sem íslensk stjórnvöld gengu frá
við hin erlendu fyrirtæki 4. júní
1988 verði birtur sem fylgiskjal
með svari við þessari fyrirspurn.
-ág.
(í
m

brosum/
og ¥
allt gengur betur *
\
/