Tíminn - 16.11.1988, Blaðsíða 20

* 1 1 1
'S’.’.’.r.T.r,r,T,r,T 7,r Átján mán. binding '0jfelL AS>Ö
T' § 7,5% ▼ ▼
RÍKISSKIP ÞROSTIIR
NÚTÍMA FLUTNINGAR Hafnarhúsinu v/Tryggvagöfu, S 28822 685060
SAMVINNUBANKINN VANIR MENN

Ný reglugerð sjávarútvegsráðuneytis um aflakvóta gerir ráð fyrir samdrætti í veiðum á þorski, karfa og grálúðu:
n </> Irátti jrinn me iri en í
forse ndun n þjóðhai jsspár
Sjávarútvegsráðuneytið birti í gær reglugerð um afla-
kvóta fyrir fimm helstu botnfísktegundir sem veiddar verða
við landið á næsta ári. Þar er kveðið á um 10% samdrátt í
þorski og karfa og og óbreytt viðmiðunarmörk í öðrum
botnfísktegundum nema hvað hámark verður sett á sókn
sóknarmarksskipa í grálúðustofninn. í forsendum þjóð-
hagsspár sem lögð var fram í byrjun mánaðarins er gert ráð
fyrir að heildarafli á föstu verðlagi muni minnka um 4,5%.
A þessu ári voru veiðiheimildir
þrengdar og þorskkvóti lækkaður.
Viðmiðunaraflinn var ákveðinn
315 þúsund lestir og stefnt var að
því að heildar þorskaflinn yrði um
350 þúsund lestir en nú stefnir í að
hann verði 355-360 þúsund lestir.
Hafrannsóknarstofnun telur að
til að þorskstofninn rýrni ekki frá
því sem nú er verði enn að draga
úr þorskveiðum og megi afli ekki
fara fram úr 300 þúsund lestum
næstu tvö árin. Til að ná því marki
verði þegar á næsta ári að draga úr
þorskafla um 20%.
Ráðuneytið telur þó að ástand
efnahagsmála sé þannig að ill-
mögulegt sé að draga svo mikið úr
afla og leggur til að samdráttur
milli áranna 1988 og 1989 verði
rúm 10%
Viðmiðunarmörkin í nýju reglu-
gerðinni hafa verið ákveðin 285
þúsund lestir en vegna sveigjan-
leika kerfisins gæti heildaraflinn
árið 1989 orðið 325 þúsund lestir,
en dregið verður enn frekar úr
veiðum árið 1990.
í reglugerðinni er einnig gert ráð
fyrir 10% minni afla á karfa og
miðast veiðiheimildir við 77 þús-
und lesta heildarafla en áætlað er
að aflamagn á ýsu, ufsa og grálúðu
verði óbreytt frá því sem nú er.
Ráðuneytið telur þó óhjákvæmi-
legt að stemma stigu við ásókn
sóknarmarksskipa í grálúðustofn-
inn með því að setja sérstakt
hámark í grálúðuveiðum þessara
skipa.
Hagfræðingar sem Tíminn ræddi
við í gær sögðu að erfitt væri að
segja til um áhrif aflasamdráttarins
á þjóðartekjur og afkomu lands-
manna. Þessi samdráttur væri þó
heldur meiri en gert hafði verið ráð
fyrir í þjóðhagsáætlun Þjóðhags-
stofnunar, en þar er gert ráð fyrir
4,5% samdrætti í heildarafla milli
ára og að landsframleiðsla dragist
saman um 1,5%.
Hvaða áhrif þessi mikli sam-
dráttur í sjávarafla mun hafa sögðu
hinir hagfróðu erfitt að meta. Ym-
islegar aðstæður hefðu þar áhrif,
svo sem atvinnuástand og efna-
hagslegt umhverfi og hvort aflan-
um á næsta ári yrði ef til vill beint
í verðmeiri framleiðslu en áður.
Fiskvinnslan hefði t.d. oft haldið
því fram að hún gæti ekki fengið
nauðsynlegan mannafla til að vinna
úr aflanum og minnkandi afli hlyti
að þýða að úr þeim vanda drægi og
hugsanlega nýttist hráefnið því bet-
ur en áður, þannig að afleiðingarn-
ar þyrftu ekki endilega að verða að
öllu leyti slæmar. -sá
...... . ..........^.. y . ,
Hér má sjá að dælan er gjörónýt. Slík atvik sem þetta sjást oft í grínmyndum en sem betur fer sjaldnar í
raunveruleikanum. Tímamynd Pjetur.
Óvenjulegt óhapp átti sér stað á Bíldshöfða í gær:
Ók burt með dælu!
Sá óvenjulegi atburður átti sér
stað á bensínstöð Esso við Bílds-
höfða í Reykjavík síðdegis í gær að
bílstjóri sendiferðabíls ók af stað
með bensíndælu í eftirdragi.
Tildrög málsins voru reyndar þau
að bílstjórinn hafði verið að kaupa
bensín á bílinn, rétt eins og gengur
og gerist. Þegar hann hafði greitt
fyrir bensínið ók hann af stað með
þeim afleiðingum að bensíndælan
rifnaði upp af festingum sínum og er
ónýt á eftir. Slanga dælunnar hafði
semsé ekki verið fjarlægð úr bensín-
tanki bílsins og því fór sem fór.
Að sögn starfsmanns bensínstöðv-
arinnar er þetta í annað skipti sem
slíkt atvik á sér stað á þessari
tilteknu bensínafgreiðslu. Ekki mun
hafa skapast eldhætta við óhappið.
og ný dæla er væntanlega komin á
staðinn. -áma
Ólympíuskákmótið í Grikklandi:
Unnum Brasilíu
í þriðju umferð
fslensku sveitinni á ólympíuskák-
mótinu í Þessalóníku í Gríkklandi
hefur vegnað ágætlega til þessa.
Sveitin hefur nú hlotið átta vinninga
í þremur fyrstu umferðunum og
níundi vinningurinn er í augsýn, þar
sem Karl Þorsteins á unna biðskák
gegn Brasilíumanni. Hefur Karl
biskup yfir og gjörunnið tafl.
í þriðju umferð, sem tefld var í
gær sigraði íslenska sveitin þá brasil-
ísku með 2,5 vinningum gegn 1,5. Þá
gefur Tíminn sér að Karl vinni
biðskákina og þarf ekki að efast um
það.
Margeir Pétursson vann biðskák
sína gegn Kanada í gærmorgun og
innbyrti þar með einn vinning fyrir
íslensku sveitina.
Jóhann Hjartarson tapaði á fyrsta
borði. Helgi Ólafsson gerði jafntefli
en Jón L. rúllaði sínum andstæðingi
upp á eftirminnilegan hátt, að sögn
Þráins Guðmundssonar fararstjóra
sveitarinnar.
Ekki var ljóst í gær við hverja
íslendingar tefla í dag en líklegast
var talið að við mættum Dönum,
Hollendingum eða Kúbverjum.
Þráinn Guðmundsson sagði það vera
von íslendinganna að við mættum
Rússum sem fyrst. Hvort það
verður, ræðst af gengi sveitanna í
næstu umferðum.
Efstir á mótinu eru nú Rúmenar
með 10,5 vinninga. Líkast til ná
Sovétmenn þeim að vinningafjölda,
þar sem Karpov á unna biðskák.
Annars eru Sovétmenn með 9,5
vinninga. Búlgarar eru með 9,5 vinn-
inga og ísland ásamt nokkrum öðr-
um þjóðum fylgir fast á eftir með 9
vinninga.
Þráinn segir, eftir að hafa fylgst
með gengi einstakra sveita á mótinu
að ekki sé hægt að bóka vinning
gegn nokkurri sveit nema helst Afr-
íkuþjóðum. Nefndi hann sem dæmi
Kínverja sem komið hafa verulega á
óvart og verið vanmetnir á þessu
móti.
Önnur úrslit í gær voru: Sovétrík-
in-Argentína 3-0 og ein biðskák,
Kína-Júgóslavía 3-1, Þýskaland-
Danmörk 2-2, BNA-Kanada 1-0 og
þrjár tvísýnar biðskákir, Bretland-
Israel 3-1 og Rúmenía-Perú 3-1.
Alls verða telfdar fjórtán umferðir
á mótinu. -ES