Tíminn - 10.12.1988, Blaðsíða 4

4 Tíminn
Laugardagur 10. desembeM988
Sambandshúsið við Sölvhólsgötu
Stærstu islensku fyrirtækin:
Sambandið stærst
Samband ísl. samvinnufélaga var stærsta fyrirtæki lands-
ins samkvæmt árlegum lista Frjálsrar verslunar.
Stærð fyrirtækjanna er metin út frá veltu þeirra og var
velta Sambandsins 17 milljarðar 514 milljónir og 200
þúsund.
í krónutölu hafði veltan aukist
um 13% en rýrnað að raungildi um
8% frá árinu 1986. Sambandið
tapaði 26,8 milljónum króna á
árinu samkvæmt listanum og eigin-
fjárstaða þess rýrnaði um 4,9%.
Árið 1987 var mikið þensluár.
Verð var hátt á útflutningsvörum
og vel aflaðist. Miklar launahækk-
anir urðu og fram kemur í listanum
að laun starfsmanna kaupfélag-
anna hækkuðu umtalsvert.
Þenslan var mikil á árinu 1987 en
hún varð einkanlega í verslun,
þjónustu og bankastarfsemi þótt
ekki sé það einhlítt. Samdráttar
varð hins vegar vart í sjávarútvegi
og í fiskiðnaði og veltuaukning
fyrirtækjanna í mörgum tilfellum
minni en nam verðbólgu.
Tíu stærstu fyrirtæki á íslandi
eru, þegar miðað er við veltu,
Samband íslenskra samvinnufé-
laga eins og áður segir, Sölumið-
stöð hraðfrystihúsanna, Lands-
banki íslands, Flugleiðir, Sölusam-
band íslenskra fiskframleiðenda,
ÁTVR, KEA, ÍSAL, Póstur og
sími og Eimskipafélagið.
Útgerðarfyrirtækin greiða sam-
kvæmt listanum hæstu meðallaun
og þau fimm fyrirtæki sem hæst
árslaun greiddu á íslandi árið 1987
eru Hrönn h.f. á ísafirði sem
greiddi 3.821.000 þúsund kr., Sam-
herji h.f. á Akureyri með3.535.000
kr., Skagstrendingur h.f Skaga-
strönd 3.342.000 kr., Oddeyri h.f
Akureyri 3.105.000 kr. ogSigurður
h.f. Stykkishólmi 2.976.000 kr.
Mestur hagnaður varð af rekstri
ÁTVR rúmir 3,3 milljarðar króna
og stærsti vinnuveitandinn var
Reykjavíkurborg en hjá borginni
unnu 5172. Ríkisspítalar voru með
3101 starfsmann, Póstur og sími
með 2409, Sambandið með 1475
og Flugleiðir með 1422.
Hlutfallsleg veltuaukning varð
mest hjá Lýsi h.f. 315% Þá kom
Einar J. Skúlason með 164%,
Hraðfrystihús Grundarfjarðarmeð
129%, íslenska útvarpsfélagið með
123% og Alþýðubankinn með
121%. -sá
Jón Baldvin
og Schultz
ræðaumhval
Jón Baldvin Hannibalsson, utan-
ríkisráðherra átti í gær viðræður við
George Schultz utanríkisráðherra
Bandaríkjanna í Brussel um hvala-
málið. Ræddu ráðherrarnir hvernig
best yrði staðið að samvinnu þjóð-
anna í þessu máli og lagði
Jón Baldvin það meðal annars til að
Bandríkjamenn tækju þátt í sameig-
inlegum vistfræðilegum rannsóknum
á Norður Atlantshafi.
Rætt um
íþróttir
Dagana 21.-25. nóvember s.l. fór
fram í Moskvu ráðherrafundur á
vegum UNESCO um íþróttamál. Á
fundinn mættu sendinefndir 113
þjóða og 12 alþjóðlegra sam-
banda. Af Islands hálfu sótti fundinn
Svavar Gestsson menntamálaráð-
herra og Reynir G. Karlsson,
íþróttafulltrúi ríkisins.
Helstu málefni fundarins voru
ýmis alþjóðleg samskiptamál á
íþróttasviðinu, efling skólaíþrótta
og almenningsíþrótta, barátta gegn
lyfjamisnotkun og kynþáttamisréttis
í íþróttum, stuðningur við íþróttir í
þróunarríkjunum og efling íþrótta
sem veigamikils þáttar í varðveislu
friðar í heiminum.
Samþykktar voru fjölmargar
ályktanir varðandi alþjóðleg íþrótta-
málefni, og verða þær sendar bæði
stjórnvöldum og íþróttasamböndum
aðildarríkja UNESCO.
Menntamálaráðherra gafst í þess-
ari ferð tækifæri til að eiga sérstakar
viðræður við marga aðila og má m.a.
nefna menntamálaráðherra og að-
stoðarsjávarútvegsráðherra Sovét-
ríkjanna og mennta- og menning-
armálaráðherra Noregs, Finnlands
og Danmerkur.
Einnig átti menntamálaráðherra
gagnlegar viðræður við fulltrúa
lþróttanefndar Sovétríkjanna og
Áustur-þýska fþrótta- og fimleika-
sambandsins um gagnkvæm íþrótta-
leg samskipti og þjálfunarmál. Þess-
ar viðræður fóru fram að beiðni
íslenskrasérsambanda í íþróttum.
SSH
Tillaga framsóknarmanna um nýja flugmiðstöð fyrir bæði farþega
og flutning til umfjöllunar í borgarráði:
Flugmiðstöð í
Suður-Mjódd?
Alfreð Þorsteinsson flutti tillögu í skipulagsnefnd Reykja-
víkur um að ráð yrði gert fyrir flugmiðstöð í Suður-Mjódd og
er tillagan nú til umfjöllunar hjá borgarskipulagi og borgar-
ráði.
í tillögunni er gert ráð fyrir að flugmiðstöð verði byggð fyrir far-
könnuð verði hagkvæmni þess að þegaflug og flugfrakt og jafnframt
athugað hvort hópflutningar um
landið ættu að tengjast slíkri flug-
miðstöð sem yrði þannig almenn
umferðarmiðstöð.
Alfreð Þorsteinsson sagði að aug-
ljóst væri að núverandi staðsetning
flugmiðstöðvar á Reykjavíkurflug-
velli væri óhentug lang stærstum
hluta íbúa höfuðborgarsvæðisins.
Því væri eðlilegra að slík miðstöð
væri í grennd við Reykjanesbrautina
og svæðið í Suður-Mjódd er nú mjög
miðlægt með tilliti til búsetu og
atvinnustarfsemi á öllu höfuðborgar-
svæðinu, í Reykjavík og næstu
grannbæjum.
Björn Theódórsson hjá Flugleið-
um sagði að innan félagsins hefði
ekkert verið ræddar breytingar á
núverandi skipulagi við flutning
farþega og farangurs og gæti hann að '
svo stöddu ekki tjáð sig um afstöðu
Flugleiða til þessa máls. -sá
Verður flugmiðstöð í Suður-Mjódd
í framtíðinni?
ALAFOSS MEÐ
NÝTT ANDLIT
Um þessar mundir er ný vara að koma á markaðinn frá
Álafossi hf. og er hún alfarið hönnuð og þróuð eftir að nýja
fyrirtækið tók til starfa. Fatadeild kynnir nýja Iínu,
banddeildin í Mosfellsbæ og vefdeildin eru einnig með
nýjungar.
Icewool merkið hefur fengið nýj-
an búning og búið er að frumkynna
nýju Iínuna á helstu mörkuðum
Álafoss við mjög góðar undirtekt-
ir. Icewool er hefðbundinn íslensk-
ur ullarfatnaður, einkum fram-
leiddur fyrir rótgróna markaði í
Evrópu, Bandaríkjunum og Japan.
íslensku sauðalitirnir eru ráðandi
ásamt pastellitum, en nýja litalínan
fellur nær núverandi tískustraum-
um.
Hönnuðir eru þær Hulda Kristín
Magnúsdóttir og Gunnhildur Ás-
geirsdóttir, sem nutu aðstoðarráð-
gjafa í Bandaríkjunum og Evrópu.
Fáanleg verður varan hér snemma
á næsta ári.
Frá banddeildinni eru þegar
komnir á markað nýir litir í lopa og
flosi, ásamt vönduðum uppskrift-
um. Breski hönnuðurinn Christian
de Falbe hafði veg og vanda af
hönnun og uppskriftagerð, ásamt
tveimur íslenskum hönnuðum.
Uppskriftirnar eru 55 talsins, og
eru þegar komnar í dreifingu í
Bretlandi og Kanada. Fyrirhugað
er að dreifa þeim einnig á Norður-
Iöndunum og í Þýskalandi; á við-
komandi tungumálum og hérlendis
birtist hluti þeirra bráðlega.
Vefdeildin framleiðir værðar-
voðir og áklæði. Guðrún Gunnars-
dóttir, textilhönnuður hefur hann-
að værðarvoðir fyrir Álafoss og má
þar nefna lundalínuna, sem eru
einlit teppi í mörgum litum.
í byrjun næsta árs er væntanleg
ný fatalína frá fyrirtækinu og verð-
ur hún nefnd því einfalda nafni
Álafoss. Sú lína verður nær fram-
leiðslu hefðbundins tískufatnaðar
en verið hefur áður. Þessi íslenski
glæsileiki verður framleiddur hér á
landi, í Bandaríkjunum og víðar
og er árangur af samstarfi íslenskra
og erlendra hönnuða.
Með markvissri endurskipulagn-
ingu hefur tekist að ná fram mikilli
hagræðingu hjá fyrirtækinu. Ála-
foss er nú að ljúka sínu fyrsta
starfsári og hefur það ár einkennst
af bæði jákvæðum og neikvæðum
þáttum. Fyrirtækið leitaði ráðgjaf-
ar erlendra sérfræðinga í markaðs-
málum og skipulagningu og segir í
frétt frá Álafossi, að árangurinn
hafi þegar sýnt sig og telja ráðgjaf-
arnir að fyrirtækið hafi sannað
tilverurétt sinn og eigi alla mögu-
leika á áframhaldandi starfsemi.