Tíminn - 07.02.1989, Blaðsíða 7

Þriðjudagur 7. febrúar 1989
Tíminn 7
Félag íslenskra iðnrekenda hefur
hafið útgáfu nýs rits sem nefnist
„Evrópa á döfinni".
Blaðinu er ætlað að vera til fræðslu
og kynningar um alþjóðlega sam-
vinnu, fyrst og fremst viðskiptasam-
vinnu. En það mun framvegis fylgja
fréttablaði FÍI „Á döfinni".
Fjaliað verður um EFTA og starf-
semi þess. Einnig um Evrópubanda-
lagið og áform þess varðandi sameig-
inlegan markað fyrir árið 1992 og
fréttir fluttar af innlendum og er-
lendum vettvangi þessara málefna.
Standa vonir til að svo fari að ritið
geti orðið einskonar uppflettirit um
þessi málefni.
í fyrsta tölublaðinu er fjallað um
sögulegan bakgrunn evrópskrar
samvinnu og gerð grein fyrir Frí-
verslunarsamtökum Evrópu,
EFTA. jkb
Sérfræöingar
í dælutækni:
Norræn samvinna
vegna ósonlags
Að frumkvæði norrænu ráðherra-
nefndarinnar hafa norrænir sér-
fræðingar í kæli- og varmadælutækni
tekið upp samvinnu. Markmið sam-
vinnu þeirra er að vinna að því að
minnka losun ósoneyðandi efna út í
andrúmsloftið.
Þrjátíu sérfræðingar í kæli- og
varmadælutækni hittust í Kaup-
mannahöfn nýverið og voru tveir af
fundarmönnum íslenskir. Þeir gera
ráð fyrir að hægt verði að minnka
losun ósoneyðandi efna frá kæli- og
varmadælukerfum um þriðjung á
næstu tveimur til þremur árum með
notkun þekktrar tækni. Galdurinn
er að lagfæra kerfin og safna saman
efnunum til endurnýtingar.
Efnin sem valda vandanum eru
svokölluð klórflúorefni og er notkun
þeirra í kælikerfi um 10% af heild-
arnotkuninni allri. Losun þessara
efna í andrúmsloftið er alþjóða-
vandamál því að losun í einu landi
hefur jafnmikil áhrif á staðnum sjálf-
um eins og hinumegin á hnettinum.
Því er áríðandi að finna upp skaðlaus
efni sem geta komið í stað CFC
efnanna en auka ekki orkunotkun til
muna eða hafa aðrar óheppilegar
aukaverkanir. jkb
Hrist upp í skólakerfinu
Menntamálaráðuneytið hefur tekið til við það sem kalla
mætti gagngera endurskoðun skólakerfisins. Bygging og
rekstur dagvistunar verður endurskoðuð, fjallað um innra
starf framhaldsskóla og tekið upp mat á heimilisstörfum í
þeim og síðast en ekki síst fjallað um langtíma stefnu
skólakerfisins í heild.
Tekið hefur verið upp það ný-
mæli að leita álits aðila bæði innan
og utan skólakerfisins varðandi
stefnumótun skólamála næstu árin.
„Við teljum mikilvægt að þjóð-
arsamstaða náist um stefnumótun-
ina,“ sagði Svavar Gestsson
menntamálaráðherra á frétta-
mannafundi fyrir helgi. Leitað hef-
ur verið til starfsmanna skóla,
fræðslustjóra, fræðsluráða, sveit-
arstjórnarsamtaka, þingflokka og
ýmissa félagasamtaka og beðið um
ábendingar um áhersluatriði. Þá
eru ábendingar frá öllum þeim sem
ekki tilheyra neinum ofangreindra
flokka vel þegnar.
Könnunin fer fram í tveimur
hlutum. í fyrri hluta hennar er þess
farið á leit að fjallað verði um og
gerður listi yfir fjögur til tíu verk-
efni sem talið er brýnt að hrint
verði í framkvæmd á næstu tíu
árum.
Miðað er við að tillögum verði
skilað til menntamálaráðuneytisins
fyrir tuttugasta febrúar og að úr-
vinnsla hefjist í byrjun mars. Úr-
vinnslan verður í höndum Félags-
vísindastofnunar Háskóla íslands
en gert er ráð fyrir að hún skili
niðurstöðum sínum um mánaða-
mótin apríl-maí.
f maí verður sömu aðilum og
áður sendur listi yfir þau mál sem
oftast verða nefnd í fyrri hluta
könnunarinnar. Þá er þess æskt að
málefnunum verði raðað eftir því
sem viðtakendur telja vera for-
gangsröð verkefna.
„Tilgangur þessa er í raun
tvennur. I fyrsta lagi að fá það
skjalfest hvað fólk telur mikilvæg-
ast að gert verði. Hinn þátturinn er
sá að fá umræðu um skólamál, eki
einungis innan skólanna heldur
utan þeirra líka. Þetta er mála-
flokkur sem öllum kemur við.“
sagði Gerður G. Óskarsdóttir
ráðunautur menntamálaráðherra í
skóla- og uppeldismálum.
Lög um stefnu í skólamálum eru
til og nægir þar að benda á grunn-
skólalögin en Gerður sagði að það
væri ekki mergurinn málsins. Hún
benti á að engin stefna væri til sem
kyæði á um heildaráætlun varðandi
starfsemi skólanna. Nánar tiltekið
þá eru í gildi reglur sem segja til
um markmið hvers skólastigs fyrir
sig og jafnvel hvers skóla fyrir sig
án þess að lahgtímamarkmið skóla-
kerfisins í heild séu skoðuð í sam-
hengi.
„Okkur finnst mjög mikilvægt
að fá fólk til að setjast niður og
velta hlutunum fyrir sér. Af hverju
erum við að safna öllu þessu fólki
í skólana, af hverju erum við að
verja tólf milljörðum á ári úr
ríkissjóði í skólakerfið,“ sagði
Svavar.
Þá hefur verið skipuð nefnd sent
fjalla mun um um innra starf
framhaldsskóla. Verkefni nefndar-
innar eru margþætt en sem dæmi
má nefna að hún mun gera tillögur
um breytta starfshætti einkum með
tilliti til þess hóps nemenda sem
ekki hefur getað nýtt sér nám í
framhaldsskólum eins og málum
þeirra er nú háttað.
En hjá menntamálaráðuneytinu
hefur verið bryddað upp á fleiri
nýungum. Ákveðnar hafa verið
reglur um mat á námi nemenda
sem flytjast milli framhaldsskóla,
stöðupróf og fleira.
Samkvæmt þessu verður hægt að
fá reynslu á vinnumarkaði og við
heimilisstörf metna til allt að sex-
tán eininga. Þetta gildir þó aðeins
um þá sem hefja nám í öldunga-
deild eftir hlé á skólagöngu eða
sem byrjun framhaldsnáms og mið-
að er við sjö ára reynslutíma.
Einnig hefur verið skipuð nefnd
sem fjalla á um nýskipan forskól-
astigs. Hún mun gera fram-
kvæmdaáætlun til tíu ára varðandi
uppbyggingu og stofnkostnað dag-
vistunarheimila. Nefndin skal ein-
nig gera tillögur um uppeldis-
markmið, stjórn, hvernig bregðast
beri við sérþörfum einstakra hópa
og ýmislegt fleira. jkb
Nú stendur til gagnger uppstokkun í skólakerfinu þó þeir sem á myndinni eru verði ef til ekki mikið varir við hana því breytingamar verða umfangsmestar
á öðram skólastigum en grunnskólanna. Tlmamynd: Ami Bjama
Stjórnarráðsbrennivíniö ekki á barinn á Hótel Sögu:
Ríkisstjórnin bauð
fordrykk og borðvín
„Stjórnarráðsbrennivínið var notað tii að lækka miðaverð á
árshátíð stjórnarráðsstarfsmanna, en það er úr sögunni,“ sagði
Þórveig Þormóðsdóttir formaður Starfsmannafélags stjórnarráðs-
ins við Tímann.
Sú saga hefur gengið milli manna
að svokallaður stjórnarráðs-
skammtur hefði að þessu sinni
verið lagður inn á barinn á Hótel
Sögu þar sem árshátíð félagsins var
haldin fyrir skömmu.
Forsaga stjórnarráðsbrennivíns-
ins er sú að samkvæmt gamalli hefð
hefur hver starfsmaður stjórnar-
ráðsins fengið tvær flöskur af
sterku áfengi á ári á svokölluðu
diplómata- eða sendiráðaverði sem
er kostnaðarverð ÁTVR, eða því
sem næst.
Málin þróuðust síðan á þann veg
að starfsmannafélagið tók að hafa
milligöngu um þessi mál og pantaði
þá hver starfsmaður sinn brenni-
vínskvóta og greiddi starfsmanna-
félaginu hálft útsöluverð áfengis-
ins. Mismuninn notaði starfs-
mannafélagið síðan til að greiða
niður árshátíð starfsmanna.
Þegar stórbrotin áfengiskaup
eins handhafa forsetavelds urðu
opinber fyrir nokkru lýsti fjármála-
ráðherra því yfir að stjórnarráðs-
brennivín væri úr sögunni og yrðu
þyrstir stjórnarráðsstarfsmenn
framvegis að sækja sitt „bús“ í
ÁTVR og greiða fullu verði.
„Það er enginn fótur fyrir þessari
sögu því þetta stjórnarráðsbrenni-
vín er úr sögunni og að það hafi
verið lagt inn á barinn á Hótel
Sögu þar sem árshátíðin var haldin
er hreint rugl. Það er alveg satt,“
sagði Þórveig Þormóðsdóttir.
Þórveig sagði að þessi saga gæti
hafa komist á kreik af því tilefni að
ríkisstjórnin hefði nú, sem alltaf
áður á árshátíðum félagsins, boðið
upp á fordrykk fyrir matinn og
borðvín með matnum. Fyrir þessu
væri löng hefð sem á engan hátt
tengdist hinu svonefnda stjórnar-
ráðsbrennivíni. - sá
Guðmundur Ólafsson framkvæmdastjóri hjá Rönning býður Vilberg Sigur-
jónsson (t.v.) hjá Vilberg og Þorsteini velkominn til starfa hjá Rönning
heimilistækjum.
Nýr umboðsaðili
Um síðastliðin áramót tók Rönn-
ing hf. við Hitachi umboðinu er það
yfirtók rekstur fyrirtækisins Vilberg
og Þorsteinn.
Frá árinu 1961 hefur Rönning
verið einn stærsti rafbúnaðarsalinn á
landinu. Fyrirtækið opnaði smásölu-
verslun í Kringlunni árið 1987 þar
sem á boðstólum hafa verið vörur
frá Hitachi sem og fleiri fyrirtækj um.
Auk þess að taka að sér heildsölu
á vörum umboðsins yfirtekur fyrir-
tækið einnig verslun Vilbergs og
Þorsteins en Vilberg Sigurjónsson
mun starfa fyrir Rönning heimilis-
tæki í framtíðinni. í tilefni þessara
tímamóta verður boðinn sérstakur
kynningarafsláttur á Hitachi vörum
á næstunni í verslunum fyrirtækisins
Johan Rönning hf. jkb