Tíminn - 12.08.1989, Blaðsíða 4

4 Tíminn
Laugardagur 12. ágúst 1989
ý , ✓
'%/Æk/m VATRYGGINGAFELAG
Nflar ISLANDS HF
ÚTBOÐ
Tilboð óskast í eftirtaldar bifreiðir sem skemmst
hafa í umferðaróhöppum:
MMC Galant 2000 GLS árgerð 1989
Opel Corsa LS árgerð 1988
Audi 80 árgerð 1988
Lada Samara 1500 árgerð 1988
Daihatsu Charade CS árgerð 1988
Peugeot 309 GR árgerð 1988
Suzuki Swift GL 1000 árgerð 1988
Mazda 626 árgerð 1987
Lada Vaz árgerð 1987
Nissan Sunny árgerð 1987
Mercedes Benz 200 árgerð 1986
Lada Vaz árgerð 1986
Nissan Pulsar árgerð 1986
Nissan Micra árgerð 1985
Toyota Camry 1800 DLX árgerð 1985
Ford Sierra 1600 árgerð 1985
Toyota Corolla 1600 árgerð 1985
Honda Civic árgerð 1984
Mazda 323 árgerð 1984
Daihatsu Charmant 1300 árgerð 1983
VW Jetta árgerð 1982
Subaru 1800 GL árgerð 1981
Mercedes Benz 300 D árgerð 1980
Bifreiðirnar verða sýndar að Höfðabakka 9,
Reykjavík, mánudaginn 14. ágúst 1989, kl. 12-16.
Á SAMA TÍMA: Á Selfossi:
Mazda 626 GLX árgerð 1985
Á Sauðárkróki:
Toyota Corolla árgerð 1982
Suzuki Swift árgerð 1984
Mercury Cougar árgerð 1984
Tilboðum sé skilað til Vátryggingafélags íslands h.f., Ármúla 3, Reykjavík, eða umboðsmannafyrir kl. 16, mánudaginn 14. ágúst 1989.
Vátryggingafélag íslands h.f. - ökutækjadeild -
Áhugi þeirra sem vilja flytja úr landi er ekki bundinn viö Norðurlöndin:
Mikið spurt um
Bandaríkin
Að undanförnu hefur mikið verið fjallað um landflótta frá
landinu vegna efnahagsástandsins. Áhugi fólks sem vill flytja
erlendis beinist ekki einungis að Norðurlöndunum. Færst
hefur í vöxt að fólk kanni möguleika á búsetu í Bandaríkjun-
um.
Þórir S. Gröndal sem hefur verið
ræðismaður íslands í Flórída undan-
farin níu ár sagði í samtali við
Tímann, að á síðastliðnum tveimur
árum hefði hann fengið fleiri fyrir-
spurnir frá íslendingum varðandi
möguleika á að setjast að á Flórída
en hann gerði síðustu sjö árin þar á
undan. Þórir sagði jafnframt að ef
fólk ætti ekki ættingja sem eru
búsettir í Bandaríkjunum þá væri
mjög erfitt að fá innflytjenda- og
atvinnuleyfi. Hann sagðist lítið geta
gert fyrir þetta fólk annað en að
benda því á sendiráðið hér heima.
Að eiga villu á Flórída
Það eru ekki bara einstaklingar
sem vilja flýja slæmt efnahagsástand
sem hafa áhuga á Flórída, það hafa
hinir ríku líka.
í greinarkorni eftir Sæmund Guð-
vinsson í Alþýðublaðinu 18. júlí sl.
er að finna eftirfarandi: „Mér blöskr-
ar hvernig einstaka viðskiptajöfrar
flytja fé úr landi án þess að nokkur
hreyfi hönd né fót, íslenskir fésýslu-
menn eiga hundruð milljóna króna
á leynireikningum í Sviss, Luxem-
borg og víðar. Af þessum peningum
er aldrei borgaður skattur. f vissri
borg í Flórída standa einbýlishús í
röðum sem eru í eigu íslendinga sem
aldrei hafa fengið heimild gjaldeyris-
yfirvalda hér til að fjármagna þau
kaup.“
Þórir sagðist ekki kannast við að
mikið væri um að fslendingar búsett-
ir á íslandi ættu hús á Flórída, en
hann vissi um nokkur slík tilvik. f
öllum tilfellum væri um að ræða fólk
sem hefði mjög góð fjárráð. Þessir
aðilar dveldust á Flórída vissan hluta
ársins og leyfðu síðan ættingjum og
vinum að hafa afnot að húsunum
þann tíma sem þau myndu annars
standa auð.
Skýrar reglur eru um heimildir
íslendinga til að eiga eignir erlendis
og/eða gjaldeyrisreikninga. Jóhann-
es Sigurðsson hjá Gjaldeyriseftirliti
Seðlabankans sagði að samkvæmt
þeim reglum sem hafa verið í gildi í
nokkur ár þá er skrásettum félaga-
samtökum sem hafa fimmtíu með-
limi eða fleiri heimilt að eiga orlofs-
hús erlendis. Jóhannes sagði jafn-
framt að einstaklingar hafi ekki
heimild til að kaupa fasteignir er-
lendis án þess að fá til þess sérstakt
leyfi og hægt væri að telja á fingrum
sér þau leyfi sem veitt hafa verið.
Aðspurður sagði Jóhannes að þó
nokkuð margar umsóknir hefðu bor-
ist hvað þetta varðar frá einstakling-
um en þeim hafi yfirleitt verið
hafnað.
- Vitið þið til þess að fólk fari í
kringum þessar reglur?
„Okkur hefur borist það til eyrna,
en það er nú þannig að þeir sem ættu
helst að vita af slíku samkvæmt
lögunum vita það síðastir allra.“
Það virðast ýmsar leiðir vera færar
í því að fjármagna kaup á fasteignum
erlendis. Sem dæmi má nefna að
margir innflutningsaðilar þiggja ým-
iskonar lausatekjur eins og umboðs-
laun frá erlendum fyrirtækjum og
eru þessi laun ekki gefin upp hér á
landi heldur lögð inn á bankareikn-
inga erlendis. Einnig hafa heyrst
þess dæmi að innflytjendur gefi upp
rangt verð á innfluttri vöru gegnum
„pappírsfyrirtæki" sem þeir stofna
erlendis og er mismunurinn síðan
lagður inn á reikning.
Hafa verður í huga að sum af
þessum húsum sem íslendingar hafa
keypt erlendis, til dæmis á Spáni,
kosta lítið miðað við fasteignaverð
hér á landi. Dæmi er um að orlofshús
hafi verið keypt á Spáni fyrir 20
þúsund pund, sem eru tæpar tvær
milljónir króna og var 70-80% af
kaupverðinu lánað til nokkurra ára.
SSH
Vinnumálaþing Alþjóöavinnumálastofnunarinnar í Genf:
Frumbyggjar, nætur-
vinna og meðferð efna
Á alþjóðavinnumálaþingi sem
haldið var í Genf fyrir skömmu,
Iauk fyrri umræðu um drög að
tveimur nýjum alþjóðasam-
þykktum, en stefnt er að af-
greiðslu þeirra á næsta ári. Önn-
ur samþykktin fjallar um með-
ferð hættulegra efna á vinnu-
stöðum og hin um næturvinnu.
Þá var afgreidd einróma ný
alþjóðasamþykkt um réttindi
frumbyggja og þjóðarbrota sem
búa innan sjálfstæðra ríkja.
Markmið fyrst nefndu samþykkt-
arinnar verður að draga úr slysum og
atvinnusjúkdómum á vinnustöðum
af völdum efna. Jafnframt því að
stuðlað verði að mati á efnum í þeim
tilgangi að tryggja atvinnurekendum
réttar upplýsingar frá framleiðend-
um og fræðslu starfsmanna um efnin
og varnaraðgerðir til að draga úr
hugsanlegri skaðsemi þeirra. Aðild-
arríki samþykktarinnar skulu móta
heildarstefnu framkvæmda í sam-
vinnu við aðila vinnumarkaðarins.
Samþykkt um næturvinnu er ætlað
að leysa af hólmi samþykkt um
næturvinnu kvenna frá árinu 1948 og
vera hlutlaus gagnvart kynjunum.
Töluverður ágreiningur var milli
fulltrúa atvinnurekenda og launa-
fólks í nefnd þeirri er fjallaði um
samþykktina. Þeir fyrrnefndu vildu
hafa textann mjög almennan en láta
aðilum vinnumarkaðarins eftir að
semja um einstök atriði.
í síðast nefndu samþykktinni eru
ákvæði um rétt frumbyggja og þjóð-
arbrota til varðveislu hefða og siða.
Sérstakur kalli er um yfirráðarétt
yfir landssvæðum. Ákvæði eru um
ráðningu og vinnuskilyrði frum-
byggja og rétt til starfsmenntunar er
taki mið af aðstæðum þeirra og
þörfum.
Þingið var eins og áður sagði
haldið í Genf og sóttu það samtals
1750 fulltrúar ríkisstjórna og sam-
taka aðila vinnumarkaðarins. Þátt-
takendur komu frá 140 af 150 aðild-
arríkjum alþjóðavinnumálastofnun-
arinnar.
Sendinefnd íslands var skipuð að-
ilum úr félagsmálaráðuneyti og utan-
ríkisráðuneyti, auk aðila vinnu-
markaðarins.
Félagsmálaráðherra, Jóhanna Sig-
urðardóttir, tók jafnframt þátt í
almennum umræðum um skýrslu
forseta vinnumálastofnunarinnar
sem fjallaði um efnahagsbata og
atvinnu. jkb
Aðalfundi norrænu bændasamtakanna lokið:
Þórður á Skógum
heiðraður af NBC
Þórði Tómassyni safnverði við Byggðasafnið á Skógum
undir Eyjafjöllum hefur verið veitt menningarverðlaun
Norrænu bændasamtakanna NBC fyrir árið 1989.
í rökstuðningi fyrir verðlauna-
veitingunni segir „að með framlagi
sínu til íslenskrar menningar hafi
hann markað sér mjög eindregna
sérstöðu í dreifbýli á íslandi. Þórð-
ur megi heita tákngervingur þeirrar
sterku fræðihefðar sem rfkt hafi til
sveita á íslandi og birtist í vönduð-
um vinnubrögðum og afköstum á
sviði ritmáls, varðveislu menning-
arverðmæta og hæfni til að miðla
fróðleik til nýrra kynslóða." Þórð-
ur hefur á 40 árum skrifað mikinn
fjölda bóka auk greina í blöð og
tímarit. Hann átti frumkvæði að
því að hafnar voru fornleifa-rann-
sóknir að Stóru-Borg. Þórður tók
einnig þátt í gerð heimildamynda
um atvinnuhætti á Suðurlandi.
Verðlaunaféð sem Þórður fékk er
50.000 kr. sænskar.
Aðalfundi Norrænu bændasam-
takanna lauk síðastliðinn miðviku-
dag en á fimmtudag fóru hinir
erlendu gestir í ferð um landbúnað-
arhéruð á Suðurlandi. Farið var að
Skálholti, Geysir og Gullfoss
skoðaðir og bændur á Skeiðum
heimsóttir. Á heimleiðinni var far-
ið um Þingvöl! og komið við á
Nesjavöllum.
-EÓ