Tíminn - 22.08.1989, Blaðsíða 5
Þriðjudagur 22. ágúst 1989
Tíminn 5
Mikið sandfok á sunnanverðu hálendinu á sunnudag. Vitað til þess að þrjár bifreiðar hafi skemmst:
Tryggingar ná ekki til
skemmda vegna sandfoks
Vitað er til þess að þrír bflar skemmdust í miklu sandfoki
á hálendinu á sunnudagsmorgun. Kaskótryggingar á bifreið-
um ná ekki yfir óhöpp af þessu tagi. Gils Jóhannsson
lögreglumaður á Hvolsvelli sagði í samtali við Tímann mjög
slæmt veður hefði verði fyrir ofan Galtalæk, inn á Dómadals-
leið og inn alla Fjallabaksleið. „Veðrið var snarvitlaust á
þessum slóðum fram eftir degi,“ sagði Gils.
Sandfokið hófst eins og hendi væri
veifað um klukkan tíu á sunnudags-
morgun, en var að mestu gengið
niður um tvö leitið. Hins vegar voru
allir vegaslóðar kjaftfullir af sandi
og vikri. Undir kvöld fékk lögreglan
fregnir frá skálaverðinum í Land-
mannalaugum og var veðrið þá enn
mjög slæmt, farið að rigna og engin
tjöld héldust uppi.
Lögreglan á Hvolsvelli hafði vitn-
eskju um þrjá bíla sem skemmst
höfðu í sandstorminum, en búast má
við að einhverjir fleiri hafi orðið
fyrir einhverju tjóni, enda fjölmargir
á ferð á þessum slóðum.
Einn þeirra sem lenti í sandstorm-
inum var Kristinn Jónsson bóndi á
Staðarbakka í Fljótshlíð sem var
ásamt konu sinni, tveim börnum
tveggja og fimm ára, og systur sinni
að koma úr Veiðivötnum. „Við
lögðum af stað um tíuleytið frá
Veiðivötnum. Þá var búið að vera
öskurok og rigning þar uppfrá en
farið að lægja,“ sagði Kristinn. Þegar
komið var niðurfyrir Hrauneyjafoss
var smávægilegt moldarrok en eftir
að komið var fram hjá gatnamótun-
um þar sem hægt er að beygja niður
í Þjórsárdal snarversnaði veðrið.
„Manni leist nú hálf illa á þetta, en
ekkert hægt að gera og þótti til lítils
Yf irlýsing frá
fræðslustjóra
Vegna ummæla Ragnars Júlíus-
sonar, formanns fræðsluráðs
Reykjavíkur varðandi fundarboðun
á fræðsluráðsfund 14. ágúst sl. og í
framhaldi af þeim vegna þeirra um-
mæla Davíðs Oddssonar, borgar-
stjóra, sem höfð eru eftir honum í
Morgunblaðinu 19. þ.m., vil ég taka
fram eftirfarandi:
Á fræðsluráðsfundi 3. júlí sl.
mætti Kristín Ólafsdóttir, borgar-
fulltrúi Alþýðubandalagsins, í for-
föllum aðalmanns, Þorbjörns
Broddasonar og varamanns hans,
Valgerðar Eiríksdóttur.
Kristín greindi frá því að hún væri
mætt í forföllum varamanns, þar
sem aðalmaður Þorbjörn Broddason
myndi dveljast erlendis næstu mán-
uði, og því skyldi varamaður boðað-
ur.
Stuttar umræður spunnust um
utanför Þorbjörns m.a. um það hvað
hann myndi fást við í þessari utan-
dvöl sinni, rannsóknir, nám og fll.
Ég minnist þess sérstaklega að ég
sagði að Þorbjörn hefði greint mér
frá því að hann væri að fara til
Bandaríkjanna og að hann yrði í
burtu fram að áramótum. Ómögu-
legt er því að skilja ummæli í þá
veru, að fræðslustjóri hafi legið á
upplýsingum um fjarveru Þorbjörns.
Hafi skólaskrifstofa, sem sér um
Áslaug Brynjólfsdóttir, fræðslustjóri í Reykjavík.
fundaboðun til fræðsluráðsmanna,
enga hugmynd haft um fjarveru
Þorbjörns Broddasonar, verður það
að teljast undarlegt að boða vara-
mann Þorbjörns, en ekki Þorbjörn
sjálfan á fund í Skólamálaráði
Reykjavíkur tveim vikum eftir um-
ræddan fræðsluráðsfund.
Þess má geta að í skólamálaráði
sitja sömu pólitískt kjörnir fulltrúar
og í fræðsluráði, en alþýðubanda-
lagsmenn hafa ekki viðurkennt
skólamálaráð og aldrei sótt fundi
þar, en Þorbirni mun þó ávallt sent
fundarboð.
Varafulltrúinn, Valgerður hefur
skýrt á opinberum vettvangi frá því
að við þau fundarboð hafi hún greint
frá því, að sækti ekki þann fund
frekar en Þorbjörn, en minnti á að
boða hana á fræðsluráðsfundi í fjar-
veru Þorbjörns. Samkvæmt grunn-
skólalögum kveður formaður til
fundar í fræðsluráði.
Fræðslustjóri vill taka fram að
hún var í sumarleyfi síðari hluta
júlímánaðar fram til 14. ágúst er
margumtalaður fræðsluráðsfundur
var haldinn og var því ekki við
dagskrárgerð hans.
Fræðslustjórinn í Reykjavík
Áslaug Brynjólfsdóttir
Sveinn Trygvason látinn:
Látinn er í Reykjavík Seinn
Trygvason, framkvæmdastjóri
Framleiðsluráðs landbúnaðarins, 73
ára að aldri. Sveinn fæddist í Reykja-
vík, 12. ágúst 1916, sonur hjónana
Sveinsínu Sveinsdótur og Tryggva
Benónýsonar. Hann stundaði nám í
mjólkuriðnum í Borgarnesi og við
Statens Meieriskole í Noregi, þaðan
sem hann útskrifaðist 1937. Sveinn
veitti Mjólkurstöð Reykjavíkur for-
stöðu frá 1937-38 og Mjólkurbúi
Hafnarfjarðar 1938 - 42. Han var
ráðunautur Búnaðarfélags íslands í
mjólkurfræðum 1942-47 og stóð að
stofnun mjólkursamlaga víðs vegar
um landið. Framkvæmdastjóri
Framleiðsluráðs landbúnaðarins var
hann frá 1947 - 1979 og gegndi
jafnframt fjölmörgum trúnaðarstöð-
um á sviði landbúnaðar um árabil,
var m.a. fulltrúi Framreiðsluráðs
landbúnaðarins frá 1972 og átti sæti
í stjóm Utflutningsráðs á árunum
1957 -1960. Einnig starfaði Sveinn í
framkvæmdanefnd Framsóknar-
flokksins um langt skeið.
Eftir Svein liggja ýmis rit og
blaðagreinar um vinnslu og meðferð
mjólkurafurða, jafnframt því sem
hann var ritstjóri Árbókar landbún-
aðarins á árunum 1964 -1980.
Sveinn kvæntist Gerði Sigríði Þór-
arinsdóttur 1943 og varð þeim tvegja
barna auðið. Gerður lifir mann sinn.
að snúa við. Það var ótrúlegt að
lenda í þessu,“ sagði Kristinn. Hann
sagði að einstaka sinnum hefði aðe-
ins rofað til á milli verstu hríðanna,
en skyggnið hefði ekki verið nema
rétt fram fyrir húddið. „Maður sá
vikurhnullunga á stærð við golfkúlur
fjúka framhjá í sortanum og nokkrir
þeirra lentu á gluggunum," sagði
Kristinn. Hann lét krakkana leggjast
í gólfið, hélt úlpu að glugganum
bílstjóramegin og ók eins og hann
mögulega gat. Bíll Kristins sem er af
gerðinni Saab 99 er mjög illa farinn,
eftir rúmar korters keyrslu í sand-
bylnum. „Lakkið er ónýtt á vinstri
híið og rúður allar máðar. Það þarf
að sprauta hann allan. Ég get huggað
mig við að það var eiginlega kominn
tími á að fara að sprauta hann,“
sagði Kristinn. Hann sagði að krakk-
arnir hafi ekki orðið hræddir, frekar
þótt þetta skemmtun en hitt.
Aðspurður sagðist hann hafa séð
til útlendings á mótorhjóli við gatna-
mótin niður í Þjórsárdal, þar sem
hann stóð við skiltið, snéri bakinu í
vindinn og reykti, og skömmu áður
sá hann tvö reiðhjól í vegarkantinum
en enginn maður sjáanlegur.
Veiðin var annars mjög dræm hjá
Kristni og fjölskyldu, aðeins einn
um 150 gramma fiskur kom á land.
Tjón af völdum sandfoks fást ekki
bætt hjá tryggingafélögum. Bene-
dikt Jóhannesson yfirmaður tjón-
adeildar hjá Sjóvá-Álmennum sagði
í samtali við Tímann að almenna
reglan væri sú að tjón sem hlytist á
þennan hátt félli ekki undir trygg-
ingaskilmálana. „Það er getið um
vindstig í kaskótryggingunum, þá er
átt við ef lausir hluti fjúka á bifreið-
ina eða hún að fjúka til, en ekki ef
sandur fer á hreyfingu,“ sagði Bene-
dikt.
Hann sagði þetta vera gat í trygg-
ingaskilmálunum og menn ekki get-
að tryggt sig fyrir skemmdum vegna
sandfoks til þessa. Hann sagði að
tryggingaskilmálarnir væru til endur-
skoðunar og yrði þá mörgum götum
lokað eins og þá líklega t.d. tjón af
völdum sandfoks. -ABÓ
SENDIBIFREIÐ
M. Benz 309 ’85
TIL SÖLU
Ekinn 152 þús. km. Bíllinn er í
goðu standi og lítur vel út. Er
með sætum f. 8 farþega. Uppl.
gefur Sigurgeir Jóhannsson í
síma 985-21015 og 72380.
FRÆÐSLUSKRIFSTOFA
REYKJAVlKURUMDÆMIS
Ritari óskast
aö Sálfræðideild skóla, Réttarholtsskóla. Kunnátta
í ensku, dönsku, vélritun og notkun tölvu nauðsyn-
leg. Upplýsingar í síma 680698.
Fræðslustjórinn í Reykjavík
t
Útför föður okkar, tengdaföður og afa
Ragnars Á. Magnússonar
lögg. endurskoöenda,
Rofabæ 43
ferfram frá Árbæjarkirkju, miðvikudaginn 23. ágúst kl. 15.
Sigurbjörg Ragnarsdóttir Aðalsteinn Hallgrímsson
Marta Ragnarsdóttir Þorsteinn Eggertsson
Hraf nhildur Ragnarsdóttir Pétur Gunnarsson
Ragnheiður Ragnarsdóttir Keld Gall Jörgensen
og barnabörn
t
Maðurinn minn og faðir okkar
Sveinn Tryggvason,
fyrrv. framkvæmdastjóri Framleiðsluráös landbúnaðarins
til heimilis að Brekkugerði 18, Reykjavik
verður jarðsunginn föstudaginn 25. ágúst nk. kl. 13.30 frá Dómkirkj-
unni í Reykjavík.
Gerður S. Þórarinsdóttir
Auður Sveinsdóttir
Þórarinn Egill Sveinsson