Fréttablaðið - 26.02.2009, Side 28

26. FEBRÚAR 2009 FIMMTUDAGUR4 ● fréttablaðið ● fermingar
Davíð Þór Jónsson guðfræði-
nemi valdi sér ekki ritningar-
orð fyrir sína fermingu. Hann
telur þau þó fallegan sið.
„Þetta er hefð sem er tiltölulega
nýkomin til sögunnar, hún var
til dæmis ekki við lýði þegar ég
fermdist,“ segir Davíð Þór Jóns-
son, guðfræðinemi, um það að
velja sér ritningarorð við ferm-
ingu. Hann segir þetta hins vegar
vera fallegan sið sem sjálfsagt sé
að halda í heiðri.
„Þetta er gert til að skapa per-
sónulega tengingu við ritning-
una. Þá getur fólk, þegar fram í
sækir og það stendur í einhverjum
stormum lífsins, haft persónulega
tengingu við trúarlega speki sem
þjónar annað hvort því að stappa
stálinu í það eða hughreysta á ein-
hvern hátt. Það getur verið mjög
gott að eiga persónulegt samband
við ritninguna; eiga sinn stað, sín
orð, eitthvað sem þú hefur valið
þér.“
Davíð Þór segir mikilvægt
þegar ritningarorð eru valin að
hafa það í huga að Biblían verð-
ur til á um eitt þúsund ára tíma-
bili og er ritsafn og þróunarsaga
átrúnaðar. „Menn geta því fundið
ýmsar setningar og slitið úr sam-
hengi og margir hafa verið iðnir
við það. Ég mundi til dæmis ekki
leita í 5. Mósebók eftir ritningar-
orðum, en þar er að finna lög frá
bronsöld um hreinleika trúarinn-
ar, þrælahald og blóðfórnir.“
Davíð segir ritningarorð lýsa
persónuleika þess sem velur
þau. „Þegar upp er staðið hafa
ritningarorð í sjálfu sér enga
aðra merkingu en þá sem hver
maður kýs að leggja í þau. Sjálfur
hefði ég valið Lúkas 6:37, sérstak-
lega því ég hef sjálfur oft á tíðum
þurft að minna mig á að þetta
eru grundvallaratriði kristinnar
trúar: „Dæmið ekki og þér munið
eigi verða dæmd.“ Þetta mættu
margir hafa hugfast.“ -kóp
Merking ritningarorða
er undir þér komin
„Fyrst og fremst mæli ég með því að stelpur sem eru að fermast
fari í æfingahárgreiðslu fyrir fermingu. Ég klikkaði á því og það
liggur við að ég sjái enn þá eftir því,“ segir Anna Svava Knúts-
dóttir leikkona, sem fermdist í Bústaðakirkju vorið 1991.
Anna Svava fór í fermingarhárgreiðslu nokkrum klukkustund-
um áður en stóra stundin rann upp. „Hárgreiðslukonan setti
lítil og hvít plastblóm í hárið á mér og krullaði það upp, allt eftir
tísku þess tíma. Þetta varð vægast sagt herfilega væmið og kerl-
ingarlegt og alls ekki í mínum stíl, enda var ég mikill töffari.
Þó ekki meiri töffari en svo að ég fór að háskæla og var enn að
þurrka tárin úr augunum þegar í kirkjuna var komið,“ segir hún
og skellihlær. „Svo bendi ég fermingarbörnum líka vinsamlega
á að minna er meira í þessum efnum. Hið sígilda slagorð „less is
more“ á mjög vel við á þessum viðkvæma aldri.“
Leikkonan lumar á öðru heilræði handa væntanlegum ferm-
ingarbörnum. „Það er alveg óhæft að halda tvær fermingar-
veislur, jafnvel þótt um skilnaðarbörn sé að ræða. Ég var í
þeirri stöðu á sínum tíma og var orðin verulega þreytt í seinni
veislunni. Það tekur nefnilega á að standa og brosa og segja
takk,“ segir hún. „Svo er maður auðvitað líka æstur í að komast
til að telja peningana og skoða gjafirnar.“
Þriðja fermingarheilræði Önnu Svövu er að
hugsa sig vel og vandlega um hvort
maður vilji yfir höfuð láta ferma sig.
„Í rauninni finnst mér að skynsam-
legt væri að hækka fermingaraldur-
inn upp í átján ár. Þrettán og fjór-
tán ára krakkar vita ekki endi-
lega hvað þeir vilja og trúa á.
Ég er ekki viss um að ég hefði
látið ferma mig átján ára gömul.
Finnst það eiginlega heldur ólík-
legt,“ segir hún. -kg
Skælandi töffari með
plastblóm í hárinu
Anna Svava Knútsdóttir klikkaði á
æfingagreiðslu fyrir fermingu og sér
eftir því. FRÉTTABLAÐIÐ/VILHELM
„Ég fermdist í Ytri – Njarðvíkur-
kirkju 30. Mars 1980. Presturinn
sem fermdi mig var séra Þorvald-
ur Karl Helgason, núverandi bisk-
upsritari, en við spjöllum enn í dag
þegar við hittumst. Segir mikið
um þennan sómamann og hvaða
áhrif hann hafði á okkur ferming-
arsystkinin,“ segir útvarpsmaður-
inn Rúnar Róbertsson um ferming-
una sína.
„Fermingarveislan var haldin
heima og ættingjum og vinafólki
boðið, eins og venja er. Ég man nú
eftir nokkrum þeirra gjafa sem ég
fékk þá, til að mynda stereó-græj-
ur frá foreldrum og líka Íslenska
Orðabók sem ég fékk frá vinafólki,
þeim Kristínu Kjartansdóttur og
Sigurði Þór Sigurðssyni. Þau höfðu
fengið nunnurnar í Hafnarfirði til
að skrautskrifa nafn mitt í bókina
ásamt fallegum texta. Ég man að
á þeim tíma var þetta bara ein af
gjöfunum, en hún hefur fylgt mér
síðan og maður kann betur að meta
svona gjafir í dag. Ég tímdi til að
mynda aldrei að nota hana í námi
og það er gaman að eiga eitthvað
svona sem fylgir manni í gegnum
lífið,“ útskýrir Rúnar.
„Ég notaði peningana sem ég
fékk í fermingargjöf í ferð til
Bandaríkjanna en þar bjó föður-
systir mín og maðurinn hennar
sem var við nám. Sú ferð gleymist
seint og sérstaklega það sem ekki
var gert eins og til að mynda að
fara á tónleika með Queen í New
York, en ég var og er mikill Queen
aðdáandi. Ég frétti af þeim dag-
inn eftir að þeim lauk enda ekkert
internet til að fá fréttir þá,“ segir
Rúnar og brosir. -ag
Heldur upp á áritaða
íslenska orðabók
Rúnar á enn íslenska orðabók sem
nunnurnar í Karmel klaustrinu í Hafna-
firði árituðu fyrir hann. FRÉTTABLAÐIÐ/ANTON
Davíð Þór segist mundi
leita í Lúkasarguðspjall eftir
ritningarorðunum: Dæmið
ekki og þér munið eigi verða
dæmd.
TIL FERMINGAGJAFA

FERÐATÖSKUR - ÍÞRÓTTATÖSKUR
BEAUTYBOX - BAKPOKAR
SEÐLAVESKI - TÖLVUTÖSKUR
TÖLVUBAKPOKAR
Ferðataska 7.800.- kr
Beautybox 4.600.-kr
Ferðataska 7.200.- kr
Handtaska 2.600.-kr
Tölvubakpoki 4.800.- kr
● STAÐFESTING Á SKÍRNINNI Ferming
þýðir staðfesting. Þá staðfestir barnið skuldbindingu
foreldra og guðfeðgina í skírnarathöfninni; fer með
trúarjátningu, vinnur fermingarheit og þiggur fyrir-
bæn og blessun. Fermt er við messu. Til þess að öðl-
ast rétt til að mega fermast stundar fermingarbarn-
ið fermingarfræðslu. Barn má vera til altaris með for-
eldrum sínum frá unga aldri, en reglan er sú að við
fermingu eða -fræðslu neyti barn fyrst kvöldmáltíðar-
sakramentisins.
FRÉTTA
BLA
Ð
IÐ
/A
N
TO
N