Tíminn - 03.01.1990, Blaðsíða 4

4 Tíminn
Miðvikudagur 3. janúar 1990
FRÉTTAYFIRLIT
MOSKVA - Einn maöur var
drepinn og þrír særðir þegar
Armenar réöust á Azera á
langferðabfl í Nagorno-Kar-
abakh. Lögreglumenn fylgdu
langferöabílnum sem var á
leið frá bænm Agdam til
Susha, þar sem Azerar eru í
miklum meirihluta. Bílinn þurfti
að aka gegnum landssvæði
byggt Armenum og gerðu her-
skair Armenar Azerunum fyrir-
sát. Hatur ríkir milli þessara
kynþátta. Armenar vilja að
Nagorno-Karabakh verði sam-
einað Armeníu að nýju, en
héraðið sem aðallega er byggt
Armenum var sett undir stjorn
Azerbaijan fyrir tæpum sjötíu
árum.
JERÚSALEM - Komið var
í veg fyrir alvarlega stjórnar-
kreppu í ísrael þegar Yitzhak
Shamír forsætisráðherra sætt-
ist á að reka ekki Ezer Weiz-
mann vísindamálaráðherra
landsins úr embætti vegna
samkipta hans við leiðtoga
PLO, gegn því að völd Weiz-
manns yrðu takmörkuð.
Weizmann hefur, með vitund
flestra ráðherra ríkisstjórnar-
innar, rætt við leiðtoga PLO,
en slíkt er bannað með ísra-
elskum lögum. Shamír rak
hann úr rfkisstjórn hins hægri
sinnaða Likudbandalags og
Verkamannaflokksins á
sunnudaginn vegna þessa.
Weizmann er úr Verkamanna-
flokknum en Shamír er leiðtogi
Likudbandalagsins.
VATÍKANIÐ - Vatíkanið
hefur sent sérfræðing sinn í
málefnum Rómönsku Ameríku
til Panama til að reyna að finna
lausn á þeirri stjórnmálakreppu
sem dvöl Antonios Noriegas,
fyrrum leiðtoga Panama, í
sendiráði Vatikansins veldur.
Endara forseti hefur farið fram
á að Noriega verði framseldur.
Vatíkanið hefur neitað að fram-
selja Noriega til Bandaríkja-
manna, en þeir hafa kallað
hluta innrásarliðs síns heim.
RABAT - Mengunarsér-
fræðingar berjast nu af alefli
gegn olíubrákinni úr íranska
olísskipinu Khara 5, en
olíubrákin stefnir að ströndum
Marokkó og stefnir öllu lífríki
þar í voða. Iranar segja að
komið hafi verið í veg fyrir
olíulekann.
AUSTUR-BERLÍN
Vaclav Havel hinn nýi forseti
Tékkóslóvakíu sem er í heim-
sókn í Austur-Þýskalandi sagði
að nágrannaríkin þyrftu ekki
að óttast sameinað Þýskaland,
ef tryggt væri að lýðræði ríkti
þar. Hann bauð aðstoð Tékka
við að rífa niður Berlínarmúr-
inn.
lllillllllli ÚTLÖND IllllllllllllllllllllJllflllllll
BLÓÐUGIR BARDAGAR
SHÍTA í S-LÍBANON
Blódþorsti Shíta múslíma í Líbanon rénar lítt. Að minnsta
kosti tíu manns féllu í átökum Hizbollahsamtakanna og
Amalliða í harðvítugum bardögum þessa tveggja andstæðu
fylkinga Shíta í gær og í fyrrinótt. Rúmlega þrjátíu manns
lágu særðir eftir átökin sem urðu kringum bæina Iqlim
al-Tufah og Kfar Hata í suður Líbanon. Ekkert benti til að
lát yrði á bardögunum.
Á meðal hinna föllnu eru að
minnsta kosti fjórir Hizbollahmenn,
einn klerkur og þrít stríðsmenn. Þrír
Amalliðar voru fallnir.
Hizbollahsamtökin eru öfgasam-
tök Shíta og njóta stuðnings frana.
Hins vegar eru Amalliðar taldir
eitthvað hófsamari, en þeir njóta
stuðnings Sýrlendinga.
í Beirút skiptust kristnir hermenn
undir stjórn Michel Aoun hershöfð-
ingja og hersveitir múslíma sem
njóta stuðnings Sýrlendinga á skot-
um yfir Grænu lfnuna svokölluðu
sem skilja að hverfi kristinna manna
og múslíma. Eitt barn lést.
- Hinir særðu liggja á götunum og
það er enginn til að bjarga þeim,
sagði Ali Ahjj fimmtugur íbúi Kfar
Hata sem flúði bæinn sem lá undir
eldflaugaskothríð hinna stríðandi
fylkinga.
-Við grátbáðum þá að hætt þess-
um geðveiku bardögum í fáeinar
klukkustundir svo að fjölskyldur
okkar sem eru innlyksa í þorpunum
gætu flúið bardagana, sagði Áli.
Amalliðar segja að Hizboll-
ahsamtökin hafa gert harða árás á
Kfar Hata en að vopnaðar sveitir
Amalliða hafa hrakið þá til baka
eftir harða bardaga.
Nýársgleðin í Narsaq á Grænlandi
breyttist í martröð:
Ungur maður
myrti fimm
félaga sína
Átján ára Grænlendingur skaut
fimm manns til bana og særði þrjá
eftir að hafa lent í rifrildi við fólkið
í ölteiti í bænum Narsaq á nýársnótt.
Maðurinn rauk heim eftir að hafa
lent í hastarlegu rifrildi við átt-
menningana, sótti sér hálfsjálfvirkan
riffil til að skjóta félaga sína.
Einn þeirra er komst lífs af gat
tjáð lögreglunni hver morðinginn
var. Eftir nokkra leit fannst hann
sofandi á heimili móður sinnar.
Hann játaði verknaðinn er lögreglan
handtók hann og er nú í varðhaldi.
Það voru þrír karlmenn og tvær
konur sem féllu fyrir kúlum hins
byssuglaða Grænlendings, en einn
maður og tvær konur særðust. Önn-
ur konan liggur þungt haldin á
sjúkrahúsi og er enn í lífshættu.
Mannfall í Rúmeníu
minna en talið var
Mannfallið í Rúmeníu þegar
stjórn Ceausescus var steypt í síð-
asta mánuði var mun minna en
talið var. Þegar átök hersins og
öryggissveita Ceausescus stóðu
sem hæst var talið að allt að
sextíuþúsund manns hefðu fallið,
en rétt tala mun vera nærri tíu
þúsundum.
Það var Finninn Par Stenback
yfirmaður alþjóðadeilda Rauða
krossins sem starfað hafa að hjálp-
arstarfi í Rúmeníu undanfarnar
vikur sem skýrði frá þessu er hann
kom í heimsókn til heimalands síns
um helgina.
-Milli fimm og tíu þúsund manns
fallnir er nærri lagi. Þá niðurstöðu
dreg ég af þeim heimildum sem
starfsfólk Rauða krossins hefur
safnað vítt og breytt um Rúmeníu,
sagði Par Stenback.
Stenback sagði að um það bil
sautjánhundruð manns lægju særð-
ir á sjúkrahúsum í Búkarest og um
það bil þrjúþúsund í landinu öllu.
Vigreifir Shíta múslimar berjast nú af mikilli hörku í S-Líbanon.
Amnesty International:
Israelar hvetja
her til drápa á
Palestínumönnum
ísraelar hvetja hermenn sína til að
drepa Palestínumenn. Þetta er
niðurstaða hinna alþjóðlegu mann-
réttindasamtaka Amnesty Internat-
ional og kemur hún fram í sérstakri
skýrslu samtakanna um ástandið á
hernumdu svæðunum sem birt var í
morgun.
f skýrslunni segir hermenn og
öryggislögreglumenn séu hvattir til
að beita skotvopn gegn uppreisn-
armönnum Palestínumanna og það
leiði óhjákvæmilega til fleiri órétt-
lætanlegra dauðsfalla en ella.
Samtökin lýsa verulegum áhyggj-
um sínum yfir því að sífellt fleiri
óvopnaðir Palestínumenn falli fyrir
kúlum ísraela. Benda samtökin á að
undanfarið hafi fjöldi Palestínu-
manna sem ekki hafi tekið þátt í
mótmælaaðgerðum hafi verið
felldir.
Argentínskir lögreglumenn uppteknir við að skála fyrir nýju ári:
Bæjarbúar réðust á lögreglustöðina
Tuttugu og fimm manns siösuðust
í átökum lögreglu og bæjarbúa í
bænum Tres Arroyos í Argentínu á
nýársdag. Múgur og margmenni
réðst að lögreglustöðinni í bænum
eftir að lögreglan, sem var að fagna
nýju ári, neitaði að hefja leit að
stúlku sem hafði týnst. Stúlkan
fannst látin og hafði henni verið
nauðgað. Það vakti ómælda reiði
bæjarbúa sem réðust á lögregluna.
Lögreglumennirnir svöruðu með
skothríð á mannfjöldann, sem greip
þá til þess ráðs að rústa sautján
bílum.
Lögreglan kallaði eftir liðsauka
og voru herlögreglumenn sendir á
staðinn til að kæfa mótmælin, sem
stóðu í tvo daga.
Stúlkan, Nair mustafa að nafni
var aðeins níu ára gömul og fundu
bæjarbúar hana á nýársdagsmorgun.
hafði henni verið nauðgað og hún
kyrkt. Foreldrar stúlkunnar sögðu
að lögreglan hafi neitað að hefja leit
að henni að kvöldi gamlársdags, þar
sem lögreglumennirnir voru upp-
teknir við að skála fyrir nýju ári.