Tíminn - 03.01.1990, Blaðsíða 5

Miðvikudagur 3. janúar 1990
Tíminn 5
Storbruni i Krossanesverksmiðjunni a Akureyri. Geir Zöega framkvæmdastjori segir:
Reykjavíkurborg hefurgert
tilboð í jörðina Vatnsenda:
Geir Zöega framkvæmda-
stjóri Krossanesverksmiðj-
unnar segir að bruninn sem
varð í verksmiðjunni aðfara-
nótt gamlársdags, sé ekki
dauðadómur yfir verksmiðj-
unni. Hann sagði að farið
yrði í gang aftur og ekki sé
búið að útiloka þann mögu-
leika að ná í skottið á þessari
vertíð með bráðabirgðarvið-
gerð. Geir sagði að nú væri
unnið að því að koma á
Ijósum í húsinu til að átta sig
betur á skemmdum og hita til
að varna frostskemmdum.
Þegar búið verður að meta
tjón og Ijúka rannsóknar-
störfum verður ráðist í bráða-
birgðarviðgerðir.
Tjónið á Krossanesverksmiðjunni
er mikið. Verksmiðjuhúsið er stór-
skemmt og öll klæðning ónýt. Mikið
af tækjum er ónýt m.a. eyðilagðist
tölvustýrikerfi verksmiðjunnar.
Eitthvað af tækjum mun þó hafa
sloppið, en mat á tjóninu liggur enn
ekki fyrir. Ljóst er að það nemur
tugum ef ekki hundruðum milljóna
króna. Eignir verksmiðjunnar voru
vel tryggðar og auk þess hafði verk-
smiðjan rekstrartryggingu og sagði
Geir Zöega að nú væri verið að
skoða að hve miklu leyti hún gæti
komið til hjálpar.
Að sögn Daníels Snorrasonar
rannsóknarlögreglumanns á Akur-
eyri var eldsins vart um hálf fimm
leytið aðfaranótt gamlársdags og var
slökkvistarf að mestu lokið um níu
um morguninn. Rannsókn á elds-
upptökum stendur enn yfir og ekkert
hægt að fullyrða, en athyglin beinist
öðru fremur að olíubrennara í miðju
verksmiðjuhúsinu. Olíubrennarinn
gekk allan sólarhringinn hvort sem
verið var að vinna í húsinu eða ekki.
Daníel sagði að áfram yrði unnið að
rannsókn málsins m.a. yrði olíu-
brennarinn sendur til framleiðanda
til frekari skoðunar.
Miklar endurbætur hafa verið
gerðar á verksmiðjunni á síðustu
þremur árum og var hún nánast
orðin eins og ný þegar þetta reiðar-
slag gekk yfir. Krossanesverksmiðj-
an átti formlega að verða að hlutafé-
lagi nú um áramótin. Hún átti að
stærstum hluta að vera áfram í eigu
Akureyrarbæjar en að auki ætluðu
fjórir einstaklingar að kaupa hlut í
verksmiðjunni. Hvort bruninn
breytir einhverju um hlutafélags-
stofnunina kemur í Ijós á stjórnar-
fundi næst komandi föstudag.
-HIÁ
Vatnsendi
góð viðbót
Jörðin Vatnsendi kom við sögu
þegar lífi Stöðvar 2 var bjargað á
gamlársdag, en hún var sett að veði
fyrir 150 milljón krónum sem fyrri
aðaleigendum stöðvarinnar, þeim
Jóni Óttari Ragnarssyni, HansKrist-
jáni Ámasyni og Ólafi H. Jónssyni
ber samkvæmt samkomulagi þeirra
og Verslunarbankans að útvega sem
hlutafé í Stöð 2.
Það er mágur Ólafs H. Jónssonar,
Magnús Hjaltested sem er eigandi
og ábúandi Vatnsenda.
Reykjavíkurborg hefur gert form-
legt tilboð í jörðina að Vatnsenda að
upphæð 150-200 milljónir króna.
Reykjavíkurborg hefur um all-
langt skeið haft augastað á Vatns-
endalandi bæði með tilliti til hugsan-
legrar byggðar þar en einnig í tengsl-
um við fyrirhugaðan ofanbyggðar-
veg og hafa farið fram viðræður milli
borgaryfirvalda og Magnúsar
Hjaltested um þessi mál um árabil.
Hjörleifur Kvaran forstöðumaður
laga- og stjórnsýlsudeildar borgar-
innar hefur einkum annast viðræður
við ábúanda Vatnsenda. Hann sagði
í gær í viðtali við Rás 2 að Vatnsendi
væri mjög heppilegt byggingarland
og gæti orðið góð viðbót við Fella-
og Seljahverfi og hluti væntanlegrar
byggðar þar gæti tengst því ræsakerfi
sem þegar er fyrir hendi.
Gallinn er bara sá að Vatnsendi er
í lögsagnarumdæmi Kópavogs og
því hefur Kópavogur forkaupsrétt
að jörðinni og getur gengið inn í
tilboð Reykjavíkurborgar. Tilboð
borgarinnar stendur til 5. þ.m. og í
því er gert ráð fyrir lágri útborgun
og að landið greiðist upp á löngum
tíma. -sá
Krossanesverksmiðjan er mikið skemmd eftir eldinn.
Tímamynd: HIÁ
Hjörtur verðlaunaður
Hirti Pálssyni rithöfundi var á
gamlaársdag veitt verðlaun úr Rit-
höfundasjóði ríkisútvarpsins.
Verðlaunaupphæðin nam 350 þús-
undum króna. Þetta er í 35. skiptið
sem fé var veitt úr sjóðnum og
fyrsta skipti um nokkurra ára skeið
sem ljóðskáld fékk þessi verðlaun.
Hjörtur Pálsson er fæddur 1941.
Foreldrar hans voru Páll Ólafsson
og Hulda Guðnadóttir frá Akur-
eyri. Hjörtur lauk kandídatsprófi í
íslenskum fræðum frá Háskóla Is-
lands árið 1972. Hann var blaða-
maður um nokkurra ára skeið, en
1964 hóf hann störf hjá ríkisútvarp-
inu og gegndi þar ýmsum störfum,
var m.a. dagskrárstjóri um tíma.
Síðustu ár hefur Hjörtur einkum
fengist við ritstörf og þá einkum
ljóðagerð. Eftir Hjört liggja ljóð,
smásögur og þýðingar.
Það var Jónas Kristjánsson for-
maður Rithöfundasjóðs útvarpsins
sem afhenti Hirti verðlaunaféð.
-EÓ/Tímamynd: Pjetur
Tilboö Landsbanka í hlutabréf Sambandsins í Samvinnubanka:
Stjórnarfundur á föstudag
Stjórn Sambands íslenskra sam-
vinnufélaga mun koma saman næst-
komandi föstudag. Á fundinum
verður væntanlega tekin afstaða til
tilboðs sem bankaráð Landsbankans
gerði í 52% af hlutafé Samvinnu-
bankans 29. desember síðast liðinn.
Ekkert hefur verið látið opinbert um
innihald kauptilboðsins en heyrst
hefur að í því felist að Landsbankinn
kaupi Samvinnubankann fyrir
eitthvað lægra upphæð en áður var
talað um. -EÓ
40% hækkun á
laxi á árinu?
Nú er gert ráð fyrir að á þessu ári
hækki verð á laxi um 30-40%, en það
þýðir um hundrað krónum hærra
skilaverð á hvert kíló af útfluttum
laxi héðan. Skýringar á þessari verð-
hækkun er minni framleiðsla en gert
hafði verið ráð fyrir, auk samræmdra
aðgerða framleiðenda til að draga úr
framboði á ferskum laxi.
Laust fyrir jól var haldinn síma-
fundur helstu framleiðenda á Atl-
antshafslaxi, þ.e. Norðmanna,
Skota, Hjaltlandseyinga, íra og ís-
lendinga. Þar kynntu Norðmenn að-
gerðir sínar til þess að koma á
jafnvægi milli framboðs og eftir-
spurnar á laxi. Þeir munu á næsta ári
framleiða 120 þúsund tonn, í stað
160 þúsund tonna, eins og áætlað
var, og munu norsku sölusamtökin
FOS kaupa 40 tonn af framleiðend-
um á lágmarksverði. Gert er ráð
fyrir að þessi aðgerð kosti 1-1,5
milljarða norskra króna. Þá verða
norskir útfytjendur að greiða sölu-
samtökunum verð sem er fimm
krónum hærra en gildandi lágmarks-
verð, fyrir þann lax sem þeir óska
eftir að flytja út. Þetta þýðir að verð
á laxi hækkar strax um fimm krónur
norskar, eða 15%.
Um mitt síðasta ár gerðu Norð-
menn ráð fyrir að framleiða um 150
þúsund tonn af laxi, en reyndin varð
önnur og var framleiðsla síðasta árs
einungis um 110 þúsund tonn.
Skýringar þessa eru minni meðal-
þyngd, meiri afföll og lélegri seiði.
Sömu sögu er að segja af laxeldi í
Kanada, vegna mikilla rekstrarerfið-
leika í greininni þar mun áætlun
þeirra um framleiðslu á 25-30 þús-
und tonnum af laxi vera fallin niður
í fimm til sex þúsund tonn árið 1990.
Verð á ferskum laxi hefur farið
stígandi að undanförnu. Á markaði
í New York fengust í byrjun desem-
ber 5,5 dollarar fyrir hvert kíló, en í
lok mánaðarins hafði það stigið upp
í 7,1 dollar á kílóið og er spáð að það
fari enn hækkandi. -ÁG
Arnarflug:
Breytingar á
yfirstjórn
Skipulagsbreytingar hafa verið
gerðar á yfirstjórn Arnarflugs.
Kristinn Sigtryggsson, sem hing-
að til hefur verið framkvæmda-
stjóri Arnarflugs, mun á næstu
þremur mánuðum sinna sérstök-
um verkefnum í tengslum við
fjárhagsvanda félagsins, endur-
fjármögnun þess og framtíðar-
skipulag. Á meðan verður fram-
kvæmdastjórn í höndum þriggja
manna, Gunnars Þorvaldssonar
flugstjóra og fyrrum fram-
kvæmdastjóra Arnarflugs, Magn-
úsar Bjamasonar aðstoðarfram-
kvæmdastjóra og Magnúsar
Oddssonar svæðisstjóra. Gunnar
er formaður stjómarinnar og dag-
legur rekstur verður í höndum
hans. -EÓ