Tíminn - 09.02.1990, Blaðsíða 16

AUGLÝSINGASÍMAR: 680001 — 686300

QAMX/IMMIIRAMKIMN 1
RÍKISSKIP
HIÍTÍMA FLUTNINGAR
Hafnarhúsinu v/Trvggvagötu,
_______V..m22_________
BYGGÐUM LANDSINS
PÓSTFAX
TÍMANS
687691
MúlakafTi
ALLTAF í LEIÐINNI
37737 38737
Tíminn
FÖSTUDAGUR 9. FEBRÚAR 1990

Danskir meðferðarfulltrúar hafa trú á að íslandsferðir hjálpi geðveilum og glæpahneigðum unglingum:
FERDALAG TIL ÍSLANDS
Undanfarna daga hafa birst í dönskum blöð-
um ævintýralegar fréttir af áætlunum meðferð-
arfulltrúa í Kaupmannahöfn vegna geðveilla og
glæpahneigðra unglinga. Meðferð eins drengs í
sex mánuði kostaði tæplega eina milljón danskra
króna, eða tíu milljónir íslenskra króna. Einn
stærsti kostnaðarliðurinn var ævintýraferð til
íslands sem danskir meðferðarfulltrúar virðast
hafa tröllatrú á því fleiri hafa verið sendir hingað
til lands í „meðferð“.
Rúm milljón
I íslandsferð
í fyrra tilfellinu, sem getið er
um í fréttum danskra blaða, var
ákveðið að fara í mánaðarferðalag
með geðveilan 15 ára dreng til
íslands og kostaði ferðin 120 þús-
und danskar krónur, eða um 1,2
milljónir íslenskra króna. íslands-
ferðin var þó bara einn liður í sex
mánaða meðferð sem kostaði tæp-
ar tíu milljónir íslenskra króna.
Tveir umsjónarmenn fylgdu
drengnum til íslands og voru laun
þeirra stærsti hluti kostnaðarins
eða um 7,5 milljónir tslenskra
króna. Að auki fóru um 900
þúsund íslenskar krónur í að leigja
bíla, tjaldvagn og sumarhús þegar
farið var með drenginn í ferðalog
um Danmörku og Þýskaland.
Laun umsjónarmannanna voru
þetta há vegna þess að þeir voru á
launum 21 tíma á sólarhring. Yfir-
maður þeirra skýrði launakostn-
aðinn þannig að starfsmenn sem
önnuðust slíkt fólk væru líka á
launum þegar þeir svæfu, þeir
væru í rauninni allan sólarhringinn
í starfi.
Stálu og skemmdu
bíl á íslandi
Annað mál, svipaðs eðlis, hefur
ekki síður vakið athygli. Meðferð-
arfulltrúar ákváðu að fara til ís-
lands með tvo glæpahneigða bræð-
ur og átti það að stuðla að því að
þeir bættu ráð sitt. Þessi ferð
kostaði 300 þúsund danskar
krónur, eða um 3 milijónir ís-
lenskra króna.
í þessu tilfelli vildu yfirmenn
senda bræðurna til Færeyja með
umsjónarmönnum og hefði kostað
um 1 milljón íslenskra króna. Það
varð þó ekki úr því umsjónar-
mönnunum fannst nauðsynlegt að
láta bræðurna upplifa ævintýra-
ferð til íslands. Það kostaði auka-
lega 120 þúsund danskar krónur,
eða 1,2 milljónir íslenskra.
Þegar bræðurnir og fylgdar-
menn þeirra áttu að halda frá
íslandi til Færeyja komu upp
vandamál með að fá leyfi til ferð-
arinnar. Ástæðan var sú að á
íslandi höfðu drengirnir stolið bíl
og eyðilagt. Dvölin á íslandi varð
þess vegna lengri en ella og kost-
aði um 700 þúsund íslenskra króna
til viðbótar við það sem menn
bjuggust við í upphafi vegna upp-
átækis drengjanna.
í fréttunum kemur ekkert fram
um bata ferðalanganna vegna
ferðanna til íslands. Yfirmaður
stofnunarinnar sem stóð fyrir ferð-
unum lét hafa eftir sér í viðtali að
margir hefðu fengið mikinn og
góðan bata en auðvitað væri ekki
við því að búast að menn læknuð-
ust algerlega við það að fara til
íslands. f fréttunum kemur ekki
fram hvort ferðir áf þessu tagi til
íslands verða bannaðar en þó
segir að eftirlitið verði a.m.k.
meira.
í viðtali segir yfirmaður félags-
þjónustunnar í Kaupmannahöfn
að hann telji þessi mál algerlega
óviðunandi, bæði hvað varðar að-
ferðirnar og kostnaðinn. Segist
hann munu láta rannsaka þessi
mál nánar og koma í veg fyrir að
sagan endurtaki sig.
Tvær trillur í erfiðleikum á sömu slóðum og Doddi SH 222 sökk:
Hættkomnirviðtil-
raun til björgunar
Frá Ægi Þórðarsyni, fréttaritara Tíman.s á Hellissandi:
Um það leyti er Doddi SH sökk á miðvikudagskvöld
voru tveir aðrir bátar hætt komnir á svipuðum slóðum.
Voru það trillurnar Kalli á Litlalandi sem Tindfell
aðstoðaði til hafnar í Ólafsvík og Svala BA 87 sem Bára
SH 27 aðstoðaði til hafnar á Rifi.
Fréttaritari hitti annan skipverja
á Svölu að máli, þar sem hann var
við beitningu á Rifi í gærdag, en
skipstjórinn var farinn í róður.
„Þegar við vorum á landstíminu
heyrðum við í talstöðinni að Doddi
væri kominn á hliðina og vissum
við að hann væri rétt norðan við
okkur. Keyrðum við þá strax í þá
átt sem við héldum að hann væri.
Sáum við þá rautt neyðarblys,
beint fyrir framan, í eins til tveggja
mílna fjarlægð frá okkur,“ sagði
Jón Snæland skipverji á Svölu BA
87, en báturinn sem er tæp fimm
tonn að stærð fékk tvívegis á sig
brotsjó og lagðist í bæði skiptin á
hliðina, þegar þeir ætluðu að koma
skipverjum á Dodda til hjálpar.
Eigandi bátsins, Þórir Þorsteins-
son reyndi að keyra hann upp, en
þegar það tókst ekki fór Jón út á
dekk og kastaði bölum, fiski og
öðrum tilfallandi hlutum yfir á
bakborðssíðuna og tókst þá að
rétta hann við. „Skömmu seinna
fékk báturinn á sig annað brot og
var hann þá enn lengur á hliðinni,
en sem betur fcr tókst okkur að
rétta hann við aftur. Varð það
okkur til happs að vélin drap aldrei
á sér meðan hann lá á hliðinni.
Eftir þetta ákváðum við að halda
af stað heim, enda þá þegar komnir
bátar á staðinn til aðstoðar áhöfn-
inni á Dodda. Þórir ákvað síðan að
keyra bátinn uppí, þangað til hann
fengi aðstoð og kom Bára SH 27
okkur til hjálpar og lagðist nánast
upp að okkur og tók á sig brotin og
skýldi okkur á leið í land,“ sagði
Jón Snæland að lokum.
Það má teljast kraftaverk að öll
áhöfnin á Dodda SH 222, þeir
Þröstur Kristófersson, Ársæll
Kristófer Ársælsson og Magnús
Einarsson, komust lífs af er bátur-
inn fékk á sig brotsjó nokkrar
sjómílur fyrir utan Rif á Snæfells-
nesi á miðvikudagskvöld. Þeir
höfðu verið í talstoðvarsambandi
við Auðbjörgu frá Ólafsvík
skömmu áður en báturinn valt á
hliðina og náðu þeir að senda út
neyðarkall sem áhöfnin á Auð-
bjorgu heyrði og komu þeir áhöfn-
inni á Dodda til hjálpar.
Að sögn Þrastar Kristóferssonar
eiganda bátsins varð það þeim til
lífs hvað þeir héldu ró sinni og
brugðust rett við þeim mörgu áföll-
um er yfir þá gengu þennan stutta
tíma eftir að báturinn fékk á sig
brotin. Eftir að Doddi var kominn
á hliðina og útilokað var að rétta
hann af ræadu skipverjarnir saman
um það hvernig bregðast skyldi við
eftir að þeir yfirgæfu bátinn, en
þeir voru allir staddir í stýrishúsinu
begar brotin gengu yfir. Síðan
losaði Þröstur björgunarbátinn
innan úr stýrishúsinu og sagði hann
að það hefði orðið þeim til lífs að
björgunarbáturinn skyldi hafa
komið upp hlémegin við bátinn,
því annars hefðu þeir ekki náð til
hans. Rétt eftir að þeir yfirgáfu
Dodda hvolfdi honum og mátti
ekki tæpara standa að þeir kæmust
út. Skipverjarnir voru dágóða
stund í sjónum og tókst þeim að
blása björgunarbátinn upp á með-
an þeir héngu í lensportunum.
Þeim gekk vel að komast um borð
í björgunarbátinn, en þeir voru
orðnir nokkuð kaldir og hraktir
þegar þeim var bjargað.
Ahöfnin á Dodda, þeir Magnús Einarsson, Þröstur Kristófersson eigandi
bátsins og skipstjóri, og Arsæll Kr. Ársælsson, slapp naumlega þegar
báturinn fékk á sig brotsjó á miövikudagskvöld. Tímamynd Ægir
Jón Snæland sá neyðarblys frá Dodda SH, en báturinn sem hann var á,
Svala BA fékk tvisvar á sig brotsjó þegar þeir reyndu að koma skipverjum
á Dodda til hjálpar. Tímamynd Ægir