Tíminn - 06.03.1990, Blaðsíða 3

Þriðjudagur 6. mars 1990
Framkvæmdir hefjast við Þjóðleikhúsið í þessari viku:
Leikararnir út,
iðnaðarmenn inn
Leiksýningum hefur verið hætt í
Þjóðleikhúsinu að sinni, en endur-
bætur á því hefjast í þessari viku.
Síðastliðið laugardagskvöld var
Endurbyggingin eftir Havel sýnd
þar í síðasta sinn og kvöldið eftir var
önnur sýning á Stefnumóti, en það
var jafnframt síðasta sýning í
leikhúsinu fyrir væntanlegar fram-
kvæmdir.
Sýningar á Endurbyggingunni
munu hefjast aftur í nýjum sal í
Háskólabíói eftir nokkrar vikur.
Ekki er enn búið að ákveða hvaða
dag það verður því ekki hefur enn
tekist að ljúka við salinn. Vonast er
til að framkvæmdum við hann ljúki
fljótlega eftir miðjan mánuðinn.
Þegar sýningum á Endurbygging-
unni lýkur verður tekið til við sýning-
ar á nýju leikriti sem Spaugstofu-
menn hafa samið.
Leikverkin sem sameiginlega
nefnast Stefnumót verða sýnd í
Iðnó. Ekki er ljóst hvenær sýningar
hefjast en vonir standa til að þær geti
hafist í lok mánaðarins. Það verða
því engar leiksýningar á vegum
Þjóðleikhússins í a.m.k. tvær vikur.
Þessa dagana er unnið að því að
flytja leikmuni, búninga, listaverk
og fleira úr leikhúsinu og í skemmu
í Sundagörðum. Búist er við að
iðnaðarmenn getið hafið störf í hús-
inu í þessari viku. Byrjað verður að
rífa sæti og gólf úr salnum og
samhliða verður ráðist í að endur-
nýja lagnir, en þær eru allar meira
og minna ónýtar.
Óvíst er hvenær framkvæmdum
lýkur en stefnt er að því að frumsýna
jólaleikritið í Þjóðleikhúsinu. Áætl-
að er að hefja æfingar á þremur
verkum í haust en þau eru, leikrit
sem verður frumsýnt á jólum, barna-
leikrit sem verður frumsýnt milli
jóla og nýárs og síðan verk sem
verður frumsýnt í janúar. Margt
getur þó orðið til að raska þessum
áætlunum. - EÓ
SendibOarnir mættir við SendibQastöoina um miðnætti á laugardag, en þá um nóttina voru a bilinu 340 til 360
sendibflstjórar við akstur á fólki heim af skemmtistöðum. Tímamynd Pjetur.
Mótmælaaðgerðir sendibílstjóra:
Fjölmenna við
Alþingishúsið
Sendiferðabflstjórar ætla að
fjölmenna fyrir framan Alþing-
ishúsið klukkan 13.45 í dag, til
að afhenda fjármálaráðherra,
samgönguráðherra og forseta
sameinaðs þings bréf þar sem
farið er fram á að leiðréttingu
mála sendibflstjóra.
„Aðgerðimar á aðfaranótt laugar-
dags heppnuðust ljómandi vel,“
sagði Albert Ómar Guðbrandsson
sem sæti á í samstarfsnefnd sendibíl-
stjóra í samtali við Tímann. Hann
sagði að tilætlaður árangur hafi þeg-
ar náðst áður en þeir hófu aksturinn,
þar sem þeir voru fyrst og fremst að
vekja athygli á sínum málum. „Okk-
ur reiknast til að 340 til 360 bílstjórar
hafi tekið þátt í þessum aðgerðum,"
sagði Albert Ómar.
Eins og Tíminn greindi frá á
laugardag efndu sendibílstjórar til
mótmælaaðgerða vegna reglna um
virðisaukaskatt og reglna um leigu-
akstur með fólks-, sendi- og vöru-
bifreiðum.
Aðgerðimar hófust um miðnætti
á laugardagskvöld, en þá söfnuðust
bílstjóramir saman á bílum sínum
við Sendibílastöðina. Aksturinn var
síðan viðstöðulaus alla nóttina og
voru síðustu menn að tínast til sín
heima um klukkan átta um morgun-
Þröngt á þingi í húsakynnum Sendibflastöðvarínnar áður en haldið var af
stað út í nóttina. Tímamynd PJetur.
inn.
Aðspurður sagði Albert að leigu-
bílstjórar hafi tekið þessum aðgerð-
um nokkuð vel. „Það urðu engir
árekstrar okkar í milli. Þeim finnst
við vera að beina spjótunum að
röngum aðila, sem við emm ekki
sammála, því á meðan þeir em í
pakkaflutningum þá finnst okkur
þeir vera að stela af okkur vinnu,“
sagði Albert og bætti því við að
sendibílstjórar vildu alfarið vera
lausir við farþegaflutninga og þá að
leigubílstjórar láti af öllum pakka-
flutningum. Hann sagði að fólkið
sem þeir óku hafi tekið þessu mjög
vel og skilið þeirra málsstað.
„Ef ekkert kemur út úr viðtölum
við ráðamenn, þá munum við skipu-
leggja frekari aðgerðir, sem fara
munu harðnandi eftir því sem á
líður,“ sagði Albert. - ABÓ
Tíminn 3
Silfurblesa frá Svaðastöðum sigraði í Vetrarmóti Geysis. Knapi er Leifur
Helgason, en eigendur eru Anders og Lars Hansen á Árbakka.
Silfurblesa vann
Hryssan Silfurblesa frá Svaða-
stöðum sigraði í tölti á öðru Vetrar-
móti hestamannafélagsins Geysis,
sem haldið var á Hellu fyrir
skömmu. Knapi á Silfurblesu var
Leifur Helgason, en eigandi hryss-
unnar eru Anders og Lars Hansen
á Árbakka.
í öðru sæti varð Gustur frá
Vindási, knapi Jón Jónsson, eig-
andi Jón Þorvarðarson, Vindási.
Nasi frá Hala varð þriðji, knapi
Kristinn Guðnason, eigandi Mark-
ús Ársælsson, Hákoti. í fjórða sæti
varð Sverta frá Stokkhólma. Knapi
í forkeppni var Leifur Helgason,
en Þórður Stefánsson í úrslita-
keppninni. Eigendur eru Lars og
Anders Hansen á Árbakka. Galsi
frá Skarði varð fimmti, knapi Borg-
hildur Kristinsdóttir, eigandi
Guðni Kristinsson.
Töltikeppnin á vetrarmótum
Geysis er stigakeppni, og eru Silf-
urblesa frá Svaðastöðum og Gustur
frá Vindási jöfn og efst eftir tvö
mót, bæði hrossin með 18 stig, en
eigendur stigahæsta hrossins á öll-
um fimm vetrarmótum Geysis fá
folald af Svaðastaðastofni frá Ár-
bakka á Landi í verðlaun.
Á Geysismótinu var einnig
keppt í tölti barna. Þar sigraði
Sigríður Theódóra Kristinsdóttir á
Syrpu, Erlendur Ingvarsson varð
annar á Stjarna og Helgi og Hauk-
ur Guðmundssynir urðu í 3. og 4.
sæti á Berki og Hraunari.
f 150 m. skeiði sigraði Fáni á
15,8 sek., Blakkur varð annar á
16,2 sek. og á sama tíma varð
Þjótandi frá Ármóti.
Næsta Vetrarmót Geysis verður
haldið laugardaginn 24. mars.
Jökulfirðir:
Mannbjörg er
bátur sökk
Mannbjörg varð þegar Guðmund-
ur B. Þorláksson ÍS 62, 22 tonna
stálbátur, sökk í Jökulfjörðum um
klukkan hálftíu á sunnudagsmorg-
un. Þriggja manna áhöfn Guðmund-
ar var bjargað um borð í Báru fS 66,
sem stödd var skammt undan. Gott
verður var er slysið varð og svo til
sléttur sjór.
Guðmundur B. Þorláksson var á
skelfiskveiðum og var verið að hífa
plóginn inn þegar slysið varð og
lagðist báturinn á hliðina og sökk á
skömmum tíma. Áhöfnin fór í sjóinn
og náðu þeir taki á bjarghring sem
skaut upp, en sjálfvirkur sleppibún-
aður sem var á öðrum björgunarbát-
anna virkaði ekki og kom báturinn
því ekki upp. Skipverjar á Báru ÍS
66 sem voru að veiðum skammt frá
sáu hvað gerðist og slepptu öllu
lausu og sigldu til þremenninganna
og bjargaði þeim um borð. Þeim
varð ekki meint af volkinu. - ABÓ
Steingrímur J.
í Ungverjalandi
Steingrímur J. Sigfússon, sam-
gönguráðherra er nú í opinberri
heimsókn í Ungverjalandi í boði
ungverska ferðamálaráðherrans,
Imre Gellai. Heimsókn Steingríms
stendur fram á fimmtudag en fyrir-
hugað er að undirritað verði sam-
komulag milli ríkjanna um samvinnu
á sviði ferðamála. Þá mun Stein-
grímur J. eiga viðræður við ung-
verska landbúnaðarráðherrann,
samgönguráðherrann og viðskipta-
ráðherrann auk þess sem hann ræðir
við Imre Gellai ferðamálaráðherra.
Með Steingrími í för eru kona hans
Bergný Marvinsdóttir, Ólafur Stein-
ar Valdimarsson, ráðuneytisstjóri og
Birgir Þorgilsson, ferðamálastjóri.