Tíminn - 11.10.1990, Blaðsíða 4
4 Tíminn
Fimmtudagur 11. október 1990
Sovétríkin:
KGB enn við sama
heygarðshomið
Fjórir hattsettir KCB-menn sögðu í gær að KGB neytti allra bragða til að
koma í veg fyrir breytingar og þjónaði enn hagsmunum leiðtoga kommún-
istaflokksins.
„Okkur er ljóst að í okkar fátæka landi er KGB hættulegt vopn í höndum
kommúnistaflokksins í baráttunni gegn sinni eigin þjóð. KGB hefur langa
og mikla reynslu af því að berjast gegn lýðræði,“ skrifuðu KGB- mennirnir
í bréfi sem birtist í dagblaðinu Komsomilskaya Pravda.
Meðal þeirra sem undirrituðu
bréfið er deildarstjóri stjórnarskrár-
deildar, en sú deild kom í stað ann-
arrar, sem nú hefur verið lögð niður,
en meginmarkmiö hennar var að of-
sækja andófsmenn.
Þeir segja að KGB sé eftir sem áður
vopnuð sérsveit flokksins, eða öllu
heldur flokksvélarinnar og kröfðust
þess að flokkurinn hætti að tengja
anga sína inn í öryggisþjónustuna
og innanríkisráðuneytið.
Bréfið var birt þegar KGB- foringi,
sem rekinn hafði verið úr starfi,
höfðaði mál á hendur fyrrum yfir-
mönnum sínum og ráðamönnum í
Kreml fyrir að svipta hann eftirlaun-
um og orðum í hefndarskyni fyrir að
hann hefur verið óragur við að
gagnrýna leyniþjónustuna.
Oleg Kalugin, sem kosinn var á
þing í síðasta mánuði, ásakaði KGB
um að beita aðferðum í anda Stalíns
til að smjúga inn í allar þjóðfélags-
stéttir og vinna gegn lýðræðisöflum.
Hópur varaþingmanna hefur farið
fram á sjálfstæða rannsókn á því
hvort aðgerðir KGB byggist á lögum
eða hvort stjórn hennar sé algerlega
sjálfstæð.
í viðtali, sem birtist í Rauðu stjörn-
unni í gær, sagði yfirmaður landa-
mæragæslu KGB að þeir hefðu í
hyggju að reyna fremur að sporna
við hryðjuverkum og eiturlyfja-
smygli í stað þess að hindra ferðir
manna yfir landamærin.
KGB ber ábyrgð á landamæragæslu
ríkisins. Fyrr á þessu ári voru verðir
ofurliði bornir þegar mótmælendur
flykktust yfir landamærin til írans
og eyðilögðu varðstöðvar.
Andi Stalíns er sagður vera
á sveimi innan KGB.
Loch Ness
skrímslið
lætur ekki
sjá sig
Síðastliðinn sunnudag fór fram
enn ein leitin að sönnunum fyr-
ir tilvist skrímslisins í Loch
Ness. Notuð var neðansjávarrat-
sjá af nýjustu og bestu gerð og
reynt var að lokka skrímslið
fram með því að egna fyrir það
með skoskum blóðmör, en allt
kom fyrir ekki.
William Hill útgáfuíyrirtækið
hefur heitið 250.000 sterlings-
pundum í verðlaun til handa
þeim sem getur komið með
órækar sannanir fyrir tilvist
skrímslisins. Þau verðlaun eru
ennþá í boði.
Skoskur leitarhópur fékk 1.500
pund eftir að neðansjávarratsjá
hans hafði orðið vör við átta
metra langt óþekkt fyrirbæri í
vatninu.
„Það eiga sér stað undarlegir
hlutir í Loch Ness,“ sagði Iain
Bishop hjá Náttúrugripasafninu
í Lundúnum.
Formaður eins leitarflokksins,
sem nefnir sig Albrjálaða
skrímslahópinn, reyndi að lokka
skrímslið fram með því að beita
fyrir það með haggis, skoskum
blóðmör sem búinn er til úr
haframjöli, innyflum og blóði,
sem saumað er inn í vömb, en
án árangurs.
Benazir Bhutto hefur veríö kærð fyrir misnotkun á almannafé og nú hef-
ur eiginmaöur hennar veríð handtekinn.
Pakistan:
Eiginmaður Benazir
Bhutto handtekinn
Lögreglan í Pakistan handtók í gær
Asif Ali Zardari, eiginmann Benazir
Bhutto, fyrrum forsætisráðherra.
Zardari var handtekinn fyrir að
vera flæktur í fjárkúgun gagnvart
kaupsýslumanni. Engar frekari upp-
Iýsingar um málið hafa fengist að
svo stöddu.
Benazir Bhutto lýsti þegar yfir van-
þóknun sinni á handtökunni og
sagði málið vera tilbúning lögregl-
unnar.
„Pakistanski þjóðarflokkurinn er
ofsóttur á öllum vi'gstöðvum," sagði
einn talsmanna flokksins.
Bhutto og félagar hennar eiga yfir
höfði sér kærur fyrir misnotkun á
almannafé þá 20 mánuði sem stjórn
hennar sat að völdum. Flokkurinn
harðneitar slíkum ásökunum.
Gulam Ishaq Khan forseti setti
stjórnina af 6. ágúst sl. og leysti upp
þingið og fyrirskipaði kosningar 24.
október.
Ef kærurnar á hendur Bhutto verða
teknar fyrir dómstóla kann það að
koma í veg fyrir þátttöku hennar í
kosningunum.
Zardari, sem er kaupsýslumaður og
pólóleikari, hefur verið undir smásjá
yfirvalda frá því að konu hans var
vikið úr stóli forsætisráðherra.
Áður höfðu verið gefnar út kærur á
hendur honum fyrir brot á pakist-
önskum bankalögum, en ekki er vit-
að hvort handtakan tengist þeim.
Zardari og Bhutto giftust árið 1987
og eiga tvö börn.
Persaflóadeilan:
a að raða?
Hver
Yfirlýsing tveggja arabískra herfor-
ingja við Persaflóa um að herir
þeirri muni ekki taka þátt í árásum
á íraka hefur varpað ljósi á óvissu-
þætti varðandi stjórn þeirra
300.000 hermanna sem safnað hef-
ur verið saman við Persaflóa frá
vestrænum og arabískum ríkjum.
Hvað gerist ef skothríð hefst á
svæðinu milli íraka annars vegar og
samsafnaðs herafla í lofti, láði og
legi frá BNA og meira en tylft ann-
arra vestrænna og arabískra þjóða?
Hver mun stjórna þeim herafla
sem beint verður gegn Saddam
Hussein? Hljóðar skipunin um að
verja Saúdí- Arabíu eða verða vest-
rænar og arabískar hersveitir send-
ar inn í Irak og Kúvæt til að hrekja
burt hundruð þúsunda íraskra her-
manna?
Bandarískir varnarmálasérfræð-
ingar eru sammála um að líkurnar á
skyndiárásum inn í Kúvæt og írak á
næstunni séu litlar.
En þeir spyrja hvernig samræma
megi aðgerðir þeirra afla sem sam-
einast hafa gegn írökum. Ráða-
menn í Pentagon hafa haldið því
fram að auðvelt verði að samhæfa
liðsstyrkinn.
Aðrir sérfræðingar hafa vísað til
þeirra ummæla stjórnenda 14.000
egypskra hermanna og 4.000 sýr-
lenskra, að hlutverk þeirra á svæð-
inu væri að vernda Saúdí-Arabíu en
ekki að taka þátt í árásum á írak.
Bandaríkjamenn eru með yfir
175.000 hermenn á svæðinu og eru
langstærsti aðilinn í liðssafnaðin-
um. Þar eru einnig eða verða bráð-
lega yfir 100.000 saúdí- arabískir
hermenn, 16.000 frá Bretlandi,
4.500 frá Frakklandi, 6.000 frá Mar-
okkó, 5.000 frá Pakistan og Bangla
Desh og tugir skipa og flugvéla frá
hinum ýmsu löndum.
Bandaríski heraflinn er undir
stjórn Norman Schwarzkopf herfor-
ingja en hann hefur frá upphafi átt í
viðræðum við Saúdí- Araba um
samræmda hertækni.
Varnarmálaráðherra Bretlands átti
fund með varnarmálaráðherra
Bandaríkjanna og sagði að honum
loknum að ef-til átaka kæmi yrði
breski heraflinn settur undir stjórn
Bandaríkjanna, en breskir yfirmenn
bæru ábyrgð gagnvart breskum yf-
irvöldum.
FRÉTTAYFIRLIT
ir■ wWmm i ■ m nnLi ■
SAMEINUÐU ÞJÓÐIRNAR
- Breskir fulltrúar reyna að
bnúa bilið á milli BNA og PLO
varðandi yflríýsingu um for-
dæmingu á morðunum í Jerú-
salem.
JERÚSALEM - (sraelska
lögreglan ver morðin á 21 ar-
aba í Jerúsalem en hefur þó
fýrirskipað rannsókn á þessu
versta blóðbaði síðan 1967.
NIKOSÍA - Hótanir íraka í
garð fsraela hafa hleypt af
stað veröhækkunum á olíu, en
verð á henni hefur nú slegið öll
met
JERÚSALEM - Hundruö
ungra og reiðra araba kasta
grjótl, brenna bíldekk og reisa
vegartálma í áframhaldandi
mótmælum vegna drápanna á
Musterishæð.
WASHINGTON - Hæstirétt-
ur Bandaríkjanna hefur nú til
meðferðar eitt helsta jafnréttis-
mál síðarí ára. Það flallar um
hvort atvinnurekendur geti
þvingaö konur á bameigna-
aldri til að vinna störf sem geta
haft í för með sér hættu fyrir
fóstur.
BONN - Þýskaland fékk að
kenna á hverju njósnara-
hneykslínu á fætur öðru á tím-
um kafda stríðsins. Enn er eitt
slíkt í uppsiglingu, en tveir
starfsmenn leyniþjónustunnar
hafa verið handteknir, grunað-
ir um aö hafa njósnaö fyrir A-
Þýskaland meðan það var og
hét
BONN - Þjóðverjar verða aö
grípa til róttækra ráða til aö
stöðva flóttamannastraum frá
þriðja hetminum. Flóttamenn
hafa notfært sér göt á þýskum
lögum um móttöku flótta-
manna til að leita betra lífs í
vestri.
VARSJÁ - Innanríkísráð-
herra Póllands heldur því fram
að útsendarar Pólverja undir
stjóm kommúnista hafi framið
rán og árásir eríendis. Stálu
þeir miklu magni af gulli og
skartgrípum sem síöan var
skipt á milli leynilögreglu-
manna.