Tíminn - 15.11.1990, Blaðsíða 20

Æk ■ ■ áT* ■ 'mjríBM m c* ímm jm _ ÆZ:4&r%ér%ár%«9 O COC^IAA
Ljb LY 55 INI iVI^VK ■ ■ 4x
RÍKISSKIP
NUTIMA FLUTNINGAR
Hafnarhusmu v Tryggvagofu.
S 28822
SA
Líby
SAMVINNUBANKINN
I BYGGÐUM LANDSINS
Réttur bíll á
réttum stað.
Ingvar
Helgason hf.
Sævartiöföa 2
Sími 91-674000
9
I iniinn
FIMMTUDAGUR15. NÓVEMBER1990
llla innrættir menn á ferð í miðborg
Reykjavíkur í fyrrakvöld komu lögregl-
unni nauðugri viljugri á „gæsaveiðar":
RUSLI
Ein gæsanna sem halda sig við
Tjörnina í Reykjavík komst heldur
betur í hann krappan í fyrrakvöld.
Illa innrættir einstaklingar tróðu
henni ofan í ruslatunnu, en þar
urðu vegfarendur hennar varir og
kölluðu til lögreglu sem bjargaði
henni upp úr tunnunni.
Rúnar Marvinsson, veitingamaður
á Veitingahúsinu við Tjörnina, og
kona hans, Sigríður Auðunsdóttir,
fundu gæsina og kölluðu til lög-
reglu. Aðspurð sagði Sigríður að
þeim hefði brugðið þegar þau hefðu
séð gæsina í tunnunni. „Okkur
fannst hálf ömurlegt að sjá litla
greyið þarna í tunnunni. Við reynd-
um að losa hana sjálf, en það gekk
ekki og því hringdum við í lögregl-
una og hún kom strax," sagði Sigríð-
ur. „Við vorum á heimleið um klukk-
an tólf á þriðjudagskvöldið og sáum
þá gæsina. Hún var voðalega hrædd
og hvæsti áokkur.“ Sigríður sagði að
það væri alveg ljóst að einhver hefði
troðið gæsinni þarna ofan í
tunnuna, því það væri ekki mögu-
leiki að hún hefði komist þangað af
sjálfsdáðum. Hún sagði að þau hjón-
in hefðu aldrei séð neitt í líkingu við
þetta þarna við Tjörnina, þó þau
hefðu einstaka sinnum séð væng-
brotna fugla. „Maöur reynir að gera
sitt besta til að hjálpa þessum fugl-
um þegar þeir eiga í vandræðum,"
sagði Sigríður.
Misþyrmingar á dýrum heyra sem
betur fer til undantekninga hér á
Iandi. Þó berast fréttir af og til af því
og síðast um helgina var ketti lamið
utan í vegg í Breiðholti með þeim af-
leiðingum að hann drapst. Það mál
er til rannsóknar hjá rannsóknar-
deild lögreglunnar í Reykjavík.
Ómar Smári Ármannsson aðstoðar-
yfirlögregluþjónn sagði að misþyrm-
ingar á dýrum væru ekki algengar,
en kæmu fyrir af og til. Hann sagði
ekkert benda til þess að þetta væri að
aukast, en þeir hefðu hins vegar ekki
góða yfirsýn yfir það, þar sem þetta
væri í hverfandi fáum tilfellum til-
kynnt lögreglu. Hann sagði að á tíu
fyrstu mánuðum þessa árs hefðu
komið 139 tilkynningar til þeirra
vegna mála sem lúta að dýrum. „í
langflestum tilfellum er um að ræða
særða ketti sem ekið hefur verið á.“
Allt árið í fyrra voru 117 tilvik til-
kynnt til lögreglu, þannig að um
einhverja aukningu er að ræða.
Ómar sagði að í langfæstum tilfell-
um væri um misþyrmingar að ræða,
oftast væru þetta veikindi eða slys.
Hann sagði að skoða þyrfti vel hug-
arfar þeirra manna sem dytti í hug
að framkvæma verknað eins og þann
sem framinn var í Breiðholti eða
niðri við Tjörnina. „Meðferð eins og
á gæsinni er óeðlileg og það er eng-
in spurning að þetta er óeðlilegt at-
hæfi sem þarf að sjá til að endurtaki
sig ekki. Ég held að þetta hljóti að
hafa verið gert í óvitaskap og fífla-
gangi en sú ánægja sem viðkomandi
fær út úr því, bitnar á dýrinu og
menn þurfa að átta sig á því,“ sagði
Ómar Smári. Hann sagðist beina því
til fólks, sem hugsanlega hefði séð
til þeirra sem tróðu gæsinni ofan í
tunnuna, að snúa sér til lögreglunn-
ar.
Ævar Petersen, fuglafræðingur hjá
Náttúrufræðistofnun, sagði að hann
hefði aldrei fengið fugl til sín sem
hefði verið vísvitandi misþyrmt af
mannavöldum. Hann sagði að það
kæmu upp svona tilfelli, en væru
mjög sjaldgæf. „Hins vegar lenda
fuglar oft í sjálfheldu sem hægt er að
rekja til mannsins. Net eða jafnvel
plasthringirnir, sem notaðir eru til
að halda sex dósum saman, geta ver-
ið fuglunum skæðir. Fuglar hafa far-
ið í þetta og ekki getað náð því af sér.
Það er ýmislegt svona sem óbeint er
tengt manninum sem er dýrum
hættulegt," sagði Ævar. —SE
Tilkynnmg fra
lögreglunni
Laugardaginn 3. þessa mánaðar
var tilkynnt til lögreglunnar í
Reykjavík um Cunnlaug Pálma-
son, sem farið hefði að heiman
frá sér þriðjudaginn 30. okt. s.I.
og ætlaði að koma heim aftur síð-
ar sama dag.
Hafín var leit að Gunnlaugi og
m.a. lýst eftir honum í fjölmiðl-
um. Mánudaginn 5. nóv. hafði
Gunnlaugur símasamband heim
til sfn og sagðist þá vera úti á
landi og koma heim daginn eftir.
Ekkert hefur heyrst eða spurst af
ferðum Gunnlaugs eftir það og
biður lögreglan alla þá sem gefíð
geta upplýsingar um málið áð
hafa samband. Gunnlaugur
Páimason er 38 ára, meðalmaður
á hæð, þéttvaxinn, skeggjaður og
með há kollvik.
(Fréttatilkynning)
Lögregluþjónamir Óskar Bjartmarz og Slguröur Pétursson mættir til hjálpar. Rúnar Marvinsson fylgist grannt
með.
„Komdu nú, kæra vina, ég skal bjarga málunum," gæti Sigurður allt elns verið að segja við gæsina.
Gæsin loks í öruggum höndum Sigurðar Péturssonar. Gæsinni varð ekki meint af dvölinni í tunnunni og má
það kallast mikil mildi. Timamyndir Pjetur