Tíminn - 19.12.1990, Blaðsíða 8

8 Tíminn
Miðvikudagur 19. desember 1990
Sjálfsbjörg vill bætta
heimilisþjónustu fatlaðra
Sameiginlegur fundur milliþinga-
nefnda og framkvæmdastjómar
Sjálfsbjargar, landssambands fatl-
aðra, haldinn í Sjálfsbjargarhúsinu
dagana 23. og 24. nóvember, 1990
skorar á ríkisstjómina að standa við
ákvæði í málefnasamningi sínum um
að bæta heimilisþjónustu við fatlaða
sem og að treysta fjárhagsgrundvöll
Framkvæmdasjóðs fatlaðra.
Fleiri ályktanir voru gerðar á fund-
inum, m.a. mótmælti fundurinn nið-
urfellingu á bensínstyrk til þeirra
hreyfihamlaðra sem dvelja á stofnun-
um og hafa einungis vasapeninga til
ráðstöfunar. Fundurinn lagði áherslu
á að fmmvarp til laga um félagsþjón-
ustu sveitarfélaga verði samþykkt á
yfirstandandi Alþingi.
Þá vildi fúndurinn beina því til
svæðisstjóma um málefni fatlaðra að
þær ræki lagaskyldur sínar þannig að
þörfum hreyfihamlaðra verði sinnt
betur og markvissar. Einnig var skor-
að á félagsmálaráðherra að endur-
skipa Samstarfsnefnd um ferlimál
fatlaðra á vegum félagsmálaráðu-
neytisins m.a. með þátttöku fulltrúa
Sjálfsbjargar, Arkitektafélags íslands
og samtaka byggingarfulltrúa og
byggingarmanna. Jafnframt telur
Sjálfsbjörg að það sé skilyrði fyrir
þróttmiklu starfi nefndarinnar að
ráðinn verði viðabótarstarfsmaður í
fullt starf.
Þá var því fagnað á fundinum að nú
sér loks fyrir endann á endurskoðun
laga um almannatryggingar. En sú
niðurstaða fékkst á fúndinum að
hlutverk almannatrygginga sé og
eigi að vera að jafna aðstöðu og kjör
þegna og tryggja mannsæmandi Iíf-
eyri þeim sem ekki geta unnið vegna
fötlunar eða aldurs. khg.
Þorsteinn Geirsson á Reyðará
í Lóni hefur gefið út sína
fyrstu bók og ber hún nafnið
„Gamla hugljúfa sveit“. Bókin
geymir sagnir Þorsteins og
nokkurra annarra höfunda úr
Lóni af fólki í sveitinni og er
farið sem leið liggur frá Hval-
nesi að Firði og rakin helstu
æviatriði hjóna og einstaklinga
á flestum bæjum. Þá eru einn-
ig í bókinni þættir um atburði
og mennlngu í sveitinni. Þor-
steinn hefur um nokkurt skeið
aflað efnis í bókina og á drjúgt
afgangs. Bókin fæst hjá höf-
undi og í Bókabúð KASK á
Höfn.
Mannlíf í
Aðalvík
Gunnar Friðriksson, fyrrverandi
forseti Slysavarnafélags íslands, hef-
ur sent frá sér bókina „Mannlíf í Að-
alvík og fleiri minningabrot". Höf-
undur hefur um árabil verið einn
umsvifamesti véla- og skipainnflytj-
andi landsins ásamt því að fást við
margvísleg félagsmálastörf.
Mannlíf í Aðalvík og fleiri minn-
ingabrot er persónusaga Gunnars
sjálfs og hans vensla- og samstarfs-
manna. í fréttatilkynningunni með
bókinni segir að að hér sé komin
kærkomin ábending til sögu- og átt-
hagafélaganna á Vestfjörðum og
nauðsynleg sem upplýsing um fólk-
ið sem byggði þau norðlægu héruð
Vestfjarða sem nú eru auðnin ein.
Því mætti vel kalla bók Gunnars
brot úr héraðssögu Aðalvíkursveitar.
manntali 1. des. 1989 eru 253.500
og miðað við meðaltal á Dalvík væri
pappírsúrgangurinn á landsvísu á
viku hverri 545 tonn og á ársgrund-
velli 28.341.300 tonn.
hiá-akureyri.
LÖGREGLUBILL TIL REYNSLU. Lögreglan í Reykjavík hefur nú til reynslu sérútbúin lögreglubíl frá
sænsku Volvo verksmiðjunum. Bíllinn er með annarri gerð af vél, öðruvísi aftursæti og ABS bremsukerfi, sem
kynnt var hér á landi í vor. Sumir lögreglubílar eru keyrðir um 10 þúsund kílómetra á mánuði og því þurfa þeir
grípir að vera nokkuð traustir. Bíllinn verður til reynslu hjá lögreglunni í Reykjavík ftam í miðjan janúar, en fér
síðan sennilega til kynningar í öðrum umdæmum. Tfmamynd; Pjetur
Minnst aldarafmælis
Eyrarbakkakirkju
Þriðja sunnudag í aðventu árið
1890, er bar upp á 14. desember,
kom séra Hallgrímur Sveinsson
biskup austur á Eyrarbakka og
vígði hina nýju kirkju, sem reist
hafði verið af miklum stórhug. Nú,
100 árum síðar, bar 14. desember
upp á föstudag og var þessara
tímamóta minnst hátíðlega í Eyr-
arbakkakirkju með fjölbreyttri
dagskrá. Kirkjumálaráðherra, Óli
Þ. Guðbjartsson, ávarpaði gesti, sr.
Magnús Guðjónsson biskupsritari
flutti þætti úr sögu kirkjunnar og
Sólveig Hjálmarsdóttir söng ein-
söng við undirleik Bjarna Jónat-
anssonar.
Kór Fjölbrautaskóla Suðurlands
undir stjórn Jóns Inga Sigur-
mundssonar söng. Þá söng einnig
kirkjukór Eyrarbakkakirkju sömu
sálma og sungnir voru við vígslu-
athöfnina árið 1890, undir stjórn
Rutar Magnúsdóttur sem einnig
lék á orgel. Þá lék Haukur Guð-
laugsson, söngmálastjóri kirkj-
unnar, á orgel og Bjarni Jónatans-
son á píanó. Þeir Guðjón Magnús-
son og Guðlaugur Hauksson léku á
fiðlu og Gísli Ferdinandsson á
flautu. Þá léku nokkrir nemendur
úr Tónskóla Árnessýslu á píanó.
Sérsamin skemmtidagskrá:
Nýársveisla
Hótel Sögu
1 ár verður haldin nýársveisla að
Hótel Sögu eins og undanfarin ár.
Hátíðarveislan verður haldin í
Súlnasal og verður þar mikið um
dýrðir.
Ræðumaður kvöldsins er Davíð
Oddsson borgarstjóri. Gleðigjafar
verða leikararnir Egill Ólafsson,
Edda Heiðrún Backman, Ása Hlín
Svavarsdóttir og Jóhann Sigurðs-
son en undirleikari þeirra er Jó-
hann G. Þau syngja og bregða á
leik og verða auk þess með sam-
fellda skemmtidagskrá sem er sér-
staklega samin af þessu tilefni.
Hljómsveitin Einsdæmi leikur síð-
an fyrir dansi undir stjórn Gylfa
Gunnarssonar.
Ljúffengur hátíðarmatseðill verð-
ur á boðstólum. Aðgangur gesta er
takmarkaður, því vill Hótel Saga
minna gesti á að panta tímanlega.
Dr. Helgi Pjeturs
Nýalsrit
dr. Helga gefin
út að nýju
Skákprent er nú, í samvinnu við
Félag nýalssinna að gefa út ritverk
dr. Helga Pjeturs. (1872-1949) í sex
bindum, en þau eru annar svegar
Nýalsritin: Nýall sem er 1. bindi, En-
nýall og Framnýall í 2. bindi, Viðný-
all og Sannýall í 3. bindi og Þónýall í
4. bindi. Og hins vegar önnur rit dr.
Helga, en tvö bindi úr þeim flokki
eru í þessari útgáfu: 5. bindi, Valdar
ritgerðir (1901-1918) og 6. bindi,
Valdar ritgerðir (1922- 1948).
Þessi sex bindi verða ekki í bóka-
verslunum á næstunni, en þeim
sem hafa áhuga gefst kostur á að fá
þau á sérstöku verði með því að festa
pantanir og geta þeir haft samband
við útgefandann, Skákprent (Tíma-
ritið Skák) eða Félag nýalssinna.
Einnig mun vera ætlunin að fram-
hald verði á útgáfu verka dr. Helga.
Könnun nema í Dalvíkurskóla:
Fleygjum við 28
milljón tonnum
af pappír á ári?
Á umhverfisviku sem haldin var í
Dalvíkurskóla fyrir skömmu, könn-
uðu nemendur m.a. hversu mikill
úrgangspappír félli til í kaupstaðn-
um. í eina viku var öllum pappírsúr-
gangi frá heimilum og fyrirtækjum
á Dalvík safnað saman. í vikulokin
var síðan afraksturinn vigtaður og
reyndist hann vera 3.139 kg. Sam-
kvæmt því hendir hver íbúi Dalvíkur
um 2,15 kg af pappír á viku og papp-
írsúrgangur Dalvíkinga á ári er um
163,2 tonn.
Ef miðað er við svipað meðaltal á
Akureyri, þar sem íbúar eru um
14.100, er pappírsúrgangurinn á ári
um 458 tonn. í Reykjavík með
96.700 íbúa er úrgangurinn á viku
um207tonn ogáárium 10.811.060
tonn. íbúar á íslandi samkvæmt