Tíminn - 20.12.1990, Blaðsíða 3
Fimmtudagur 20. desember 1990
Tíminn 3
Lögregluþjónar í
stærstu stórmörkuð-
unum um jólin:
Jólainnkaup
gerð undir
eftirliti
Eins og margir gestir stærstu
stórmarkaðanna hafa tekið eftir að
undanförnu, fylgjast vökul augu
réttvísinnar með flestu sem þar fer
fram. Tveir til þrír Iögreglumenn
hafa síðustu daga labbað um í
Kringlunni, Miklagarði við Sund og
í verslanamiðstöðinni í Mjódd í
Breiðholti og verið borgurum þar til
halds og trausts.
Að sögn lögreglunnar er hér ekki
um nýbreytni að ræða því lögreglu-
menn voru í nokkrum stórmörkuð-
um um síðustu jól. Að vísu eru þeir
nú stærri part úr deginum þar og
hefur það mælst vel fyrir. Hlutverk
þeirra er að vera borgurunum til að-
stoðar ef eitthvað bjátar á og taka
skýrslur af þeim, sem staðnir eru að
búðahnupli, en alltaf er mikið um
það. Að sögn Magnúsar Pálssonar,
öryggisstjóra í Kringlunni, hefur
samstarfíð við Iögregluna verið með
miklum ágætum. Hann sagði að
það hefði verið að frumkvæði lög-
reglunnar sem lögregluþjónarnir
komu í stórmarkaðina. Hann sagði
að gífurlegur fjöldi af fólki kæmi í
Kringluna og ef eitthvað bjátaði á
væri fljótlegt að kalla til lögregluna.
„Þeir eru bæði í göngugötunni og
fyrir utan og vinna með okkur að
öllu því sem upp kemur, hvort sem
það er úti eða inni. Það sem fyrst og
fremst fyrir þeim og okkur vakir er
að láta allt ganga snurðulaust fyrir
sig“, sagði Magnús. Hann sagði að
þetta hefði reynst mjög vel í alla
staði. —SE
Sjóslys á ísaljarð-
ardjúpi:
Tveggja
saknað
Leit stóð yfir í allan gærdag af
tveimur mönnum sem týndust
af bátnum Hauk ÍS 195 á ísa-
fjarðardjúpi í fyrradag. Leit hafði
ekki borið árangur í gærkvöld.
Haukur ÍS, sem er 20 tonna
trébátur frá Bolungarvík, fór á
veiðar um hádegisbilið í fyrra-
dag. Um kvöldmatarleytið sama
dag sást báturinn hringsóla á
djúpinu og kom þá í ljós að
mennirnir tveir voru ekki um
borð. Slæmt veður var um það
leyti og er talið að brot hafi
gengið yfir bátinn og hrifið
mennina með sér. Víðtæk leit
hófst strax og fréttist af slysinu
og hélt hún áfram í gær. Margir
bátar taka þátt í leitinni ásamt
Óðni, varðskipi Landhelgisgæsl-
unnar og þyrlu frá danska varð-
skipinu Vædderen. Slysavarnar-
félög hafa gengið fjörur. Menn-
irnir sem saknað er heita Vagn
Margeir Hrólfsson, 52 ára gam-
all, kvæntur og sjö barna faðir
og Gunnar Svavarsson, rétt tæp-
lega tvítugur, kvæntur en barn-
laus. Gunnar er tengdasonur
Vagns. —SE
Jólablað í dag
Við viljum vekja athygli lesenda á
sérstöku jólablaði sem fylgir Tíman-
um í dag. í því blaði er hin vinsæja
jólakrossgáta sem er verðlauna-
krossgáta þar sem veitt verða 5.000
kr. peningaverðlaun. Góða skemmt-
un!
\\\va\w
t\\ ió\as\afa
fyrir
i/el útbúinn vinnuhestur
námsmanninn sem velur gæöi og gott verð.
VERÐ AÐEfNS KR. 21.755,-staðgr.
Komdu við hjá okkur eða hringdu og
fáðu frekari upplýsingar, það borgarsig örugglega.
EinarJ. Skúlasonhf.
Grensásvegi 10, sími 686933
UMBOÐSMENN UM LAND ALLT
Jólahangikjötið
sem mælt er með,
bragðgott og ilmandi
KEA hangikjötið er allt 1. flokks.
hað er meðhöndlað samkvæmt norðlenskri hefð af
færustu kjötiðnaðarmönnum.
Bragðgott og ilmandi uppfyllir KEA hangikjötið
óskir þínar um ánægjulegt jólaborðhald.